بلَّال ابوعركي، موت دنيا...

10:11 AM October, 21 2020

سودانيز اون لاين
عبدالمنعم الطيب حسن-السعودية؛ الرياض
مكتبتى
رابط مختصر

(ود باب السنط والدكة والنفاج
والحوش الوسيع للساكنين افواج
واللمة التي ربت جني المحتاج
والنار الدغش والريكة جنب الصاج)

ابوعركي عبدالقادر النويري،
اجدع شباب واوسي، في ذلك الزمان....
امنة احمد ابوعركي(النقش)
اجمل فتاة تسكن على ضفة النهر
في تلك النواحي،
تزوجا، هذا الثنائي الجميل،
في النصف الثاني من عشرينات القرن الماضي،
حدثتني حبوبتي لاحقا ان زفافهما استمر
اربعون يوما،
انجبا امي فاطنة القصب الاحمر البكر،
وانجبا بلال ابوعركي الحتالة،
وبينهم مُحمد وزينب وصفية،

امي بلال بالنسبة لها،
اخوها الحتالة،
اخوها الصغير، وفي مقام ابنها،،،
اسيا اختي البكر، لا تقول ابدا خالي بلال كما نفعل نحن،
فهي تقول بلال، باعتبارو اخوها
لم استطع طوال عشرة ايام منذ
غياب خالي من تعزية اسيا اختي،
لم اتمكن حتى الان،

صورة حديثة لخالي،

خالي بلال ابوعركي عبدالقادر
ليس فقدا خاصا وخالصا لنا كاسرة
ولكنه غيابه ممتد لاسرته الكبيرة،
وهي غالبا كل اهلي الكرام بواوسيات
وكل اهل المنطقة،
فالرجل يعد واحدا من الطف الركائز الاجتماعية،
ومن اوائل المتعلمين ،
في منطقته...
بالاضافة لكونه شاعرا ومادحا وراويا،
وكاتبا ومرجعا في النسب والعلائق الاجتماعية،
وبساما وسيما وسمحا وسميحا، وسميرا،
وموانسا وونيسا، وانيسا، وانسانا كامل الانسنة،
مكتمل البهاء،،،
فقدكان وكيلا في زواجي قبل نحو ٢٠ عاما
وبعدها وقبلها ظل يمثلنا دوما،
والله انا من يوم الجمعة حتى اللحظة قبل موجعني عديل كدة،،
فقدته المنطقة المترابطة اجتماعيا ربما مثلنا
و ربما اكتر..

له الرحمة والمغفرة
وصدق من قال الخال شريك الوالدين
خالك لمن يقول ليك تعال ياود اختى
بتحس لو انو قاليك امش اقع فى النار بتمش وانت راضى
انا شخصيا ممكن اقوسو على ابنائى ابناء اخوانى
بس ابناء اخواتى مابقدر ازعلهم ولاهم برضو زول
يزعلنى ولاخت زاتا هى عبارة عن كنوز حنان ومحبة للاخ