Post: #2
Title: Re: شكرا وزير الطاقوك
Author: Hani Arabi Mohamed
Date: 10-29-2020, 12:25 PM
Parent: #1
ممكن افهم ؟
يعني بدل كانت المواصلات بتقطع الكبري ب 50 جنيه بقت ب 100 جنيه في لحظة
هل دا من باب رفع المعاناة عن المواطن ؟
|
Post: #3
Title: Re: شكرا وزير الطاقوك
Author: Asim Ali
Date: 10-29-2020, 12:48 PM
Parent: #2
Quote: ممكن افهم ؟
يعني بدل كانت المواصلات بتقطع الكبري ب 50 جنيه بقت ب 100 جنيه في لحظة
هل دا من باب رفع المعاناة عن المواطن ؟ |
ياريت لو كان فى ضبط وتسعير لتعرفه المواصلات .
الزيادات عشوائيه وتخضع للعرض والطلب وفتره تقديم الخدمه - مشوار 50 ممكن بالنهار يبقى 100 او 150- بديت اشك انو غرفه النقل العام والبترول البتضبط مايتعلق بالموضوع دا عندها وجود فى الفتره الاخيره
|
Post: #4
Title: Re: شكرا وزير الطاقوك
Author: عمر التاج
Date: 10-29-2020, 02:01 PM
Parent: #3
Quote: يعني بدل كانت المواصلات بتقطع الكبري ب 50 جنيه بقت ب 100 جنيه في لحظة
هل دا من باب رفع المعاناة عن المواطن ؟ |
واضح ان السياسيين عندنا يفهمون المواطن بالمقلوب يا هاني..
وبيفتكروا رفاهية المواطن تعني الرفاهية التي يتمتعون بها في كراسيهم
|
Post: #5
Title: Re: شكرا وزير الطاقوك
Author: عمر التاج
Date: 10-29-2020, 02:11 PM
Parent: #4
| Quote: ديل ناس توديني وين وبي كم؟ |
شكرا للزميل عاطف عمر.. مداخلة حلوة وملعوبة..
ولمن لا يعرفها؛ فهي تحكي عن واحد مسطول ركب تكسي أجرة وقال للسائق (حاتوديني وين وخاتاخد مني كم ؟ )
بتاع التاكسي طلع اسطل منه وقال له (انزل هنا وادفع اي حاجة)..
المسطول نزل وغمت للسائق ايده فاضية وقال له (حاك الصفر ده وحرم ماتقول حاجة)
واسه الظاهر علينا في قضية رفع الدعم دي حاتبقي علينا قصة المسطولين الفوق ديل
هههه
|
Post: #6
Title: Re: شكرا وزير الطاقوك
Author: عمر التاج
Date: 10-29-2020, 03:06 PM
Parent: #5
تحياتي عاصم،
| Quote: الزيادات عشوائيه وتخضع للعرض والطلب وفتره تقديم الخدمه |
ألموضوع للأسف ليس موضوع تحرير أو رفع، بل زيادة اسعار
ولو كان تحريرا لما تم تحديد سعر واحد، ناهيك عن سعرين
التحرير بيتم لما تفتح السوق على مصراعية وتدع الشركات تستورد وتبيع بالسعر الحر
وتتنافس فيما بينها لخلق التوازن المطلوب..
الحكومة الان شريك رقم في السوق، وانتاجها اليومي يكفي أكثر من نصف حاجة البلاد
وهي بتحديدها سعر تجاري أعلى من السعر العالمي لاشك انها ستبيع جزء كبير من حصتها في السوق لتكسب كما يكسب التجار..
المواطن زي ماقال عادل امام لا مصلحة له إلا في الآخرة..
والفقراء يدخلون الجنة..
|
Post: #7
Title: Re: شكرا وزير الطاقوك
Author: عمر التاج
Date: 11-01-2020, 01:07 PM
Parent: #6
مواصلات الخرطوم الكلاكلة قالوا بقت ب ٢٠٠ للنفر..
يعني يركبوا معاك خمسة اصحابك في حافلة مكركبة
و تطلع رزمة بمليون جنيه تديها الكمساري يرميها في جيبه ويمشي للبعدك..
المليون دي قبل فترة كانت تحكي في قصص الف ليلة وليلة..
وكان الزول الثري البملك قوت ١٠٠ سنة ليه ولاهله بيقولوا عليه مليونير..
بتاع البوكس واقف في صف الوقود التجاري وشايل تسعة رزم كل واحدة بمليون جنيه..
الرزم خاتيها في الطبلون تكاد تمنعه من الرؤية.. قال عايز يفول بيها التنك عشان عنده مناسبة..
شكرا ملك المووووت
|
Post: #8
Title: Re: شكرا وزير الطاقوك
Author: Asim Ali
Date: 11-01-2020, 01:34 PM
Parent: #7
سلام عليكم عمر التاج
موضوع رفع الدعم ماشى على جميع المحاور
مشوار تاكسى من امدرمان للكلاكله قالو عمل تقريبا 3500 اظن بترحال
خبر عن توجيه فى ولايه الخرطوم للجنه وضع تعرفه للمواصلات ودى ما اظن يكون مقبوله ومجمع عليها فاما تكون لصالح المواطن ويرفضها مقدم الخدمه صاحب المركبه او العكس وفى النهايه ازمه
من جهه تانيه برضو اجتماعات فى وزاره التجاره او الصناعه الولائيه عشان تتفق مع اصحاب الخابز على تسعيره جديده للخبز تستوعب زياده اسعار الوقود مدعوم اكيد على تجارى حيزيد
والمسلسل مستمر
|
Post: #9
Title: Re: شكرا وزير الطاقوك
Author: عمر التاج
Date: 11-01-2020, 02:42 PM
Parent: #8
فعلا يا عاصم التدمير حا يشمل كل المحاور
المزارع البسيط حايخلي زراعته تموت في أرضها عشان ماعنده حق الجاز الشغل الوابور وحق الترحيل
الطالب البسيط حايعجز عن مواصلة تعليمه لان مرتب والده لن يكفي حق مواصلاته
الموظف المسكين حايبطل يمش شغل عشان حق المواصلات حايقطع نص مرتبه
الصانع حايوقف مصنعه لان أجرة العمال أصبحت كبيرة؛ والإنتاج مابغطي الوقود البشغل المصنع
باختصار ستتوقف الحياة وتشل ايدي الشعب ما لم تمتد لحكومة ناشطي قحت وتضعها تحت اقدامها
|
Post: #10
Title: Re: شكرا وزير الطاقوك
Author: عمر التاج
Date: 11-02-2020, 07:22 AM
Parent: #9
يعني يا آنسة هبة ماشايفة الصرف الكبير بتاع الحكومة ده..
١١ مكتب مجلس رئاسي كل واحد جايب طاقم كامل وعربات ونثريات
ومجلس وزراء كل واحد سايق انفينيتي اخر موديل وحوافز لجان مليارية ونثريات
وسفر كل يوم لدولة شغيغة وعروض ازياء وهلم جرا..
ده كله ما شايفاه وخلاص بقت على المواطن المسكين؟
هو الشعب مالاقى ياكل ويركب تاني التعليم ليه شنو؟
شكرا وزيرة الماليوك
|
Post: #11
Title: Re: شكرا وزير الطاقوك
Author: Asim Ali
Date: 11-02-2020, 07:52 AM
Parent: #10
سلامات عمر التاد رايك شنو فى الاتفاق دا ؟
Quote:
توقيع مذكرة تفاهم بين السودان والأمارات لإنشاء محطات طاقة شمسية بطاقة 500 ميغاواط..
وقع السودان والإمارات مذكرة تفاهم لإنشاء محطات طاقة شمسية بطاقة (500) ميجاواط بنظام ال(IPP) حيث تقوم دولة الإمارات ممثلة في إحدي شركاتها المتخصصة بتوريد وبناء وتركيب وتشغيل المحطات لمدة ٢٠ عام مع تدريب وتشغيل العمالة الوطنية السودانية في فترة الإنشاء والتشغيل وطيلة فترة التعاقد مع إلتزام حكومة السودان بشراء الكهرباء المنتجة بسعر تنافسي طيلة فترة التعاقد.
وقد سجل وفد وزاري رفيع المستوى زيارة الي دولة الإمارات العربية بدعوة كريمة من معالي سهيل المزروعي وزير الطاقة والبنية التحتية، ترأسه وزير التجارة والصناعة مدني عباس وضم وزير الطاقة والتعدين المهندس خيري عبد الرحمن ووزيرة المالية ومساعد محافظ بنك السودان، وبحث الوفد مع معالي الوزير ومعالي السيد محمد سيف السويدي مدير عام صندوق ابوظبي للتنمية سبل دعم التعاون المشترك بين البلدين الشقيقين في قطاعات التجارة والمالية والطاقة والبنية التحتية والزراعة، وبناءً على ذلك إلتقي الوفد بعدد من المسئولين بالمؤسسات المعنية وتم تبادل الأفكار الفنية في عدد من المشروعات مثل الطاقات المتجددة والمحطات الكهربائية المختلفة والبترول والغاز والتعدين والزراعة والدواء وغيرها، بجانب التفاكر في كيفية الإستفادة المثلي من بقية مبلغ قيمة المنحة المقدمة من دولة الامارات وامكانية توظيفها لدعم القمح والوقود الخاص بالكهرباء وغاز الطبخ والدواء وكذلك استكمال عملية إجلاس طلاب المدارس والمدخلات الزراعية.
وقد سادت اللقاءآت روح ممتازة ورغبة صادقة في زيادة التعاون المشترك بين البلدين، وترحم الوفد علي روح الوالد الشيخ زايد بن سلطان آل نهيان والذي اُسترشد بتعاليمه السامية السودانيون اسوة بأشقاءهم الإماراتيين، كما تقدم الوفد بالشكر والتقدير والإمتنان للقيادة الرشيدة ولكل المسئولين في دولة الأمارات ولمعالي وزير الطاقة الأماراتي وكافة المسئولين الذين تمت مقابلتهم داعيين الله ان يحفظهم مع مزيد من التمنيات بتطوير التعاون والتقدم للبلدين الشقيقين.
إعلام وزارة الطاقة والتعدين
الاحد الأول من نوفمبر ٢٠٢٠م |
|
Post: #12
Title: Re: شكرا وزير الطاقوك
Author: محمد الأمين موسى
Date: 11-02-2020, 08:10 AM
Parent: #11
أتوقع أن يكون التوجه المستقبلي هو حل مشكلة المواصلات عبر السير على الأقدام. وللأسف الشديد، سوف يتسبب هذا الحل في مشكلة جديدة ألا وهي استهلاك الأحذية في وقت قصير.
غايتو الفكر الاقتصادي الحمدوكي يا إما يكون حريف جدا (مثل كازباروف الذي يمكن أن يضحي بالوزير ثم يكسب) فيصبح دخل المواطن السوداني مثل دخل المواطن في الدول التي لا يوجد فيها دعم للسلع الأساسية، أو كيشة جدا فيقود البلاد والعباد إلى التهلكة.
|
Post: #13
Title: Re: شكرا وزير الطاقوك
Author: عمر التاج
Date: 11-02-2020, 04:12 PM
Parent: #11
مرحبا عاصم..
هذا الاجتماع اعده طفرة في ممارسات الانسة العجوز..
وهو بالتأكيد انجاز يحسب لها وللسودان
بس اتمنى مايكون زي مشروعها بتاع المواصلات الاتحدثت عنه في بداية تعيينها
ستاتي باكبر شركات في العالم لتكملته.. ومن ديك وعيك
|
Post: #14
Title: Re: شكرا وزير الطاقوك
Author: Asim Ali
Date: 11-02-2020, 08:08 PM
Parent: #13
سلامات عمر التاج
اسمح لى اختلف معاك وكدى مر على النقاط الاثاروها المتداخلين فى البوست دا
اول محطه طاقه شمسيه - الفاشراول محطه طاقه شمسيه - الفاشر
|
Post: #15
Title: Re: شكرا وزير الطاقوك
Author: عمر التاج
Date: 11-03-2020, 08:24 PM
Parent: #14
مرحبا عزيزي عاصم..
قرأت بوستك الدسم والمهم عن موضوع الطاقة الشمسية..
وإذا استثنينا طريقة التعاقد التي اوضحها البوست وبنودها المجحفة..
فإني ما زلت أجزم ان الطاقة الشمسية وطاقة المياة هي امل السودان
لينهض وينمو..
الأمر فقط يحتاج عقليات وطنية نزيهة وجبارة
|
|
