هل شاهدتم البيت الذي كان يسكنه علي عثمان محمد طه ؟؟

شيء محزن ومؤسف

ساكنين في قصور وبيوت حدادي مدادي

على حساب ناس مساكين وشعب يتضور جوع ومسغبة

إضاءة البيت الكان ساكن فيهو علي عثمان

إضاءة بس ممكن تأكل قرية بحالها

ياخ انعل ... أبو ديل ناس

يازول خاف الله وما تبقى ببقاء أخبار للقحاته لم القصة تغلبهم
علي عثمان البتفتري عليه ده بالكذب ما قصده سوداني في مشكلة
ما حلاها ليه (طبعا إلا انا ) لكن بقول الحقيقة
بيته مفتوح للناس ومشاكلهم مهما كان حجمها صغيرة ولا كبيرة ما منع تام
لحرس استقبال بيته يردوا زول ومهما كتبت ليه كتابتك في نفس اليوم بتصله
ولو زول حرف كلامك مكانه بعد الحساب العسير الشارع
الجمعة من عشرة صباحا حتى وقت الجمعة الباب فاتح للناس كلها
باقي الاسبوع معروف بين صلاة المغرب والعشاء للناس بعد العشاء لأصحاب المواعيد
نهاية اليوم قبل النوم بيجيب دفتر المزكرات الاتكتبت في الاستقبال بخط يد الزوار ويصدر
توجيهاته بحلها فورا لو كتبت داير 100 جنيه أو 100 مليون قبل الصباح بتصلك
بيته البعرفه ومشيت ليه كتير لآخر يوم في الرياض ولما قلعوا منه رحل شارع اوماك بيته القديم
أما المزرعة الفي سوبا طبعا ما المروجين ليها دي كانت تبع العمل التنظيمي شغل أحزاب ليس إلا
أنا ما بختلف مع الناس في اخفاقاته الكتيرة جدا الوصلت البلد للحالة دي
لكن نكون عقلانيين في تناولنا لسيرة الناس خصوصا لم الزول يكون سوداني وفي السجن أو سوداني ومات
أخلاقنا مفروض تبقى عالية الزول لم يبقى اسيرك اكرمه ما من شيم الرجال ألقى زول مكتف اقيف قدامه واشتمه
ما بيعملوها إلا الحريم والناس الما شادة حيلها

علي عثمان البتفتري عليه ده بالكذب ما قصده سوداني في مشكلة
ما حلاها ليه (طبعا إلا انا ) لكن بقول الحقيقة
--------------------------------------------------------------------
والله يا توفيق بكلامك دا طلعت اكبر كضاب
على عثمان اضرالكثير من السودانيين وانا واحدا منهم

خليك من البربرة والكلام الفارغ يا الاسمك توفيق عيسى مكي

وورينا جاب القصر الفاره ده من وين ؟؟

قلت لي التنظيم :)

الممر الداخل بيت علي عثمان محمد طه أطول من الشارع المؤدي لداخل مطار الخرطوم :)

حرامية أولاد كلـــب

وبعد ده تلقى عينة نوع الاسمو توفيق عيسى مكي ده لسع يبربر ويكسر في التلج

يا راجل اختشي على دمك

الاخ توفيق
انت ما شفت الاسرار الكبرى
في قناة العربية،،،
علي عثمان هو اخطر واحد
في اللحظات الأخيرة
هدد السودانيين بكتايب الظل

تحياتي

قال حمدوك مفروض يدوهو وسام!
يعني عشان قبل يستلمها
بعد قشروها ليهو!
نحن شعب عجيب!
وبمجد بحسب الهوى
ويستجيب بسذاجة للعلف الرائج
نريد حكام خدام لخدمة الشعب لا أكثر
وليس حكام للتقديس ليصنعوا حولهم
هالة واوهامات

غايتو يا توفيق انت بالغت ....
معقولة انت بتدافع عن حرامي سرق اموال الشعب وبنى هذا القصر المنيف وسط مزرعة ما عارفين مساحتها كم !!!!!!؟؟؟؟؟
انت احسب براك ...وقول هو نائب رئيس جمهورية من عام ١٩٨٩ وحتى عام ٢٠١٩م واحسب مرتبه كم في الفترة دي كلها ...وهو
بنفسه قال ان مرتبه لا يتعدي مليون في الشهر ..وافترض انه بيوفر كل مرتبه فهل ممكن يبنى مثل هذا القصر الفخم...
هؤلاء كانوا يتاجرون بالدين من اجل مصالحهم الخاصة...ولم يهتموا ابدا بمصلحة الشعب ...

هى لله هى لله لا للسلطه ولا للجاه
ولا لدنيا قد عملنا
هامان آخر الزمان قال عمله كله لله ليس للدنيا ولا للجاه
البعض صدقه وسار من خلفه ليقودوا السودان إلى مورد الهلاك ليبنوا القصور
على جماجم المستضعفين والبسطاء .
على عثمان مسح من الوجود دار مهد صباه فى حديقة الحيوان ليشيد
هذا القصر المنيف والذى لن يمحو من مخيلته صورة دار مهد صباه
وسنى شبابه وكأنه يتبرأ من غمار حياة هذا الشعب السودانى الطيب
البسيط المكافح .

والله العظيم الأرض التي أقام عليها علي عثمان لأرض تخص جدي وكان يقوم بزراعتها حتى بداية السبعينات وأخوي كان ساكي يسجلها من قرابة 40 سنة ولكنه لم يوفق .
في الاخير جاء استولى عليها عمك دا ...
الله لا كسبوا في الدنيا والاخرة وجاي توفيق عيسى يفتي فيها كمان ويكسر ليه في التلج.
و عندنا أوراق تثبت ملكية الارض وجزء منها تم تشييد كبري سوبا شرق عليه ...

من الاشارات البليغة حسب فهمي
انه وجهه اسود في آخر عمره
وهذا هو الرجل الذي نافح في مجلس الشعب
واصر ان يتلو تفاصيل راتبة الشهري بصفته نائب لرئيس الجمهورية
وصار يتلوه على اعضاء المجلس
وهم يترجونه أن بتوقف ولا يفعل
وقديما قال الشاعر احمد مطر
وكلنا كذاب
وهاهو الصديق يمشي
زاهدا مقصر الثياب
وهاهو الدين لفرط يسره
قد احتوى مسيلمة
فعاد بالفتح بلا مقاومة
من مكة المكرمة
يا ناس لا تصدقوا فإنني كذاب.

يا هو ده الزول بعضمة لسانه بيقول ان صافي مرتبه ١٠ الف جنيه سوداني ....وهو كان بيتكلم بسعر العملة السودانية بالقديم (يعني بالمليونات،)ويحولها بالاف( بالسعر الجديد)..وعشان كده نحسب من جديد ١٠ الف جنيه في الشهر في ٣٠ سنة هل ممكن يقدر يبني مثل هذا القصر المنيف ويشتري مثل هذه المزرعة المترامية الاطراف ....ولا نعرف عدد القصور الاخرى التي يمتلكها ...

الانتباهة: الكشف عن أخطر طلب للمعزول قبل نقله للسجن
في يوم 6 أكتوبر 2020

كشف عضو المجلس العسكري السابق ونائب مدير الأمن السابق جلال الدين الشيخ، عن دواعي إيداع الرئيس المعزول سجن كوبر.

وقال الشيخ في تصريحاتٍ لصحيفة الانتباهة الصادرة اليوم”الثلاثاء”، إنّ المجلس العسكري قرّر إيداع البشير سجن كوبر عقب طلب المخلوع لقاءً بعبد الرحيم دقلو وإبلاغه بوجود أموال وعملات أجنبية بمنزل ببيت الضيافة، وطلب منه نقلها له لمكانٍ آخر.



وأضاف” البشير قام وقتها بطلب مقابلة عبد الرحيم وتمّ أخذ الإذن منا وسمحنا له بذلك، وقام بمقابلته، وعندما جاء إلينا أخبرنا بأنّ البشير أبلغه بأنّ له مبالغ وأموالاً يريد إخراجها من المنزل وكان الأمر حقيقة محبطًا لنا لأنّنا قبل أيام كنا نقوم بمطاردة الذين يمتلكون الدولارات ونقوم بمحاكمتهم، ولذلك قرّر أعضاء المجلس بالإجماع أنّ يتمّ نقله من المكان الذي فيه ويودع في سجن كوبر

الاخ الهادي تحياتي وتقديري
تابعت حديثك واستغرابك وحديث الاخوة المحترمين .. ما الشيء الغريب في أن سوداني مسؤول سابق اشترى ارض زراعية قبل فترة من الزمان حينما كان موظفاً بوظيفة قاضي تقريباً .. صممت ابنته مخططاً لهذه الارض للجزء السكني المتواضع بالطوب الاحمر وقطية ضيافة بالعويش .. اما فيديو ذلك الشخص الكذاب لا علاقة له بمزرعة ومنزل الاستاذ علي عثمان لا من قريب ولا بعيد هذا الفيديو لا يخص منزل الاستاذ علي عثمان حفظه الله ورعاه .. ايضاً حينما خرج الاستاذ علي عثمان حفظه الله متحدثاً عن راتبه وتفاصيل راتبه هل اشترى المزرعة في اليوم التالي أو قد اشتراها قبل القاء خطاب الراتب بيوم .. يا اخوة بيت ارضي في مزرعة وثلاث غرف تقريباً ومطبخ ومنافع وصالون صغير وكما قلت قطية للضيوف وسكن للعمال وبيوت محمية لبعض المزروعات بالمزرعة.

Quote: علي عثمان حفظه الله ورعاه .

لا حفظه الله ولا رعاه فار الفحم القاتل
و لا حفظك الله ولا رعاك يا الحامد يا طبال القتلة , قاتل أهلنا في كجبار
و ستصرخون يا زواحف كما صرخ محاميي الشيطان اليوم في المحكمة بعد تلاوة النائب العام لمذكرة الإتهام
القادم هو لإعدام او السجن المؤبد للبشيرك و ليقية القتلة لتقويض الدستور و تسور البلاد في ليل
حينما وطئت اقدامكم النجسة ارض السودان الطاهرة
اركزو يا حثالة البشر .. ستصرخون و ستندمون

أووه
الفَسِيس خضر الطيب (وابحث عن معنى الفَسِيس)هاهاها.. نحن في حضرة اناس محترمين فاترك عنك فرفرة الرجال ان كان فيك رجولة واشك .. والا فالسوط كفيل بمن يفرفر كفرفرتك أيها الفرفار.

مافي فسيس غير الكوز الزاحف يا معتوه
انتو انتهيتو نهاية مرة و للأبد يا وائل الحالك مايل
تباً لك معتوه عامل دقنك ذي شعرة المجنونة
بالمناسبة كلما الاقيك قدامي بشلتك ذيك و ذي اي قمامة يا قمامة البشر و الحشر
و لو قليت ادبك اكتر من كده حتكون مجرد قارئ في الموقع دا

وائل أنت تقول

Quote: الاخ الهادي تحياتي وتقديري تابعت حديثك واستغرابك وحديث الاخوة المحترمين .. ما الشيء الغريب في أن سوداني مسؤول سابق اشترى ارض زراعية قبل فترة من الزمان حينما كان موظفاً بوظيفة قاضي تقريباً ..

ألم تسمع قول الترابي عراب نظامكم وشيخكم الأكبر في البشير وعلي عثمان بالتحديد؟

ياسر انت قلت

Quote: ألم تسمع قول الترابي عراب نظامكم وشيخكم الأكبر في البشير وعلي عثمان بالتحديد؟

رحم الله شيخنا الدكتور الشيخ حسن الترابي المفكر الذي حير اليسار واصبح أهل اليسار يستشهدون بمقولاته هاهاها .. ياسر الشيخ الترابي رحمه الله كان يعلم أبنائه بأن التقديس ليس للاشخاص ولكن للمنهج لم يكن الاسلاميين القادة امثال الدكتور حسن الترابي رحمه الله يعلمون ابنائهم وطلابهم تمجيد الاشخاص وانما كانوا يركزون على تعليم تمجيد المنهج.. ونحن لا نمجد الاشخاص بالطبع ولكن الدتور الترابي لخلافه وحنقه من اختلف معهم تحدث بهذه الطريقة وكان يتحدث عن وجهة نظره في من سأل عنهم من قبل مقدم البرنامج لكنه في هذا المقطع لم يتحدث عن الاستاذ علي عثمان بالتحديد ولم يتحدث عن قطعة الارض المتواضعة التي تحدثنا عنها .. انا عرجت على قضية تمجيد الاشخاص وتمجيد المنهج تمهيداً لمن سيأتي ويقول بأنني وحاشاي ان أخطيء الدكتور حسن الترابي رحمه الله .. لكن وكما ان النبي صلوات الله وسلامه عليه خاطبه الله عز وجل قائلاً ( عفا الله عنك لما اذنت لهم) فأقول من منا لا يخطيء من منا مثالي يا ياسر .. وهل قابلت مثالية مائة بالمائة في حياتك ؟ افصح فتح الله عليك.

Quote: سوداني مسؤول سابق اشترى ارض زراعية قبل فترة من الزمان حينما كان موظفاً بوظيفة قاضي تقريباً

يا عبدالله قول كلام يلقى ليهو منفذ للعقل
لو كل موظف بقدر يعمل زيو كدا كان السودان دا
من اقصاه لاقصاه بقي جنات من نخيل وعنبا وقضبا
أنت مع المتهم دا واللا ضدو كدا ؟؟

Quote: يا عبدالله قول كلام يلقى ليهو منفذ للعقل لو كل موظف بقدر يعمل زيو كدا كان السودان دا من اقصاه لاقصاه بقي جنات من نخيل وعنبا وقضبا أنت مع المتهم دا واللا ضدو كدا ؟؟

طلحة مساك الله بالخير .. انت عارف حسب معلوماتي البسيطة تاريخ الشراء يا في 1979م او 1983م رايك شنو يا طلحة بن عبيد الله في تحامل من الناس الكبار .. الاستاذ علي عثمان كادر ما ساهل ربنا يفك اسره.

بالله يا طلحة انظر لهذه الابتسامات والثقة بالنفس آمل الا يراها الفسيس خضر هاهاها حتى لا ينجلط

Quote: الابتسامات والثقة بالنفس

قبل قراءة خطبة النيابة

أمّا بعد قراءة الخطبة :)







أقعد هناك يا متهم بلاش فارغة معاك :)

يا وائل

طبعا لا تستطيع أن تخطئ الدكتور الترابي، خاصة في هذا المقطع الذي أطلب منك التعليق عليه.

Quote: طبعا لا تستطيع أن تخطئ الدكتور الترابي، خاصة في هذا المقطع الذي أطلب منك التعليق عليه.

يا ياسر
انت تريد ان ترجعني للمقدمة التي قدمت لها تحسباً لمثل هذه الاسئلة .. لكن يبدو بأن صورة الابتسامة اعملت فيك يا ياسر هاهاها .. فأصبحت تتخيل نفسك تقف أمام فارس الحديد الرئيس عمر حسن البشير هاهاها .. ارجع تاني وأقول بأننا كاسلاميين تعلمنا من قادتنا بألا نمجد الاشخاص وبألا نقدس الاشخاص وانما التمجيد والتقديس للمنهج منهج القرآن منهج الدين منهج العروة الوثقى التي لا انفصام لها .. قصتي مع هذا الفيديو الذي تحدث فيه الدكتور الترابي رحمه الله كانت حينما احضره كتسجيل أحد المتداخلين في قرية مجاورة يعلمها (الفسيس خضر الطيب) .. وحينما سمعت التسجيل نفيته نفياً شديداً وقلت بأنه مزور ومدسوس ولايمكن ان يقول هذا الدكتور الترابي ان لم تخني الذاكرة او ان احد المتناقشين قال لي بأن الشيخ الترابي شيخكم قال كذا وكذا فنفيته الى ان اتوني بالتسجيل وذلك الفيديو وانتشر المقطع .. فمن باب التقديس وتقديس وتمجيد الاشخاص قلت بأن ما قاله الشيخ الترابي رحمه الله مرفوض وغير مقبول عندي لأن فيه دعوى كسب سياسي بالجهوية والقبلية .. وارجع واقول من منا لا يخطيء يا ياسر من منا مثالي حصيف؟؟.

عبدالله يا وائل
والله أنا لا أعرف ابتسامات ولا بكائيات ولا أي مشاعر
من أي نوع .
كل العارفو أنا ومقتنع بيهو تمام انو الناس
ديل ضيعوا البلد تماما
ولا يزال نفر منهم يبذل قصارى جهوده
لاغراقها أكثر وأكثر .

[/url]

ده بيتو أو مزرعتو الحقيقية
فبطلو طلس سياسة
انا بقول الفات المات شغل الفاتيات ده ما بودينا قدام
وياريت ورجاءا نتفق ناجل أي حاجة قبل ما ننقذ نفسنا من الحفرة الواقعين فيها
لما نطلع منها تعالوا نتحاسب
انتو أغلبكم سودانيي مهجر مؤكد ما حاسين بالمحرقة البنعيشها في الداخل
ما هامينا كيزان ولا قحاته همنا كلو ننقذ السودان أولا
ما حا نستفيد بصراع السياسة غير غطيس حجرنا اكتر ما هو غاطس
ننتبه للسودان والإنتاج والسلام العادل وبعض الحريات الممكنة
نتكاتف ما نتنافر
السودان بخسر كتير بتنافرنا
وهكذا ......

حا نستفيد شنو لو بيته جالوص أو من قزاز خلاص هو في السجن وعهده ولى
الخطوة الجاية شنو الممكن تسهل معيشتنا في السودان
نحن والله قلنا الرووووووب ولا زول شغال بينا لا أبسط مقومات الحياة ما لاقين
بتصدقوا يا مؤمنين اكتر من 7000 مخبز داخل العاصمة معطل وأسعار كل زول على
كيفه وايي حاجة مافي أمن منعدم دولار طاير للسماء وما حا يقيف
السودانيين ما هم الناس البتكتب في السوشال ميديا ديل ولا 1% منهم
ما تعيشوا في الوهم والخيال
ياريت كلامي ده يصل لزول عاقل

كل واحد لديه قناعات وفكر نرفض الحجر والديكتاتورية شبعنا منها زمن الكيزان وما عندنا
استعداد نقبلها منكم يا قحاته يا وهم
بنقول ليكم قول هادينا فاليقل خيرا أو يصمت
قديتونا قد يااااخ
دايرين ناس واعية متعلمة عندها رؤية واضحة واضحة واضحة وبرامج تساهم في تنمية ونموء وتقدم بلدنا
دايرين راجل مالي هدوموا ود رجال يقود السودانيين
انا شخصيا بعمل زي نميري بحل الأحزاب وامكن ابيد قادتهم كلهم بدون فرز وببدأ بالكيزان
وبامم القطاعات المهمة وبجبر الشعب كله ينتج والما بطاوع يا السجن يا يشتت من السودان

انا السوداني الوحيد من كم سنة أعلنت اني طلقت السياسة طلاق تلاتة وتوجيهي اقتصاد وإنتاج فقط
وحات الله ما خايف من زول كوز ولا قحاتي اهبل
انا الوحيد العندي برنامج إقتصادي طموح شغال وناجح شغال من كم سنة
وشهادتي عن علي عثمان شهادة حق غاظني الكذب عليه ونحن من صف لي صف من الفجر العشاء
وزول بعرفه عن قرب بدون ادخل في تفاصيل الكيزان الفاسدة ما بتهمني هسي قدر أنجح برنامجي الطموح
الناس بدل تعطيه بعض الاهتمام شغالة بالفارغة والله دي حاجة تغيظ الما بتغاظ

ده ردي كل مستفذ حقار لاجئ في بلاد الكفر أو عبد عند العرب أو عميل لليهود بعلمه أو بجهله
نحن من جد جدي معروفين ركائز صنعت السودان
ما بنعرف فحش اللسان بنعرف مسك السيف لأعداء السودان
أغلب أهلي ماتو بيحملوا قضايا وطنا ده
ما بنعرف نفرز بين الأفكار البنؤمن بيها طالما هدفنا السودان ورفعته
عشرات من أهلي أسماء كبيرة رسمت السودان الحديث والقديم
أغلب الناس الوافدين الاستوطنوا السودان الجديد يجهلوا منو الصنع الشكل بتاع
السودان ده عمي أقصى اليسار ووالدي أقصى اليمين لو جلست إليهم لن تفرز انتمائهم
الايدلوجي في قضايا السودان المصيرية لهم الرحمة وكذلك عماتي الشهيرات جدا بنفس الفهم الراقي لم تفترقا
لحظة إلى أن فارقتا الحياة لهن الرحمة وكذلك أغلب أهلي الأحياء
ما نراه اليوم منهج حياة وافد إلينا لا يخصنا كسودانيين ولا ننجر معه
لنا أخلاقنا السمحة ولغتنا الراقية واحترام البعض واختلاف الرأي لا يفسد للود قضية
ارتقوا يا ناس واصلحوا ما في أنفسكم تصلح لنا بلادنا

وهذا هو بيته فى حي الرياض بالخرطوم

وهنا فيلا على عثمان طه فى المنشية
قصور فلل وبيوت عادية ومزارع وجنة كانوا فيها فاكهين .
نهبوا اموال الدولة وبنوا الدور والقصور والشعب يموت بالمصغبة
هل هناك اجرام اكثر من هذا !!!!

تعرف يا توفيق أنا لما أشوف الزول البتكلم بمنطقك ده بقول النوع ده يستاهل العملوهو فيهو الكيزان طوال الـ 30 سنة

يا راجل انت يسرقوا فيك ويذلوك ويهدروا كرامتك ويحقروا بيك ويعاملوك أسوأ معاملة وبرضو جاي تقول لي صف الصلاة وما صف الصلاة

علي عثمان مجرم وحرامي ويستحق الإعدام جراء ما اقترفه بحق المواطنين طوال الـ 30 سنة الماضية ـ

انت من قبيل عاوز تورينا انك بتعرفو وطالع ونازل معاهو ؟؟ أوكي انت بتعرفو ـ نعمل شنو انحنا طيب ؟؟

يعني عشان انت بتعرفو معناتها هو زول كويس ؟؟ ده منطق شنو

نقوم نتجاهل جرائمو دي كلها وسرقاتو وحرمنتو عشان سيادتك بتعرفو ؟؟ عليك الله خلينا من المنطق التعبان وما جايب همو ده

Quote: انت من قبيل عاوز تورينا انك بتعرفو وطالع ونازل معاهو ؟

لا طالع لا نازل معاه كلها مرتين في حياتي اللاقيتو فيها حالتو الوالد مؤسس الإخوان المسلمين في خمسينيات القرن الفات
مرة يوم عزاء الوالد للحظات لكن زي أغلب السودانيين الواقفين من صف لي صف بطنا طمت من الكذب الكتير الما منو فايده
شعبنا من شغل استخبارات الأحزاب العلموها ليهم الكيزان لما القصة تعصر عليهم يقوموا يفبركوا قضايا انصرافية تشغل الناس
اليوم ما عندنا استعداد نسمع إلا البودينا قدام هو خلاس في السجن نقطة سطر جديد
أما عهد الكيزان المهول سوءاته وعمك بشه السوء البنعيشه اليوم نهائي مافي صف ما بيقول خليل زمن البشير تصدق يا مواطن أمس القريبة دي راكب في حافلة جميع من فيها تسخط عن الوضع الحالي وتقول ياريت الكيزان يرجعوا كانوا بياكلوا وبياكلونا معاهم نحن دايرين نأكل في الأول الجوع كتلنا والمرض كتلنا والفوضى عملت لينا ارتجاج في المخ
أنت بتعكس لي ما يدور في السوشال ميديا المسيطر عليها استخبارات الدول المعادية لينا بمنسوبيهم ونشطاءهم
وانا بعكس ليك الواقع البعيشه حقيقة في قلب الشارع والأسواق وبين العمال والمزارعين عشان شغلي وبرنامجي الاقتصادي مرتبط بيهم وعايش وسطهم يجب أن نفهم تفكير من نخاطب لأن الظروف الحرجة وعت الناس وعرفت تفرق بين الحقيقة والخيال بين الحقيقة والكذب الحبله قصير مستحضرين الطلس القالوه في نميري واملاكه وطلع طلس سياسة ساي تاني يجئ
زول موهوم يكرره ياريت نبقى جادين وواعين ونشتغل بتكاتف وحب بهدف واحد أولا ننقذ السودان بعد ننقذه أن شاء الله نسحب الجنسية من كل كوز وما تقول لي هم البيعملوا لينا المتاريس والدولة العميقة واضح لكل سوداني الدولة العميقة هي وهم
القحاته اقول ليك حاجة : كل المرتزقة ألكانوا بينهبوا بلدنا مع الكيزان وجدوا ليهم أماكن أكثر أمان ومرموقة في حكومة الهنا المتحكمة فينا اليوم كأنك يا ابو زيد ما غزيت وعلى قناعة تامة الكيزان البعرفهم بحكم الوالد 90% منهم شتتوا بره السودان وعايشين في رغد عيش بره والسودان أصبح لا يعنيهم القاعدين ديل المرتزقة بتاعنهم ولسه منقطة ليهم مافيات زي المافيات وبتقتل لو قربت لمصالحهم
أظن كلامي بقى واضح ليك اكتر

سلام الهادي

العدل مطلب اساسي لكل ضحايا البشير و من معه من الكيزان.

بالإضافة لتدميرهم لكل المؤسسات و المنشآت مثل مشروع الجزيرة

الخطوط الجوية و البحرية و السكة حديد. و أهدأر مداخيل البترول

و بيع الأراضي الزراعية لأجانب و بيع الجواز. و الأسوأ من ذلك استضافة

الكيزان لكل أرهابيي العالم و تسببهم في العقوبات و الحظر و بسببهم

تصّدر اسم السودان قائمة الدول الإرهابية و تم أحتلال حلايب و شلاتين

بسبب محاولتهم إغتيال - الرئيس حينها حسني- مبارك.

و طبعاً قتلهم للمواطنين في دارفور و ج كردفان و النيل الأزرق و بوتسودان

و العيلفون و كجبار و داخل المعتقلات في كل أنحاء السودان. و فصل

جنوب السودان كنتيجة لحربهم الجهادية ضد المواطن في الجنوب.

الأخوان حالياً يعملون سراً و جهراً ضد الحكومة الإنتقالية.

لكل ما تقدم ذكره و ما فاتني أن أذكره، أُطالب بإعدام البشير و كل

الصف الأول من جماعة الإنقاذ.

يا وائل
خلي ده كلو المغتغت
انا بجيك بالباب عديل
ال64 مليار دي قاعدة وين
https://top4top.io/
السعوديين مسلمين صاح ما بكذبو
مش انتو مسلم فوق العادة
وشبخك المقبور نص نبي
انت عارف المسلم اذا مات هو كانز بحصل لي شنو
خاصة ان ده ركاز نفط يخص الشعب السوداني نفط السودان للسودانيين بس

ومن اصدق من الله حديثا
وَالَّذِينَ يَكْنِزُونَ الذَّهَبَ وَالْفِضَّةَ وَلَا يُنفِقُونَهَا فِي سَبِيلِ اللَّهِ فَبَشِّرْهُم بِعَذَابٍ أَلِيمٍ (34)
يَوْمَ يُحْمَىٰ عَلَيْهَا فِي نَارِ جَهَنَّمَ فَتُكْوَىٰ بِهَا جِبَاهُهُمْ وَجُنُوبُهُمْ وَظُهُورُهُمْ ۖ هَٰذَا مَا كَنَزْتُمْ لِأَنفُسِكُمْ فَذُوقُوا مَا كُنتُمْ تَكْنِزُونَ (35
شيخك المخستك والمقبور الترابي ده هسة اقنعك بان الاخوان المسلمين ده دين يموت الزول يقابل به رب العالمين
انت ما بتقرا قران ولي شنو ؟؟؟

هسة ساعدنا نرجع الركاز ده للشعب السوداني في بنك السودان
قبل تجي امريكا بي قانون جستا والحجر علي مال السفيه
وتاحذ الجمل بما حمل
ويلحق عوض الجاز امات طه ذى وزير النفط الليبي في النمسا والشعب السوداني ياكل نيم بسبب غباء قحت دي

لكن يا وائل عجبتني تب لمن دورت بي خضر الطيب
بالله هو كده وانا ما عارف ؟؟؟
عليك الله بس دور لي بي خضر
وسيبك من الشيوعيين ديل عندهم حراق روح وما عندهم اي رؤية اقتصادية من الاساس
يضقل بيهم حمدوك وحمدتي والبراهان الي حين

الاخ عادل امين \تحياتي وتقديري
بالمناسبة صحيفة المدينة نقلت عن جهة ( الاندبندنت) ولا ندري مصدرهم ايضاً .. هذا كذب يا أخ عادل والا فالانسان حينما يثبت شيء عليه أن يقدم الدليل وقحط جالبة القحط وكل من يمثلونها ويدندنون حولها عجزت عن أن تجد دليلاً يثبت هذه الكذبة .. أنا الان قد أقول لك بأن الفسيس الاجرب خضر يملك تسعة وتسعين نعجة يرعاها في مرعى ويذهب بها هنا وهناك وهذه أيضاً قد تكون كذبة وتأويل ضده.. أما عن شيخي رحمه الله رحمة واسعة وغفر له فكما تعلم آمل ألا تتعدى عليه بتلك الكلمات المزعجات ودعنا نتجاذب اطراف الحديث دون المساس برموزنا خصوصاً وأن شيخي ذهب الى ربه وكما تعلم لن يجدي وغير مفيد ان نأتي بتلك الالفاظ مخستك ووو.. وشكراً

Quote: ودعنا نتجاذب اطراف الحديث دون المساس برموزنا

الحامد اقسمبلاي انا لو بقيت في محلك وبنفس شخصيتك دي

ما بعاين في مرايا نهااائي لانو حا استفرغ

كمية من الكذب والنفاق والدهنسة واللولوة والمراوغة وكل عبر الدنيا المعفنة فيك

يا زول انت متحمل روحك كيف؟؟؟؟

هيثم جهالي
هاهاها صباح الخير نصيحة في الجو الحار عليك بكوب الليمون البارد .. أما في الجو البارد عليك بكوب القهوة الساخنة (الجبنة) كما يقول أهلنا .. بالمناسبة وكما كنت اقول لك سابقاً هذه هي آثار السوط (الفيرشول).. تلك الانفعالة الصباحية التي ألمت بك و كدت بأن تأتي بمصحف وتحلف بالله القسم بأنك انفعلت من كلماتٍ خفيفات للكوز وائل حمزه هاهاها .. يا أخي ما تحملني ذنبك يجيك سكر ولا ضغط قول يا لطيف.. خليك زول كوول.. ودانة التشيل الاجرب خضر قائد القطيع هاهاها.