والي النيل الأبيض يسقط بس

07:59 PM September, 25 2020

سودانيز اون لاين
عبدالعظيم عثمان-
مكتبتى
رابط مختصر

الوالي حتى الآن لم يخرج ويعتذر عن سقطته
الوالي دا ورط نفسه في مسؤلية كبيرة يبدو أنها
أكبر من قدراته
ليس عيباً الإعتراف بالخطأ والمغادرة
والإستعداد للسياسة بصورة أفضل من هذه
هذا الوالي قفل شارع بيتهم لي صالون عندما تم تعينه
هذا الوالي مرق من سقف اللاندكروزر وقدامه مواتر على يمينه
وعلى يساره...
ختمها بي نهيير المواطنين ونهزرتهم
الزول دا لازم يمشي
وأخير ين؛ ي براه قبل ما تمرقه المواكب

الثورة دي قامت لمى يستعيد الشعب السوداني
كرامته وعزته لا أن يأتي حاكم ولاية وينهر الناس
ويقول ليهم (هُسسسس)
معقول أن يصدر مثل هذا التصرف من حاكم ولاية
الوالي دا لازم يمشي
إذا مشى براه خير وبركة وسيحفظ له الشعب
ترجله هذا وإعترافه بخطأه

ولكن إذا أصر على الطناش وعمل أضان الحامل طرشا
ياها المواكب والشوارع والمليونيات والإعتصامات حتى يغادر

والي النيل الأبيض يسقط بس

بدون مجاملة أو محاباة لزميل المنبر السيد المحترم إسماعيل وراق
والي النيل الأبيض لازم يمشي

من ضواحي الواتساب يا عظمه
Osama Sirry

كنت في الدويم لحضور اجتماع مجلس جامعة بخت وبعد انتهاء الجلسة الافتتاحية ذهبت لقرية وكرة لأداء واجب العزاء في المرحومين حسن الطاهر وزايد رابح وأنا في طريقي للسلام على الاسرة علمت ان الكبري تم اغلاقه بواسطة عدد من الشباب ففضلت عدم زيارة الاسرة والذهاب للكبري وحل المشكلة وبالفعل وجدت ان حركة السير تعطلت مما سيعيق مصالح المواطنين.
نزلت لهم وطلبت من القوة العسكرية المرافقة عدم مرافقتي وبالفعل جرى بيني وبينهم نقاش رغم تشنج بعضهم.
ردي كان لشاب صغير تلفظ بعبارة غير مقبولة ومعه شاب اخر شجعه على ذلك، ويا ليت المصور اتى بالفيديو كاملا دون بتر او تجزئته بما يحقق اجندته وفي خاتمة الامر تم فتح الكبري.
🖕🖕🖕🖕 حديث السيد الوالى
لتوضيح الملابسات

هو فتح الكبرى يا حسن أدم
لكنه صعبها علينا وعلى قوي الحرية والتغيير
وعلى كل من يسانده
تصرفه غيو مقبول
والي غير قادر على السيطرة على إنفعالاته يرحل بس
إحتراماً للثورة والثوار الزول دا لازم يمشي

يا ادم يعني بتبرر لوراق في تصرفه الغير محترم دا،
وراق اخلاقو نتشة
ما بنفع في الوظيفة دي.
اخلاقو وعدم احترامو للشعب لا يؤهله
ياخ واحد مرجعيتو الصادق المهدي، ومريم
تتوقع منو شنو،
الاقالة ثم المحاكمة مافي كبير على الشعب،

Quote: ردي كان لشاب صغير تلفظ بعبارة غير مقبولة ومعه شاب اخر شجعه على ذلك

يا إسماعيل وراق ياخي لو كتبت او قلت الكلام الفوق دا تبقى عبيط بس
في حاجة إسمها مطابقة التبرير للحدث
وتبريرك دا غير متطابق مع الحدث الذي شاهدناه
اولاً لو زول إتلفظ بكلمة غير لائقة ما بنقول ليهو ما تكورك وأسكت بس لكن بنقول ليهو لو سمحت إتكلم بلغة محترمة او مهذبة او نظيفة، لكن أبداً ما بنقول ليهو أسكت بس.
تاني شيْ إنت أسكتوا بس دي وجهتها لكل الحاضرين. ولو كان ردك لشاب واحد بس كان وجهت ليهو الكلام هو تجديدا وليس لكل الناس.

فيا إسماعيل يا وراق إحترم عقولنا

“العقول الكبيرة تناقش الافكار, العقول المتوسطة تناقش الاحداث, العقول الصغيرة تناقش الاشخاص”

اظن القول ينطبق على الوالي،له أجر المحاولة على كل حال و شكر الله سعيه.

السيد إسماعيل وراق مفروض يكون في الخرطوم
لحضور المؤتمر الإقتصادي
بالله يا حمدوك أمسكه عندك
الزول دا ما يرجع النيل الأبيض تاني
لجنة محاسبة وإقالة
السلطة الإنتقالية لم تأتي لإذلال الناس
السودانيات والسودانيين عملوا ثورة عظيمة عشان
يتحرروا من الظلم يقوم أول والي مدني النيل الأبيض
في عهد الثورة يقول للناس (هُسسسس)
يسقط بس

Quote: والي النيل الأبيض يسقط بس

همبولك
https://top4top.io/

دي اسما ام النو في النيل الابيض
اسال منها الجحبور خضر الطيب
ولازم تعملا ام فكو
لكن احترام لمشاعر الكنداكات عملنا اليافطة دي
والمحاصصة مستمرة
ويضحك السمك ويتبسم الباعوض

الفيديو الفضيحة المنتشر هو ما ظهر للناس
الزول دا أمشوا أفقدوا الناس الشغالين معاو في الولاية
قطع شك بي أخلاقة الضيقة دي بكون عنده كفاوي متلتلة
عشان كدا لازم يستقيل
والي النيل الأبيض يسقط بس
مافي حل تاني

تنسيقية الحرية والتغيير في النيل الأبيض
إنتوا رشحتوا السيد إسماعيل وراق
والياً للولاية.. في يدكم الآن تقديم بديل
لهذا الوالي والدفع به للسيد رئيس الوزراء
في ظل غياب المجلس التشريعي وعدم إمكانية سحب الثقة
إستبدلوا الوالي دا في أسرع فرصة
كان خليتوا الموضوع دا على حمدوك
الرماد كال حماد
قوموا بي مسؤلياتكم وقدموا بديل لهذا الوالي
لا ضير أن يكون أيضا من حزب الأمة
المهم الموضوع دا يتعالج وبسرعة

وإذا تنسيقية الحرية والتغيير في النيل الأبيض ترددت
في تقديم بديل لهذا الوالي
تتقدم لجان المقاومة بخطاب وتطلب من الوالي الإستقالة
وإذا لم يستجيب بعدها العلاج الشارع

همبولك تاني
خلاس فينتو
لا عندكم ثورة ولا كلام فارغ
هبوط اضطراري قامت به المخابرات السودانية بالتعاون مع المخابرات المصرية والسعودية والامارتية للمحافظة علي تهب الموارد الفضحو منعم منصور
وانتهي الدرس يا غبي
لا توجد ثورة في السودان حتي الان غير المهدية 1 والمهدية 2 وباقي المهدية 3ما جات

العمبلوك الحوثي
عندنا والي قال للناس قليلين أدب وهسسسس
عاوزينه يمشي
إنت شغال شنو وبتعمل فشنو
ياهو السودانيات والسودانيين بيحاولوا يغيروا
وقطع شك ما حيخلوهم في حالهم دي حاجة مفهومة
إنت دا يا العمبلوك قاعد تسوي شنو يساعد الثوار
في أعادة بناء البلد المدمرة دي

Quote: العمبلوك الحوثي عندنا والي قال للناس قليلين أدب وهسسسس عاوزينه يمشي إنت شغال شنو وبتعمل فشنو ياهو السودانيات والسودانيين بيحاولوا يغيروا وقطع شك ما حيخلوهم في حالهم دي حاجة مفهومة إنت دا يا العمبلوك قاعد تسوي شنو يساعد الثوار في أعادة بناء البلد المدمرة دي

قااااعد اتفرج في فشلكم لحدي تصلو الميس وتقولو لفشلنا \
في حكومة طيزين في لباس التائهة
بتبدا ثورتي
ثورة الوعي والبصيرة
تبدا بي علم الاستقلال ثم الاقلمة ثم عودة جنوب السودان
لا شالو السيدة ولا خلو حرم
اي حاجة خارج حدود 1يناير 1856 ما تلزمني لا يهود مزيفين لا عرب مزيفين
انا كوشي وافتخر
وعرفت الديمقراطية قبل يلدو طفلة الانابيب الامارات واسرائيل

ما تزعل ياعظموت
مشاكلي بسيطة بي نيفاشا وبتحل
يا قلبي ايه لازم الزعل

Quote: هذا الوالي قفل شارع بيتهم لي صالون عندما تم تعينه

عبد العظيم

سلام

أرجو أن توضح كلامك الفى المقتبس .. ما فهمت جاجة

سلامات نادر
على لسان عبدالحفيظ
أن والي الكوفة المتعجرف دا
أقام إحتفالية أو أقيمت له إحتفالية بمناسبة
تعينه والياً وقفل الشارع بالصيوان
يعني فرحان لمن مدفق
وهو ماشي يستلم ولايته عمل الحركة البايخة
بتاعة الكيزان ( طلع من سقف اللاندكروزر وقعد يحي الناس)
الحاجات دي كله متسقة تماماً مع نهيير الناس في النيل الأبيض

كان كدى الزول دا (فرحان) ساى ما قدر المنصب، عينوه والى نصب ليهوه خيمة وإحتفل!
كانت بتكون مبلوعة لو فاز عن طريق إنتخابات يحتفل بفوزه ..

وطلع راسو من سقف اللاندكروز الزول دا وهمة كبيرة و (فرحان) بمزاج ذكرنى لاعب ماسورة
سجلة الهلال (فرحان برضو) .. أتوبونج .. إستقبله فى المطار وبرضو طلع رويسو من سقف العربية
وحيا الجمهور زيو زي فرحان الدويم دا .. كانهم أزهرى والملك فيصل والمحجوب وعبد النصر
فى العربات المكشوفة واقفين بيحيو الجمهور فى شارعى أفريقيا والقصر الجمهورى
عام 1967 (مؤتمر اللاءات الثلاثة) .. هسة بقى فيها أتوبونج والى #هس أسكت بس
ليها حق إسرائيل شايفة التطبيع أحسن .. بدل مساخر الفرحانين قحت وحمدوك وولاة أسكت بس!
يجو هم وأمريكانهم يستلموا بس!


* فرحان وفرحانيين ليس بمعناههما الحرفى
** لا للتطبيع مع إسرائيل ولكن شر البلية بيزهج!

الفيديو اقتطاع مخل ..

يشبه من كتب ( و لا تقربوا الصلاه ) و وقف ..

يمين اي سوداني يستفز بقول كلام اكعب من ده ..

حكي فاضي ..

الفيديو الكامل وين يا يحيى؟
(أي سوداني) يعمل الدايرو لكن والي براهو كدة مشى يتصدى لي مشكلة بالتفاهم مع المواطنين ما بعملها
شباب قافلين الكبري كلم مدير الشرطة يتصرف معاهم وخلاص .. كدة أرحم بي كتير من تمشي ليهم وانت ما بتعرف تتفاهم معاهم
يعني مسؤول ماشي مع شاب من الزعل مترسين الكبري متوقع يسمع منهم شنو؟

أنا بالنسبة لي شايف الفيديو كامل لأنه رده كان على الشافع لما قال ليه ما تكورك والشافع لما واصل في الكلام رد ليه بحتة قلة الأدب
فإذا انت بتقول في حاجة ناقصة جيبها لينا .. علماً بإنه تفوه الوالي بعبارات زي ما داير قلة أدب دي ما بتنبلع مهما كان المخاطب لكن لو وريتونا العنف اللفظي المقتطع دة يمكن يهون الموضوع شوية

Quote: لفيديو الكامل وين يا يحيى؟ (أي سوداني) يعمل الدايرو لكن والي براهو كدة مشى يتصدى لي مشكلة بالتفاهم مع المواطنين ما بعملها شباب قافلين الكبري كلم مدير الشرطة يتصرف معاهم وخلاص .. كدة أرحم بي كتير من تمشي ليهم وانت ما بتعرف تتفاهم معاهم يعني مسؤول ماشي مع شاب من الزعل مترسين الكبري متوقع يسمع منهم شنو؟

الصوّر ده اكيد صوره كامل ..

بس المقتطع ده هو البخلي ناس عبد العظيم يتفسحوا بي جاي ..

نشوف الفيديو كامل قبال ما نحكم ..

ما في زول عارف الانقال شنو ..

وراق بشر .. ما عشان بقى والي حيكون في كل الحالات حيكون رزين و كلامه موزون ..

يا حفيظ الزول دا لسة والي وبيمشي مكتبه كل يوم
بالجد لازم يمشي لانه أخطأ
ولازم يتصحح الخطأ
إذا خلوه بكرة دي تي والي حيقوم بنهزر الناس في الشارع
مستقوياً بالسلطة
الموضوع دا مافي مجاملة
كامل الإحترام والتقدير لزميل المنبر السيد إسماعيل وراق
ولكنه لازم يغادر منصب الوالي على وجه السرعة
ولازم يتحمل مسؤلية تصرفه

بكرة دي أي والي حيتحول لي طاغية
ويعمل ليه معتقل ويقعد يقول للناس هُسسسس
الحقوا القصة دي بدري

حتى لا تنتشر عدوى الإستبداد بين حكام الولايات
لازم والي النيل الأبيض يمشي
وحتى لا يشيع التسلط بين حكام الولايات
لازم والي النيل الأبيض يمشي
الموضوع دا عنده علاقة مباشرة بي سلوك الحكام
وإسلوب معاملتهم للناس
ومنعهم من سوء إستخدام السلطة
عشان كدة والي النيل الأبيض لازم يمشي

Quote: بكرة دي أي والي حيتحول لي طاغية ويعمل ليه معتقل ويقعد يقول للناس هُسسسس الحقوا القصة دي بدري

طيب المصارعة الرباطية وزيرة الرياضة .. الغولة .. بمبا كشر .. يسووا معاها شنو؟


ما قدر عليها إلا ذكتور كمال شداد .. سفها زى الما حاصل شى!
ودا راجل خبرة ومقرم ما زى الشباب المساكين ديل