قاعد في دكانو وكان اسكافي يجو مارين فيهو كورجة بتاعة تجار وصوتهم عالي سألهم ان شاء الله خير ؟ واحد فيهم قال ليهو فلان دة قال لي يا خايس . بلفظها الدارجي الفخيم والفاحش متجاوزا قداسة اسم النبي وهسة ماشي يفتح فيهو بلاغ رد شرف الاسكافي سأل الزول مستفسرا الخياسة اتنين خياسة دبر وخياسة شعور . انت قاصد ياتا ؟ قال ليهو قاصد خياسة شعور . هو جاري وشحدتو قروش وهو عندو وابا يديني وانتهي الموضوع بسؤ فهم بس 😆😆
Quote: عاد حمدوك ؤ حكومتو فوقُم جنس خياسة شعور أصِلآ لا حِكت لا بِقت ...
ياخى ممكن تنزل المحطة الجاية القطر ده ماشى فى سكّة تانية اقول ليك حاجة يا مد سنفتح و لو كره المعرّجون
Post: #4 Title: Re: خياسة شعور Author: أحمد محمد عمر Date: 10-14-2020, 08:01 AM Parent: #3
Post: #5 Title: Re: خياسة شعور Author: أحمد محمد عمر Date: 10-14-2020, 08:10 AM Parent: #4
في اتنين في البورد دة عندهم نسبة ذكاء عالية جداً هي الأعلى على مستوى البورد في تقييمي أبوسن و muntasir بالانجليزي نهائي ما ممكن يطلبوا توضيح .. يعني ما ممكن تقول كلام ويقولوا ليك معليش كدي اشرح لينا وجهة نظرك زيادة بفهموها طايرة لكن في نفس الوقت مداخلاتهم كتير بتحتاج تفكير عشان تتفهم أبو سن لو ما فهمته بطيب خاطرك ويديك حاجة على مقاسك :) يعني ما بشرح ليك مراميه البعيدة أما منتصر الدوحة بعمل ليك زي بياع السماعات بتاع اشتغلت اشتغلت ما اشتغلت اجدعها لا تجيني ولا عندي ليك حاجة
تعرف يا مدير كان في بصير في كوستي وضواحيها بعالج مرض واحد اموبروفي . لو عندك ولا ماعندك تقول عندي طراش يقول ليك بس ياهو ماعندك طراش بس ياهو في حمي ولا مافي مافي غيرو
Post: #7 Title: Re: خياسة شعور Author: جمال ود القوز Date: 10-14-2020, 10:15 AM Parent: #6
خلو لي صاحبي مراقتو يا أب سن ما تسنفكوهو ...
Post: #8 Title: Re: خياسة شعور Author: أحمد محمد عمر Date: 10-14-2020, 10:27 AM Parent: #7
هي لكن يمرقوا بيها 10 مرات؟ مراقة دي يعني استخدام طوارئ ما كل يوم :)
Post: #9 Title: Re: خياسة شعور Author: جمال ود القوز Date: 10-14-2020, 10:45 AM Parent: #8
الغرقان بيتعلق بي قشة يا صديقي ,, فخلوا ليهو القشة أعملوا معروف .. خخخ
غايتو يا احمد ماقلته في منص فهو رأي انا ايضا وملاحظتي ليهو من زمان اما انا تكون درجتني ساي معاهو 😆😆 زي درجة المخلوع لي اخوه حتي صار اسما له هههه الذكاوة دي قصة برضو من كوستي خليني احكيها ولكنها ممكن تنزلنا الدقداق اصلو ما مارقين منو
واحد يا احمد من الناس البستعملو ناس احمد عمر ثنائي الاسم 😆😆 فشنو الجماعة حكو لي عمك كبير في الحلة عنو اها يوم قاعدين الشيب والشباب يتونسو تحت ضل شدرة العصر جا ماري عمك ناداهو وقال ليهو والله يا ولدي سمعت بيك . وانت زول ذكي وعندك ذكاوة شديدة خلاس . كيف تقدر تقنع زول يعمل شغل ما شغلو ولا الله خلقو ليهو . ونحن مانقدر نقنع زول دة شغلو والله خلقو ليهو دي ذكاوية شديدة منك
غايتو بي هنا ولا هنووك يا مولانا لو سألت بتخش كترة بين ونخش في تعريف العقل والمخ وووررررررر
Post: #22 Title: Re: خياسة شعور Author: أحمد محمد عمر Date: 10-14-2020, 06:39 PM Parent: #21
سمح هاك النحكي ليك دي حقيقية كان عندنا استاذ عربي كلّااااام لمن بهناك حصته دي الفصل بتملي فل والما بلقى مقاعد بحضر بالشباك .. يعني المدرسة كلها بتحضر ليه ما الفصل براهو هو في الحقيقة سبب الازدحام ما ثقافته العالية ولا ملكاته في اللغة العربية البتخلي الحصة ممتعة وإنما قلة أدبه :) حصته كلها تحت السرة الموضوع يكون اعراب ونحو الله والرسول يلفو ليك كيف ما تعرف لكن فجأة بتلقى روحك وسط الحكاوي إياها :) وأصلو ما بعيد ليك حكاية يعني موسوعة من أمها والشغلة ما نظري بس .. هو وجيه ومرطب عندو بوكس دبل قبينة برفع الجكس من الشارع عادي مرة رفع بنات الثانوي بعد الحصص الشباب جروا عشان يركبوا في البوكس بي وراء يوصلهم معاهو طوالي طلع ليهم بالشباك : هوي هوي راكبين وين انتو؟ أنا ما برفع أولاد .. شوفوا بتاعين الأولاد بي وين يعني ولا داسيها ذاتو وبحسب البعرفوهو بقولوا من الله خلقو بتاع بنات
طيب المشكلة ويييين؟ إنه استاذنا الفوق دة داعية اسلامي وحاة الله جد بعد ما يوصل البنات بمشي يصلي في الجامع ويدي الناس نصيحة بعد الصلاة ويطلع من الجامع يرفع الفيها النصيب هو في الدين عالم عديل ما بتصاقع ولافي زول بقدر على مناظرته .. ورغم إنه الناس عارفة قلة أدبه لكن لأنه كان بضرب الحكومة والكيزان كانوا بتكيفوا ليه .. ما بخاف كلو كلو يوم في الجامع الكبير بعد الصلاة انتقد ليك ناس مشروع الجزيرة نقد شديد وبمفهوم اسلامي ما سياسي وواحد من كبار مدراء المشروع كوز ليه ضل قاعد في الصف الأول متضاااايق وهو شايف الصعليك دة يتكلم في دينهم هم الرساليين الأصليين انتهى من الحديث حقه والكوز دور معاهو نقاش نظام انت داير تعلمنا الدين؟ واستاذنا يقول ليه مالي ما بعلمك أها المدير في انفعاله داك قال ليه ياخي انت ذاتك خليت الزنا متين عشان تجي تتكلم في الدين؟
بس استاذنا شهد ليك الحضور كلهم وطوالي على المحكمة فتح فيه بلاغ قذف وحاتك استاذنا دة لعب بمدير المشروع دة جنس لعب ياخي اعتذار مكتوب وواحد قدام القاضي وواحد في المسجد وبعد كل اعتذار يقولوا ليه أها تمشي تتنازل يقول ليهم بشوف واديكم خبر ياخي مروح ليك الراجل دة جنس مروحه ما خلى زول ما وسطه وكل ما يمشي وفد يطلع المدير من الجلد يشترط عليهم اعتذار شكل جديد .. اتفسح فيه جنس فسح الشباب متكيفين منه شديد .. يعملها عينك عينك ولا داسيها لكن تقول ليه البغلة في الابريق يجرسك في المحاكم
يا ناصر مش فلتر المنبر براهو بل حتي فلتر العقول التي جوة الدماغ والقراءات الاستباقية والقراءات الاخلاقية التي تمنع عنك بشرية الاخطاء واصلاحها الباحثين عن حرف في تبن كتابة
اها في ظل كمية الحرية والمعارف المبذولة ومتوفرة وحق الجنسين المتساوي فيها دة ولا هم بقو تلاتة 😆😆 التوصيف حسب الميول الجنسية لفعل بقا صعب خلاس حتي التوصيف للتفكير ودة بدخلك في جحر التمييز وغلا تنجلد كمان
بمشي وأجي واكتب وامسح في بوستك دا من الصباح .. كل ما أقرأ عنوان البوست لا أجد ما يعبر عن معنى فهمي العام للمصطلح الا النموذج هذا المكتوب في المقتبس أدناه ..
فأركن لي فهمي دا هنا جنبكم برضو..
Quote: 🙈🙊🙉 للذين يظنون أن (أدروب) مسكين..ما عنده غير شرب (الجبنة) ورقصات الفروسية.. وبالتالي يطمعوا في تاريخه الوضاء وأرضه العزيزة بقول ليهم مساكين أنتو .. فأدروب باق في أرضه الحالية منذ أربعة ألف سنة مما تعدون..وبعض العلماء يرجعون تاريخه إلى ما قبل عهد الأسرات..وهذا منطقي. أدروب فقط تدرب على فنون البقاء طوال هذه القرون .. وهزم أمبراطوريات عظمى في زمانها.. فقد هزم الهكسوس..وهزم الحثيين..وخلدهم رع مسيس الثاني في معبده.. وخلدتهم الملكة حتشبسوت ..والتي يطابق إسمها بالبداويت نفس معناه في لسان(كمت) مصر القديمة... وحاربوا الرومان حرب لم تحدث لهم في أي من مستعمراتهم التي تمددت حتى إنجلترا. حتى دفعت لهم روما الجزية صاغرة.
وكانت حربهم ضد روما (ترومي) كما أسموها.. كانت في سبيل نيل حق الحج إلى معبودتهم (إيزا..أو عزة بالعربي..وإيزيس..باللاتينية) .. عزة في هواك نحنا الجبال..
أدروب ما مسكين يا (خاسا) يا رقيق الأحباش..(وهذا تاريخ موثق)...منذ عهد عيزانا..فقد كتب مسماكم هكذا..وكان أول ذكر لكم في التاريخ وكأتباع له هاجمهم النوبة .. فكيف لكن الآن أن تطمعوا في تاريخ وأرض البجا ..من حموكم سابقا ولاحقا.. البجا..هذا الكيان الذي كانت له ..معارك مجيدة ضد أكسوم الأحباش ..والذي هزمهم البجا هزيمة تاريخية ..وأسسوا إقليمهم (بجا مدر) في الهضبة الحبشية.
وكذلك لا ننسى لهم..تمريغ أنف أرض الإمبراطورية التي لم تكن تغرب عنها الشمس. وخلد البجا وبطولتهم شاعر الإمبراطورية التي لا تغرب عنها الشمس..الشاعر والأديب صاحب رواية (كتاب الأدغال) ..روديارد كبلنغ خلدهم في قصيدته (فيزي وزي ) والتي كان من المفترض أن تدرس في المدارس..
أدروب فقط حنين ( وولوف.. كما تقول النكتة السودانية عنه).. وهي حقيقية وتعبر عن طباعه . وعنده نظام ثقافي إجتماعي يجعله يقبل اللاجئ والمستجير .. لأن أدروب يتحلى ولا يزال ..بأخلاق الفروسية..التي لم ولن يفهمها من إستعبدوا في أرضهم ووطنهم ..لمدة قرون .
رقيق النظام الإجتماعي الطبقي (تقري ،شماقلي ) نظام السادة والعبيد الحبشي. الذي جعلهم يهربون من أريتريا..ذات النظام الطبقي الموروث .من أسلافهم الأحباش.
فبلاش نقة كتير يا السودانيين..فمن يريد هؤلاء القوم..فليسكنهم في ولاياته.. فنحن قد جربانهم ..وخبرناهم ظاهرا وباطنها..وبصراحة ..قد إكتفينا.. قولوا نحن كعبين وعنصريين ..وأي حاجة... فالكوك يبين في المخاضة.. فهمتوا يا عسل ؟!
الكلام اعلاه نموذج لخياسة الشعور مترجم ثقافياً وخياسة الشعور عندما تحوى جهد اكاديمي واستعانة بمرجع تاريخي وتفوح منها رائحة بذل المتثاقف بتترجم إحتراماً لمقام ممارسها باللــواطـ الفكري ،،،
مرحب حيدر في سؤال قانوني وفق الواقع العالمي الان كم يلزمك لتأخذ جنسية بلد آخر ؟ او كما قال سميح القاسم سنة كم وتمانين في لقاء معه ما معناه كيف تطالب الاسرائلين بطردهم من فلسطين او اسرائيل وهم ولدوا بها ولا يعرفون وطنا غيرها . وهذا الطلب لن يساهم ابدا في حل قضية فلسطين لأنه مستحيل وغير عقلاني ولا منطقي
