بدل حــداشر نصاب بقوا أربعتاشر نصاب بالتمام والكمال..

05:39 AM October, 18 2020

سودانيز اون لاين
Elhadi-
مكتبتى
رابط مختصر

أي والله أربعتاشر بالتمام والكمال..

أربعتاشر نصاب ونصابة..

أربعتاشر بموظفينهم ومخصصاتهم وعرباتهم وحراساتهم وبنزينهم الملح على حساب المواطن المسكين والمغلوب على أمره

ده غير النصابين الفي مجلس الوزراء كمان

الله يكون في عون المواطن السوداني المسكين والمقهور والمغلوب على أمره

والذي يعاني الأمرين من شظف العيش وصفوف الخبز ـ صفوف البنزين ـ صفوف الغاز

والله العظيم حالة تمحن

الواحد ما عارف يقول شنو زاتو

منتهى التخلف..

منتهى الوضاعة

منتهى النصب والاحتيال

ده غير الولاة كمان

للحقيقة وللأمانة..

وللتاريخ..

النظام السياسي الموجود حالياً في السودان أثبت في خلال سنة وشوية فقط من عمره إنو يمكن أن يكون أسوأ من نظام عمر البشير بألف مرة

ياخي دي تفاهة فايتة الحد

ده غير مستشارين رئيس الوزراء حمدوك ومكتبه الإعلامي ومكتبه الزفت..

البلد دي بقت غنيمة تتوزع بين العواطلية والنصابين من كل شكل ولون

ده غير مين يعقوب داك ولا اسمو منو الزول الجاي من فرنسا داك الماخد ليهو تلاتة مناصب تقول البلد حقت أبوهو

كان حايم عاطل في فرنسا ولا وين ما عارف.. قال ليك انا رفدوني للصالح العام

طيب ما يرفدوك ـ ما في ناس ادقت و اتعذبت في بيوت الأشباح دي لمن دين أهلهم طلع بالجمبة، وشباب زي الورد قعدوا عطالة لا لقوا فرنسا ولا كاب الجداد

جاي ماخد ليك تلاتة مناصب من أرفع المناصب في الدولة ـ باسم الرفد للصالح العام وانت ما تميت ليك زاتو كم سنة في الخارجية ـ ياخ انت ما بتخجل من نفسك ؟؟ الواحد فيكم يقابل ربنا كيف زاتو ؟؟

والله الواحد لو ما السادة المشاهدين كان فلت وسمعكم من الفارغة والمقدودة.. ياخي ك... دي حالة دي

واحد زي ياسر عرمان الكان عامل فيها مناضل وعامل فيها ثورجي وبتاع حركات تحرر وما تعرف شنو

أسي قاعد يشكر في حميدتي وجاي ساكي الميتة

ياخ انعل .. واحد واحد

أما الصادق المهدي بتاع الهبوط الناعم..

والساق الناس كلها للحتة الأسي هم فيها دي.. وسلم البلد للعساكر

فده بتكون أسي طارت ليهو طبعاً

ده أكتر زول في السودان بكون اتمقلب في الحاصل ده كلو

14 عضو مجلس سيادة

في بلد ما فيها بنزين ؟؟

في بلد ما فيها عيش ؟؟

في بلد ما فيها غاز ؟؟

في بلد ما فيها مواصلات ؟؟

في بلد ما فيها كهرباء ؟؟

في بلد ما فيها أي شيء ؟؟

سيادة شنو ؟؟ هي وينها السيادة زاتو ؟؟

وسيادة لي شنو وعشان شنو زاتو ؟؟

ياخ خافوا الله في الناس

ده بؤس نفسو كان بالإمكان تكوين مجلس سيادي رشيق
ولا نمانع ان يستوعب الموقعين علي السلام شريطة
الا يتجاوز العدد خمسة اعضاء
هذا الجيش في السيادي وتوابعهم يمثل ازمة
في مجلس قيل انه تشريفي لبلاد تعاني الأمرين

مجلس السيادة ( المزعوم ) ده

واضح جداً (لكل ذي عين طبعاً ) و ( لكل ذي عقل ) ـ ما للناس المغفلين لأنو ديل أساساً ما واضح ليهم أي حاجة..

أقول واضح تماماً إنو هذا المجلس المزعوم هو بؤرة من بؤر الفساد في البلد وفي النظام السياسي الحالي..

وبؤرة من بؤر الجهل والتخلف، والممارسات السياسية الفاسدة. والأمثلة أكثر من أن تعد أو تحصى في هذا الصدد..

واحد في المجلس السيادي ده ـ جايب ود اخوهو

واحدة تانية جايبة ولدها..

وواحد جايب صحبو..

أي والله العظيم ده الحاصل..

Quote: جاي ماخد ليك تلاتة مناصب من أرفع المناصب في الدولة

وكيل وزارة الثقافة دا واحد المنصبين التانيات شنو؟

عليك الله هو تشريفي زاتو لي شنو يا حسن ؟؟

والحقيقة الواضحة طبعاً إنو هو ليس مجلساً تشريفياً ( الكلام ده بيتقال للمغفلين بس والناس الطاير ليهم)

هو مجلس يمارس دور وصلاحيات تنفيذية واضحة جداً جداً وفي قلب العملية السياسية ومسئول عن الأمن والدفاع والاقتصاد والعلاقات الخارجية بشكل كاااااااااااااااااااااامل

ولا يستطيع حمدوك ( العوقــة ) أن يفتي في هذه المسائل الثلاث دون الرجوع للمجلس السيادي

و الحقيقة المرة واللي الناس ما عازة تعترف بيها مع إنها واضحة جداً إنو مجلس الوزراء في ظل هذا الوضع هو المجلس التشريفي :)

وإنو الوزراء وحدود صلاحياتهم ومساحتهم في العمل السياسي أقل بكتير من أعضاء المجلس السيادي ـ خصوصاً العسكريين منهم

دي حقيقة ما عاوزة ليها اتنين تلاتة إلا لو الناس عاوزة تواصل في خداع نفسهم..

إضافة مادة جديدة للوسيخة الدستورية..

LOL

الرشيد سعيد يا محمد البشرى ـ

شغل إلى جانب منصب وكيل وزارة الثقافة والإعلام ـ

منصب مدير التلفزيون المكلف

بالإضافة لسفير بالخارجية السودانية

ديل تلاتة مناصب يا ود البشرى

حبيبنا الهادي تحياتي
مشكلة السيادي كمان كل واحد يريد اثبات الذات
كما رددت الصحف في الايام الفاتت بأن عائشة موسى اطلقت سراح سجناء كان من بينهم مغتصب طفل
وايضاً تنافسهم على الزائر القادم من الخارج الكل يريد الظهور
حتى يحتار الضيف .. لأنهم كلهم بصلاحيات موحدة

كلامك في الصميم واصل .. قريبي صلاح عووضة الصحفي .. متخصص في الناس السيادي
بمقالات نقد لاذعة ..

مودتي الحبيب الهادي

يالهادى
ياسر عرمان وصنوه عقار
مستعدين يلحسو جزمة حميدتى
على رؤس الاشهاد المهم يضمنو ليهم
مناصب وحميدتى بقى سيد الحل والعقد

السلام عليكم
ثلاثة امهم وابوهم
واحد القوات النظامية واحد قحت واحد
الحركات. كلواحد يستشير ناسو وهو من
الاساس مجلس تشريفي .

وزوجة الرشيد سعيد يعقوب ـ وكيل وزارة الثقافة والإعلام، والتي تم اعادتها وزوجها بمنصب سفراء بالخارجية

تم تعيينها مدير الإدارة الأوربية بوزارة الخارجية..

يا صلاة الزين على الحلوين يا صلاة الزين يا صلاة الزين :)

يا صلاة الزين على الزوجين يا صلاة الزين

في الوقت اللي فيهو الشباب والشابات خريجين الجامعات قاعدين عطالة وما لاقين شغل

وبعضهم اتجه لغسيل العربات في الشوارع العامة.. رغم إسهامهم المقدر جداً في هذه الثورة..

يتم التعامل مع الوظائف العامة على إنها غنيمة من قبل البعض الذين تسلقوا السلطة

يموت ابناء الغلابة تحت سنابك الجنجويد

بينما يحظى عطالة أوروبا وامريكا بالسمينة.. و (المناصب السمحة)

ولا ما كده ؟؟

عشت يا وطني المبرق بالندى ولون المشارق

يامحرّق يا مجرب..

عشت بي شرف البنادق..

ويسقط العفن البتلب فوقنا من شُرف الفنادق..

الاخ الهادي .. سلام

ولسه لما يعينوا المجلس التشريعي
حيجوك 300 عاطل ونصاب ..
والحسابة بتحسب ....
ما عارف ليه هم مصرين على العدد 300 نائب
وليه ما يكونو مية بس ....!!!!!!!!

عاالم بطاالــــــــــــــــــة ,,

مرحب يا مجيد

بالطريقة الأنا شايفا دي يا مجيد، المجلس التشريعي ده ( لو حصل وبقى في مجلس تشريعي من الأساس) فثلاثة أرباعه حا يكونوا من الأمنجية

وأنا مستعد أقسم ليك هسي دي

الحل الانتخابات

الاقاليم الستة وتنتخب رؤساء يصعدون للمجلس
الاعلي الحاكم ، الرئاسة دورية لمدة ثلاث سنوات
في حالة وفاة عضو يعين نائبه الولائي.
الجلس التشريعي ، ولائي ويمثل لكل
ولاية بنسبة عدد السكان ، الخدمة المدنية
ترجع لمجلس يعين الموظفين .

مجلس الوزراء
يكلف الحزب صاحب الاغلبية بتشكيل الحكومة
و هو السلطة التنفيذية الموكول بها تنفيذ البرنامج
الذي فاز في الانتخابات

ويا ريت حيقيفوا على الاربعتاشر....انتظر شوية وحتلقاهم بقوا ٣٠ وحيكموكم ٣٠سنة ثانية
وما تنسى في ٣٠٠ نصاب جاينكم قريب وهم نواب الشعب مع انهم جايين بالتعيين وما بي انتخابات..
والله حاجة تفقع المرارة....