Post: #1
Title: لما قلت (الف لواء خلا) و A can of worms كان خيالى محدود جدا
Author: Mahjob Abdalla
Date: 10-23-2020, 07:22 PM
07:22 PM October, 23 2020 سودانيز اون لاين
Mahjob Abdalla-
مكتبتى
رابط مختصر
اها ايام التفاوض بين قحت (النخبة الخرطومية) و الجبهة الثورية في اديس ابابا و قررت قحت التضحية بالثورية او وضعهم في صندوق المفاوضات.
كنت بقول بضرورة احتواء كل مكونات السودان التى وقعت علي مواثيق اسقاط نظام البشير و الجلوس لتأسيس دولة السودان بعد 64 ستين عاما من الدمار و السير الي الخلف. و بضرورة ترك الفترة الانتقالية للتكنوقراط و بضرورة المحاصصة الجهوية المتساوية بين اقاليم السودان في كل شئ حتى نخلص من عقدة (ديل مسيطرين و ديل مهمشين, الخ).
و كنت بقول بضرورة عدم فتح باب مفاوضات بأسم السلام لانه سوف يجلب الف لواء خلا او كأنك تفتح A can of worms و تانى ما حنقدر تعمل كنترول او التركيز في بناء دولة لعلمى اننا تعدينا مرحلة الحديث عن (الحرب و السلام) الي مرحلة تأسيس الدولة.
ناس قحت و عدد من اصحابى في هذا البورد كانو بهللو بغير ذلك. اعتقد (والظن اثم) انو ناس قحت او النخبة الخرطومية كانو فاكرين انو بقية اقاليم السودان في جيبهم لانهم (اى بقية اهل السودان في الاقاليم التى لم تحارب الخرطوم) لم يقولو بغم طوال سنين الانقاذ او طوال عمر السودان من 56 او ربما ظنو بالمثل الدارفورى (دابى في خشمو جرداى و لا بعضى).
و ظنو ايضا بعد ان يأخد ناس دارفور نصيبهم من (المشاركة في السلطة و الثروة) سيبقي نصيب بقية اهل السودان في يد النخبة الخرطومية توزعه فيما بينها و بقية القوم يقولو (باركوها).
الان رأيتم ماذ يحدث من تململ في كل السودان و بدخول شمال السودان في حلبة المطالبة بحقوقهم المشروعة لم يتبقي الا سكان هذه المدينة التى صدرت الموت الي كل اطراف السودان خلال اكثر من 60 عاما و هم يلهون انفسهم بأغانى و اغانى. و عن برنامج اغانى و اغانى, كلما اسمع عن حالة الضنك التى يعيشها السودان و ادبرس, افتح اليوتيوب لاعيد توازنى و اطمئن نفسى بأن اهل السودان بخير طالما هم او صفوتهم يستمتعون بذلك.
قبل فوات الاوان يجب ان تبدأ مفاوضات تأسيس السودان و بناء الفدرالية (شكرا عادل امين).
الي حين ذلك يجب ان تكون المحاصصة جهوية علي اقاليم السودان بالتساوى والثروة بالتساوى.
|
Post: #2
Title: Re: لما قلت (الف لواء خلا) و A can of worms كان خيالى �
Author: Mahjob Abdalla
Date: 10-23-2020, 07:26 PM
Parent: #1
المهم حدود خيالى كان انو الـ 1000 لواء خلا كلهم كانو حيكونو في الصحراء غرب امدرمان.
|
Post: #3
Title: Re: لما قلت (الف لواء خلا) و A can of worms كان خيالى �
Author: Mahjob Abdalla
Date: 10-23-2020, 07:32 PM
Parent: #2
و حل مشكلة السودان (واحد) و ليست مجموعة حلول بالقطاعى.
ضد الحلول الجزئية
ضد الدغمسة و اطالة معاناة شعوب السودان.
|
Post: #4
Title: Re: لما قلت (الف لواء خلا) و A can of worms كان خيالى �
Author: Mahjob Abdalla
Date: 10-23-2020, 08:39 PM
Parent: #3
الناس البتقول دى تداعيات جوبا.
هذه ذاكرة السمكة كما يقولون.
فالذى يحدث الان هى تداعيات تجاوز الجبهة الثورية في يوم 17 اغسطس 2019.
|
Post: #5
Title: Re: لما قلت (الف لواء خلا) و A can of worms كان خيالى �
Author: Biraima M Adam
Date: 10-23-2020, 09:21 PM
Parent: #4
| Quote: الذى يحدث الان هى تداعيات تجاوز الجبهة الثورية في يوم 17 اغسطس 2019. |
أفصح يا الهبيب محجوب .. كيف تم تجاوز الثورية؟
بريمة
|
Post: #6
Title: Re: لما قلت (الف لواء خلا) و A can of worms كان خيالى �
Author: Mahjob Abdalla
Date: 10-24-2020, 01:58 AM
Parent: #5
سلام بريمة
قبل تكوين الحكومة الانتقالية في اغسطس 2019 كان عدة لقاءات بين مكونات قحت حول توزيع الـمقاعد الـ 5 في مجلس و كان من المفترض ان تكون واحدة من المقاعد الخمس من نصيب الجبهة الثورية كشريك اساسى من ضمن المجموعات السياسية التى وقعت علي ميثاق شنو كدا ما عارف.
المهم ناس قحت في الخرطوم قسمو المناصب بيناتهم و قالو لناس الجبهة الثورية (انتو طلاب سلطة و لا تمثلون احد) و قالو ليهم اقعدو في الصف, نعمل مفاوضات سلام و توقعو خلال 6 شهور.
اها لما مشو المفاوضات و فتحو الباب لكل من هب و دب و ظهرت مسارات. بعد داك بقت اى جهة بتطالب بحقوقها و اى جهة بتوقع نيابة عن الجهوية الجات منها.
هنا انا شبهتها المرة الفاتت بـ كانك تفتح علبة فيها حشرات و كلها طارت, تانى صعب تعمل ليها كنترول. قبل ذلك, قام حميدتى بفتح باب زى ده و تتذكر في قاعة الصداقة ظهرو ناس كدا لاول مرة سمعنا بمصطلح (لواء خلا).
عموما نتيجة تلك الخطوة (خطوة ناشطين), نحن الان نحصد النتائج.
لو قدر لنا ان نكون دولة, كانت بدايتها يوم 12 ابريل و لكن ناسنا نفسوها تقريبا من اول يوم و نحن الان مسألة وقت ليس الا في مشوار الانهيار.
الناس المحروقين انو الاتفاقية ادت ناس دارفور اكثر مما يستحقو, الافضل ان يطلبو الحقوق من الخرطوم و ليس المطالبة بأعادة من اخذته دارفور الي خزينة الخرطوم. مشاكل السودان كلها طالعة من خرطوم الفيل هذا و الناس بتطعن في ضل الفيل.
|
Post: #7
Title: Re: لما قلت (الف لواء خلا) و A can of worms كان خيالى �
Author: اخلاص عبدالرحمن المشرف
Date: 10-24-2020, 02:38 AM
Parent: #6
الاستاذ Mahjob الصادق
المشكلة أكبر من كرش الفيل ذاتها
النهضة صعبة ، البناء صعب ، ازاحة
البشير الجزء الاسهل .
|
Post: #8
Title: Re: لما قلت (الف لواء خلا) و A can of worms كان خيالى �
Author: Biraima M Adam
Date: 10-24-2020, 03:41 AM
Parent: #7
| Quote: الافضل ان يطلبو الحقوق من الخرطوم و ليس المطالبة بأعادة من اخذته دارفور |
أها .. يا الهبيب، دي دعوة صريحة للمحاصصة .. وهل المحاصصة تشمل القبائل؟ .. لأن والي الشرق بتاع قحت الأسمو عمار .. طلع بني عامر .. بقية نظارات الشرق رفضته .. والي جنوب كردفان .. بروف أبراهيم حامد البشرير بقاري قام النوبة رفضوه .. والقائمة تطول!
بريمة
|
Post: #9
Title: Re: لما قلت (الف لواء خلا) و A can of worms كان خيالى �
Author: الشيخ سيد أحمد
Date: 10-24-2020, 04:15 AM
Parent: #8
حياك الله اخونا "محجوب"
والتحية لضيوفك.
متفق معك في معظم ما كتبت في هذا الخيط.
Quote: الناس المحروقين انو الاتفاقية ادت ناس دارفور اكثر مما يستحقو, الافضل
ان يطلبو الحقوق من الخرطوم و ليس المطالبة بأعادة من اخذته دارفور الي خزينة الخرطوم.
مشاكل السودان كلها طالعة من خرطوم الفيل هذا و الناس بتطعن في ضل الفيل. |
بما اني متبني لهذا الخيط "إنتقاد إتفاق جوبا".. ف حا اقوم اقدر انو الكلام موجه لي.
أنا أحد الرافضين لهذا الإتفاق..وأراه غير عادل.
والسؤال هنا "لماذا يتميز إنسان دارفور عن بقية أقاليم السودان؟؟
قلت قبل قولي هذا وساقول مرة أخرى:
أولآ: صياغة الإتفاق (تلزم) بقية الأقاليم بالمساهمة في إعادة "دارفور" دون الإشارة
لدعم بقية الأقاليم.
ثانيآ: الإقرار (الضمني) بالإدانه عن ما لحق ب "دارفور" وتلطخ أيادي الشمال بذلك
(أتحدث هنا بوصفي من الشمال).
الآن كيف أطلب من خزيتة الخرطوم ما ستأخذه "دارفور" ؟؟
أليس ذلك دلالة على نشوب معركة جديدة؟؟
من الأفضل أن يلغي بند التمييز من الإتفاقية وتكون مساهمة بقية الأقاليم بدوافع
وطنية خالصة عوضآ عن صيغة الإدانة بالجرم التي تشير اليها الإتفاقية.
تحياتي.
|
|