Post: #1
Title: الخيل تجلب والشكر لحمدوك
Author: Abureesh
Date: 10-21-2020, 09:03 PM
09:03 PM October, 21 2020 سودانيز اون لاين
Abureesh-أمريكا
مكتبتى
رابط مختصر
وأقصد بالخيل طرفى الحكومة، ومجلس السيادة، والمكون العسكرى بالذات.. ومجلس الزراء
أولا الفريق أول ركن عبدالفتاح البرهان قبل كم شهر التقى الرئيس ناتنياهو فى عنتبى، يوغندا.. كدا الموضوع إنتهى.. خلاص.. ببح. تم الإتفاق وسمحوا للطائرات
الإسرائيلية بالعبور فوق أجواء السودان، بل طائرة إسرائيلية ركت فى مطار الخرطوم وأطباء يهود حاولوا إنقاذ مواطنة سودانية عليها الرحمة، فى مستشفى سودانى داخل العاصمة.
وتحدث الفريق اول حميدتى عن ضرورة إقامة (العلاغات) مع إسرائيل، وقال سنقيمها وإسرائيل مهمة لنا ولا نخاف من أحد.. وقبله تحدث حيدر بدوى عن المسكوت عنه بل المتحدث
عنه كما اسلفنا أعلاه، يعنى كلام حيدر كان تحصيل حاصل وعلى كل لسان العساكر.. بل الخطوات التى أتخذوها فى الخرطوم ويوغندا..
فى الجانب الاخر:
زيارة البرهان ولقائه مع ناتياهو سبب إستغراب من مجلس الوزراء.. ومن قحت.. واحد قال ما كلمنا.. وتانى قال ما حدسنا.. والناطق الرسمى بإسم الحكومة لم يترك سوى شجبه للقاء.
ودكتور حمدوك قال مافى زول كلمنى ولم يكن مطلعاً.. والسيد وزير الخارجية التابع لدكتور حمدوك أقال حيدر بدوى المسكين، لا إيد لا كراع.. وأحاله الى مكتب إدارى أخر.
من هنا عزيزى القارئ تعلم أن الخطوات الاولى والأخطر، وإختراق السياسة السودانية، كان من قام به هم العسكـر وليس المدنيون.. الرئيس حمدوك يحمد له أنه قدر الأولويات
الصحيحة بتقديم وضرورة رفع العقوبات واسم السودان من الإرهاب قبل التطبيع مع إسرائيل، بل الفصل التام بينهما.. هذا كان تكتيك مهم جدا حتى لو كان الإتفاق السرى هو التطبيع
مع إسرائيل..
ما دعانى لكتابة هذا البوست هو أن كل الكتابات محصورة على ذكر الرئيس حمدوك وأغفلت ذكر أبطال التطبيع الحقيقيين، البرهان وحميدتى.
.
|
Post: #2
Title: Re: الخيل تجلب والشكر لحمدوك
Author: علي عبدالوهاب عثمان
Date: 10-21-2020, 09:27 PM
Parent: #1
حبيبنا أبريش .. تحياتي
ملاحظات في محلها ,, كلنا وأنا منهم
فاتت علينا الحكاية فكان حكمنا لحظي
نعم برهان هو من كسر ( التابو)
يا سلام ابريش انصفت الجماعة
صحيح بداية القصة لقاء برهان ونتنياهو
تحياتي
|
Post: #3
Title: Re: الخيل تجلب والشكر لحمدوك
Author: Nasser Amin
Date: 10-21-2020, 09:46 PM
Parent: #1
Quote:
. .ما دعانى لكتابة هذا البوست هو أن كل
الكتابات محصورة على ذكر الرئيس
حمدوك وأغفلت ذكر أبطال التطبيع
الحقيقيين، البرهان وحميدتى.
|
انتا جادي؟!!
انا رئيسي حمدوك و بس.
البرهان و حميدتي بفهموا شنو غير
التفاوض حول سلامتهم الشخصية من
احداث حدثت في دارفور و في ساحة الاعتصام
و مؤخرا في منطقتك "كسلا".
علبك الله انتا ما بتخجل و تقول حميدتي و انتا زول متعلم
عامل فيها مهندس و أظن بتتكلم من منطلق قبائلي
اسألك سؤال:حميدتى دا لو ما عندو قواته دي(*)..هل
سعادتك كان بتزكروا أو هل ح يكون عندو تأثير في المشهد؟
(*)انشأها البشير لحمايته و لتحارب نيابة عن الجيش.
عايز تروج للعسكر و المليشيات و كدا بتضر بقضيتك.
بالله ما بتخجل...تقول حميدتي و مصدق كمان؟
|
Post: #4
Title: Re: الخيل تجلب والشكر لحمدوك
Author: Nasser Amin
Date: 10-21-2020, 10:05 PM
Parent: #3
ثانيا:عساكرك و مليشياتك البتشجع
فيهم قبلوا بالرفع مقابل التطبيع وحاجات تانية تخصهم.
حمدوك اصر على أن كل المسارين منفصل
و **خضع الامريكان** و اليوم بومبيو صرح
بأن قرار التطببع قرار سيادي سوداني.
البوست بتاعك دا مخجل.
مافي تطبيع الا بمزاجنا و ينبع
من حكومتنا المدنية و حمدوك.
|
Post: #5
Title: Re: الخيل تجلب والشكر لحمدوك
Author: كمال عباس
Date: 10-21-2020, 10:15 PM
Parent: #4
للفشل اب واحد وللنجاح الف اب!
خيار برهان كان التطبيع مقابل رفع اسم السودان من قوائم الدول الراعية للإرهاب مقابل التطبيع
قلنا
رفع السودان من قايمة الدولة الراعية للإرهاب ورفع العقوبات و جبنا بقروشنا وعرق جبينا !
ومش رفع العقوبات المربوط بالتطبيع والتدخل في السيادة الوطنية وحرية القرار السوداني !
وليس رفع اسم السودان من القائمة الإرهابية مقابل تطبيع جيرد كوشنر وترامب ومحور عاصفة الحزم
برهان وحميدتي قتلة - ما يهمهم من قضية التطبيع هو خدمة أجندة محور عاصفة
الحزم --ويهمهم ضمان وقوف تل أبيب وأمريكا معهم في مواجهة كارثة مجزرة
الإعتصام .. .
|
Post: #6
Title: Re: الخيل تجلب والشكر لحمدوك
Author: كمال عباس
Date: 10-21-2020, 10:50 PM
Parent: #5
واهم من يعتقد ان. تهافت برهان للتطبيع مع تل ابيب يتم من. اجل عيون شعب السودان او من اجل رفع السودان من قوائم الإرهاب
التطبيع. البرهاني هدفه ارضاء محور عاصفة الحزم -الرياض وابرظبي والبحرين
فلاش باك
برهان هو مشرف ومنسق القوات السودانية باليمن وحميدتي هو مقاول أنفار ومجند الأطفال والشباب
هكذا كان الحال منذ عهد البشير ولإيزال !
يموت شباب السودان من اجل اجندة الغير في حرب لاتخصنا ! انهاالخيانة ورهن القرار الوطني لأمراء النفط
* ملف التطبيع المشروط هذا يقف خلفه ويحركه بن سلمان بن زايد وجيرد وكوشنر ودفع السودان في هذا الاتجاه مجرد قولة خير وتمهيد جو !
* التطبيع او إقامة علاقة مع إسرائيل. شان سوداني تحكمه مبادي ومصالح شعبنا ولايجب ان نقوم به ارضاء. لمحور عاصفة الحزم او نكف عنه ارضاء لمحور قطر -تركيا والآخوان !
|
Post: #7
Title: Re: الخيل تجلب والشكر لحمدوك
Author: صديق مهدى على
Date: 10-21-2020, 11:29 PM
Parent: #6
أبو الريش نسى الاهم وهو زيارة وزير الخارجية الأمريكي للخرطوم قبل اقل من شهر وكان عشمان فى التطبيع الفورى الذى
وعدهم به البرهان لكن إتضح الكلمة عند رئيس مجلس الوزراء ممثل الشعب الذى وضح لوزير الخارجية الأمريكي ان القرار
قرار الشعب وليس هناك ربط بين التطبيع ورفع السودان من قائمة الارهاب لذا الشغل كله شغل حمدوك أما برهان طلع عديل
ولايملك قرار لذا على صاحبنا أبو الريش الكوز الصمت حرية سلام وعدالة وكل كوز ندوسو دوس
|
Post: #8
Title: Re: الخيل تجلب والشكر لحمدوك
Author: ABUHUSSEIN
Date: 10-21-2020, 11:59 PM
Parent: #7
هي الخيل تجقلب مش تجلب ....
من عنوانك ظاهر شتارة الموضوع ....
|
Post: #9
Title: Re: الخيل تجلب والشكر لحمدوك
Author: Abureesh
Date: 10-22-2020, 00:01 AM
Parent: #7
| Quote: لذا على صاحبنا أبو الريش الكوز الصمت |
يا أخوانا وين أخونا الأنصارى وحزب الأمة، الرجل الكلس، اللى كان يقول للذى لا يفهم حديثه (البائس فلان)؟؟
|
Post: #10
Title: Re: الخيل تجلب والشكر لحمدوك
Author: ABUHUSSEIN
Date: 10-23-2020, 06:53 PM
Parent: #9
Up
|
Post: #11
Title: Re: الخيل تجلب والشكر لحمدوك
Author: دفع الله ود الأصيل
Date: 10-24-2020, 02:51 AM
Parent: #10
● سعال ديكي ساذج جدن ليك أبا الريش ،
و أنت سيد الفاهين. بالله أنت صحي شايف إنو
بُلهان و حميرتي ديل فعلن أبطال. لا ، و كمان عمو
علي الكنا القالينو رمانة اتزان البورد بقوليك أنصفتهم!!
بس شنو؟اللهم إلا بأنهم فعلن هم من (جقلبو)؛ و لكنها
جقلبة حمير موش(خيل). بس لي فكة رقابم من شبكة
بن سودا. أما حمدوكنا فيحمد ليه إنو فعلن سوى القدر
عليهو و كسب ببه بكل حرفنة شكرة الناس الوقفو قنا
و اللي لا ناقةَ لهم و لا بعير. دي وجهة نظر.
|
|