واصل علي يقود الطلس في التايملاين السوداني بخصوص رفع العقوبات

09:51 PM October, 18 2020

سودانيز اون لاين
Elhadi-
مكتبتى
رابط مختصر

يا ناس أمشوا نومو نومكم

وشوفوا مظاهراتكم بي وين

ترامب يرفع شنو ، هو ترامب زاتو عاوز الرفع

حقاً تحرسوا ولا بيجيك

حقك تلاوي وتقلعو

شوفوا جنس ده :)

الهادي سلام
واصل ده اخر زول ممكن يطلس
ممكن الكلام ده ما يحصل، لكن المشكلة بتكون في المصدر، وواصل بتعب وبكرب مصادرو كويس في العاده.
وصباحات الله بيض.

تغريدات ترامب لغايه قبل دقائق كلها عن الحمله الانتخابيه والناس هنا فاتحه خشمها راجيه الرى
شوفو شغلتكم
يعنى حيحصل شنو حتى لو اترفع اسم السودان من القائمه السوداء للارهاب
لاازمات حتروح ولادولار حينزل باسباب منطقيه والكيزان حيستمرو فى حربهم على البلد عشان يغطسو حجر الثوره
مشكله الناس يتفكر فى عائد خطوه رفع اسم السودان القائمه كمنافع شخصيه فى تسهيل امورهم وتحويلاتهم او تجارتهم وكدا لكن مافى زول عندو حاجه للبلد عشان زياده الانتاج وانتعاش اقتصادى حقيقى
اصحو يا ناس من الغفله الانتو فيها

سلام عليكم

بما ان تغريدة ترمب غير حقيقية، فإحتمال ان صاحب صورة الفوتوشوب قصد ضرب
مصداقية الأستاذ واصل علي و في نفس الوقت تشكيك واصل في مصادره.

Quote: لاازمات حتروح ولادولار حينول باسباب منطقيه والكيزان حيستمرو فى حربهم على البلد عشان يغطسو حجر الثوره مشكله الناس يتفكر فى عائد خطوه رفع اسم السودان القائمه عكمنافع شخصيه فى تسهيل امورهم وتحويلاتهم او تجارتهم وكدا لكن مافى زول عندو حاجه للبلد عشان زياده الانتاج وانتعاش اقتصادى حقيقى اصحو يا ناس من الغفله الانتو فيها

👌 فعلاً يا أ. عاصم.

واصل بقى النسخة المطورة من منعم سليمان ( الطلاس الأكبر )..

وبدل ما يقول للناس إنو دي مجرد تكهنات وتخرصات لا أساس لها من الصحة..

قاعد يسوق فيهم بالخلاء في الوقت اللي فيهو الرئيس ترامب مشغول بحملته الانتخابية وبجمع الأموال والتبرعات لهذه الحملة..

واحتمال ما يكون متذكر السودان ده زاتو واقع بي وين زاتو عشان يعمل تغريدة رئاسية بخصوصه في هذا التوقيت

شابكهم ليك الأحد الصباح .. لا الأحد العصر .. لا الأحد المساء.. في النهاية قال ليهم خلاص بكرة الاتنين كأقصى موعد وطبعاً بيكون في ناس نامت وصحت في انتظار التغريدة :)

أها يا الهادي ترمب و غرّد :)
نعلّك ما متضايق بس

GREAT news! New government of Sudan, which is making great progress, agreed to pay $335 MILLION to U.S. terror victims and families. Once deposited, I will lift Sudan from the State Sponsors of Terrorism list. At long last, JUSTICE for the American people and BIG step for Sudan!

Quote: أها يا الهادي ترمب و غرّد :) نعلّك ما متضايق بس

😀
حامضة

الهادي الحاقدين ديل وخاصة ود البشرى قول ليهم قبلي ولا بشاشا كسح

قرقرقرقر
الهادي بيكون صرف بركاوي لترامب

الهادى اعلن التوبة من التشاؤم من اليوم واصرف ليهو بركاوى
خليك متفائل يا خى

فرحانين ليكم بـ (تغريدة) تمنها 333 مليون دولار ؟؟

من زول معتوه بيشكر في الناس الكتلوكم..

وانتو عيش ما عندكم ؟؟

أوكي

I will be back

حميدتي يشكر ترامب ويصلح سراير !

Quote: عاجل | حميدتي: أشكر الرئيس الأمريكي دونالد ترامب على عزمه إلغاء تصنيف بلادنا كدولة راعية للإرهاب عاجل | حميدتي: وجود السودان في قائمة الإرهاب أضر كثيراً بعلاقاتنا الخارجية ونثني على هذه الخطوة

حقو السي إن إن يعملو لقاء مع (حميدتي) بالمناسبة السعيدة دي !

عشان بالمرة الناخب الامريكي زاتو يتعرف عليهو :)

Quote: ترامب يرفع شنو ، هو ترامب زاتو عاوز الرفع

Quote: واصل بقى النسخة المطورة من منعم سليمان ( الطلاس الأكبر ).. وبدل ما يقول للناس إنو دي مجرد تكهنات وتخرصات لا أساس لها من الصحة

هوووي يا الهادي ما تاكلنا حنك وركز في موضوع البوست.
قصة إنو رفع إسم السودان من قائمة الدول الراعية للإرهاب دا حاجة كويسة وتستحق نفرح بيها ول ما تستحق دا موضوع تاني ممكن تفتح ليه بوست منفصل.

وهو موضوع البوست شنو يا حافظ ؟؟

الموضوع ده كلو طلس في طلس إذا كان من الرئيس ترامب الذي يستهدف دعم حظوظه الانتخابية ـ ( و ده ما كلامي أنا )

أو إذا كان من أطراف الحكومة في السودان خصوصاً البرهان وحميدتي والبيستهدفوا حماية نفسهم في المقام الاول من خلال التطبيع مع إسرائيل وليس رفع العقوبة عن الشعب السوداني

هو انت لو عاوز تخدم مصالحهم بتكتلهم بالجملة والقطاعي ؟؟ ولا بتسرق مواردهم وثرواتهم ؟؟

أما لو بتقصد الأخ واصل.. فأنا أقدم اعتذاري له على الملأ..

وأقول إنو الأخ واصل ما كان مقصود في شخصه بقدر ما كان المقصود الخط السياسي والإعلامي والدعائي الذي يدعم هذا النظام القاتل وسياساته، أو الذي يسوق الناس سواقة لتبني أجندات ما بتخدمهم ولا بتخدم معاناتهم بتعريفة واحدة، أو يصور لهم الأمور على غير حقيقتها..

ولمن أقول (النظام القاتل) فده لأنو واضح جداً أن المدنيين في هذا النظام هم مجرد واجهات.. وإمعات.. وتمومة جرتق ليس إلا.. وليس لهم أدوار حقيقية، وليس لهم من السلطة إلا مظهرها فقط

والسلطة الحقيقية في يد القتلة ـ البرهان وحميدتي وجهاز الأمن والبقية الباقية من تنظيم القتلة، وعملاء بن زايد وعملاء القاتل ابو منشار ـ دي هي السلطة الحقيقية الحاكمة الآن في السودان..

نظام العواطلية والقتلة الحاكم في السودان يسارع إلى استغلال تغريدة الرئيس ترامب في ظهور إعلامي مكثف..

التغريدة أم (333) مليون دولار

أراهنكم إنو بعد شوية حا يمرق رئيس الوزراء (الدلوكة) في خطاب للشعب السوداني :)

LOL

واصل علي شخص معروف و اعلامي متميز
انت منو يا الهادي ؟

Quote: انت منو يا الهادي ؟

مواطن سوداني عادي لو مشيت في أي شارع من شوارع الخرطوم او بحري أو أمدرمان بتلاقي زيو كتار

ما عاجبك كلامي ؟؟

شايف الحيطة الوراك دي ؟؟

ألبس فيها بي رأسك طوالي

LOL

Quote: شايف الحيطة الوراك دي ؟؟

ما جنبي حيطة يا حيطة انت
مستمتع بالحيطة الانت لابس فيها
عموماً القرار دا بالاضافة لاتفاقية السلام
منح السيد حمدوك الضوء الاخضر للاستمرار
و يجب التمديد للسيد حمدوك لمدة 12 سنة اضافية

Cameron Hudson

Quote: What the next few days are expected to look like in US-#Sudan relations: Sudan to transfer its $335m to US escrow account for State Dept to distribute to victims; Trump should formally notify Congress that it is seeking to delist Sudan. This starts Congress' 45day review period. US-#Sudan expected to initial the details of the agreement this week, possibly in Khartoum with the visit of the White House negotiator already in the region. Sudan would then initiate talks on normalization with Israel. Not clear if that is a process or just an announcement. Either way, Washington is expecting that normalization will occur before the Nov 3 US elections. If not, it could put in jeopardy promised aid and assistance #Sudan wants from the Administration in engaging with Congress, IMF, World Bank and others. That is a lot to get done in the next 2 weeks. And it assumes that the Sudanese public doesn't object. Likely some of these deadlines will slip. The hope is that no one element derails the overall deal. But as objectionable as some may find this deal, I think its the right move. If Trump wins, it would likely respond poorly to having been snubbed by Sudan after multiple offers. If Biden wins, it could take months for a new team to be assembled and for the Admin to focus on this deal with Sudan. Could Sudan's economy make it another 10 months on the list؟ Could Hamdok and the transitional government survive after failing to secure a delisting deal؟ What would that mean for the transition؟ Given the stakes, it was prudent to take a less than perfect deal with a less than perfect partner now than to gamble on surviving long enough.

Quote: e: What the next few days are expected to look like in US-#Sudan relations: Sudan to transfer its $335m to US escrow account for State Dept to distribute to victims; Trump should formally notify Congress that it is seeking to delist Sudan. This starts Congress' 45day review period.

بعد فترة ال 45 يوم لسه ترامب بكون موجود على سدة الحكم
بعدها سيتم التطبيع مع اسرائيل
و بعدها قفل و احتفل
انت لسه حي بتفرفر؟ :)

والفائدة السياسية الحا يجنيها ترامب شنو بعد الانتخابات سواء تم التطبيع أو لم يتم ؟؟

اتنين:

ترامب كان ممكن يشرع في إجراءات رفع السودان دون انتظار وصول الأموال

أوعا الراجل ده يركبكم ماسورة بس !!

ويقعد يماطل فيكم لأنو كلها باقي ليهو ١٥ يوم طلع منها الإجازات

LoL

الخبر فرح كل السودانيين لكن سخن مع الكيزان
تبكي بس يا الهادي

Quote: يماطل فيكم

فيكم!! معقول يا الهادي! قدر دا زعلان من الحكومة
يا خي لو القرار دا طلع في عهد القشير كان فرحنا بيه لانه صالح الوطن وليس افراد او انظمة

مايك بومبيو حول رفع اسم السودان: ننتظر إجماعاً من الحزبين في الكونغرس !!!

طيب والتغريدة حقت أبو التاء ؟؟؟

ابو التاء كان قال الدفع قبل الرفع :)

السيناتور ميننديز كان قد ذكر وفق ما أوردت صحيفة إسرائيلية

انهم لن يمرروا الصفقة مالم تشمل كل القضايا الأخرى !

بومبيو : امريكا بدات اجراءات رفع اسم السودان من الدول الراعيه للارهاب

قال وزير الخارجية الأميركي مايك بومبيو، اليوم الأربعاء، إن إدارة الرئيس دونالد ترمب بدأت عملية رفع اسم السودان من القائمة الأميركية للدول الراعية للإرهاب، كما تعمل "بدأب" لدفع الخرطوم إلى الاعتراف بإسرائيل، وهو أمر تأمل واشنطن بأن يتم سريعاً.

جاءت تصريحات بومبيو للصحافيين، بعد يومين فقط من إعلان ترمب أن اسم السودان سيرفع من قائمة الدول الراعية للإرهاب، بعدما حولت 355 مليون دولار لتعويض ضحايا أميركيين وأسرهم. لكن بومبيو لم يفصح عما إذا كان رفع اسم السودان مشروطاً بموافقته على إقامة علاقات مع إسرائيل.

وقال مسؤولون أميركيون، لوكالة "رويترز"، إن شطب السودان من القائمة قد يؤدي إلى المضي قدماً نحو إقامة علاقات سودانية مع إسرائيل، في أعقاب خطوات مماثلة عبر وساطة أميركية من الإمارات والبحرين.

ومن شأن التقارب بين إسرائيل ودولة عربية أخرى أن يمنح ترمب إنجازاً دبلوماسياً جديداً، مع سعيه إلى إعادة انتخابه في الثالث من نوفمبر (تشرين الثاني) المقبل

Quote: مالم تشمل كل القضايا الأخرى !

ياتو قضايا أخرى ؟
كان علي التطبيع بدت الاجتماعات اليوم بين الجانب الاسرائيلي و السوداني
الطائرة التي هبطت في مطار الخرطوم اليوم كان فيها الوفد الاسرائيلي
وغادرت الطائرة لانها مؤجر من جزيرة مالطا
لكن الوفد قاعد لمدة اسبوع جزء منهم في فندق السلام روتانا و جزء منهم في فندق كورنثيا
شكلك حتنجلط :)

أنا بنقل ليك كلام الراجل يا مولانا

وطبعاً الدخلنا في ده كلو هو حمدوك

ترامب أبلغ الكونغرس الامريكي بنيته إلغاء تصنيف السودان كدولة راعية للإرهاب

لكنه لم يوقع أي أمر تنفيذي في هذا الصدد (حتى الآن على الأقل) على عكس ما نقل عن المصادر السودانية وما يسمى بمجلس السيادة!!

وأعلن في ذات الوقت حسب ما نقلت مصادر صحفية امريكية عن موافقة السودان وإسرائيل على تطبيع العلاقات!!

كلام غريب جداً جداً جداً

موش أمس بومبيو بتكلم عن إنو ده أمر (سيادي) متعلق بالسودان؟؟

هههههههه
مبالغة يا الهادي! علي اليمين بقيت ما تتفرز من بقال

أنا بنقل ليك الحقيقة كما هي !!

بعد داك تشوفا كيف أو تفكر فيها كيف.. إنت حر!!

السؤال البطرح نفسو هنا، مع انو عارف الناس ما حتقيف فيهو

من وين مجلس السيادة جاب كلام ترامب وقع أمر تنفيذي بهذا الصدد ؟؟

لاحظ هنا إنو قال وقع موش حا يوقع

بينما ما صدر عن الجانب الامريكي أمر مختلف تماماً

* تلك أمانيكم يا أهل الكتاب*

لاحظ هنا إنو قال وقع موش حا يوقع

بينما ما صدر عن الجانب الامريكي أمر مختلف تماماً

ما يسمى ب (المجلس السيادي) .. عفواً

Sen. Menendez: Resolve 9/11 claims or Sudan bill can't pass

We will see what he's going to say now