آلاء صلاح‬⁩ تدخل القائمة القصيرة للمرشحين بالفوز بجائزة ⁧‫نوبل_للسلام٢٠٢٠‬⁩ هذا العام

05:37 PM October, 07 2020

سودانيز اون لاين
زهير عثمان حمد-السودان الخرطوم
مكتبتى
رابط مختصر

https://top4top.io/

‏⁧‫#آلاء_صلاح‬⁩ تدخل القائمة القصيرة للمرشحين بالفوز بجائزة ⁧‫#نوبل_للسلام٢٠٢٠‬⁩ هذا العام والتي سيُعلن عنها في الجمعة التاسع من اكتوبر الجاري.
الف مبروك يا الاء ❤
مجرد ورود اسمك واسم السودان دا انتصار وبداية خيط النور ...
والجايات اكتر
اول شيء
العالم الببرة دا
زي ما هو فايتنا في اي شيء
فايتنا في دا برضو
معيارو مختلف
وقياسه مختلف
وبعاين للامور بطريقة مختلفة
اسي يوم واحد لاقاكم زول شارك في حرب ايا كانت
معركة
غزوة
شكلة
اي شيء فيهو عنف
حتي لو كان بدافع عن نفسه
وعدالة قضيتو
لاقاكم العالم بحتفي بيهو ومنصبو كبطل !!!!
لسبب واحد
لانو العالم اتجاوز العنف دا
اتجاوز المعارك والاشتباكات
بشيع ثقافة الحوار والكلام والحديث
بشجع التواصل والوسائل الخلاقة والمبتكرة والجميلة في طرح القضايا والمشاكل
شفتو ملالة الباكستانية وطرحها لقضايا المراة
مزون السورية اللطيفة البتتكلم عن مشاكل الاطفال والشباب السوريين ... شيرين عبادي ... توكل كرمان
ما بجيبوا غير ديل
الداعمين للسلام وللخلاص وللجمال بالوسايل السلمية
الناس بتنسي البموت في المعارك
لانو العالم مليان بيهم
لكن الصورة البصرية
لسيدة وبرتدي الثوب القومي
في بلد فيهو مشاكل جندر وكان فيهو قوانين محددة لحركة النساء وحرياتهم
بلد قايم علي عهد ديموقراطي وطالع من وظاه العسكر لعهد مدني
صوتها ... هتافها شجاعتها لغة جسدها
طريقتها في التعبير زيها
اكسسوارها
التصوير الفنان
الجو العام
خلي من الزولة دي ذكري طازجة للشعوب الناهضة والرافضة للذل والهوان والعنف ....
العالم بشوف بالمنظار دا
وشاف الزولة الحلوة الخلاقة دي بالنظرة دي
اختارها
لجايزة من اصعب الجوايز واكترها نزاهة
ولو كانت ساهلة
كان اشتروها الناس العندهم قروش
ولو كانت عادية ماكان في زول غلب
ما تبخسوا الناس حقهم
وتحزنوا علي توفيقهم
وتجتهدوا في اظهار الموضوع انو ما بستاهل لانو دا فعلا سلوك سيء بكل المقاييس

أووووو
خلاص العوّة ح تدور تاني ووجع الراس:
مصنوعة! ما تستاهل ! عملت شنو اصلو! رفقة بتاعة البمبان! .... غيغ غاغ

ورد وين الخبر دة؟

ود البشري
تحياتي
درهم حظ ولا كوم شطارة يا عمي الشباب في مجموعتي قالوا تنزل لينا الخبر لناسك في المنبر وانا عملت برغبتهم
لكين هنالك أمر لابد أن نعيه هو أنها مدعومة من مجموعات شبابية كبيرة لبيرالية في عدد من بلدان أروبا غير ناس العم سام
ومن الممكن أن يكون لها حظ فريد#
لك ودي

صعبة يا ابو الزهور دي نوبل و للسلام كمان ما أي جائزة, سلفاكير فرصته افضل و أكبر منها
لكن زي ما كتب الخبر مجرد الترشح و القائمة القصية إن صح فا انجاز كبير كافي لتوليع النيران و استعد لعاصفة اللايفات و الصراخ خاصة من نواحي كندا

الخير قريتو امس فى تغريده على حساب رويترز
ترشيحها تزوير للتاريخ . فل استوب

باركها يا عاصم :)
ترشيح سوداني أياً كان شرف للسودان
رغم إني ما عارف تزوير التاريخ دة كيف

كشفت مصادر مطلعة على جوائز نوبل للسلام أن حركة "إعلان الحرية والتغيير" السودانية والناشطة السودانية آلاء صلاح ضمن المرشحين لنيل الجائزة المرموقة، كما تم ترشيح الناشطة السويدية غريتا تونبرغ وحركة الاحتجاجات في هونغ كونغ.
أعلنت لجنة جائزة نوبل للسلام في النرويج اليوم الأربعاء (26 فبراير/شباط) أن عدد المرشحين لنيل جائزة نوبل للسلام لعام 2020، وصل إلى 317 مرشحا، 210 أفراد و107 منظمات. وأشارت اللجنة أن هذا الرقم يمثل رابع أكبر عدد من المرشحين للفوز بالجائزة منذ 1901.
وجاء أكبر عدد من المرشحين للجائزة، وهو 376 مرشحا، في عام 2016، واختارت اللجنة المؤلفة من 5 أعضاء آنذاك منح الجائزة للرئيس الكولومبي خوان مانويل سانتوس تقديرا لدوره في إنهاء الحرب الأهلية في بلاده، والتي استمرت أكثر من 50 عاما.
ورشح نواب برلمانيون في السويد والنرويج ناشطة المناخ السويدية الشابة غريتا تونبرغ والحركة المطالبة بالديمقراطية في هونج كونج للفوز بجائزة نوبل للسلام لهذا العام.
وأطلقت تونبرغ (17 عاما) حركة عالمية لجذب الانتباه إلى التغير المناخي عن طريق ما عرف بـ" أيام الجمعة من أجل المستقبل"، ونظمت أول إضراب مدرسي لها في آب/ أغسطس 2018.
من جانبها اقترحت النائبة البرلمانية النرويجية جوري ميلبي ترشيح شعب هونج كونج لجائزة السلام، مشيرة إلى أنهم "يناضلون من أجل الحقوق الأساسية مثل حرية التعبير والديمقراطية وسيادة القانون". ودعمت مقترحها مؤخرا مجموعة البرلمانيين الليبراليين في النرويج التي أشارت إلى أن "حركة (احتجاجات هونغ كونغ) ليس لها قيادة، وتتم جميع المناقشات والقرارات (بشأنها) عبر مجموعات مناقشة على الإنترنت".
كما رشح عدة أعضاء بالكونغرس الأمريكي، وبينهم أربعة من أعضاء مجلس الشيوخ، الحركة التي تنادي بالديمقراطية في هونغ كونغ للجائزة، مشيرين إلى "شجاعتها وتصميمها".
وقال أعضاء في حزب اليسار الألماني إنهم رشحوا إدوارد سنودن، مسرب المعلومات في الولايات المتحدة، الذي كشف عن برامج التجسس الجماعي التي تديرها وكالة الأمن القومي الأمريكية، بالإضافة إلى جوليان أسانج، مؤسس موقع ويكيليكس، ومحللة الاستخبارات العسكرية الأمريكية السابقة تشيلسي مانينج، التي عملت مع أسانج لتسريب مجموعة من البيانات السرية في عام 2010. وكتب النواب الألمان: "لقد كشفت أفعالهم بنية الاعتداءات والحرب، وعززت بنية السلام".
وتصدرت القائمة المختصرة التي أعدها هنريك أوردال، مدير معهد أبحاث السلام في أوسلو (بريو)، الحركة التي ساعدت على دفع عملية الانتقال السياسي في السودان، لتنهي ثلاثة عقود من حكم الرئيس المعزول عمر البشير.
وذكر أوردال، الذي لا يرتبط معهده بالجائزة، ضمن القائمة المختصرة قوى إعلان الحرية والتغيير والناشطة آلاء صلاح. وكانت صلاح المنتمية إلى نساء المنظمات المدنية والسياسية السودانية (منسم) التي عرفت بـ"الكنداكة" قد تحولت إلى أيقونة للاحتجاجات في السودان بعد ظهورها في إحدى المظاهرات وهي تغني والجماهير تردد بعدها أغنية "حبوبتي كنداكة"، وتشعل جماس المتظاهرين.
وجرى منح جائزة نوبل للسلام العام الماضي لرئيس الوزراء الإثيوبي آبي أحمد تقديرا لجهوده لحل النزاع الحدودي الطويل مع الجارة أريتريا، وكذلك من أجل تحقيق "السلام والتعاون الدولي".

كان بودنا

Below is a brief description of the process involved in selecting the Nobel Peace Prize Laureates.

September – The Norwegian Nobel Committee prepares to receive nominations. These nominations will be submitted by members of national assemblies, governments, and international courts of law; university chancellors, professors of social science, history, philosophy, law and theology; leaders of peace research institutes and institutes of foreign affairs; previous Nobel Peace Prize Laureates; board members of organizations that have received the Nobel Peace Prize; present and past members of the Norwegian Nobel Committee; and former advisers of the Norwegian Nobel Institute.

February – Deadline for submission. In order to be considered for the award of the year, nominations for the Nobel Peace Prize shall be sent in to the Norwegian Nobel Committee in Oslo before the 1st day of February the same year. Nominations postmarked and received after this date are included in the following year’s discussions. In recent years, the Committee has received close to 200 different nominations for different nominations for the Nobel Peace Prize. The number of nominating letters is much higher, as many are for the same candidates.

February-March – Short list. The Committee assesses the candidates’ work and prepares a short list.

March-August – Adviser review.

October – Nobel Laureates are chosen. At the beginning of October, the Nobel Committee chooses the Nobel Peace Prize Laureates through a majority vote. The decision is final and without appeal. The names of the Nobel Peace Prize Laureates are then announced.

December – Nobel Laureates receive their prize. The Nobel Peace Prize Award Ceremony takes place on 10 December in Oslo, Norway, where the Nobel Laureates receive their Nobel Prize, which consists of a Nobel Medal and Diploma, and a document confirming the prize amount.

Are the nominations made public؟
The statutes of the Nobel Foundation restrict disclosure of information about the nominations, whether publicly or privately, for 50 years. The restriction concerns the nominees and nominators, as well as investigations and opinions related to the award of a prize.

https://www.nobelprize.org/nomination/peace/https://www.nobelprize.org/nomination/peace/

التعديل عشان المصدر

Quote: ترشيح سوداني أياً كان شرف للسودان رغم إني ما عارف تزوير التاريخ دة كيف

يا احمد
الحاضر المصنوع رموزو بكره وبعدو حيبقى تاريح (مصنوع) يعنى مزور
الاء ماذا كان موقفها من الثوره فى الجامعه ايام الثوره ؟ قبل ماتظهر فى مشهد انتهازى مصنوع كانو مشهد هوليوودى ليطغى على نضالات كنداكات حقيقيه طوال شهور الثوره
كدى خلينا نستكمل الثوره فى خطواتها الاولى بخطى ثابته وبعدين نجى نقول ثوره اطاحت بعمر البشير (فرع فى شجره بنى كوز) وساق الشجره وجذورها لسه !!!
من المرشحين اظن فى ناشطه صوماليه -الواد المان شغاله فى المجال المدنى الطوعى بجهد شديد مش واحده تلبت فى راس عربيه لدقيقتن وبقت ايقونه (سراب)
كدى شوف الواد وفارن بين عطاء الواد وبين عطاء الاؤ
اما السودان
هو وينو السلام البيدو فيهو جائزه ؟؟؟؟

ان شاء الله تفوز .
نصر سوداني ياااخ زي (امانة) الراعي اللي رجع القروش
لسيدها و (احتفلنا) بيه..
اااي حاجة تفرحنا يااخ. ما ياهو دا مدني عباس اتقطعت
زرارته في (فض الاعتصام بالجنجويد) وعملوه وزير,
الاء ركبت ضهر عربية و (عبرت) و مدني ركب (ضهرنا)
وبرضو عبر.. هههههه
الدنيا حظووووظ.
غاااايتو

ابو الزهور وودالبشرى
الزولة دى عندها فرصة
للفوز وفي البال الكوزة اليمنية
توكل كرمان فازت بنوبل للسلام

يا عاصم عندي صاحبي جبهة ديمقراطية كان ناشط في موضوع الثورة دي من أيام حركة قرفنا
أيام الجوطة الأولى بتاعتها كان زعلان شديد قال لي آلاء دي ناشطة نسوية قديمة وطلعت معانا في كل المواكب وشربت معانا البمبان كلو ومن أوائل الناس الصبوها في القيادة ما بتمشي بيتهم إلا وقت النوم لكن في أي وقت تلقاها قاعدة هناك
فموضوع إنه كسبها في الثورة مجرد قصيدة دة ما دقيق

Quote: The statutes of the Nobel Foundation restrict disclosure of information about the nominations, whether publicly or privately, for 50 years. The restriction concerns the nominees and nominators, as well as investigations and opinions related to the award of a prize

يعني يا مولانا نفهم انو الـ

Quote: كشفت مصادر مطلعة على جوائز نوبل للسلام

ياهم زي دا



عموم ما فارقة صحة الخبر من عدمه! العوّة في محلّها و آلاء و الأخدت الصورة وسيد العربية و صاحب أحمد عمر ح يتلخّوا ح يتلخّوا

با احمد كلامها فى خطاب الامم المتحده لو قريتو .زوله بتتكلم عن معاناه المواطن وحراكو ضد الوضع وانها شافتو من شباك العربيه فى حركتها بين الجامعه والبيت
كلامها كلام زول فى خانه متفرج مش حانه فاعل

هههههههههههههه
يا ود البشرى
هنريك أوردال، الذي لا يرتبط معهده بالجائزة، فعلاً مصدر مطلع كما هو في الصورة.

50 year secrecy rule
The Committee does not itself announce the names of nominees, neither to the media nor to the candidates themselves. In so far as certain names crop up in the advance speculations as to who will be awarded any given year’s Prize, this is either sheer guesswork or information put out by the person or persons behind the nomination. Information in the Nobel Committee’s nomination database is not made public until after fifty years.

من نفس الموقع

يعني يا عاصم العندو عربية ما ينفع ثائر؟ :)

ما بالضرورة تكون جاعت مع الناس عشان تحس بمعاناتهم وتطلع من أجلهم وإلا الوزراء ديل كلهم نشيلهم بي دفار الكشة للمطار

عموماً أي زول بعرف آلاء شخصياً ممكن يأكد ليك إنها من بداية الثورة كانت فاعلة في كل الحراك وإنها كانت صاباها يومياً منذ بداية اعتصام القيادة لحدي فضه ولم تغب أي يوم عن ساحة الاعتصام

انصلت بي ناس نوبل قالو اللسته المصغره بتكون سريه وغير معلنه ،، لكن المرشحين اكتر من 300
الاعلان حايكون بكره الساعه 11 صباحا ،، وغالبا الفائز او المحتفي بيهم السنه دي الاحتفال حا يكون اون لاين او في مجال ضيق

Quote: الاء ماذا كان موقفها من الثوره فى الجامعه ايام الثوره ؟ قبل ماتظهر فى مشهد انتهازى مصنوع كانو مشهد هوليوودى ليطغى على نضالات كنداكات حقيقيه طوال شهور الثوره

سلام عاصم

الاء صلاح من اسرة مناضلة والدتها المناضلة زينب بدر الدين و التي توفت فبل اسابيع

شقيقاها محمد صلاح و بدر الدين من الزبائن الدائمين لجهاز الامن في العهد البائد

خالها هاشم بدر الدين (كندا و الترابي).

أتعب و قوقل شوية عن الناس دي بتعرف نضالهم وكيف تم تعذيبهم

و ما هي مواقف والدتهم.

القاصدها انت ولاء صلاح الدين يا ناصر كانت رئيسة اتحاد جامعة الخرطوم ..
غير الاء صلاح

تحياتي

Quote: القاصدها انت ولاء صلاح الدين يا ناصر كانت رئيسة اتحاد جامعة الخرطوم .. غير الاء صلاح

سلامات حيدر

صدق كلامك صاح...انا المحتاج اقوقل😀

الله يسترني مع عاصم الليلة😉

المهم برضو تستاهل مش سودانية حتى لو بقت سمية سفنجات

بدل تمشي لزول تاني

الاعلان بعد ساعتين من الان
Dette er PRIO-direktør Henrik Urdals favoritter:

Komiteen for å beskytte journalister (CPJ)
Alaa Salah – og Forces for Freedom and Change (FFC) i Sudan
Aleksej Navalnyj og antikorrupsjons-stiftelsen
De kinesiske aktivistene Ilham Tohti og Nathan Law Kwun-chung
Ungdomsaktivistene Hajer Sharief fra Libya og Ilwad Elman fra Somalia

القائمه المفضله
لجنه حمايه الصحفيين ، الاء صلاح وقوي الحريه والتغيير ، مؤسسه مكافحه الفساد ،ناشطان من الصين ،ناشطات من ليبيا والصومال

youtu.be/FpP4iUzNyVc

البث المباشر لاعلان الفائز

برنامج الغذاء العالمي حصل علي الجائزه

بعيداً عن صحة خبر تسميتهم او لا، هل قامت جهة بترشيح آلاء صلاح وقوى الحرية والتغيير للجائزة؟
هل قامت جهة سودانية بترشيحهم للجائزة؟
هل معهد السلام الذي يديره هنريك اوردال قام بترشيحهم؟

في حال أنه أصلاً لم يتم ترشيحهم او ترشيح أي رمز آخر للثورة، تكون جامعاتنا ومؤسستنا ومنظماتنا قد قصرت في ذلك.

Quote: سيف الدين بابكر لن تفلح (شعوب السودان) وهي تقدم النساء على الرجال، ثم يدعون أنهم مسلمين! أليس في أرضكم رجال فأخبرونا لنرسل لكم رجالاً من خراسان؟ يا أزلام الأمريكان أبناء أزلام البريطان، فقد خربتم البلاد وفتنتم العباد، نسأل الله أن يبليكم ببلية لا مرد لها ولا نجاة، فيهلك الظالمين المفسدين في الأرض .. الزبد .. ويبقي على الصالحين النافعين للمسلمين القائدين لهم إلى دولة العدل والمساواة لا دولة الكفر والفسوق والعصيان .. دولة يصنعها صهيون عبدة الشيطان. #طالبان_السودان

عد الى كهفك