Post: #1
Title: إهانة سوداني أمريكي وتلتلتو وسجنو في مطار القاهرة
Author: Osman Musa
Date: 10-23-2020, 09:12 AM
Parent: #0
09:12 AM October, 23 2020 سودانيز اون لاين
Osman Musa-
مكتبتى
رابط مختصر
السوداني الامريكي قادم من واشنطن بدون أي سبب
بهدلوهو بهدلة شديدة ومسكو دولاراتو كلها . وبعد تعب
فكوهو بضمان 20 ألف جنيه مصري . ظلم عجيب .
|
Post: #2
Title: Re: إهانة سوداني أمريكي وتلتلتو وسجنو في مطا�
Author: ترهاقا
Date: 10-23-2020, 09:51 AM
Parent: #1
الأستاذ عثمان خبارك؟
أنا واحد من الناس بتفادى أي تذكرة سفر فيها ترانزيت في القاهرة
وبعتبر مطار القاهرة من اخطر المطارات وبالذات لو كنت سوداني
قرجاء من كل الاخوة تفادي هكذا مشاكل وفي خطوط بتوديك معزز مكرم
|
Post: #3
Title: Re: إهانة سوداني أمريكي وتلتلتو وسجنو في مطا�
Author: جمال ود القوز
Date: 10-23-2020, 10:41 AM
Parent: #2
يا عثمان كان معلم الله ومقشط
تعال بي مطار القاهرة ولا حيشتغلوا بيك ذاتو
لكن كان عندك السمينة خصوصا لو ظاهره عليك
أخير تختا القاهرة نهائي سيتم ابتزازك وحتتهان
حتى يتم تمليصك بالزوق أو بالعافية
مش كان بقيت أمريكي كان بقيت شنو داك
ستدفع عن يد وانت صاغر
ده شعب عشان الشرتيت ممكن يعمل أي حاجة
لي سنين منها وبتحاشاها وبزوغ من مطارها العواليق
تخش يدك في قلبك وما تصدق تتخارج من زفارتهم
|
Post: #5
Title: Re: إهانة سوداني أمريكي وتلتلتو وسجنو في مطا�
Author: امتثال عبدالله
Date: 10-23-2020, 10:52 AM
مش كده وبس ،،كمان بنسمع انه اية شخص ، مهما كان جنسيته ، يمر بمطار القاهرة لازم
يتسرق،،،نعم سرقة عديل ، وخاصة اذا عندك ترانزيت طويل المدة اكثر.من ساعتين..هذا
اذا لم تصبك الكرونا...لان الكرونا منتشرة حتى بين اطبائهم ، وصحفهم بتقول ان الكرونا
بتصيب ١٠٠ طبيب كل يوم في مستشفياتهم ...وبعد شوية ما حيكون عندهم اطباء....
ومفروض سلطات المطار في القاهرة تتخذ اجراءات امنية لحماية المسافرين من الاحتيال
والسرقة وتحسين سمعة المطار ....
|
Post: #7
Title: Re: إهانة سوداني أمريكي وتلتلتو وسجنو في مطا�
Author: Osman Musa
Date: 10-23-2020, 11:52 AM
Parent: #5
أستاذة امتثال سلام
اوعك .
كايرو لا لا .
لو دايرة الدينيرو حقك يروح في حق الله تعالي .
يازولة الدرب دا صعب .
|
Post: #6
Title: Re: إهانة سوداني أمريكي وتلتلتو وسجنو في مطا�
Author: Osman Musa
Date: 10-23-2020, 11:16 AM
الأخ جمال القوز سلام
شوف بداية مسلسل البلطجة بعد تنزل الترانزيت كيف .
نمره ( واحد )
يتلمو عليك .
يكشوك الزنزانة.
وتاني يوم بفكوك بضمان ما يعادل الفين دولار من قروشك.
طبعا في الوكت داك قروشك كلها وتلفونك وجميع اوراقك عندهم .
مافي طريقة تتصل ولا تبول ولا ترتاح .
وانت المرهق من طول السفرية وهم التلتلة.
حكاية بايخة .
|
Post: #4
Title: Re: إهانة سوداني أمريكي وتلتلتو وسجنو في مطا�
Author: Osman Musa
Date: 10-23-2020, 10:51 AM
Parent: #2
أستاذ ترهاقا سلامات
الأستاذ جابتو المصرية من مطار dc .
دخل الترانزيت فرحان والرجل في قمة الأدب.
سالو واحد عفريت عن المعاو من دينيرو في الشنطة.
والرجل وراهو المعاو . بعدها العفريت اتجنن .
دا عندو دولارات متلتلة. انت لازم تمشي التخشيبة.
يا ترهاقا والله العظيم قمة البلطجة والحقارة والتخلف.
|
Post: #8
Title: Re: إهانة سوداني أمريكي وتلتلتو وسجنو في مطا�
Author: Osman Musa
Date: 10-23-2020, 01:26 PM
Parent: #4
تفادي المرور بالقاهرة يضمن للمسافر سلامة
سفريتو من التأخير والمشاكل.
وما في داعي عشان فرق سعر 120 دولار تدخل
نفسك في متاهة الزنزانات ومصادرة قروشك وامانات الناس العندك.
الآن الشاب دا . الليلة اليوم التالت وهو في الملطعة بين المكاتب .
ودخلت عليه عطلة نهاية الأسبوع 3 أيام وملابسو في مكان وهو
في مكان . معاكسات معاكسات ولولوة وعناد عجيب .
|
Post: #9
Title: Re: إهانة سوداني أمريكي وتلتلتو وسجنو في مطا�
Author: Amira Hussien
Date: 10-23-2020, 04:33 PM
Parent: #1
انا ما بفتكر السبب فى اختبار المصرية فرق التذكرة انا بقول اختصار اربعة ساعات من الرحلة المملة هو السبب ، بعدين مطار القاهرة الجديد مطار عالمى جميل ومريح خاصة اللاونش حق الدرجة الاولى و البزنس
|
Post: #10
Title: Re: إهانة سوداني أمريكي وتلتلتو وسجنو في مطا�
Author: سيف النصر محي الدين
Date: 10-23-2020, 05:32 PM
Parent: #9
سلامات يا عثمان
سافرت بالمصرية عدة مرات وفيها مرة دخلت القاهرة لعدة ايام وما حصل شفت
او تعرضت لاي مضايقات.
|
Post: #11
Title: Re: إهانة سوداني أمريكي وتلتلتو وسجنو في مطا�
Author: نادر الفضلى
Date: 10-23-2020, 09:10 PM
Parent: #10
عندى صديق مقيم فى أستراليا مرا بمر بالقاهرة ومطارهاز
تعرض لمحاولة نصب من سودانى ما أذكر التفاصيل لكن
خلاصتها ان المحتال لالس قيافة وقال أنه شغال فى المطا
وأنه سيساعده يتخارج من المطار ويحصل سفرته إذا دفع
مبلغ كبير بالدولار وأنه دا مخفض عشان توسطه له.
وللحبكة المبلع فيه كسور يعنى مثل 335 دولار وخمسين سنت
زولى نجيض قال ليهو أنا بمشى بالقانون وينو شباك الدفع
عشان ادفع .. بعد ماطلات زولى نادى واحد مصرى لابس
رسمى، المحتال طوالى فات وإحتفى ..المصرى قال
لصديقى إنه فى شبكة محتالين بنفتش عليهم. وطلع مافى
رسوم تدفع.
قصة زول عثمان بيكون فى اورنيك الإعلان عن العملة ما كتب شى
وإكتشفوه فتلتلوه خاصة لو نفخ فيهم وعمل ليهم أنه أمريكى
واذا طال حجزه فعليه افتثال بالسفارة الأمريكية وبعدين بنفخ
ربنا يفك كربه
|
Post: #12
Title: Re: إهانة سوداني أمريكي وتلتلتو وسجنو في مطا�
Author: Osman Musa
Date: 10-24-2020, 01:44 PM
Parent: #9
مرحب أستاذة اميرة
|
|