معلومات عن الجامعات الصينية همتكم معانا

01:29 PM October, 25 2020

سودانيز اون لاين
حسن محمد عمر-السودان
مكتبتى
رابط مختصر

السلام عليكم ورحمة الله وبركاته الأحباب الكرام / لو سمحتم عايز معلومات عن أهم الجامعات الصينية التى تدرس باللغة الإنكليزية دراسة على النفقة الخاصة تشمل :
1/ رسوم السنة الدراسية
2/ إيجار السكن الطلابي
3/ رسوم التأمين الصحي
4/ الإعاشة
5/ رسوم الإقامة السنوية
وأي معلومات ترونها مفيدة علماً أن مجال الدراسة طب عام وطب أسنان المدن الكبيرة زي شنغهاي دي بإعتبارها مدينة سياحية تكون غالية شوية شوفوا لينا المدن الصغيرة لو عندهم مدن صغيرة فيها جامعات كويسة شاكر ومقدر لكم حسن تعاونكم

سلام استاذ حسن محمد عمر
ابشر
باذن الله ستصلك كل المعلومات المطلوبة تباعا
وايضا بعض ارقام تلفونات اخوانا الطلاب السودانيين في المراحل الجامعية المختلفة بكلوريوس و ماجستير ودكتوراة
الدارسين بالمدن الصينية المختلفة والمتواجدين الان بالصين للتواصل معاهم مباشرتا
للحصول علي المزيد من المعلومات والاستفسارات وللمقارنة والاختيار

وساعود للاجابة علي اسئلتك باذن الله

واتساب 8613925100130

ولييه يا حسن تمشي تدرس في جامعة في الصين وتفتش جامعة تدرس باللغة الانجليزية
مش احسن تدرس في جامعة في دولة اساسا لغتها الاولى هي اللغة الانجليزية ، وهناك امريكا
وبريطانيا وكندا ..وكمان في جزر الكاريبيان في جامعات مشهورة ومعترف بها من امريكا وكندا
ومن يتخرج من جامعاتها من كليات الطب يتم تدريبهم في المستشفيات الامريكية والكندية،
وبعد حصولهم على الشهادة الجامعية يتم تعيبنهم في مستشفيات امريكا وكندا...
ولعلمك فان الرسوم الدراسية في تلك الجامعات ميسورة ومخفضة جدا مقارنة بجامعات امريكا وكندا
والصين ...

الأعزاء / أستاذ عز الدين عبدالرحمن والدكتورة إمتثال عبدالله ماقصرتو وجزاكم الله خير فى الحقيقة الواحد كان بتمني مايطلع من السودان وكما تعلمون ماحدث فى الفترة الأخيرة فى جامعاتنا حيث درست إبنتي كلية الطب سنة واحدة قبل إندلاع الثورة ثم ( حدس ماحدس) ( مع الإعتذار) من إغلاق وتظاهرات وإعتصام والجامعات تقفل وتفتح لحدى ما البت ضاعت عليها سنة وشوية أرسلت العائلة لمصر وإستأجرت شقة متواضعة للبحث ‘ن فرصة للدراسة رجعوا وقالوا مافي طريقة قلت ليهم أقعدوا فى السودان لحدى ماتفرج البت حلفت ماتكمل فى السودان وحكاية الضغط عليها ( أنسوا ) الجيل دا صعب شديد أختها الصغرى حسمت أمرها من بدرى وقالت ياالفلبين يابيت أبوي وأشوف تصلى وتدعي وأمها تتفرج علينا وتقول مايخصنى ببناتك ( تتفلقوا)المهم كنت فى البداية معترض كيف أرسل بنتى للفلبين لدراسة طب الأسنان ومن الذي أعطاها الفكرة - يوم كدة ماشى سفارتنا السودانية قمت عرجت على السفارة الفلبينية (شلاقة ) منى للإستفسار وبس طبعا الفلبينيين يدوك تأشيرة سياحية تدخل بيها مافى حاجة إسمها تأشيرة طالب ( معليش طولت عليكم ) المهم ربنا سهلها فى ظرف أسبوع حجزت ليها وعملت التأشيرة وإتسهلت الأمور ولحدى يوم سفرها العام الماضي 2019م شهر أكتوبر ومامصدق أن (المفعوصة) دى سافرت مننا الفلبين وإستقبلها طبيب من قرابتنا ومشت سجلت فى الجامعة مع زميلاتها السودانيات ولحسن حظها كانو معها فى الرياض المهم إستقرت وإن شاء الله ستكمل عامها الأول إ الشهر القادم .. لماذا الصين ولديك إبنة فى الفلبين ؟ سؤال معقول سمعت أن الدراسة فى الصين أسعارها مناسبة جدا حتى البنت فى الفلبين بتقول أنتقل للصين مع أختى ( بالله شوفوا الجيل دا بفكر كيف ؟) وأنا زي المنوم مغناطيسي ماشي وراهم والأم كالعادة صامتة تتفرج .. مع إنها خريجة جامعية ومتنورة كما يقال بس نفسي أعرف إيه حكاية الفرجة دي ياترى مؤامرة ضدي .. أنا موظف بسيط على قدر حالي وأموري ماشية بالبركة أها أعمل شنو ؟ كندا وأمريكا بصراحة ما بنقدروا إلا هجرة ولوتري ودا برنامج طويل و(الوقت روّح تأخر) مع شكري وتقديري لإقتراحك بارك الله فيكم

Quote: وشوية أرسلت العائلة لمصر وإستأجرت شقة متواضعة للبحث ‘ن فرصة للدراسة رجعوا وقالوا مافي طريقة

الاخ حسن
السلام عليكم ورحمة الله
ما عارف هم قدموا كيف لكن التقديم فاتح للجامعات الحكومية المصرية حتى يوم 31 أكتوبر 2020 والان ممكن تلحق وتقدم ليها واكيد ح يقبلوها
عن تجربة قدمت لمحمد ولدي جامعة القاهرة وقبلوهو صيدلة حسب رغبتو وهو ( شهادة ثانوية سعودية ) 96 %
عن طريق الرابط ادناه ح ارسلو ليك تخش اسع تيا دي وتقدم وتتابع لحدي يتم ترشيحها وترسلها هناك تتم باقي القبول
رسوم الطب 600 دولار والصيدلة 500 دولار في السنة
اعاشة وسكن لاتزيد عن 300 دولار

ولمزيد من المعلومات اتصل علي 00966554009464 فتشت صفحتك كنت داير اتصل عليك لقيتا صقيعة مافيها رقم تلفون
ودا رابط مكتب قبول الطلاب الوافدين بالجامعات المصرية
https://www.wafeden.gov.eg/default.aspx

الله ينور عليك أستاذ / عبدالله ودالبوش والله اليوم ماقصرت معاي تب البنت شهادة ثانوية سعودية برضو عام 2017م ودخلت طب على النفقة الخاصة جامعة السودان العالمية وخلصت الصف الأول فى الكلية والحكاية جاطت وأنا شايف الرسوم معقولة جداً على العموم سأتواصل معك بعد أن أشوف الرابط وأقدم وأوريك الحاصل شكرا لك مرة أخرى ولا عدمناكم وبارك الله فيكم

الراجل ذو الايادي البيضاء ود البوش
قريت انك بتقول ان رسوم الطب في مصر ٦٠٠ دولار والسكن ٣٠٠ دولار ..هل انت بتقصد ال ٦٠٠ دولار
دي رسوم السيمستر الواحد ام رسوم السنة ...والمعروف ان هناك ٢ سيمستر في السنة..وهل رسوم السكن
في الشهر !؟
والله يديك الصحة والعافية

الله يجبر بخاطرك يا امتثال انتي وبسمات واميرة دائما علي الله جبارات خواطر وكاسياتني توبا سمح بالحيل
والله يديكن الصحة والعافية زي ما بتتمنن لكل الناس ذلك وترجعن لاهلكن بالنجاح والفلاح مسرفات علم ومعرفة
.

Quote: قريت انك بتقول ان رسوم الطب في مصر ٦٠٠ دولار والسكن ٣٠٠ دولار

الرسوم السنوية للسنة كاملة 600 دولار زائدا رسوم التسجيل 150 دولار
السكن والمعيشة بتتفاوت من طالب لاخر حسب وضعه المادي وانا قلت 300 دولار شهريا متوسط في الغالب الاعم
والرسوم دي مخفضة للطلاب السودانيين في الجامعات الحكومية
اما الجامعات الخاصة فهي عشرة اضعاف رسوم الجامعات الحكومية
.
.
توقعت منك اتصال يا حسن عشان اشوفك عملت شنو
شد حيلك وما تكسل ودي فرصة لاتعوض ارجو انك تكسبها وكذلك كل اباء الطلاب العندهم طلاب راغبين في الدراسة بمصر
وتحياتي للجميع

الأعزاء / ودالبوش والأخت إمتثال لكم التحية أنا إتصلت عليك أمس من خط ثابت والظاهر كان وقت قيلولة وبالمناسبة سمعت أن الطب في مصر الدراسة باللغة العربية وطبعاً طلعت البنت ذاتها ماعايزة يجيبوا ليها سيرة مصر والدراسة فيها المهم لقيت طالب سوداني موجود حاليا في الخرطوم يدرس هندسة في شنغهاي بالصين وماقصر برضو نورني على كل الإستفسارات الطلبتها منو باقي بس تفتح رحلات الطيران وشكلوا لا مفر من الصين دي وأمري لله .. أشكركم جزيل الشكر إخواني على تفاعلكم مع إستفساراتي الله لا يحرمني منكم وأتواصل معكم إن شاء الله

نسيت أقول ليك ماشاء الله (الجمل ) عندك هههههههههه أنا زول بدوي بتاع جمال وبقر وغنم ياسلام على روعة الحياة البدوية وأجواء الريف

بالتوفيق والسداد ان شاء الله،،،
واذا عضو المنبر ابو الريش شاف البوست ده ممكن يديك معلومات كافية عن الحياة في الصين
وعن جامعاتها وتكلفة المعيشة هناك...
..لكن اذا ابنتك قدرت تستغل وجودها هناك وتعلمت اللغة الصينية فليلة القدر حتفتح ليها...لانها
اذا اشتغلت مترجمة في الامم المتحدة في نيويورك فسوف تهجر مهنة الطب وتعملها هواية بس...

Quote: حلفت ماتكمل فى السودان وحكاية الضغط عليها ( أنسوا ) الجيل دا صعب

صدقت و الله.و يبدو أن الحال من بعضو. نفس الموضوع عندنا في البيت.
بنتي فاجأتنا بتعليم نفسها اللغة الألمانية و الفرنسية و امتحنت. و تم قبولها في
بون لدراسة الرياضيات و لا شئ سوى الرياضيات و لكن ما سافرت بسبب الإغلاق
بعد تفشي الكورونا. و هي تنتظر التقديم من جديد. أجد تجربتكم كأسرة مشجعة
و مفيدة خاصة لزوجي الذي يصعب عليه سفر بنته الوحيدة . أحي موقفك و بالتوفيق للكنداكات.

العزيزة نعمات
ما تقيفوا قدام طموحات بنتكم وخلوها تقرا وتواصل دراستها في اي بلد في العالم ..
والزمن اتغير والعالم اصبح كالقرية الصغيرة ووالدها ممكن يتكلم معاها بالصورة والصوت
كل يوم وكأنها قاعدة معاكم في البيت..
وبعدين اذا هي تعلمت الالمانية والفرنسية قولوا ليها امتثال بتقول ليك ما في داعي تدرسي
رياضيات في المانيا وتعالي نيويورك واشتغلي في الامم المتحدة..
وممكن تقدم من هناك في الwebsite
http://http://www.un.orgwww.un.org
وتفتش كلمة employment وتجد مئات الوظائف المفتوحة وتنزل سيرتها الذاتية في الوظيفة
المرغوبة ، وتفتح السيرة الذاتية لكل الوظائف التي تفتح مستقبلا ...
وفجاة ستجد رسالة الكترونية يطلبوا منها : اما الجلوس لامتحان تحريري في الوظائف التي تحتاج
لامتحان تحريري كوظيفة المترجمين ، او استدعائها لمقابلة شخصية للوظائف التي لا تحتاج لامتحان
تحريري وهناك مئات الوظائف التى لا تحتاج لامتحانات...ولكن مؤهلات دراسية وبراعة في كيفية مواجهة
الذي يعمل المقابلة الشخصية ال Interview

العزيزة امتثال
فكرة أوسكار و الله العظيم.
البت مهووسة بالرياضيات و قدوتها البروف مريم ميرزاخاني
الفائزة بال فيلدز ميدال و ال بلومنتال و غيرها. الله يرحمها
توفيت قبل 3 سنوات و عمرها 40 عام. كانت قد ردت على
إيميل من بنتي و أعطتها بعض النصائح، قبل وفاتها بشهور.
ح أعرض عليها الفكرة و أشجعها. علماً بأنها ما زالت طالبة
في السنة الثانية في الجامعة.
أتمنى أن يستفيد القراء الشباب من المعلومات المهمة في المداخلة.
ألف شكر يا أمتثال على حب الخير للآخرين. كوني بخير.

لا شكر على واجب يا نعمات..
وشكرا ليك انتي..
ونسيت اقول ان كلمة employment بتتلقي تحت العنوان الجانبي الكبير : Resoyrces /Services

سلام عليكم مجالات دراسه العلوم التطبيقيه والعلوم الاساسيه يمكن القول انو روسيا والمانيا والصين كذلك كوبا ( لمن يجيد الاسبانيه ) متميزه برضو