Post: #1
Title: شكلة قوية بين حبشي ومصري في الجريف بسبب سد النهضة
Author: Osman Musa
Date: 11-02-2020, 09:21 AM
08:21 AM November, 02 2020 سودانيز اون لاين
Osman Musa-
مكتبتى
رابط مختصر
المصري بائع ملايات متجول في مناطق الخرطوم الشرقية .
وعلى التعترو جابو الفطور لي المطعم الشغال فيه الحبشي.
الحبشي رفض يخدم المصري بسبب مشاكل سد النهضة .
والمصري المسكين لا جايب خبر للسد ولا فاهم حاجة عن
الحبشة .
المصري سالو : انت بتاول ايه .
الحبشي قالو : انت يا مسري . حكومة مسري قال نهضة سد ممكن قد.
وهاك يا عيطة.
على كل حال حنكون في النص حجازين. وفي كل الحالات خسرانيين.
تابعوا معانا الشكلة.
|
Post: #2
Title: Re: شكلة قوية بين حبشي ومصري في الجريف بسبب س�
Author: ياسر السر
Date: 11-02-2020, 10:34 AM
Parent: #1
يا ريت اذا عندنا وطنية زي الحبشي ده يا عثمان كان بنينا وطنا براااانا ...
تحياتي : ياسر العيلفون ......
|
Post: #3
Title: Re: شكلة قوية بين حبشي ومصري في الجريف بسبب س�
Author: اخلاص عبدالرحمن المشرف
Date: 11-02-2020, 11:04 AM
Parent: #2
السلام عليكم
مصر لن تحارب الا اعلامياً
هي الان تهوش بس المشكلة ان اثيوبيا مختلفة
ببساطة ممكن رد فعل اثيوبيا يكون قوي جداً.
وتتصلب اكثر في المحادثات وهذا ليس في مصلحة
مصر المفاوض الاثيوبي يجيد حصد النقاط
|
Post: #6
Title: Re: شكلة قوية بين حبشي ومصري في الجريف بسبب س�
Author: Osman Musa
Date: 11-02-2020, 12:02 PM
Parent: #3
د. المشرف
سلام
دي المناظر . فيلم موقعة الجريف . فيلم اكشن رهيب .
|
Post: #4
Title: Re: شكلة قوية بين حبشي ومصري في الجريف بسبب س�
Author: Osman Musa
Date: 11-02-2020, 11:21 AM
Parent: #2
أخونا ياسر زول العيلفون الجميل
ياخ ليك التحية
والبركة فيكم في د. كمال النور سوار الذهب.
له الرحمة .
عان : الحبشي الجرسون طلع ملاكم وكمان ملاكم heavyweight
معط ليك ابن النيل في الدقيقة 2 من الجولة الأولي.
لكن المسري مو ساهل . وخطير في الزوبعة.
الحمد لله اهو السوداني دايما مصيرو مصير الحجاز البياخد النوك داوون.
|
Post: #5
Title: Re: شكلة قوية بين حبشي ومصري في الجريف بسبب س�
Author: Abureesh
Date: 11-02-2020, 11:56 AM
Parent: #4
| Quote: المصري بائع ملايات متجول في مناطق الخرطوم الشرقية . |
نامت نواطير السودان عن ثعالبها..
|
Post: #7
Title: Re: شكلة قوية بين حبشي ومصري في الجريف بسبب س�
Author: ياسر السر
Date: 11-02-2020, 12:31 PM
Parent: #5
Quote: ياخ ليك التحية
والبركة فيكم في د. كمال النور سوار الذهب.
له الرحمة . |
البركة في الجميع اخوي عثمان فقد كبير نسال الله ان يتقبله قبولا حسنا وان يلهم الاسرة وكل الاهل وكل معارفه واصدقاءه الصبر الجميل ..
شكر الله سعيك وجزاك الله خير ..
تحياتي : ياسر العيلفون
|
Post: #8
Title: Re: شكلة قوية بين حبشي ومصري في الجريف بسبب س�
Author: Osman Musa
Date: 11-02-2020, 01:06 PM
Parent: #5
مرحب أخونا ابوالريش في حلبة الحياد
|
Post: #9
Title: Re: شكلة قوية بين حبشي ومصري في الجريف بسبب س�
Author: Bashasha
Date: 11-02-2020, 04:45 PM
Parent: #8
اب عفان،
علينا جميعا كسودانيين، ان نعلم، كيف اي مصري حايم في السودان هو مشروع عميل مخابرات مصرية!
معروف للكل وكما عبر عن ذلك رافع الطهطاوي، المصري لايمكن يفكر في العيش في السودان!!
البقطع انياط القلب، هو السذاجة، الغباء، العبط البنتعامل بيهو مع المصري كسودانيين!
المصري يظل اكثر شعوب الارض احتقار واذدراء لشخصية السوداني لاسباب محددة لم تتوفر للاخرين!
عبر القرون المصري تعود يبيع او يشتري السوداني، بالاقة والكيلو، كما كرشة الخنذير!
انا شفتا بي عيوني ولاكثر من مرة، كيف المصري، يكره، يحتقر، ويبصق في وجه ادمية النوبي، اللي بكتفي بالصمت كرد علي تعدي المصري عليهو من دون سب، بحكم رعب القرون العاشو هذا النوبي، اللي مافي مخلوق من اهلو في السودان جايب خبرو اطلاقا!
كنتا باستمرار بشتبك معاهم متي ماذرت ارض اجدادي، او مرة الموضوع تحول الي مظاهرة في الاسكندرية!
نعم اتلمو علي كتار جدا جدا، اكورك او هم يكوركو، باعلي صوت والكلام ده في الثمانينات!
نعم كانو بشتمو فيني او بسخرو مني كسوداني لايسوي شئ في نظرم وانا بردم فيهم، براي!
غايتو جنس شلاقة مني!!
عندي ود عمي كان بقرا هناك، او هو زول بتاع دقش صاح، وانا زول مسالم بطبعي!
يومي كان بكون مدورا دقش مع 7، 8 مصريين!!
هم طبعا بخافو جدا لما تدور!!!
|
Post: #10
Title: Re: شكلة قوية بين حبشي ومصري في الجريف بسبب س�
Author: Osman Musa
Date: 11-03-2020, 06:41 AM
Parent: #9
الأخ أستاذ بشاشا
شالوم
عندهم اعتقاد قوي انو هم أصحاب اوتاد كتيرة في بلدنا .
اوتاد في قناة جونقلي . اوتاد في جبل الاولياء اوتاد في سنكات
وحلفاء ومنطقة جامعة القاهرة وبحري.
اعتقاد قوي انو النيل هبة مصر .
ودرب الاربعين هو درب الحرير وجالب ثروات الجنوب.
الحمد لله الحبشي شاف شغلو وهجم عليه زي ال TIGER
الشكلة دي هي بداية شكلة بالباتريوت .
ربك يسلم .
|
Post: #11
Title: Re: شكلة قوية بين حبشي ومصري في الجريف بسبب س�
Author: حسن محمد عمر
Date: 11-03-2020, 07:06 AM
Parent: #10
شايفكم ياأحباب عصرتو على المصري (بائع الملايات ) شديد والمسكين جاي ياكل يطلع إستخبارات يطلع رأفت الهجان ماعلينا والذنب ماذنبو الذنب على بلدنا الماشة (أم فكو ) وسايبن البلد بحالها ومكنكشين فى الكراسي الوثيرة والإمتيازات حاجة تانية أنا لو صاحب المطعم دا كان طيرت الجرسون دا فورا لأنو ماجاي ياكل عيش جاي يعمل فيها وطني على حساب صاحب المطعم ياخوانا أكل العيش دا ماعايز إستهتار والسياسة ليها أماكنها شكلو الجرسون العوير دا إتأثر بالسودانيين مادام عاشرهم نقة فارغة فى محل أكل عيشوا أما نحن الحجازين والمتفرجين الله يدينا الصبر على بلوتنا والخازوق الركب فينا آل سد نهضة آل
|
|