بريمة ، الله يرضى عليك ، ركز لي في حتة (حبيبي كنت معاي) وكتر لي من التركيز في حكاية (تا الله)..عمري يا بريمة ما سمعتها بهذه الملاحة..! وديني يا بريمة ، عمري كلو كنت قايل روحي بعرف لغة عربية ، لكن حكاية الحليفة بتاعة (تا الله) في غنية بوب ومزيكا راقصة..ياخي دي خلتني اقول بكل صدق لسيدنا بن سلمان: انت لا عربي ولا بتعرف العروبة ذاتها..!! في دينك يا بريمة ركز لي في حكاية (حبيبي كنت معاي) والأهم يا ول ابا حكاية الحليفة بتاعة (تا الله)..!! اما العريبي بدر الدين الأمير..صلح النظارة وخليك ماسك الكشافة كويس..وما تفضحنا مع عروب الجزيرة ناس دفع الله ود الأصيل (شايفك اتذكرتو ذات مهرجان ترجمة ، ولبنان وشنو كده ما عارف..حد يتذكر ناس ريحتها زي النحاس..!!، مؤكد دفع الله ح يمر هنا وح نشدو ليك لغة عربية لمن يأمن ونقول ليهو اعرب يا ود الأصيل حكاية حليفة "تا الله " بالإنجليزي يا مرسي..!!).. يخرب مطنكم يا ولاد اللذين..كبرنا يا بدر..بالجد كبرنا يا عمك..! شفت الإحراج الواقع فيهو بريمة: الراس مغطى ، الجسم مغطى..وبرضو (تا الله..!).. صديقاتي واصدقائي ، بناتي وابنائي ، من لهم الإهتمام بالتوثيق والأنثربولوجيا الثقافية..من الحتة دي جات فكرة الرقص بتاع ناس نجوى فؤاد وفيفي عبده في مصر ولبنان ووين كده ما عارف..! الرقص الذي يعرف ، اليوم ، في نورث امريكا بمفهوم Belly dance والفنانة الشابة فاطنة دي وارا ، من جمهورية مالي ، ذات كونسيرت ، قدمت شرح لمعاني الرقص الإفريقي ، وخصوصا هذا النوع الذي نراه هنا ، وفلسفة ارتباطه بالخصوبة ، وان المرأة الأفريقية ، زماااااااااان ، في زمن المخاض كانت بترقص بالطريقة دي عشان تلد بسهولة وما يصيب الجنين أي ضرر...!!! اما العروب ، بريمة وبدر الدين ، انشاء الله ياخدوا كرت اصفر ذاتو..! الرقصة يا بدر ، الصومالين عندهم ليها اسم محلي ، والغريبة المفردة معناها زي المعنى الشين عندنا في السودان..!! فشنو خليك مع الكشافة..وبريمة مع اعراب حليفة (تا الله)..! اما نحن الزنادقة ، لو الموضوع كده ، ما دايرين فصل الدين عن الدولة..!! كبر
Post: #2 Title: Re: يا بدرالدين وبريمة: لو الموضوع كده ، (تا ال Author: Kabar Date: 09-28-2020, 08:51 AM Parent: #1
الفيديو الأول ، كان البياض ، او البكري..
وهنا التني ،
واوع واحد يسألني عن التلتاي..لأنو كلنا يا بريمة (ورلنا ح يصقع)..!
كبر
Post: #3 Title: Re: يا بدرالدين وبريمة: لو الموضوع كده ، (تا ال Author: بدر الدين الأمير Date: 09-28-2020, 11:38 AM Parent: #2
على قول حبوبتى عشة بت ودفاطر كبر ماسكاهو ام فريحانة
Post: #4 Title: Re: يا بدرالدين وبريمة: لو الموضوع كده ، (تا ال Author: محمد البشرى الخضر Date: 09-28-2020, 11:55 AM Parent: #3
ههه طلعت بتاع بوابير يا مولانا
Post: #5 Title: Re: يا بدرالدين وبريمة: لو الموضوع كده ، (تا ال Author: Biraima M Adam Date: 09-28-2020, 12:22 PM Parent: #4
يا سلام يا ول أبا كبر،
تغيب وتأتي بالجميل المثير ..
عروب بالمناسبة يتذوق الجمال .. أنا ما عارف لقي الحاجة دي من وين .. معروف الجمال يعرفه أهل البادية ..!
ولنا عودة ..
بريمة
Post: #6 Title: Re: يا بدرالدين وبريمة: لو الموضوع كده ، (تا ال Author: عبداللطيف حسن علي Date: 09-28-2020, 01:27 PM Parent: #5
واللاة والعزي مافهمت علاقة البوست بفصل الدين عن الدولة
وعندي سؤال : الفيديو عن شنو اصلا ؟!
Post: #7 Title: Re: يا بدرالدين وبريمة: لو الموضوع كده ، (تا ال Author: Biraima M Adam Date: 09-28-2020, 01:59 PM Parent: #6
ول أبا عبد اللطيف سلامات .. أنا ذاتي مع ول أبا كبر .. بالطريقة دي ما عايزين فصل دين عن دولة .. دي عينة رقيص فوق تحمل مشاعرنا وتراثنا الديني في السودان.
بريمة
Post: #8 Title: Re: يا بدرالدين وبريمة: لو الموضوع كده ، (تا ال Author: بدر الدين الأمير Date: 09-28-2020, 09:05 PM Parent: #7
ياكبر بتكون اتلومت تب لو ماجلبت للبوست مقال المفكر الفلسطينى الأمريكى ادور سعيد في رثاء الراقصة الشهيرة تحية كاريوكا افتكر وقتها يانشر بصحيفة الشرق الأوسط او صحيفة الحياة وكلا الصحيفتين سعوديات اما التقيل بتاع الصومليات بنحكى عنه فى حال شرف البوست الاجنبى دينق
Post: #9 Title: Re: يا بدرالدين وبريمة: لو الموضوع كده ، (تا ال Author: Biraima M Adam Date: 10-01-2020, 05:53 AM Parent: #8
***
بريمة
Post: #10 Title: Re: يا بدرالدين وبريمة: لو الموضوع كده ، (تا ال Author: حسن ادم محمد العالم Date: 10-01-2020, 06:32 AM Parent: #9
شكرا حبيبنا كبر نحن ناس فصل الدين عن الدولة مغرومين حتي النخاع بتراث شرق افريقيا والصوماليين علي وجه الدقةسمحين الدنيا عندهم دين ودولة واجتماع وسياسه والعجب اقتصاد ولسان حالهم ما لله لله ومال قيصر لقيصر ندعوك زيارة لشرقنا الافريقي وعينك ما تشوف الا النور
Post: #11 Title: Re: يا بدرالدين وبريمة: لو الموضوع كده ، (تا ال Author: Biraima M Adam Date: 10-04-2020, 06:26 PM Parent: #10
Quote: ندعوك زيارة لشرقنا الافريقي وعينك ما تشوف الا النور