فلسطيني يتمسخر على أصحابنا في منهاتن عن التطبيع مع إسرائيل

07:27 AM November, 01 2020

سودانيز اون لاين
Osman Musa-
مكتبتى
رابط مختصر

قال ليهم يلا سيبوا الكسل وازرعوها بقدونس لليهود.
ولا ازرعوها خيار .
فلسطيني في قمة قلة الأدب.

مالك ومالنا ؟
انشاءالله نزرعها حسكنيت .

حقارة وحسادة عجيبة.
يحسدوك في نيلك وفي ارضك وفي علاقاتك مع العالم الحر .
والمضحك انهم يحسدوك في انك أسمر وبتحكي لغة عربية احسن منهم .

من يوم دخلنا أمريكا وهم حاسدننا.
يحسدوك في كيف انت زول برلوم جديد وتتعرف على
بنات بروكلن الحلوات بسرعة .
ويحسدوك في دخولك الدسكو من عرق جبينك.
ويحسدوك في حبك للملاكمة .
ويحسدوك في دافوري الكورة مع المكاسيك و البورتاريكو عصرية يوم الاحد .

والله يحسدوك في عتالة الجينز .
وفي فرشك و بيعك في شوارع منهاتن .
انا غايتو مطبع حسادة .
وانشاءالله نتينياهو ما يدينا ولا خرتاية دقيق .

ود موسى سلام بس أوعى الزعل أعمل حسابك وحساب اسرتك جحا قال وكتين مرقت من بطن امى انشاء الله تنسد
يلا يا غالى ولا يهمك بس عليك بقول الشاعر المذمة اذا اتت من ناقص فهذه محمدة هذا حسد من عند انفسهم

أخونا شيخ صديق
سلام
عليك امان الله نحنا عيال السودان .
قدر ما تقرب علينا المشاكل نحاول نبتعد عنها .
بس يا اخوي الناس ديل عجيبين.
زمان كنا ما عارفنهم .
لكن الغربة ورتنا ليهم .
في الوظيفة يحفروليك.
في التجارة يحفروليك.
وما عندهم حد للكجار وبدون سبب .

بالجد الحسادة فى البلد الحدادى مدادى وفى النيل ، شعور عجيب انك ما عندك واطة ......زمان اللجوء ده حقهم ، اها انتو بى بلدكم وجيتو كابستوهم فى اللجوء والهجرة

بنتنا اميرة
سلام .
لا لا اللجو ما ليهم هم بس .
يا أخت اميرة أمريكا دي ما بلد زول
اي انسان بيجي يفتش فرصة للعيش والإقامة .
اخوانا الفلسطينيين ربك يحل كربتهم.
الله لا جمعك معاهم في عمل . حيتعبوك.
..

نعم اللجوء متاح للجميع لكن زمان ما كنا بنسمع غير الاجئىن الفلسطينين ......سبحان الله