التعالي الجندري علينا في رابعة النهار

04:47 AM November, 02 2020

سودانيز اون لاين
زهير عثمان حمد-السودان الخرطوم
مكتبتى
رابط مختصر

إرشادات عامة للمتزوجات او المقبلات علي الزواج :

- الراجل ما بسالوهو تاكل شنو!؟ لانو بياكل اي شئ ماعدا الجمكسين وسم الفار.

- ما تساليهو ماشي وين ولا جاي من وين.
- مافي راجل بفرق بين العطور او الوان المنكير ولا حتي الوان تيابك فما تزعلي المسألة ما شخصيه معاك دي حالة عامة.

- باجماع الفقهاء ما بحب السوق، وممكن يتحمل مشقة سفر مشي من الخرطوم لنيالا ولا يمشي السوق.

- مستعد يلحس مكوة حارة وما يشرح ليك حاصل شنو في مبارة كرة قدم.

- ما تعتمدي عليه يصحي بالمنبة طوالي، لانو ٩٩% من الرجال بنومو علي امل انهم ما يصحو.

- لما يكون نايم بالنهار ما تحاولي تصحيه الا اذا في شئ خطير حاصل زي اقتراب نيزك من الأرض او غزو للمخلوقات الفضائية.

- اغلب الرجال بكونو خرص في البيت وماحيسمعك وانت بتتكلمي لكن بحرك راسو لزوم هو معاك.

- البساعد في اعمال البيت دة كائن معدل وراثياً حافظي عليه.😂

- ما تساليهو ماشي وين ولا جاي من وين.

- يوم العطلة ممكن تعتبريه يوم لاكتشاف الذات داخل جدران المنزل فما تقولي ليه ارح نطلع.

- لما يكون برا البيت مع اصحابو مافي داعي للتلفونات الكتيرة لانو دة سبب اساسي لانو يبدا يكذب عليك .

-مافي راجل بقول لمرتو انت حلوة الا اذا عامل مصيبة خلي بالك😂.

-ما تحاولي تحركي غيرتو باولاد اهلك الكانو عاوزنك لانو في اللحظة دي هو بكون بفكر هل ممكن اولاد اهلك يشيلوك اسي ويعوضوه بتلفون سامسونج.😂

-بتابع نشرات الطقس ما عشان الطقس اقسم بالله لكن بعاين لتنورة المذيعة.

- الراجل البهاتي بانو داير يعرس فيك ما بعرس، الله يكفيك شر الكتامي داك.

-مافي راجل ما بعاين دي حالة طبيعية حتي ضكر البط بعاين.

- ما تساليهو ماشي وين وجاي من وين.

- اغلب الرجال خاشين صناديق وصرفات بدون ما
انتي تعرفي😁

- اكتر كلمة بكرها الراجل "ارح وصِّلنا".

- غالبا ما حيهتم بمشاكل صحباتك وبنات اهلك فما تضيعي زمنك في الحاجة دي.

يعتبر الرجل من كائنات الزومبي والحياة دي عندو اكل ومرعي فاستحمليهو لحدي ربنا ياخد امانتو

منقول بي ضبانتو
وملطوشة من صفحة الصديق مايكل كريستوفر 😂

كدا ي أبو الزهور بتهيج المنصة
،،،،








عزالدين عباس الفحل
ابوظبي

يا ود الفحل

في البداية لك التحية والاجلال
بنات حواء ديل والله قدر ما نقول قوارير ورقيقات وأحسن المعايشة بالسلام معهن
ما بخلونا عديل كدا!!!
لك ودي