كشفت مصادر حكومية، وأخرى تتبع لتحالف الحرية والتغيير الحاكم، عن تأكيدات بعثت بها الإدارة الأمريكية للحكومة السودانية، بشطب اسم السودان من قائمة الدول الراعية للإرهاب خلال الساعات القادمة، وأشار إلى أن الإدارة الأمريكية، أبلغت السودان بصدور قرار مرتقب برفع اسمه من القائمة، لأن الإجراءات الرسمية لشطب اسم البلاد قد تمت لكنهم ينتظرون تغريدة الرئيس دونالد ترامب على حسابه الخاص بتويتر عن رفع اسم البلاد من القائمة.
Post: #2 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-18-2020, 10:02 AM Parent: #1
وقال المصدر الحكومي لـ”الترا سودان”، إن هذا القرار ليس لديه علاقة بالتطبيع، لأن الحكومة أبلغت نظيرتها الأمريكية بفصل قضية التطبيع مع إسرائيل من قائمة الإرهاب، وأضاف: “رفع اسم السودان ليس لديه علاقة بالتطبيع مع إسرائيل، وأبلغت الحكومة نظيرتها الأمريكية بضرورة فصل المسارين عن بعضهم البعض”، مؤكدًا إلى أن الإدارة الأمريكية، قالت لهم بأن الرئيس ترامب سوف يدون تغريدة على حسابه بتويتر بخصوص هذا الشأن، لافتًا إلى أنهم في الحكومة لا يريدون استباق الأحداث بالحديث عن رفع السودان من القائمة الذي بات وشيكًا، تحسبًا لأي تغيير قد يقوم به ترامب أو يغرد عكس ما هو متوقع، لذلك الحكومة ملتزمة الصمت وتحبس أنفاسها في هذا التوقيت.
Post: #3 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-18-2020, 10:06 AM Parent: #2
أنا مع ترامب لحين اعلان رفع السودان سير .. سير يا ترامب خلاص يا بايدن حبيبنا حبك في قلوبنا لكن التأييد لترامب ننتظر هذه الساعات .. المظاهرات اكتوبر تكون تأييد لترامب .. حبيبنا بايدن .. نحن همنا السودان حبيبكم شومر دعه يتمثل قليلا 11 سبتمبر في الطائرة التي فجرت المبنى كان مصريين وسعوديين لماذا السودان .. وبن لادن كان في باكستان وافغانستان .. لماذا السودان
Post: #4 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-18-2020, 10:11 AM Parent: #3
البوست صالح لساعات فقط لازم أكلم نفسي عشان مستقبل اولادنا وأحفادنا الوضع خطير جداً اليوم الريال 70 جنيه ماشي آخد سلفة من محاسب الشركة لأن الريال سوف يكون زيرو بعد الاعلان المعاه ريالات ممكن يبيع اليوم لأن بعد القرار سوف يهبط اذا ترامب اعلن رفع السودان تغيير شارع عبيد ختم الى ( شارع ترامب ) وتسمية أجمل حي في الخرطوم بإسم ( بنت ترامب ) ما مذكر الاسم
Post: #5 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-18-2020, 10:14 AM Parent: #4
المدير ما في .. والشركة هادئة والحصة جوالات وكمبيوتر في انتظار ترامب .. شكرا الحبيب أبوحسين وساطتك عند بكري رفع لي المداخلات بلا حدود
احبابنا في امريكا لوسمحتوا تابعوا معانا الموضوع الخوف من ( شومر ) الديمقراطي وتعويضات 11 سبتمبر
صلاة الظهر .. ونشوف الموضوع ..
Post: #6 Title: Re: خبر جميل .. ترامب سوف يغرد بعد ساعات .. لرفع Author: النذير بيرو Date: 10-18-2020, 10:36 AM Parent: #3
الحبيب علي عبد الوهاب ازيك وسلامات كتير يا اروع زول في المنبر ونحن معاك ))سير سير ياترامب مع انني طيلة حياتي لم اهتف لي رئيس
لكن نسوي شنو) عشان اولادنا والاجيال الجاية
بيرو
Post: #7 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-18-2020, 10:49 AM Parent: #6
يا سلام يا جميل النذير .. انت الأروع نحن الكوامر ( لن ننال شيء من السودان ) المهم أولادنا وأحفادنا يخرجوا من هذا الوعثاء الاغتراب والكفيل والهجرة الى انحاء العالم الحبيب النذير صدقني أمريكا مهمة جداً بدونها ما في أي تطور لا تجارة لا زراعة لا صناعة ... الخ
اسم شاهدت ترامب يرقص في احتفال تجمع انتخابي ( بقي زي المعزول البشير ) رقصة غريبة يرجع الى خلف والى الامام
غايتو لو رفع اسم السودان .. أكيد تمثال في وسط العاصمة لو رفضوا ناس العاصمة .. تمثال عندنا في وسط مدينة دنقلا ( زهجنا من رب .. رب .. يا ترمب )
تحياتي الجميل النذير .. حضورك جميل .. نعم من أجل ابنائي ..
Post: #8 Title: Re: خبر جميل .. ترامب سوف يغرد بعد ساعات .. لرفع Author: MOHAMMED ELSHEIKH Date: 10-18-2020, 11:16 AM Parent: #7
سلام زعيمنا امبس
الحاجة الفاهمها انا اسئيل هي الولاية ال 51 لامريكا
الماعايز علاقات مع هذه الولاية يكون واضح ويطال بقطع العلاقا ت مع امريكا
ان شاء الله يدوسها تحت جزمتو زاتها
حبيبنا برطم خبرو شنوو؟
Post: #9 Title: Re: خبر جميل .. ترامب سوف يغرد بعد ساعات .. لرفع Author: Ahmed Yassin Date: 10-18-2020, 11:23 AM Parent: #8
والى ان تن يغرد ترمب .. الان دوزنا الكمنجة وبدأنا في اغنية عثمان حسين كلمات الشاعر السعودي السفير حسن عبدالله القرشي غرد الفجر فهيا ياحــــــبيبي واستهام .. الـــنور في الروض الرطيب
Post: #14 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-18-2020, 11:46 AM Parent: #9
فنانا الجميل احمد ياسين .. سيرناقمي يا رب يكون الخبر الصحيح .. عشان خاطر عيون أهلنا واولادنا لكنا سوف نغني فرحاً للوطن .. في معاناة شديدة ووو أحمد أمبس
تحياتي يا جميل ..
Post: #12 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-18-2020, 11:43 AM Parent: #8
قريبنا برطم .. يخطط لقيادة حملة الى تل ابيب وسوف يتكفل التكلفةحوالي 160 الف دولار هم 40 شخص طبعا هو كان مرشح مستقل في دائرة دنقلا وهزم مرشح المؤتمر الوطني ( بلال ) .. بس نحن كنا محتاجين 160 الف دولار في المنطقة لكن ما شاء الله ربنا يزيد الخير .. برطم مرطب ( حتى مرطب اختلاط الحروف برطم )
تحياتي الحبيب ودالشيخ
Post: #10 Title: Re: خبر جميل .. ترامب سوف يغرد بعد ساعات .. لرفع Author: ABUHUSSEIN Date: 10-18-2020, 11:24 AM Parent: #7
Quote: شكرا الحبيب أبوحسين وساطتك عند بكري رفع لي المداخلات بلا حدود
حبيبنا أستاذ علي أنا ما إتوصت ليك و لو حصل كان مداخلاتك وصلت لي مداخلة وااااااااااحدة بس عند اللزوم ...
Post: #11 Title: Re: خبر جميل .. ترامب سوف يغرد بعد ساعات .. لرفع Author: الشيخ سيد أحمد Date: 10-18-2020, 11:31 AM Parent: #10
استاذنا الجليل "علي"
منتظرين معاك ان شاء الله يطلع خبر صحيح.
وبالمرة نسمع حبيبنا "أحمد ياسين"..لأنو شايفو مشى جاب لي غنية "اول مرة اسمع بيها"
Quote: حبيبنا أستاذ علي أنا ما إتوصت ليك و لو حصل كان مداخلاتك وصلت لي مداخلة وااااااااااحدة بس عند اللزوم ...
ابو حسين يا حبة...حامضة شديد :)
Post: #13 Title: Re: خبر جميل .. ترامب سوف يغرد بعد ساعات .. لرفع Author: اخلاص عبدالرحمن المشرف Date: 10-18-2020, 11:45 AM Parent: #11
السلام عليكم استاذنا علي عبدالوهاب عثمان يا رب يصدق الخبر
يا استاذ سيد أحمد الشيخ معقولة اغنية عثمان حسين دي ما سمعت بها ؟!!!!
Post: #17 Title: Re: خبر جميل .. ترامب سوف يغرد بعد ساعات .. لرفع Author: الشيخ سيد أحمد Date: 10-18-2020, 11:53 AM Parent: #13
Quote: يا استاذ سيد أحمد الشيخ معقولة اغنية عثمان حسين دي ما سمعت بها ؟!!!!
تصدقي يا اخلاص ما اظن سمعتها قبل كده. او يمكن سمعتها لكن العنوان اول مرة اسمع بيهو. "احمد ياسين" يا حبيبنا...راجنك تجيب الاغنية.
كسرة: يا اخلاص ..عليك الله ما تقلبي لي اسمي .. شنو سيداحمد الشيخ دي..انت قريتي المداخلة من "المراية" ولا شنو :)
مع تقديري.
Post: #19 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-18-2020, 11:55 AM Parent: #13
دكتورة اخلاص .. تحياتي شكرا للحضور نتمنى ذلك .. يمكن ربنا يسخره عشان خاطر الغلابا على الاقل نعيش ساعات من الأمل
تحياتي الدكتورة
Post: #15 Title: Re: خبر جميل .. ترامب سوف يغرد بعد ساعات .. لرفع Author: امتثال عبدالله Date: 10-18-2020, 11:47 AM Parent: #11
اظنك بتحلم يا استاذنا..فمستحيل ترامب يتخذ قرار برفع السودان من قائمة الدول الراعية للارهاب قبل ان تعلن الحكومة الاتتقالية قرلر التطبيع مع اسرائيل... اما اذا فعل فسوف تصوت لترامب..وحنسمي حديقة في الخرطوم اسمها حديقة"حبيبي مفلس" باسم حديقة ترامب... لكن اظن اكثر زول بيكون.مبسوط من البوست ده هو عبد الله عبد الله ،المؤيد لترامب... ..المهم ننتظر ونشوف ..اظن صلاة الظهر فضل ليه ساعة عندكم...
Post: #21 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-18-2020, 12:01 PM Parent: #15
الابنة امتثال .. تحياتي قرأت الخبر في عدة مواقع اخبارية حتى لو نسبة الصدق 1% برضو نقول هناك أمل ابنتنا امتثال قبل قليل كنت في اتصال مع الأهل في البلد الوضع في غاية السوء .. الله يكون في العون
ما عارف المثل بالعربي ( الغريق يتعلق في قشة ) ديل نحنا
التحية للاميرات .. المهم بعد الانتخابات لن يردد أحد اسم السودان
Post: #18 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-18-2020, 11:53 AM Parent: #11
حبيبنا الشيخ سيداحمد
يا رب يطلع الخبر صحيح
ننتظر ما عارف ترامب يصحى الساعة كم فرق التوقيت
نعيش على الاقل ساعات من الامل
تحياتي يا جميل
Post: #16 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-18-2020, 11:49 AM Parent: #10
حبيبنا أبوحسين .. تحياتي ياجميل أذكر زمان عندما قلت مداخلاتي محدودة في كانت لك مداخلة لبكري ونصحتني بأن أرسل ايميل لبكري
ربما لم أفهم الموضوع بالضبط
معليش يا الحبيب وكامل مودتي لك
Post: #20 Title: Re: خبر جميل .. ترامب سوف يغرد بعد ساعات .. لرفع Author: اخلاص عبدالرحمن المشرف Date: 10-18-2020, 11:58 AM Parent: #16
الشيخ نحيلك لنكتة الحلفاوي واحد اهله مسمينو صالح محمد الحلفاوي قاله دي لخبته منك هي محمد ساليه كان طارت هي محمد احمد 😂😂
Post: #22 Title: Re: خبر جميل .. ترامب سوف يغرد بعد ساعات .. لرفع Author: الشيخ سيد أحمد Date: 10-18-2020, 12:04 PM Parent: #20
Quote: الشيخ نحيلك لنكتة الحلفاوي واحد اهله مسمينو صالح محمد الحلفاوي قاله دي لخبته منك هي محمد ساليه كان طارت هي محمد احمد 😂😂
😂😂😂😂😂😂
حلوة يا اخلاص. الحلفاويين اصحاب نكتة و طرفة شديدة.
Post: #23 Title: Re: خبر جميل .. ترامب سوف يغرد بعد ساعات .. لرفع Author: اخلاص عبدالرحمن المشرف Date: 10-18-2020, 12:04 PM Parent: #20
الاغنية دي فيها مقطع انت نوري اي زول من الشايقية ولا من نوري بنهديها له وحتي ناس كريميي وافتقد الاخت ست البنات
Post: #24 Title: Re: خبر جميل .. ترامب سوف يغرد بعد ساعات .. لرفع Author: الشيخ سيد أحمد Date: 10-18-2020, 12:10 PM Parent: #23
Quote: الاغنية دي فيها مقطع انت نوري اي زول من الشايقية ولا من نوري بنهديها له وحتي ناس كريميي وافتقد الاخت ست البنات
بالحيل من الشايقية.
هدية مقبولة طبعأ حتى قبل ما نسمع.
تسلمي يا بت المشرف.
Quote: وحتي ناس كريميي
"كريمي" دي مدينه يكسوها الجمال. هاكي الهدية دي كمان لك ولكل المشاركين في البوست.
Post: #25 Title: Re: خبر جميل .. ترامب سوف يغرد بعد ساعات .. لرفع Author: اخلاص عبدالرحمن المشرف Date: 10-18-2020, 12:13 PM Parent: #24
Post: #26 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-18-2020, 12:18 PM Parent: #25
يا سلام شكرا كثير كثير دكتورة اخلاص وحبيبنا الشيخ سيداحمد .. يخرب بيت ترامب .. البوست تحول الى نغم وجمال نوري وكريمة .. نورى أجمل بلاد الله ..
نعم غرد الفجر بدل غرد ترامب
واصلوا هذا الجمال لننسى موضوع ترامب أجعلوا الفجر يغرد ..
Post: #27 Title: Re: خبر جميل .. ترامب سوف يغرد بعد ساعات .. لرفع Author: Arif Nashed Date: 10-18-2020, 12:31 PM Parent: #25
علي امبس و ضيوفك تحياتي. مسألة التطبيع وقائمة الإرهاب أصبحت مادة دسمة لنسج الشائعات حولها ليشغلوا بها الناس. مع ذلك نتمني ان يرفع اسم السودان من قائمة الإرهاب إذا كان هو الحل لمشاكل السودان.
Post: #28 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-18-2020, 12:44 PM Parent: #27
Quote: مسألة التطبيع وقائمة الإرهاب أصبحت مادة دسمة لنسج الشائعات حولها ليشغلوا بها الناس. مع ذلك نتمني ان يرفع اسم السودان من قائمة الإرهاب إذا كان هو الحل لمشاكل السودان.
حبيبنا عارف امبس .. الخبر بهذا العنوان ((مصادر: ترامب سوف يغرد على تويتر بشطب السودان من قائمة الإرهاب)) قلنا نعيش على الأمل ولو لمدة دقائق
أنا فكرت أخيراً وقلت : يمكن للتأثير على سعر الدولار ربما يكون شغل سماسرة أو جهات حكومية لايقاف تصاعد الدولار
الغريبة ما في اخبار كافية عن زيارة بنسودا للسودان ( المحكمة الدولية )
تحياتي الحبيب عارف امبس
Post: #29 Title: Re: خبر جميل .. ترامب سوف يغرد بعد ساعات .. لرفع Author: الشيخ سيد أحمد Date: 10-18-2020, 12:46 PM Parent: #27
Quote: انها نوري
معقولة لكن.. يا بت المشرف جيتينا في مضاربنا عديل كدي.
انت "هول " منو كمان هناك في "نوري".
غايتو ان بقيتي من منطقة "نوري" تكون دي صدفة عجيبة خلاص.
وهاك يا سيدتي لك ولكل المشاركين ومن تبعهم "بطرب الى نغم جميل" اغنية "غرد الفجر"
Post: #30 Title: Re: خبر جميل .. ترامب سوف يغرد بعد ساعات .. لرفع Author: الشيخ سيد أحمد Date: 10-18-2020, 12:52 PM Parent: #29
حياك الله استاذنا الجليل "علي"
Quote: يا سلام شكرا كثير كثير دكتورة اخلاص وحبيبنا الشيخ سيداحمد .. يخرب بيت ترامب .. البوست تحول الى نغم وجمال نوري وكريمة .. نورى أجمل بلاد الله ..
نعم غرد الفجر بدل غرد ترامب
واصلوا هذا الجمال لننسى موضوع ترامب أجعلوا الفجر يغرد ..
البت طلعت مننا يا استاذ "علي" ..شفت كيفن بالله. ماعايزين "نفتل" ليك "البوست"..وننكفئ على انفسنا في شوق وحوار مناطقي . لكن ...ده ما بمنع انو اقول ليك "غرد الفجر" فيها طرب كده عجيب. مع التحيات لي حبيبنا الفنان"احمد ياسين".
Post: #31 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-18-2020, 01:02 PM Parent: #30
الحبيب الشيخ .. ما مشكلة الانتماء جميل للجزء ثم الكل .. عثمان حسين الله يرحمه ويحسن اليه روعة .. بعدين غناء الشايقية أطرب كل السودان حتى الاخوة الجنوبيين
تحياتي الحبيب الشيخ
Post: #32 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-18-2020, 01:03 PM Parent: #31
ما زلنا في انتظار ترامب إلا يكون الخبر كما ذكرت عشان الدولار أي اخبار عن رفع اسم السودان فيه دعم للجنيه السوداني
Post: #33 Title: Re: خبر جميل .. ترامب سوف يغرد بعد ساعات .. لرفع Author: اخلاص عبدالرحمن المشرف Date: 10-18-2020, 03:49 PM Parent: #32
غرد الطير كنت اظن انها ل بازرعة عثمان حسين الانقاذ اول ما جاءت وقفت له عدة اغاني ل بازرعة ، غرد الفجر هل منها ؟
يا الشيخ ست البنات هي ال من نوري انا اصحابي وصاحباتي من نوري😹
Post: #34 Title: Re: خبر جميل .. ترامب سوف يغرد بعد ساعات .. لرفع Author: امتثال عبدالله Date: 10-18-2020, 05:14 PM Parent: #33
بعدين ما تنسى يا استاذ علي ان اليوم يوم الاحد، عطلة رسمية..والرئيس ترامب راجل متدين ويومه كله في الكنيسة ، وما عنده وقت يفكر في امور الدنيا ومشاغل السياسة...وعشان كده ندي فرصة للامل يتحقق الى يوم بكره يوم الاثنين لرفع السودان من القائمة السوداء ، ورفع العقوبات نهائيا من وطننا الحبيب.. بس ما تامل ان الريال السعودي حينزل سعره من ٧٠ جنيه الى ٢٠ جنيه وان الدولار حينزل سعره من ٢٧٠ جنيه الى ٥٠ جنيه...لان قوة الجنيه السوداني يتوقف على امرين هامين وهما: ١- ان تكون الصادرات اكثر من الواردات ، وبما انه ليس لدينا بترول فيجب تصدير اكبر كمية من القمح والذرة والقطن والصمغ العربي وكذلك الماشية الحية واللحوم... ٢-اتخاذ الاجراءات اللازمة لوقف تزوير الجنيه السوداني حيث ان المصريين يزورون بلايين الجنيهات السودانية ولديهم نفس طابعات العملات السودانية الموجودة في مطابع صك العملة...ويجب تغيير نوع الورق الذي يطبع منه العملة كما فعلت السعودية علما بان السعودية غيرت نوع الورق ليس بسبب التزوير ولكن لتجويد نوع ورق العملة كي لا تتلف ابدا بمرور الزمن.
Post: #35 Title: Re: خبر جميل .. ترامب سوف يغرد بعد ساعات .. لرفع Author: osama elkhawad Date: 10-18-2020, 05:32 PM Parent: #34
اهلاً استاذ علي عبدالوهاب وضيوفه الكرام
هذا الخبر منشور فقط في بعض المواقع السودانية.
وليس له وجود خارج تلك المواقع.
.نتمنى ان يكون المانع خيرا.
Post: #36 Title: Re: خبر جميل .. ترامب سوف يغرد بعد ساعات .. لرفع Author: Deng Date: 10-18-2020, 05:53 PM Parent: #35
الخبر ده طلع خبر مفبرك
Post: #39 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-18-2020, 06:40 PM Parent: #36
حبيبنا دينق .. شكرا على الحضور شكرا على التاكيد اهتمامي كبير بهذا الحدث بدون علاقات مع أمريكا وبدون البنوك الامريكية والدولار لا فائدة من اي تحرك .. دعك من السودان .. روسيا والصين تعمل الف حساب فما بالكم نحن
نسخ لتغريدات مزورة منتشرة في المواقع حتى في مواقع الاخبار
تحياتي الحبيب دينق شكرا كثير كثير على التأكيد
Post: #38 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-18-2020, 06:33 PM Parent: #35
ادبينا الجميل الخواض يبدو ان هناك تغريدات مزورة تنتشر في المواقع
أكيد ديل الكيزان ..
يا رب من اجل هؤلاء الكادحين
مودتي اديبنا الخواض ..
Post: #37 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-18-2020, 06:29 PM Parent: #34
الابنة امتثال تحياتي .. شكر لحضورك يبدو لي ان السودان اصبح لا دولة كل شيء اصبح جائز طباعة العملة ، التدخلات من الخارج فوضى البيع والشراء كلام صحيح 100% الحلول واضحة فوضى عارمة كل يأخذ حقه بيده
الكيزان لبسوا ثياب الثوار وعايشين فوضى
تحياتي الابنة امتثال
Post: #40 Title: Re: خبر جميل .. ترامب سوف يغرد بعد ساعات .. لرفع Author: Abureesh Date: 10-18-2020, 06:47 PM Parent: #37
لازم مفبرك يا دينق
Quote: المعاه ريالات ممكن يبيع اليوم لأن بعد القرار سوف يهبط
تذكرت أخونا ود الباوقة
Post: #41 Title: Re: خبر جميل .. ترامب سوف يغرد بعد ساعات .. لرفع Author: osama elkhawad Date: 10-18-2020, 07:32 PM Parent: #40
عزيزي علي
سلامات
انا مقاطع الواتس اب تماماً،
ولا استخدمه الا للاتصالات الهاتفية.
اعتمد على المصادر الموثوقة.
Post: #43 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-18-2020, 07:42 PM Parent: #41
اديبنا الجميل الخواض عندنا قروب منتدى دنقلا الاصالة والتاريخ خاص بالتراث النوبي ولكن في الشباب ينزلوا هذه الاخبار هم أولادنا نفسهم
تحياتي اديبنا الخواض شكرا حضورك الجميل
Post: #42 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-18-2020, 07:37 PM Parent: #40
حبيبنا ابريش تحياتي مشكلتي ما عارف انقل الصورة تغريدة معاها صورة ترامب .. نفس تويتر ترامب بعدين انا بطمئن للاحباب في سودانيز
يا سلام حبيبنا ودالباوقة اختلفنا او اتفقنا اخ عزيز بعيداً عن السياسة قمة الاخوانيات ,, هو ومعاوية ودينق .. تحياتي أبريش
Post: #44 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-18-2020, 07:50 PM Parent: #42
كنت عايش على أمل .. لأن البلد ذاهب الى المجهول
اذكر اغنية للطيب عبدالله
خليني أحيا على أمل لقياك لو كان بالخداع
Post: #45 Title: Re: خبر جميل .. ترامب سوف يغرد بعد ساعات .. لرفع Author: عزالدين عباس الفحل Date: 10-18-2020, 08:10 PM Parent: #44
علي عبدالوهاب عثمان
حيا الله الاخ الفاضل ود عبدالوهاب عثمان . صاحبك طرمبه . غرد و الا زغرد . عاطر التحايا والأشواق ، ،،،،
عزالدين عباس الفحل ابوظبي
Post: #46 Title: Re: خبر جميل .. ترامب سوف يغرد بعد ساعات .. لرفع Author: عماد الدين الطيب عمر Date: 10-18-2020, 08:10 PM Parent: #1
تقصد الصورة دي يا عم علي
Post: #47 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-18-2020, 08:34 PM Parent: #46
HAPPY TO ANNOUNCE THAT OUR ADMINISTRATION HAS DECIDED THAT TO REMOVE SUDAN FROM THE LIST OF STATES SPONSORING TERRORISM CONGRATULATION SUDANESE PEOPLE
============================= حبيبنا عماد الدين تحياتي وشكرا للمجهود نعم والتغريدة الاخيرة كانت بالنص اعلاه وانتشرت بصورة رهيبة في القروبات أنا حاولت اكتب النص كما هو لأنني لم استطيع نقل الصورة ربما بعض الخطأ ولكن المهم كما النص
شكرا كثير كثير حبيبنا العمدة ما قصرت يا جميل
Post: #56 Title: Re: خبر جميل .. ترامب سوف يغرد بعد ساعات .. لرفع Author: علاء سيداحمد Date: 10-18-2020, 09:08 PM Parent: #46
مكرر
Post: #48 Title: Re: خبر جميل .. ترامب سوف يغرد بعد ساعات .. لرفع Author: Mohamed Yousif Date: 10-18-2020, 08:35 PM Parent: #1
With this, Congress announced Sudan's exit from the list of states sponsoring terrorism, after it was signed by President Donald Trump shortly before noon. #Sudan #US
Post: #49 Title: Re: خبر جميل .. ترامب سوف يغرد بعد ساعات .. لرفع Author: عزالدين عباس الفحل Date: 10-18-2020, 08:42 PM Parent: #48
مكرر
Post: #52 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-18-2020, 08:55 PM Parent: #49
حبيبنا الجميل عزالدين الفحل شكرا كثير كثير نعم التغريدة دي هي الاكثر انتشارا
تحياتي الحبيب
Post: #50 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-18-2020, 08:43 PM Parent: #48
من موقع انبتاهة اون لاين :
Quote: ووفقاً لتسريبات سودانية، فإنها تلقت وعداً قاطعاً بصدور أمر تنفيذي من ترامب في غضون الساعات المقبلة، ومنذ لحظتها ضبط كثير من السودانيين هواتفهم وحواسيبهم على تطبيق “تويتر”، وتحديداً حساب الرئيس ترامب، انتظاراً للحظة التاريخية التي “هرموا من أجلها”. تأخرت التغريدة المنتظرة حتى الآن، وهذا ما يصيب المشفقين على الحكومة بالقلق والتوتر لأنهم يعتقدون أن الخطوة لو اكتملت على الأقل، ستعيد للحكومة أرضيتها الشعبية التي فقدت جزءاً كبيرا منها، بسبب الغلاء المعيشي والانهيار الاقتصادي، بينما يمنح التأخير خصوم رئيس الوزراء وتحالفه الحاكم، شيئاً من مساحة الشماتة والسخرية. وكل ذلك يظهر بوضوح في مداخلات وسائط التواصل الاجتماعي التي انشغلت بالحدث طوال 24 ساعة ماضية. لكن مسؤولين حكوميين، وتجنباً لدخول المواطنين في صدمة جديدة، لجأووا إلى النفي والقول بعدم استقبال الحكومة ما يفيد بالوعد الأميركي. آخر فنون الانتظار والترقب تجلى وبان في تدشين وسم في “تويتر” تحت اسم “منتظرين تغريدة”، وفيه كتب أحمد قادم على حسابه: “منتظرين تغريدة، رفع اسم السودان من قائمة الإرهاب”. أما حساب باسم عظيم فقد قال: “منتظرين تغريدة رفع السودان من قائمة الإرهاب وما تنسى لازم تقول #شكرا_حمدوك”.
Post: #53 Title: Re: خبر جميل .. ترامب سوف يغرد بعد ساعات .. لرفع Author: ابو جهينة Date: 10-18-2020, 08:57 PM Parent: #50
أمبس علي سلام كبير
في اعتقادي الجازم، ترامب لو رفع اسم السودان الان من القائمة اياها، فسوف يعيدها بانتخابه ، ليس بغرض التطبيع مع اسرائيل فقط ، ولكن له مآرب اخرى
Post: #55 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-18-2020, 09:06 PM Parent: #53
Quote: في اعتقادي الجازم، ترامب لو رفع اسم السودان الان من القائمة اياها، فسوف يعيدها بانتخابه ، ليس بغرض التطبيع مع اسرائيل فقط ، ولكن له مآربد اخرى
=========================
اديبنا الجميل ابوجهينة امبس همنا في اولادنا واحفادنا ديل .. مستقبلهم ان شاء الله اذا لم يتم اتخاذ قرار خلال الايام الباقية .. لم يذكر احد السودان إلا في الانتخابات القادمة لأننا رقم زيرو في السياسة العالمية
ترامب كان مفيد لأنه متهور .. ده ينفع معانا
تحياتي ووو أمبس
Post: #51 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-18-2020, 08:53 PM Parent: #48
Quote: Secretary Pompeo @sepompeo With this, Congress announced Sudan's exit from the list of states sponsoring terrorism, after it was signed by President Donald Trump shortly before noon.
حبيبنا محمد يوسف تحياتي يا جميل كمان برضو بومبيو الجماعة زوروا بإسمه معقول وزير الخارجية يقول قبل الظهر يا ربي في امريكا في ثقافة الظهر والعصر ما أظن
شكرا محمد الحبيب .. آخر مرة أنا أصدق الفيس والتويتر
Post: #54 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-18-2020, 08:59 PM Parent: #51
ضاعت الامال وقبضت الريح
حسب روايات حبيبنا ودالباوقة نتمنى عودته ( كل واحد يحتفظ بالريال لأنه سوف يصل الى رقم فلكي )
معليش زي ما بيقولوا أهلنا الترابلة (عز يوم ولا بهدلة سنة ) .. غايتو الواحد عشان لحظات جميلة ما قبل الصدمة
عشان أولادنا وأحفادنا .. نحن خلاص ماعندنا فرصة تاني
Post: #57 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-18-2020, 09:12 PM Parent: #54
المهم شكرا رب ضارة نافعة المهم أنا عشت من الساعة العاشرة صباحاً حتى المساء لحظات أمل وتأمل وفرح .. رغم أنني كنت اشك في الموضوع لكن اجتاحتني موجة من الأمل والتفاؤل لحظات جميلة حتى لو مزيفة .. هدف التسلل
Post: #58 Title: Re: خبر جميل .. ترامب سوف يغرد بعد ساعات .. لرفع Author: علاء سيداحمد Date: 10-18-2020, 09:14 PM Parent: #54
سلام يا على اننقاترامب ما فاضى من تشويه صورة بايدن حيث غرّد قبل ساعات قليلة .
Post: #59 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-18-2020, 09:27 PM Parent: #58
حبينبا علاء اننقا .. مسكاقمي كنا نأمل من ترامب ضمن تهوره أن يرفع السودان من القائمة يا علاء اننقا .. اتضح أن اي بلد لا يمكن ان يتقدم خطوة بدون علاقات وامريكا وبيوت المال فيها والبنوك .. مع صحوة الحرية كنا عايزين بداية الرفاهية .. عندنا في البلد مشكلة كبيرة في كل المجالات
كمان اليوم ترامب شغال شتائم على حاكم ميشيغان وابن بايدن
تحياتي علاء اننقا
Post: #60 Title: Re: خبر جميل .. ترامب سوف يغرد بعد ساعات .. لرفع Author: نادر الفضلى Date: 10-18-2020, 09:38 PM Parent: #58
أستاذ على .. سلام
ربنا يفرحك دوماً .. لكن ما عارف الفرحان ليها شنو ؟! فرحان .. لوى ذراع السودان لينمط غير إرهابى مقابل التطبيع مع أكبر دولة إرهابية ومخلة بحقوق الإنسان بأوسخ ملف بوكالة حقوق الإنسان للأمم المتحدة وبعديد من القرارات الصادرة ضدها من مجلس الأمن!!! موقف متناقض لأمريكا يجب ألا يستجيب له السودان .. التطبيع القهرى وبإزدواج فى المعايير ما حبابه.
وبقراءة الأحخجاث والسوابق التطبيع لن يحل مشكلة السودان .. وحتى رفع العقوبات لن يحدث أو سيحدث مغشوشا على الورق .. وستتبعهة مزيد من إملاء الشروط هذا مثل شغل المافيا عدما تستدرج ضحيتها مثل فتاة تحولها لمومس .. تبدأ بتحويلعا إلى مدمنة مخدرات فتتحكم فيها وتعطيها الجرعة (مخدرات دولارية) بحساب لتلبى مطيعة ذليلة لكل أوامرها .. ثورة شعارها حرية سلام وعدالة تنهى البلاد لمومس لا طلاعت ولا نزلت معلقة فى سلم أو تورممتر (المزاج) .. مزاج مالكها إلى أن يرميها جيفة فى زقاق الخيبة .. زقاق لا يختلف عن ذاك الزقاق المعرف بالألف واللام!
Post: #61 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-18-2020, 10:00 PM Parent: #60
حبينبا نادر تحياتي يا سلام على المثالية والقيم التي تدعو لها تعرف الحبيب نادر احياناً أكل العيش وضيق المعيشة والعلاج والتعليم وأمور الاطفال ودواء الشيوخ عند هذا المنعطف ( الجوع كافر ) احياناً المضطر يخترق حتى القيم السماوية .. والحاجة وعدم الاكتفاء والندرة تنحرف بالسلوك وتندثر القيم .. الحبيب نادر كلما اتصل في البلد يومياً اشعر بأسى وألم .. الجوع هين المشكلة في المرض عدم وجود الدواء .. والموت هكذا ..
تخيل يا نادر عندنا في النوبية مصطلح ( الموت ا لجميل ) وهو الموت الذي يأتي قضاء وقدر رغم أن المريض يكون متوفر له الدواء والعناية والرعاية .. وليس الموت بسبب عدم وجود الدواء والعلاج ( الموت القبيح) ويكون مؤلماً ويكون وقعه عظيم على العائلة ..
دعك من السودان حبيبنا نادر اليوم صراخ ايران وروسيا من العقوبات الامريكية وتركيا تخضع والصين تناور ..
هي التي تتحكم في اقتصاديات العالم وكل البنوك وبيوت المال عندها
مازلت أكرر بالنسبة لي وفي عمرنا حالة ميئوس منها .. همنا في اولادنا وأحفادنا عندما ننظر اليهم نشعر بالم وحسرة .. هل سيركبون البحار للهجرة هل ستبقى الدولة والامن ؟ هل وهل ... الخ ؟
لماذا لا نكون قدوة للرسول صلى الله عليه وسلم عندما عقد صلح الحديبية
تحياتي الحبيب نادر .. شكرا على المداخلة الرائعة
Post: #62 Title: Re: خبر جميل .. ترامب سوف يغرد بعد ساعات .. لرفع Author: نادر الفضلى Date: 10-18-2020, 11:44 PM Parent: #61
يا أستاذ على
بلد زى السودان لم توصف عبثا سلة غذاء العالم أراضى زراية خصبة بملايين الأفدنة .. موية بالهبل ومن مصادر متعددة ثروة ماشية الأولى فى العالم وهذا بدون رعى علمى تجارى واطة للسكن وساع بالهبل .. تانى شنو .. تجوع لية؟
المسألة سؤ إدارة وفساد .. التطبيع سيكون تأصيل للفساد المخلوط بالإنتهازية والعمالة
Post: #63 Title: Re: خبر جميل .. ترامب سوف يغرد بعد ساعات .. لرفع Author: Biraima M Adam Date: 10-18-2020, 11:52 PM Parent: #62
شكرا اديبنا الرائع بريمة .. وانت تحمل الوطن في دواخلك من المفروض كلنا نتحرك ولو بأضعف الايمان ليت السودانيين في أمريكا تجمعوا على قلب رجل واحد ويكون لهم لوبي ( ضغط )
مودتي الحبيب بريمة
Post: #64 Title: Re: خبر جميل .. ترامب سوف يغرد بعد ساعات .. لرفع Author: نادر الفضلى Date: 10-18-2020, 11:53 PM Parent: #62
Quote: كمان اليوم ترامب شغال شتائم على حاكم ميشيغان وابن بايدن
السيدة حاكمة ميتشجقان تم إمتشاف مؤامرة لإختطافها وإغتيالها وفى قائمة المتآمرين أيضاً حاكم ولاية فرجينيا .. الإثنان ديمقراط وباقى لفترة حكمهم عامان قادمان. توقيت التآمر مع الإنتخابات الرئاسية وإنتخابات من أكملوا مدتهم بالكونجرس والسنيت ترفع علامات إستفها كبيرة خاصة الولايتين ميتشجقات وفرجينيا من الولايات الحاسمة فى نتيجة إنتخابات الرئاسة .. والحاكمة والحاكم تأثيرهما كبير فى الدعايا لبايدن ولديهما الوقت لأنما ليسا مشغولان بإعادة إنتخابهما حاكاماً
* أهم حاجة المتهمين 6 رجال بيض Red Neck .. شنكاتة يبدو عنصريين وطنيين من مؤيدى ترمب.
Post: #68 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-19-2020, 08:04 AM Parent: #64
الحبيب نادر .. تحياتي الآن في قناة سكاي نيوز العربية خبر وادناه جزء من الخبر كالتالي :
Quote: وتقول السلطات الأميركية إن هذه التدريبات كانت في إطار الاستعداد لخطف ويتمر.
وشملت الأدلة أيضا صورة فوتوغرافية ورسائل نصية جرى تبادلها بين عناصر الميليشيا البالغ عددهم 6 أشخاص.
وكان مكتب التحقيقات الفيدرالي (آف. بي. آي) في الولايات المتحدة كشف في وقت سابق من أكتوبر الجاري أنه أحبط مؤامرة لخطف حاكمة ولاية ميشيغن، بعدما اخترق عملاؤه صفوف هذه الميليشيا.
ووجهت السلطات اتهامات إلى 6 أشخاص بالانتماء إلى مجموعة أميركية يمينية متطرفة بالتآمر لأشهر ضد ويتمر.
Post: #65 Title: Re: خبر جميل .. ترامب سوف يغرد بعد ساعات .. لرفع Author: Abureesh Date: 10-19-2020, 00:19 AM Parent: #62
أولا التحايا من بعيد لاخونا عمر ود الباوقة اينما كان، والله يطراه بالخير. خبرناه مهذب وعفيف اللسان، مهما كان إختلاف المواقف فى السياسة.
بعدين يا اخ على تانى أقول ليك الحبر يؤخذ من المصدر الله يهدينا جميعاً.. أى صورة مكبشرة لا يعتمد عليها.. وأنا الان بغرض الشرح والتوضيح حورت عنوان البوست ومداخلتك الأولى وختيتها فى صورة..
https://ibb.co/99JSjqC
طبعا غيرت اسمك.. لكن لو خليت اسمك فهل انت فعلاً قلت هذا الكلام.. الناس يا صديقى يحورون الفيديو هذه الايام وليس الصورة فقط.. القاعدة الذهبية لو أى واحد نقل لك خبر بأى صورة ولم يذكر المصدر، فقم بإهماله أو تحرى بنفسك عن المصدر.. يعنى لو قال النصيحة الطبية دى من بروفيسسور اليكس برامون عميد المجلس الأمريكى للأبحاث الدقيقة فى الشرايين!! وهم دائما يجيبوا اسماء كبيرة زى دى عشان يزرعوا قناعة غريزية فى الميل الى الثقة حين تذكر اسماء كبيرة.. فقم وادخل الى موقع المجلس وشوف لو عندهم زول بهذا الاسم,,
تحياتى
Post: #66 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-19-2020, 07:57 AM Parent: #62
====================== حبيبنا نادر تحياتي شكراً على حضورك الرائع كلامك في محله .. تجربتنا ونحن صغار قبل سنين طويلة وحتى ايام الشباب والى منتصف السبعينات .. كنا في البلد وفي سواقينا وحواشاتنا نزرع ما يكفي قوتنا وكذلك فائض للبيع اذكر أن آباءنا كانوا يوفرون المال للحج .. لاحظ من الزراعة فقط .. كان برنامج اليومي كالتالي : نرجع من المدرسة الغداء وقليل من الراحة .. ثم الساقية في سن 7 سنوات وحتى 15 سنة رعي البهائم وسقاية الموية بعد ذلك تدخل في عالم حش القش والزراعة والواسوك ... الخ
كنا ناس منتجين .. أكبر عيب بالنسبة للرجل يجلس أو يتجول بدون عمل حتى شهادته في المجالس لم تكن مقبولة كان يحسب مع الامهات رغم انهن ايضاً منتجات ولهن دور كبير في السواقي .. ثقافة العمل كانت منتشرة والجلوس والكسل عيب كبير جداً حتى الاهل كانوا يستحون من هذا النوع .. اليوم العكس يا الحبيب نادر السمسار والحرامي والفاسد ومن يسرق أموال الدولة هو الشاطر والذكي وفارس القبيلة .. من يكسب المال الساهل ( easy money )
تخيل اليوم عندنا في البلد الشباب في استرخاء .. جوالات وكمان تجمعات لمشاهدة ( الدوري الاسباني والانجليزي والالماني) لم يعد الهلال والمريخ ( برشلونه ريال مدريد ما نشستر ليفربول ... الخ ) طوال اليوم جدال سياسي نقد كمان ظهرت موجات الاعتصام حتى امام الدكاكين .. يبدو ان الكهرباء جاءت بنتيجة عكسية
عندما تسأل احدهم يرد عليك ( كل من الحكومة ) .. زمان رغم المعاناة لم يكن أحد يعرف اين الحكومة وخاصة عندنا في ضواحي الدنيا هناك صدقني يا الحبيب نادر في ناس من أهلنا كانوا يفتكروا النميري استلم الحكم من عبود ( دائما العسكر مشهورين )
أول مرة اسمع لوم للحكومة كان سنة 1977 تقريبا .. عندما ظهر تموين السكر وانعدم الجاز الابيض والجازولين بعد ازمة حرب قناة السويس
بالمناسبة يا الحبيب نادر هنا في الخليج ما بين العرب والاعراب من مختلف الدول العربية صورة (( السوداني كسلان )) وجائع رغم الموارد الضخمة أخيرا وللاسف الشديد انا صدقت الناس ديل لا بد من مواجهة نفسنا عشان نصل للحل ... نقد ذات .. وأنا كررت هذا الكلام مرات عديد ولا أبريء نفسي هنا في الخليج السوداني لا يعمل في الاعمال الشاقة أبداً مهما كان الراتب إما موظف في مكتب أو سائق ، سائق خاص ... الخ ، الوظائف المريحة التي لا تتطلب أي جهد بدني الجنسيات الاخرى تجدهم يعملوا في العمائر والحفريات والاسمنت والبلاط والدهان والطرق وسائقي معدات ثقيلة ... الخ .
مثال اخوانا المصريين .. ما شاء الله .. الساعة الخامسة صباح تجدهم في سقف العمائر شعالين صبات .. نحن نوم في غرف العزاب والجمعيات ..
شكرا الحبيب نادر تحياتي .. في عمرنا ده تاني ما ينفع اللف الدوران لا بد من مواجهة الذات
Post: #69 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-19-2020, 08:08 AM Parent: #66
حبيبنا ابريش .. تحياتي وشكرا على التوضيح وهذا النموذج ما شاء الله عليك خطير يا الحبيب ابريش .. درس عملي جميل بعد إلا من قناة الجزيرة واسكاي نيوز يعني من التلفزيون امس و أول امس كان يومين للفبركة .. وعن رفع الحظر وبكثافة البعض أرجعوا السبب لخفض الدولار ..
Quote: طبعا غيرت اسمك.. لكن لو خليت اسمك فهل انت فعلاً قلت هذا الكلام.. الناس يا صديقى يحورون الفيديو هذه الايام وليس الصورة فقط.. القاعدة الذهبية لو أى واحد نقل لك خبر بأى صورة ولم يذكر المصدر، فقم بإهماله أو تحرى بنفسك عن المصدر.. يعنى لو قال النصيحة الطبية دى من بروفيسسور اليكس برامون عميد المجلس الأمريكى للأبحاث الدقيقة فى الشرايين!! وهم دائما يجيبوا اسماء كبيرة زى دى عشان يزرعوا قناعة غريزية فى الميل الى الثقة حين تذكر اسماء كبيرة.. فقم وادخل الى موقع المجلس وشوف لو عندهم زول بهذا الاسم,,
Post: #70 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-19-2020, 12:23 PM Parent: #69
الله يكون في العون فقدنا الأمل حتى المفبرك منه
شخصياً كنت أفتكر ان احبابنا في وزارة الخارجية من حملة الجنسيات الامريكية سوف يبذلون كل ما في وسعهم لحل المشكلة لأنهم من المفترض أن لديهم معرفة ببواطن الامور هناك .. كما ناضلوا ضد البشير عليهم النضال لرفع اسم السودان مخاطبات في الكونقرس وغيرها .. لا نريدهم في الخرطوم كان من المفترض وجودهم في واشنطن لتحريك الأمر هناك .. لا فائدة من بقائهم في السودان لأن الملعب سوف يكون بعيد جداً
حبيبنا سفير السودان في واشنطن .. أول أيام تحرك بكثافة وبشرنا بأحاديث وتصريحات تبعث الأمل ثم صمت بعد ذلك .. حبيبنا نورالدين ساتي ( اكيد انت من عندينا .. أي ساتي وسمل ) على طوال دنقلا كمان من الزياداب أرجوك المزيد من الحركة ..
شوية جلسات مع شومر الديمقراطي وهو حجر عثرة حتى لو تم رفع الدعم .. قضية عائلات 11 سبتمبر .. أو على الأقل أكشفوا لنا الحقيقة ناصعة ( إذا ليس هناك أمل لرفع اسم السودان في القائمة ) ليعرف الناس وضعهم بالضبط ويتصرف الجميع على هذا الاساس بدل التخديرات بعد كل فترة .. ويا ريت سحب هذا التبرير من أي قصور في العمل الحكومي الاقتصادي
الله يكون في عون البلد .. أكشفوا لنا الحقيقة من أجل هؤلاء الكادحين في الصفوف
Post: #71 Title: Re: خبر جميل .. ترامب سوف يغرد بعد ساعات .. لرفع Author: Abureesh Date: 10-19-2020, 12:53 PM Parent: #70
Quote: ووفقاً لتسريبات سودانية، فإنها تلقت وعداً قاطعاً بصدور أمر تنفيذي من ترامب
وعد لا ينفع.. كان يقولوا ليه قول والله. بدون حليفة يكون كلام ساكت.
حاجة تفقع المرارة البيحصل فى الواتساب دا.. وفى بعض الصحافة والصحفيين. لكن الحق ماعلى الما عندهم مسؤولية فى الواتساب، الحق على الذين ينقلون هذا الغثاء.. فى حاجة اسمها مفاوضات واتفاقيات دولية تشهد عليها دول أخرى ويتم التقيع عليها فى إحتفالات مثل التوقيع على تطبيع الدول العربية.. يجى واحد من قرية قعونج يقول ليك ترامب وعد وتسريبات والناس تنقل عنه. أخونا على انتغير مقصود
Post: #72 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-19-2020, 01:33 PM Parent: #71
حبيبنا ابريش تحياتي يا جميل انا استفدت كثير من هذا البوست من مداخلاتكم وباقي والاحباب الكرام الخطأ من المسئولين كمان المفروض عندما ينتشر اي خبر من هذا القبيل وزارة الاعلام تخرج ببيان ينفي الخبر .. لأن مثل هذه الاخبار تخلط الامور وأول المتضررين هي الحكومة بيان واضح وصريح بأن (( هذه الاخبار مفبركة وأن رفع اسم السودان من القائمة لم يتم حتى الآن ) لدرجة الواحد بدأ يتشكك في دور الحكومة نفسها في الموضوع ( نظرية المؤامرة )
تصريح من وزير الاعلام فقط دقيقتين يكون الموضوع انتهى ..
تحياتي الحبيب ابريش شكرا كثير كثير يا جميل على مشاركاتك المفيدة
Post: #73 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-19-2020, 02:11 PM Parent: #72
تخيلوا قبل قليل في الصحف السودانية خبر (( البنك الدولي يمول مشروعاً بولاية الجزيرة )) استبشرت خير ودخلت لأقرأ التفاصيل وجدت المبلغ فقط 90 الف دولار (( راتب موظف في البنك الدولي ))
Quote: الخرطوم: السوداني موّل البنك الدولي، مشروع إكثار الحياة البرية بولاية الجزيرة بتكلفة (90) ألف دولار. وأكد والي ولاية الجزيرة د. عبد الله إدريس الكنين، دعم الولاية لتحقيق أهداف المشروع، ووجّه بتكوين لجنة لإعداد وتنفيذ المشروع. ويهدف المشروع لتأسيس بنك لجينات الحيوانات البرية ومركز للبحوث والدراسات لطلاب كليات الموارد الطبيعية.
Post: #74 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-19-2020, 02:16 PM Parent: #73
يا ريت ناس وزارة الخارجية يصدروا بيان واضح عمر قمرالدين والسفير نورالدين ساتي بأن الوضع هكذا وبكل وضوح
Post: #75 Title: Re: خبر جميل .. ترامب سوف يغرد بعد ساعات .. لرفع Author: Khalid Abbas Date: 10-19-2020, 02:23 PM Parent: #1
الزول ده عندو انتخابات ما فاضي ليكم
Post: #76 Title: Re: خبر جميل .. ترامب سوف يغرد بعد ساعات .. لرفع Author: Abureesh Date: 10-19-2020, 02:35 PM Parent: #75
الأخ على
الحكومة ترد على أخبار غير صحيحة من مؤسسات علمية معروفة.. ولو بارت الواتساب ما حتلقى وقت تعمل أى شئ.. مئات الفبركات يوميا.. المهم نحن يا الحبيب، ما مفروض ننقل خزعبلات الواتساب الى موقع معروف مثل المنبر.. كدا نكون قمنا بترقيتهم واسباغ مصداقية لا يستحقونها. يجب أن تحصر أكاذيب الوالتساب فى حوش الوالتساب. طبقا لو استلمت معلومة من شخص تعرفه وتثق فيه (ولم ينقلها من الوتساب) فهذه مسألة مختلفة. وبرضو التحرى الشخصى من قوقل ضرورى وهو أمر هين وساهل.
Post: #81 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-19-2020, 06:00 PM Parent: #76
حبيبنا ابريش تحياتي الظاهر عليك حبيبنا انت زول مرتب ما شاء الله ما شاء الله زول منظم .. بعيد شوية عن عشوائيتنا ربنا يحفظك صدقني بعد كده في متابعة سوف نتبع وصيتك
شكرا يا جميل .. اثراء مفيد للبوست
Post: #79 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-19-2020, 05:43 PM Parent: #75
حبيبنا خالد تحياتي حتى بعد الانتخابات السودان دولة ما مؤثرة ربما لا دور للسودان في الاستراتيجية الامريكية مصر واثيوبيا الأهم
تحياتي خالد .. هي كانت فرصة الانتخابات وضاعت
Post: #77 Title: Re: خبر جميل .. ترامب سوف يغرد بعد ساعات .. لرفع Author: walid taha Date: 10-19-2020, 03:29 PM Parent: #1
ARRTI DA
Post: #78 Title: Re: خبر جميل .. ترامب سوف يغرد بعد ساعات .. لرفع Author: Nasser Amin Date: 10-19-2020, 03:39 PM Parent: #77
سلامات حبيبنا علي
لا زلت لا اشك في مصداقية المغرّد واصل علي , الموضوع فيه نوع من الصحة
الناس تشيل الصبر بس
Post: #80 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-19-2020, 05:47 PM Parent: #77
Quote: ARRTI DA
===================== وليد امبس .. سيرناقمي .. نعم الله كريم أي مناويرو
ما في حل .. عشان خاطر اولادنا ..
جانجي امريكيا
تحياتي ووو ... وليد امبس
Post: #82 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-19-2020, 06:10 PM Parent: #80
Quote: لا زلت لا اشك في مصداقية المغرّد واصل علي , الموضوع فيه نوع من الصحة
=================================
الحبيب ناصر تحياتي شكرا يا الحبيب ممكن نعيش على أمل والله كريم كل البوست ده نتيجة لاتصالي اليومي في البلد هناك في ضواحي الدنيا شيء محزن يا الحبيب ..
تحياتي الحبيب ناصر ..
Post: #83 Title: Re: خبر جميل .. ترامب سوف يغرد بعد ساعات .. لرفع Author: نادر الفضلى Date: 10-19-2020, 06:15 PM Parent: #80
يا سلام عليك أستاذ على لقد شخصت حالة السودان فى مداخلتك الثمينة أضيف عن الكسل، لو أى جنسية آخرى قالت السودانيين كسلانيين .. أديهم المكابرة يقوموا الدنيا ولا يقعدوها وهاك يا إساءات للجنسيات الأخرى .. لا بنفع أنه من ضمن الأوصاف المذكورة الأمانة وطيبة المعشر .. فجآة يظهر ليك بى وش جديد .. ويتناقلوه عبر القارات ووسائل الإتصالات والتواصل المختلفة.
وكلامك عن زمان الناس بتعمل وتكد وتزرع وعايشة .. دا فى كل العالم .. حتى عندنا فى أمريكا .. وبتلقى التنمية بيقوموا بيها المواطنين كل فى منطقته وما منتظرين الحكومة المركزيو ولا حكومة الولايات .ز عشان كدا بتلاقى تفاوت فى أوضاع وغناء ولاية لولاية .. ناس فى السودان أكتر حاجة كانت بتناسبهم تدفق البترول وبيعه .. بترول بكميات كبيرة زى يترول قطر والإمارات والبحرين فائض كبير مقابل المكية لكل فرد .ز يتباع ةيصرف عليهم وينومو نوم. الشى المضحك المبكى فى السودان رغم المعلومات البتتقال كل يوم عن مديونية بمليارات الدولارات وخزينة خاوية .. والناس بتتكلم عن المساواة فى توزيع الثروات، وطبعا بتكلموا عن (عائدات أرباح الإنتاج) .. هى وينها عشان تتوزع؟ .. إلا إذا كانوا بيعتبروا القروض بفايظ كبير التى ستأتى ثروات .. وبعاينو يوزعوها غنيمة وما فى البال تسديدها (وبفوائدها)! الثروة فوق الواطة ياها متاحة أراضى وراعية وموية ومواشى ربنا حاميها وراعيها .. توزيع ثروات بتاع الساعة كم .. وتهميش بتاع الساعة كم؟ بس معقولة يجونا أعراب الصحراء من الجزيرة العربية ويقيموا مشاريع زراعية عائدة سريع .. ونحنا قاعدين منتظرين توزيع المناصب وتوزيع الثروة على الورق .. حتى قزازى السمن مافى عشان يبدو بيها حلم الثروة والمكاتلة فى توزيعها بالتساوى ,, تساويهم دا لكل نصيب العدم!
====================== حبيبنا نادر تحياتي شكراً على حضورك الرائع كلامك في محله .. تجربتنا ونحن صغار قبل سنين طويلة وحتى ايام الشباب والى منتصف السبعينات .. كنا في البلد وفي سواقينا وحواشاتنا نزرع ما يكفي قوتنا وكذلك فائض للبيع اذكر أن آباءنا كانوا يوفرون المال للحج .. لاحظ من الزراعة فقط .. كان برنامج اليومي كالتالي : نرجع من المدرسة الغداء وقليل من الراحة .. ثم الساقية في سن 7 سنوات وحتى 15 سنة رعي البهائم وسقاية الموية بعد ذلك تدخل في عالم حش القش والزراعة والواسوك ... الخ
كنا ناس منتجين .. أكبر عيب بالنسبة للرجل يجلس أو يتجول بدون عمل حتى شهادته في المجالس لم تكن مقبولة كان يحسب مع الامهات رغم انهن ايضاً منتجات ولهن دور كبير في السواقي .. ثقافة العمل كانت منتشرة والجلوس والكسل عيب كبير جداً حتى الاهل كانوا يستحون من هذا النوع .. اليوم العكس يا الحبيب نادر السمسار والحرامي والفاسد ومن يسرق أموال الدولة هو الشاطر والذكي وفارس القبيلة .. من يكسب المال الساهل ( easy money )
تخيل اليوم عندنا في البلد الشباب في استرخاء .. جوالات وكمان تجمعات لمشاهدة ( الدوري الاسباني والانجليزي والالماني) لم يعد الهلال والمريخ ( برشلونه ريال مدريد ما نشستر ليفربول ... الخ ) طوال اليوم جدال سياسي نقد كمان ظهرت موجات الاعتصام حتى امام الدكاكين .. يبدو ان الكهرباء جاءت بنتيجة عكسية
عندما تسأل احدهم يرد عليك ( كل من الحكومة ) .. زمان رغم المعاناة لم يكن أحد يعرف اين الحكومة وخاصة عندنا في ضواحي الدنيا هناك صدقني يا الحبيب نادر في ناس من أهلنا كانوا يفتكروا النميري استلم الحكم من عبود ( دائما العسكر مشهورين )
أول مرة اسمع لوم للحكومة كان سنة 1977 تقريبا .. عندما ظهر تموين السكر وانعدم الجاز الابيض والجازولين بعد ازمة حرب قناة السويس
بالمناسبة يا الحبيب نادر هنا في الخليج ما بين العرب والاعراب من مختلف الدول العربية صورة (( السوداني كسلان )) وجائع رغم الموارد الضخمة أخيرا وللاسف الشديد انا صدقت الناس ديل لا بد من مواجهة نفسنا عشان نصل للحل ... نقد ذات .. وأنا كررت هذا الكلام مرات عديد ولا أبريء نفسي هنا في الخليج السوداني لا يعمل في الاعمال الشاقة أبداً مهما كان الراتب إما موظف في مكتب أو سائق ، سائق خاص ... الخ ، الوظائف المريحة التي لا تتطلب أي جهد بدني الجنسيات الاخرى تجدهم يعملوا في العمائر والحفريات والاسمنت والبلاط والدهان والطرق وسائقي معدات ثقيلة ... الخ .
مثال اخوانا المصريين .. ما شاء الله .. الساعة الخامسة صباح تجدهم في سقف العمائر شعالين صبات .. نحن نوم في غرف العزاب والجمعيات ..
شكرا الحبيب نادر تحياتي .. في عمرنا ده تاني ما ينفع اللف الدوران لا بد من مواجهة الذات
Post: #84 Title: Re: خبر جميل .. ترامب سوف يغرد بعد ساعات .. لرفع Author: Asim Ali Date: 10-19-2020, 07:13 PM Parent: #83
دى التغريده المنتظرينها الناس ؟؟؟
Quote: Donald J. Trump @realDonaldTrump ٨:٠١ م · ١٩ أكتوبر ٢٠٢٠
GREAT news! New government of Sudan, which is making great progress, agreed to pay $335 MILLION to U.S. terror victims and families. Once deposited, I will lift Sudan from the State Sponsors of Terrorism list. At long last, JUSTICE for the American people and BIG step for Sudan!
Post: #85 Title: Re: خبر جميل .. ترامب سوف يغرد بعد ساعات .. لرفع Author: بدر الدين الأمير Date: 10-19-2020, 07:47 PM Parent: #84
على ياعبدالوهاب مبروك ترامب غرد برفع السودان من قائمة الدول الراعية للارهاب
Post: #86 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-19-2020, 08:06 PM Parent: #85
شكرا كثير الامير .. انت زول خير وبشارة الآن على قناة السودان عاجل (( حمدوك يعلن تحويل مبلغ التعويضات المطلوب لرفع اسم السودان ))
يا سلام على الخبر الجميل .. آخر مداخلة حبيبنا ناصر قال لي ما تفقد الأمل
حمدوك بطل السلام .. وبطل رفع السودان اهم رئيس في تاريخ السودان
شكرا كثير كثير الامير
Post: #87 Title: Re: خبر جميل .. ترامب سوف يغرد بعد ساعات .. لرفع Author: Mohamed Yousif Date: 10-19-2020, 08:12 PM Parent: #86
Trump
GREAT news! New government of Sudan, which is making great progress, agreed to pay $335 MILLION to U.S. terror victims and families. Once deposited, I will lift Sudan from the State Sponsors of Terrorism list. At long last, JUSTICE for the American people and BIG step for Sudan!
Post: #88 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-19-2020, 08:18 PM Parent: #87
شكرا الحبيب محمد يوسف .. شكرا كثير مبروك لهؤلاء الكادحين ترامب رئيس عجيب وكأنه سمسار ( أدفع مقدماً وتحصل على السلع ) غريبة رئيس امريكي يتحدث بهذه الصورة
ما علينا يا محمد المهم القرار ..
Post: #103 Title: Re: خبر جميل .. ترامب سوف يغرد بعد ساعات .. لرفع Author: Mohamed Yousif Date: 10-20-2020, 10:51 AM Parent: #88
شكرا الاخ علي عبد الوهاب علي الخبر الجميل الذى اصبح فرحة يرفرف علي ربوع بلادنا الحبيبة
Post: #104 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-20-2020, 11:01 AM Parent: #103
شكرا الحبيب محمد .. تحياتي نعم الحبيب محمد من أجل أولادنا وأحفادنا امريكا مهمة جداً مهما بلغت من السوء هي صاحبة الدولار والبنوك والامور المالية واستثمار كل الشركات تتخوف من تجاوز الحظر الامريكي
تحياتي الحبيب محمد
Post: #89 Title: Re: خبر جميل .. ترامب سوف يغرد بعد ساعات .. لرفع Author: Abureesh Date: 10-19-2020, 08:22 PM Parent: #87
مبروك يا على التغريدة طلعت صاح.. ان شاء الله يبدأ الغنــا. أظن واصل على فعلا واصل.
Post: #94 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-19-2020, 08:47 PM Parent: #89
حبيبنا ابريش .. تحياتي يا جميل يا سلام عليك ..استفدنا من دروسك يا جميل مبروك ولا عذر بعد اليوم انتهت شماعة قائمة الارهاب لا عذر
شكر الحبيب أبريش
Post: #90 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-19-2020, 08:23 PM Parent: #84
حبيبنا عاصم ,, مودتي توقعك كان في محله لقد اصاب الهدف يا الحبيب عاصم .. تحياتي مبروك للجميع
تحياتي يا جميل ..
Post: #91 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-19-2020, 08:26 PM Parent: #90
حمدوك أول رئيس في العالم يشكر ترامب
Quote: وقال حمدوك، في رد على تغريدة لترامب عبر «تويتر» بشأن شروط رفع اسم السودان من القائمة: «الشكر الجزيل للرئيس… على تطلعه إلى إلغاء تصنيف السودان كدولة راعية للإرهاب، وهو تصنيف كلف السودان وأضر به ضررا بالغا. إننا نتطلع كثيرا إلى إخطاره الرسمي للكونغرس بذلك».
Post: #92 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-19-2020, 08:38 PM Parent: #91
شكرا نورالدين ساتي .. شغل جميل آسف على أني خرجت من السياق عارف اهلنا ناس ساتي عندنا في دنقلا ناس زعامة وقيادة وعلم وزهد
شكرا ساتنتود امبس
Post: #93 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-19-2020, 08:44 PM Parent: #92
تصريح حبيبنا برهان ردا على ترامب
Quote: (أود أن أعبر عن عظيم تقديري وتقدير الأمة السودانية للرئيس دونالد ترمب وللإدارة الأمريكية لإقدامهم على إتخاذ هذه الخطوة البناءة لإزالة إسم السودان من قائمة الدول التي ترعى الإرهاب والتي يتأكد فيها التقدير الكبير للتغيير التاريخي الذي حدث في السودان ولنضال و تضحيات الشعب السوداني من أجل الحرية والسلام والعدالة).
Post: #95 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-19-2020, 08:56 PM Parent: #93
Quote: ووفقا للقانون الأميركي، فإنه يستوجب على الرئيس إخطار الكونغرس رسميا بالقرار، وسيكون أمام الكونغرس 45 يوما لمراجعته.
ولا يحتاج القرار لتصويت، لكن يمكن للكونغرس إيقاف القرار بفيتو مشترك من مجلس النواب ومجلس الشيوخ معا، ويصبح القرار ساريا في حال عدم الاعتراض عليه خلال هذه المدة الممنوحة للمراجعة.
اش
اعلاه ورد ضمن تصيح وزيرة المالية اللحبيبة ( هبة )
يا ناس امريكا اشرحوا لينا الكلام ده بدأنا في الجهجهة
Post: #96 Title: Re: خبر جميل .. ترامب سوف يغرد بعد ساعات .. لرفع Author: اخلاص عبدالرحمن المشرف Date: 10-19-2020, 09:25 PM Parent: #95
استاذنا علي عبدالوهاب عثمان
مبروك يا وش الخير مبروك للجميع مبروك للشعب الصابر
Post: #97 Title: Re: خبر جميل .. ترامب سوف يغرد بعد ساعات .. لرفع Author: نعمات عماد Date: 10-19-2020, 09:29 PM Parent: #96
ألف مبروك للسودان🌺🌹💐🌻
ألف مبروك أستاذنا علي و كل المنبر.،💮🌼☘️🍃🌿
Post: #99 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-19-2020, 10:08 PM Parent: #97
دكتورتنا نعمات .. تحياتي يوم جميل لكل الوطن مبروك للكادحين لا عذر بعد كده العمل والانتاج أهم حاجة الاجهزة الطبية
تحياتي دكتورتنا
Post: #98 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-19-2020, 10:05 PM Parent: #96
تحياتي الدكتورة اخلاص مبروك لنا جميعا وللوطن الآن الكرة في ملعب المسئولين انتهينا من اسطوانة الحصار
شكرا دكتورة
Post: #100 Title: Re: خبر جميل .. ترامب سوف يغرد بعد ساعات .. لرفع Author: Abureesh Date: 10-20-2020, 02:23 AM Parent: #98
الشرح يا حبيبنا على
الكونجرس عنده فرصة 45 يوم عشان يعترض.. وال 45 يوم دى كلها فى عهد ترامب حتى لو خسر الإنتخابات.. نهاية فترته فى شهر يناير القادم. وفى خلال ال 45 يوم دي لا يستطيع أن يؤمن الكونجرس ثلثى أعضاءه عشان يمارس حق الفيتو على الرئيس وهى النسبة المطلوبة لإلغاء أى قرار تنفيذى من الرئيس.. أيضا أسر الضحايا ضاغطة على الكونجرس فى موسم الإنتخابات عشان يستعجلو ويدوهم الشيكات وهم يخافون العملية تفشل والسودان يسحب المبلغ من حساب ال escrow (حساب محايد يمسك القروش حتى يتسلم المشترى البضاعة) .
Post: #101 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-20-2020, 07:46 AM Parent: #100
حبيبنا ابريش .. تحياتي حضورك دائما مفيد يا سلام يا الحبيب كده عرفنا الموضوع وفهمنا الامور تماماً شكرا كثير كثير شرح وافي جعلنا نطمئن
رائع يا بريش ..
Post: #102 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-20-2020, 08:09 AM Parent: #101
صدقوني حمدوك داهية أدخل العسكر في حيرة من أمرهم وخاصة برهان الذي كان يفتكر ان كل أوراق لعبة في يده وأن أمريكا من خلال اسرائيل وكذلك حميدتي نفس المسار وحمدوك صامت لا يحرك ساكن فقط يبرر بأن الحكومة انتقالية والامر يحتاج الى راي الشعب وحكومة منتخبة ... الخ هذا القرار قلص اهمية برهان لدى الدوائر الخارجية أنا مع حسن العلاقات مع اسرائيل لكني مستغرب جداً من تكتيكات حمدوك هذا الرجل خطير جداً ويعرف كيف من أين تؤكل الكتف الصمت والصبر واظهار الضعف والتحمل وراءه تخطيط
كمان أكثر شيء يشغل الخصوم ويجعلهم في حيرة من أمرهم وخاصة في السياسة هو عدم التصريح والصمت في الأمور المهمة
ما شاء الله حمدوك داهية ..
Post: #105 Title: Re: خبر جميل .. ترامب سوف يغرد بعد ساعات .. لرفع Author: elhilayla Date: 10-20-2020, 11:16 AM Parent: #1
السلام عليكم ورحمة الله تعالى وبركاته هذا هو السودان الذي نريد شكرا الأخ علي على البشارة ____ الحليلة
Post: #106 Title: Re: خبر جميل .. ترامب سوف يغرد بعد ساعات .. لرفع Author: علي عبدالوهاب عثمان Date: 10-20-2020, 11:24 AM Parent: #105
Quote: هذا هو السودان الذي نريد
حبيبنا الحليلة .. شكرا على حضورك الحبيب الحليله همنا فقط في هؤلاء الكادحين وفي مستقبل ابناءنا واحفادنا ..
خبر جميل ورائع ولكن المهم كيف نستغل هذه الفرصة
مبروك لنا جمعياً حبيبنا الجميل الحليلة ووطن شامخ ان شاء الله
Post: #107 Title: Re: خبر جميل .. ترامب سوف يغرد بعد ساعات .. لرفع Author: عزالدين عباس الفحل Date: 10-21-2020, 11:16 AM Parent: #106
عين الفشل وقصر النظر ، أن تدفع لدولة عظمي ، مبلغ 335 مليون دولار ، لشراء الرضا والطاعة ، وبذل الأنفس وصغر الهامة ، وشعبك لا يجد الخبز الجاف ، وصفوف البنزين والغاز ، والعيش والدواء ، يا لها من تغريدة ، جن بها ثمل ، لعن الله أم الكبائر ، ،،،،
