Post: #1
Title: سكوت الحكومة عن تهريب عربات ليبيا و كبسيبة المكاسب الكبيرة و السريعة
Author: Osman Musa
Date: 10-09-2020, 04:08 PM
Parent: #0
04:08 PM October, 09 2020 سودانيز اون لاين
Osman Musa-
مكتبتى
رابط مختصر
(adsbygoogle = window.adsbygoogle || []).push({});
مجموعات مجموعات في أركان سوق ليبيا في انتظار السفر لصحاري الأحلام.
السيارة الكليك تكلفك واصلة الخرطوم 425 مليون ممكن تبيعها ب مليار ونص .
كتير من الكلفتة وكتير من حركات الإنقاذ القديمة .
وكتير من أوراق التراخيص المضروبة .
وكتير من الشوارع المطرشقة والغير مرممة والطافحة.
وكتير من الناس البتكسب 30 ألف دولار في الشهر الواحد .
وكتير جدا من الناس البتكسب 10 رغيفات وكيلو تبش بس في اليوم .
وكتير من وجع الفشفاش والحزن على الشهداء .
لهم التحية .
|
Post: #2
Title: Re: سكوت الحكومة عن تهريب عربات ليبيا و كبسيب�
Author: Hafiz Bashir
Date: 10-09-2020, 04:31 PM
Parent: #1
Quote: وكتير من الناس البتكسب 30 ألف دولار في الشهر الواحد .
وكتير جدا من الناس البتكسب 10 رغيفات وكيلو تبش بس في اليوم .
وكتير من وجع الفشفاش والحزن على الشهداء . |
الكلام دا معبر ومحزن شديد يا عثمان موسى
|
Post: #3
Title: Re: سكوت الحكومة عن تهريب عربات ليبيا و كبسيب�
Author: Osman Musa
Date: 10-09-2020, 05:43 PM
Parent: #2
الأخ حافظ
سلام
سماسرة زي الرز .
و عربات دخلت زي الرز في بلد لا شوارع لا بنزين .
لا عربية نفايات.
قروش مدورة بالشوالات في حديد البوكو.
تساب النيل وتساب العربات .
تجارة نبتت زي الهوروكيين.
تدفع تشيل .
لا لوحات لا تم بريييييم .
وبعد عربيتك تصل الخرطوم عاصمة الثقافة العربية تأكل نارك.
كتيرين سائقين بدون رخص وبدون لوحات .
الشعار الجميل ( حرية سلام و عدالة) أضافوا ليه
حرية سلام وعباطة.
لابد من مليونية لعربات البوكو.
لابد من إقامة متاريس في طريق المثلث الليبي.
ولابد من ترميم شوارع الخرطوم .
ولابد من كنس الزبالة المردومة في كوع القصر الجمهوري
من الناحية الشرقية .
معقولة ؟
|
Post: #4
Title: Re: سكوت الحكومة عن تهريب عربات ليبيا و كبسيب�
Author: Ali Alkanzi
Date: 10-10-2020, 09:17 AM
Parent: #3
عشان كدا يا اخ عثمان موسى
وبعد التحية
اقول لك:
انتشرت سرقة لوحات السيارات
ما ادخلته الانقاذ من فساد في هذه الامة
لن يذهب إلا بذهابها
اي الامة السودانية جمعا
اقسم لك بالله أنني اشتريت البنزين في السوق الاسود واكثر من مرة
ممن هو اتى لحمايتنا من السوق الاسود
يعني حاميها حراميها دي قالوها من فراق؟
|
|