Post: #2
Title: Re: محمود
Author: Ahmed Yassin
Date: 09-30-2020, 10:58 PM
Parent: #1
انسان مختلف وبفكر بطريقة مختلفة كليا عني وعنك ، وتفسيره للايات او فكره في التفسير
او فهمه للنصوص بطريقة اكثر ذكاء يعني انا وانت بننظر من زاوية وهو يرى من زاوية اخرى مختلفة تماما عن كل الزوايا دا يدل على انه شخص غير عادي .. و شاطر جدا جدا
ونحن بفكرنا المحدود دا عامل نفسنا افهم منه وبنكفره وندخله النار كمان ، في حين انه نحن المساكين وحالنا ثرثى لها
|
Post: #3
Title: Re: محمود
Author: Ahmed Yassin
Date: 09-30-2020, 11:11 PM
Parent: #2
اها نديكم حقيقة مهمة جدا وما بتفوت عليكم .. السودان دا الاتسببوا في اذيته ومشاكله ووتأخره وبهدلة ناسوا وسقطوا حجره
الناس البليدة (أي والله ) الناس البليدة اللي هم خريجي قانون جامعة الخرطوم
الترابي ـ منصور خالد ـ سر الختم الخليفة ـ بابكر عوض الله اخوهو ( د.عثمان عنده قصة حاحكيها ليكم) عبدالباسط سبدرات ـ علي عثمان محمد طه وغيره وغيره وووو
ليه الناس دي بليدة ؟ لانها فعلا بليدة لانه البدخل طب او هندسة و(محمود واحد منهم) في الزمن داك كانوا هم الشطار جدا والناس الواعية اما ناس القانون ديل هم الكانوا بليدين وحتى ما جابوا (قريد دون) وكانوا من القاسية قلوبهم ومنهم مجرمين
|
Post: #4
Title: Re: محمود
Author: Ahmed Yassin
Date: 09-30-2020, 11:15 PM
Parent: #3
( بالاضافة لنميري وبقية العساكر) طبعا ...البلد دي اصلا ماشة لى وين ؟ وشنو حكاية العساكر المتلبطة في الحكم دا ؟!!!
ولمتين السودان دا يحكموهو الصعاليك زي نميري والبشير واشباههم من المجرمين الضالين
|
Post: #5
Title: Re: محمود
Author: Ahmed Yassin
Date: 09-30-2020, 11:29 PM
Parent: #4
نجي لى دكتور عثمان عوض الله شقيق المجرم بابكر عوض الله وعنده اخ تاني اسمه (مصطفى) دا كان فتى المانيا المدلل
كان تقريبا وكيل سيارات المرسيدس في السودان واخطر رجل مر على السودان في تاريخه القديم والحديث اسمه مصطفى عوض الله
وديل ناس (القطينة) طبعا قرايب محمد ابراهيم نقد (ود ملين) اما دكتور عثمان دا كان مدير مستشفى الخرطوم (استشاري مسالك بولية) دا كان اشطر طبيب مر على بريطانيا العظمى و السودان كان بمر على كل المرضى
المنومين وبياخد التقرير من الاطباء البمروا معاهو وبسمع بالتفصيل مراحل علاج المريض وو وبعد ما يخلص تتخيلوا بمشي يقعد في طربيزتو الخدرة الخالية من أي شىء حتى من الاوراق في مكتب صغير بجوار العنابر
تقول لي اكرم ود حجة كاشف ومامون حميدة ؟!
|
Post: #6
Title: Re: محمود
Author: ABUHUSSEIN
Date: 10-01-2020, 05:40 AM
Parent: #5
افتكرتك بتقصد محمود و النمر ....
قلت البوست يكون عن الكذب ....
|
Post: #7
Title: Re: محمود
Author: adil amin
Date: 10-01-2020, 06:27 AM
Parent: #6
بوست ممتاز
بس ظلمت منصور خالد
ما ممكن تختو مع البلدا الاتخرجو من القانون
د منصور خالد ذكي جدا واحترم الاذكياء في السودان وكتب كتب كثيرة عنده نتاج فكري غزير
ديل انجزو شنو ناس ابو عيسي وبابكر عوض الله والترابي
ديل ما بلدا ديل عملا وسيكولجية مجرمة من الاساس
والترابي اكبر مجرم خرجتو كلية القانون جامعة الخرطوم
ومن جاء يلهث لامن مات يلهث ونسبو لي عبقرية ما شفناها
والله انصفت الاستاذ محمود
والناس بعرفو لمن الزبد المزدوج ينتهي في السودان
الكيزان والشيوعيين
|
Post: #8
Title: Re: محمود
Author: Ahmed Yassin
Date: 10-01-2020, 09:46 AM
Parent: #7
عاطف عمر
من الناحية الجنوبية
Quote: ما الذي يمنعك ان تكون افهم منه؟
وما مواضع فهمه التي تعتبرها فاقك فيها فهما؟ |
عزيزي
طريقة التفكير نفسها مختلفة واذا ما كانت فيها فكر وقوة وتدبر وعقل جبار ما كانت ستناقش اصلاً وكانت انتهت الفكرة
او رؤيته في محلها وما كانت لقت أي اهتمام ، انا لا جمهوري ولا شىء لكن هذا الانسان يجب الا يستهان به.
خليك مني يا عاطف انت دا حصل يوم فكرت بى طريقة مختلفة جدا ؟ واحتمال تكون صاح
|
Post: #9
Title: Re: محمود
Author: Ahmed Yassin
Date: 10-01-2020, 10:03 AM
Parent: #8
Quote: افتكرتك بتقصد محمود و النمر ....
قلت البوست يكون عن الكذب .... |
اوريك الطريقة والفكرة المختلفة من خلال ردك دا. واثبت ليك ان كل واحد بنظر للامر بزاوية حرة
قصة محمود الكذاب كانت في كتاب المطالعة في الابتدائية وهو راعي الغنم، يكذب على ناس القرية
وبرضو في قصة (طه القرشي) في المستشفى وفي حليمة بائعة اللبن ومريم الشجاعة
وانت طبعا مبسوط ومشيت قريتها لى ناس البيت ولاصحابك في امدرمان وحكيتها للكبار كمان
لكن انا الجاي من البلد دا يعلم الله بكيت في الحصة لانه كنت عارف ان النبي (محمد) عليه افضل الصلاة
والسلام اسمه (محمود) وجده غبدالمطلب سماهو محمد ليكون (محمودا) وعارف انه اسمه (طه) وهو من قريش
فكيف يكون الصادق الامين كذاب وكيف يكون طه القرشي مريض ويكذب على ابوه وكيف حليمة السعدية مرضعة
الرسول تغش في اللبن وتزيدو موية ؟ معناها انه الجابوا القصة دي قاصدين حاجة ليه اسامي دي بالذات؟
|
Post: #10
Title: Re: محمود
Author: Ahmed Yassin
Date: 10-01-2020, 10:16 AM
Parent: #9
Quote: بس ظلمت منصور خالد
ما ممكن تختو مع البلدا الاتخرجو من القانون
د منصور خالد ذكي جدا واحترم الاذكياء في السودان وكتب كتب كثيرة عنده نتاج فكري غزير
ديل انجزو شنو ناس ابو عيسي وبابكر عوض الله والترابي
ديل ما بلدا ديل عملا وسيكولجية مجرمة من الاساس |
منصور برضو ساهم مساهمة كبيرة في التدمير ، والملاحظ انه كلهم خريجي القانون الاتولوا مناصب في البلد
ديل فرقة (التدمير) والعجب انه كان فيهم غرور ونرجسية عجيبة جدا وشايفين انهم افهم واحسن خلق الله وحتى ت
عاملهم مع العامة كان بى (فوقية) وباستخفاف حتى في الاسلوب، مع انهم مصنفين (بلادة) والعمله بابكر عوض الله
والترابي في البلد دي وبهاء الدين وعلي عثمان وجميعهم ما اظن العدو ما كان حيعمل ربعه.
|
Post: #11
Title: Re: محمود
Author: Ahmed Yassin
Date: 10-01-2020, 10:33 AM
Parent: #10
نعالوا اوريكم شىء بسيط (التفكير المختلف ):
احد ابني ادم قتل اخيه وماعرف يودي جثته وين ، كلنا فاهمين ان ربنا ارسل (غرابين) اتشاكلواواحد كتل التاني وحفر بمنقاره الارض ودفن الميت وطار . مع انه ربنا قال (فبعث الله غرابًا يبحث في الأرض ليريه كيف يواري سوأة أخيه )
يعني غراب واحد بس. الغراب التاني الطار او المات دا جاء من وين ؟
اكيد الناس فاكرة (اخيه) في نهاية الاية الكريمة راجعة لولد ادم المقتول، لكن في الحقيقة راجعة لاقرب فاعل وهو (الغراب) يعني غرابين ، طيب اصلا الغرابين اتعاركوا واحد فيهم انجرح ونزف دما ورقد ارضا المنتصر اثار حوله (التراب) فتوقف النزيف بفعل التراب ولم يمت وتعافى ، ودا خلى ابن ادم القاتل يقول (يا ويلتا أعجزت أن أكون مثل هذا الغراب فأواري سوأة أخي") وهناء سوأة بمعنى (الدم او الجرح ) وليس الجثة .
لان الله قال (فاصبح من النادمين) لانه لو كشح تراب بس فوق جرح اخوه ما كان مات وكان حيتعافى مثل الغراب
والاية عن (الحياة) وليس الدفن والموت ومن اجل ذلك كتبنا على بنى اسرائيل من قتل نفسا ... الى من احيا نفسا كانما احيا الناس جميعا
|
Post: #12
Title: Re: محمود
Author: Ahmed Yassin
Date: 10-02-2020, 11:42 AM
Parent: #11
اهم شىء التربية الوطنية في البيوت والمدارس .. ودا الحل .. يعني يجيك عسكري اهطل زي نميري او البشير او عبود
بى دبابة وشوية عساكر ويحتل البلد .. دا بفهم شنو عن الوطنية وعن التطور والعلم والوفاء ؟ اولا هو في بيته
من اتولد ما اتشبع بالوطنية او ما شبع (اكل) يعني اتربى جعان .. ودا ما عيب العيب النفس الوضيعة
والجهل والغرور وقلة الادب. وكراهية الاخر .
اديكم نموذج بسيط وشوفوا الفرق بين المهندس كمال حمزة وزميله ودفعته المهندس حسن الامير
تم ابتعاثهم لدراسات عليا في الهندسة بانجلترا (ful benefits) سكن واكل ورسوم دراسةوسجاير ولبس ورسوم دراسة وعلاج وما وراء ذلك
على حساب المواطن المسكين بعد عودتهم تم تعيينهم مباشرة في (وزارة الاشغال العامة) ولكن كمال حمزة وافق على السفر الى الامارات دون ان
يضع (طوبة) واحدة على هذه الارض ورفض المهندس حسن امير مغادرة البلد وقال للرئيس نميري (انا علي دين في رقبتي للبلد دي) وهو من قام
باعمال البنى التحتية لمحطة (بري) الحرارية بعد ان طلبت الشركات الاجنبية مبالغ طائلة للتنفيذ
وكان رئيس وسكرتير اتحاد الخرطوم لكرة القدم وهو الجاب ليفربول ليلعب في الخرطوم ضد منتخبها .
كان مكتبه في استاد الخرطوم مع مكتب وزير الشباب والرياضة (علي شمو) وهو قام بطرد علي شمو من مكتبه
امام الناس وولي (شمو البيلد) هاربا. وكان يتحاشى ملاقاة الراحل المهندس/ حسن الامير وحتى نميري (البليد) كان يعمل له الف حساب
و كان يرفض الحديث او السلام على الصادق المهدي لانه ايضا بليد
|
Post: #13
Title: Re: محمود
Author: Ahmed Yassin
Date: 10-02-2020, 11:50 AM
Parent: #12
Quote: محمود قال بعد أن أقبل وادبر
ونظر وفكر:
العبادات لا تتغير ولا تتبدل
لا في هيئتها ولا في صورتها!
ثم
تجده بعدها يصلي صلاة متغيرة ومتبدلة
عن هيئة الصلاة وصورتها(الثابتة)و التي سّن لها
بنفسه هذا القانون!
هههههههههههههههههههه
دي اسمها بلادة ما بعدها بلادة!
والله صحي! |
ما دا يا عاطف هو الفكر والخلود والفهم العميق لما وراء الظاهر
طبعا ببساطة شديدة الدين في الفهم العام هو (افعل) و(لاتفعل)
ولكن (محمود) كان له الراي والاستنباط والفهم في (الكيفية)
احيانا يخيل لي ان الكثير من الناس لا يدركون عمق فكر هذا الرجل
|
Post: #14
Title: Re: محمود
Author: ABUHUSSEIN
Date: 10-02-2020, 05:13 PM
Parent: #13
Quote: ما دا يا عاطف هو الفكر والخلود والفهم العميق لما وراء الظاهر
طبعا ببساطة شديدة الدين في الفهم العام هو (افعل) و(لاتفعل)
ولكن (محمود) كان له الراي والاستنباط والفهم في (الكيفية)
احيانا يخيل لي ان الكثير من الناس لا يدركون عمق فكر هذا الرجل |
الدين ما فيه عام و خاص يا شيخنا ....
انت قايلو صحن فول سادة و مصلح ... ؟؟؟؟؟
دا دجل محمود الضحك بيه على الناس
الصلاة البصليها المصطفى عليه افضل الصلاة و السلام هي نفسها صلاتنا نحن العاصين ديل ...
الرسول (ص) قال صلو كما رأيتموني اصلي ما قال كما يقول محمود .....
حتى الدين بقى فيه عام و خاص ...... !!!!!!!!
|
Post: #15
Title: Re: محمود
Author: Ahmed Yassin
Date: 10-03-2020, 10:25 PM
Parent: #14
| Quote: الدين ما فيه عام و خاص يا شيخنا .... |
يا شيخ ابوحسين
قولي ان الدين (افعg) ولا (تفعل) وهو صاحب فكر مختلف وتفسير منطقي دا المهم في الموضوع
وانا ما جاي اناقش الدين من الصلاة وصيام وزكاة وحج ومناسكه.
|
Post: #16
Title: Re: محمود
Author: Ahmed Yassin
Date: 10-03-2020, 10:32 PM
Parent: #15
سماحة الشيخ عاطف عمر
| Quote: محمود تكفيري يقف أمامه التكفيريون كالحمل الوديع والطفل الرضيع! |
تكفيري مرة واحدة ؟
الكلام دا قاله الكباشي طه المكاشفي القطع يدين القُصًّر بحد السرقة في زمن شريعة سىء الذكر نميري البليد
محمود اثبت يا عاطف ان العقل البشري يمكن ان يصل الى اشياء غير عادية
|
Post: #17
Title: Re: محمود
Author: bakri abdalla
Date: 10-05-2020, 01:39 AM
Parent: #16
.
Quote: انسان مختلف وبفكر بطريقة مختلفة كليا عني وعنك ، وتفسيره للايات او فكره في التفسير
او فهمه للنصوص بطريقة اكثر ذكاء يعني انا وانت بننظر من زاوية وهو يرى من زاوية اخرى مختلفة تماما عن كل الزوايا دا يدل على انه شخص غير عادي .. و شاطر جدا جدا
ونحن بفكرنا لمحدود دا عامل نفسنا افهم منه وبنكفره وندخله النار كمان ، في حين انه نحن المساكين وحالنا ثرثى لها
|
الأخ الفنان أحمد ياسين
لهذا السبب كنت أتسىأءل دأئمأ
لماذا هنالك فقط أئمة أربعة ؟
لماذا لا يكون الباب مفتوحأ للاجتهاد
.؟؟؟؟
|
Post: #19
Title: Re: محمود
Author: Ahmed Yassin
Date: 10-06-2020, 09:36 AM
Parent: #18
الاخ بكري ... الفنان والذويق
Quote: لهذا السبب كنت أتسىأءل دأئمأ
لماذا هنالك فقط أئمة أربعة ؟
لماذا لا يكون الباب مفتوحأ للاجابة ؟ |
سؤال تاريخي.. فعلا
|
Post: #20
Title: Re: محمود
Author: Ahmed Yassin
Date: 10-06-2020, 09:44 AM
Parent: #19
د.ياسر الشريف... سلام من الله عليك
| Quote: أرجو ألا يفوتك الاطلاع على هذا البوست |
مشكور يا دكتور .. اكيد لا يفوتني مثل هذا البوست الموغل في الفكر
|
|