Post: #1
Title: ( شن بسوي خبار الشوم للفتى المأزوم ؟ )
Author: ابو جهينة
Date: 10-18-2020, 05:04 PM
Parent: #0
05:04 PM October, 18 2020 سودانيز اون لاين ابو جهينة-السعودية _ الرياض مكتبتى رابط مختصر
اهداء الى صديق تلك الأيام الخوالي في غربته *****
ما دام بِقِيتْ نُصَّ البحر واقف ما يْهِم لو نزلْتَ أعُوم .. خربانة خربانة .. لا عُذْراً بَقَدِّم .. لا بَخَاف اللوم .. و المُتْعَوِّد طُوُل السَّهر .. على فَرْش الحرير بِغَلْبُو النوم .. جاطتْ .. و هاصتْ إخْتَلَط حابْل الهديل بي نابِل نعيق البُوم هاتي ال في و ال مافي زيدي كوم همومنا رَدُوم ... شِنْ بِسَوِّي خَبار الشوم للفتى المازوم ؟ لا جَرْحاً بِيَنْزِف يزيد نَتْح الألم و لا فرحاً بِغَيٍّر طعْم الأسى المرسوم .. واقف زى شَدَر الخريف شامخ .. العروق جوة الأرض .. و الصَّفَق معدوم بَشِقْ عتامير الضلام .. و فوق جبال التِيهْ .. بازَاً هوايتو الحُوُم عهداً قطعتو جوة النَّفِس .. مهما كِتْرَنْ بَتَابْت القوم .. لا بْتَسْمعي أَنَّةْ شِكَاية .. ولا صوت البِكا المكتوم خلي الوجع يِتْنَامَى .. و سيبي الحُزُن يطول وُيْدُوم بيلْقُوني أنا ياني أنا .. زيْ ما كنتَ .. كُوم صَبُر مَرْدُوم
|
Post: #2
Title: Re: ( شن بسوي خبار الشوم للفتى المأزوم ؟ )
Author: اخلاص عبدالرحمن المشرف
Date: 10-18-2020, 08:16 PM
Parent: #1
بيلقوني أنا ا ياني انا زي ما كنت كوم صبر مردوم
شكراً اديبنا الرائع
|
Post: #3
Title: Re: ( شن بسوي خبار الشوم للفتى المأزوم ؟ )
Author: ابو جهينة
Date: 10-18-2020, 08:52 PM
Parent: #2
استاذتنا اخلاص تحايا سامقة وسلام مقيم
*
بيلقوني أنا ا ياني انا زي ما كنت كوم صبر مردوم
*
ياهو حال السودان الان يا اخلاص
مشكورة على المرور
|
|