بالله زول حريف يمشي ينكت لينا الفيديو بتاع والي النيل الأبيض وهو ينهر في المواطنين ويخاطب طفل صغير (يبدو ذلك من صوت الطفل) جابت ليها نهزرة للمواطنين الوالي دا كلموه الشفع الصغار ديل هم أسياد الثورة وهم السايقين الدرداقات وهم المستقبل
Post: #5 Title: Re: أسكتوا ما داير قِلة أدب (والي الكوفة مخاطب Author: أحمد محمد عمر Date: 09-24-2020, 08:18 PM Parent: #4
سلام عبدالعظيم انتو شفتوا حاجة ؟ دى بس المناظر .. الفلم لسه ما بدا .
Post: #9 Title: Re: أسكتوا ما داير قِلة أدب (والي الكوفة مخاطب Author: عبد الصمد محمد Date: 09-24-2020, 09:22 PM Parent: #8
معقولة يا عبدالعظيم بسرعة صاحبنا الكان مصاقر المنبر بسرعة انتفخت اوداجه وظن المنصب تشريف ما تكليف قول ليه لو دام لغيرك لما اااااااااااااااااااااااااااااااااالت إليك ولله يا وراق ما كنت دي المحرية فيك
يمكن الشافع النهرو الوالي يكون عضو لجنة حي يعني سيد الجلد والرأس في الثورة يمكن الشافع النهرو الوالي عضو لجنة مقاومة برضه سيد الجلد والرأس في الثورة يمكن الشافع النهرو والي الكوفة زول مواكب يعني هو أساس الثورة الجابت الوالي وجابت الجاب الوالي زاته
ولا شنو يا ناس
هو والي شغلته ينهر وينهزر في الناس؟ ولا المعنى شنو يعني
دا الفيديو كما ظهر في قروب البورداب، عاوز معالجة،،
...... وراق اخلاقو ضيقة شديد ما اخلاق حاكم الاولاد ضحكوا عليه هههههههههههها اسكت هسسس دي تقولا لاولادك في ولسا العصر تقيل جائي مفروض يستقيل، هذه ليست اخلاق حاكم، ....... وراق اخلاقو نتشة ادناهو مكتوبي لصديقنا قال حدو الخرطوم ما بقدر يمشي لاهلو في الدويم
تمشي الدويم اهلك طوالي النهج دا لو استمر الخرطوم بمنعونا منها الجنجويد ديل،
...... دي مداخلاتي في قروب البورداب وراق فيهو، ما رد بكلمة،،
يا عبد العظيم قبلما تفتح بوست مفروض تجهز عدة الشغل مسألة نادو لينا البنا يبني لينا الجنة دي ما كل مرة بتظبط تصرف وراق تصرف غير انساني و يجب ان يحاسب نفسه على هذا التصرف بالإستقالة او على السيد رئيس الوزراء ايجاد البديل واقالة وراق خلال ال 24 ساعة القادمة هذا الشخص و بهذه الطريقة المبتزلة اثبت بأنه لا يصلح ان يكون والياً و أهل النيل الأبيض اهله وهو لم يحترمهم فكيف اذا كان والياً في ولاية أخرى؟
بالغ وراق و الله ما اتوقعتا التصرف دا ..غايتو اللمام يكون هدا فيهو الله يهديهو .. عليه تقديم استقالته او على رئيس الورزاء ايجاد البديل من لسته البدلاء خلال ال 25 ساعة القادمة و اقالة وراق فوراً حتى لو اعتذر , فليذهب غير مأسوفٍ عليه, و بهذا التصرف يكون وراق قد ارتكب اربعة حماقات , الأولى انه اساء لنفسه و حط من قدرها , الثانية انه اساء لحزبه المحطوط اصلاً من قدره و هو في الحقيقة ليس له اي قدر , الثالثة اساء للحكومة ممثلة في مجلس الوزراء , الرابعة اساء لمن ضحوا بأرواحهم و من ضحو بوقتهم من هؤلاء الشباب لإقتلاع النظام البائد , عليه يجب اقتلاع وراق اقتلاعاً عاجلاً غير آجل
Post: #22 Title: Re: أسكتوا ما داير قِلة أدب (والي الكوفة مخاطب Author: muntasir Date: 09-25-2020, 01:57 AM Parent: #21
غايتو لو صدق الولد والرفيقة بي ٣٠ جنيه يكون الملك العريان بالغ
Post: #23 Title: Re: أسكتوا ما داير قِلة أدب (والي الكوفة مخاطب Author: ترهاقا Date: 09-25-2020, 03:09 AM Parent: #9
لم اعهد الاخ العزيز اسماعيل وراق هكذا ، عشت فترة من الزمن في الرياض في السعودية وكان الاخ اسماعيل شخص في قمة الأدب والاخلاق الكريمة والهدوء ، وستظل هذه الصورة مرسومة عندي ، فلنبحث عن السبب الذي دفعه لذلك ، وهو عضو في المنبر ده وأتمنى إنو يجي ويوضح الظروف والملابسات التي دعت إلى ذلك
Post: #24 Title: Re: أسكتوا ما داير قِلة أدب (والي الكوفة مخاطب Author: أحمد محمد عمر Date: 09-25-2020, 03:58 AM Parent: #23
قلنا ليكم دخلة الولاية بي سقف البرادو سلوك إنقاذي يعني بعدها تتوقع كل صلف الإنقاذ ألذ مافي المشهد إنه متوقعهم يسكتوا بعد نهرته :) والله راجل طيب خلاص ماخد مقلب كبير في روحه
Post: #25 Title: Re: أسكتوا ما داير قِلة أدب (والي الكوفة مخاطب Author: عبدالعظيم عثمان Date: 09-25-2020, 04:49 AM Parent: #24
نهير ونهزرة الناس من قبل الحاكم حاجة كعبة شديد مسيئة للحاكم نفسه أولاً ومسيئة لثورة ديسمبر غايتو وقعت مع لجان المقاومة يا والي النيل الأبيض ما مفروض تفقد الناس بالطريقة دي الشافع ذنبه شنو تنهروا كدا سألك من العيش تقوم تنهره كذا
زي والي الكوفة دا كان طلبوا منه تقديم تقرير أداء أو إقرار ذمة مالية حيعمل شنو بي أخلاقية الضيقة دي شكلوا حيتمرد
سؤال عن سعر العيشه من شافع ما قادر تتحمله يا زول الحكم دا عاوز مسؤلية وبال طويل النهزرة والنهير ما بنفع مع الجيل الراكب رأس دا
Post: #26 Title: Re: أسكتوا ما داير قِلة أدب (والي الكوفة مخاطب Author: عبدالعظيم عثمان Date: 09-25-2020, 05:40 AM Parent: #25
لو صحيح غنينا بالدمعة الحميمة لو دموع الفرحة ما لاقت غنانا بكرة نرجع تاني للكلمة الرحيمة شان غنانا.. شان هنانا.. شان جنانا شان عيون أطفالنا ما تضوق الهزيمة
الثورة دي يا والي الكوفة قامت عشان عيون أطفالنا ما تضوق الهزيمة
Post: #27 Title: Re: أسكتوا ما داير قِلة أدب (والي الكوفة مخاطب Author: حسن ادم محمد العالم Date: 09-25-2020, 05:55 AM Parent: #26
الحساسية في التعامل مهمة جدا علي المستوي الخاص ناهيك عّن العام ثورتنا عظيمة ونريدها مدرسة لإرساء السلوك القويم بين المسئول والشعب ما شاهدته في الفيديو لا يشبه اسماعيل وراق الذي اعرفه جيدا
مدرسة الانقاذ ياااخ لم ينجوا منها الا من رحم ربي.. الزول دا نسي روحه واتقمصه (الكوز) الجواهو. هسسسس اسكت.. الشفع ديل لما الكيزان قالوا ليهم (الحسوا) ردوا ليهم (يا انت يا وطنك). غااايتو.. سلام عبدالعظيم وضيوفه.
هيبة الدولة ياخ ولا قول هيبة الوالي الناس تسكت في حضرتو وتأمن علي كلامو وتستحسنو قريت انو قال اعتذر ماقاصد الشافع دة 😆 قاصد زول غيرو لكن تزامنت معاهو يعني قاصد زول كبير😆😆 العذر الاظرط من الذنب
Post: #31 Title: Re: أسكتوا ما داير قِلة أدب (والي الكوفة مخاطب Author: عبدالعظيم عثمان Date: 09-25-2020, 06:55 AM Parent: #29
انا ماسك خشمي وما قادر أردم الزول الكفوة دا والي الكوفة ما تصعبها علينا بحق زمالة المنبر إتعدل يااااخ ما هاين علينا البتسوي فيه دا أنا ماسك نفسي عن كفاوي الزول دا من يوم اللاندكروزر قلنا الله يعوضنا في والي النيل الأبيض لكن كمان تصل إلى نهير المواطنين أصحاب المصلحة في التغيير والمكتوين بنيران الغلاء وضنك العيش
لا لا دي ما بتتبلع ياااخ
Post: #32 Title: Re: أسكتوا ما داير قِلة أدب (والي الكوفة مخاطب Author: عبدالعظيم عثمان Date: 09-25-2020, 07:00 AM Parent: #31
سمعنا طراطيش كلام ناس الجبهة الثورية قالوا عاوزين ولاية النيل الأبيض وبي كدا والي الكوفة بكون قنطر روحه ويمكن... بقول يمكن يكون وصلته طرطشتة الكلام ودمه فار ولقى الجنا دا قدامه ورشاو بقول يمكن
Post: #33 Title: Re: أسكتوا ما داير قِلة أدب (والي الكوفة مخاطب Author: عبدالعظيم عثمان Date: 09-25-2020, 08:47 AM Parent: #32
في ظل غياب المجلس التشريعي من سوف يحاسب لنا والي الكوفة؟
هل يتقدم بإستقالته أم ينتظر المليونيات والمواكب؟ والي لا يستطيع أن يحتمل أسئلة المواطنين عليه أن يرحل ولا ينتظر الإقالة ولا ينتظر المواكب
Post: #34 Title: Re: أسكتوا ما داير قِلة أدب (والي الكوفة مخاطب Author: أحمد محمد عمر Date: 09-25-2020, 09:03 AM Parent: #33
اعتذر دي وين يا أب سن؟ غايتو لحدي أمس بالليل كان بقول الشافع قليل ادب اتلفظ علي وانتو قطعتوا الفيديو .. بحسب ما وصلنا
Quote: كنت في الدويم لحضور اجتماع مجلس جامعة بخت وبعد انتهاء الجلسة الافتتاحية ذهبت لقرية وكرة لأداء واجب العزاء في المرحومين حسن الطاهر وزايد رابح وأنا في طريقي للسلام على الاسرة علمت ان الكبري تم اغلاقه بواسطة عدد من الشباب ففضلت عدم زيارة الاسرة والذهاب للكبري وحل المشكلة وبالفعل وجدت ان حركة السير تعطلت مما سيعيق مصالح المواطنين. نزلت لهم وطلبت من القوة العسكرية المرافقة عدم مرافقتي وبالفعل جرى بيني وبينهم نقاش رغم تشنج بعضهم. ردي كان لشاب صغير تلفظ بعبارة غير مقبولة ومعه شاب اخر شجعه على ذلك، ويا ليت المصور اتى بالفيديو كاملا دون بتر او تجزئته بما يحقق اجندته وفي خاتمة الامر تم فتح الكبري. رد الوالى من قروب واتس
Post: #36 Title: Re: أسكتوا ما داير قِلة أدب (والي الكوفة مخاطب Author: أحمد محمد عمر Date: 09-25-2020, 09:07 AM Parent: #34
طبعاً ردوا الفوق دة مفهوم بالنسبة لي كديكتاتور فرحان بالمنصب وظهرت عدم قدرته على فهم الشارع في كل تصرفاته
لو كان زول عادي زي وزيك كان حيمشي يفتش الشافع ويعتذر ليه في بيته ويتصور معاهو ومع أسرته زي ما بعملوا أغلب المسؤولين في الحالات دي .. وعلى فكرة فيها شغل شو وإعلام رهيب بس يجيب ليكم الفهم من وين الحجاج دة!
Post: #35 Title: Re: أسكتوا ما داير قِلة أدب (والي الكوفة مخاطب Author: عبدالعظيم عثمان Date: 09-25-2020, 09:06 AM Parent: #33
هنالك رد منتشر من السيد وراق والي النيل الأبيض(لا أعلم مدى صحته) سوف أنقلته هنا
Quote: الرد لم يكن موجهاً للطفل الذي قال أن سعر الرغيفة وصل 30 جنيه ولو لاحظتي أن كلام الطفل كان أثناء ردي أي أن الرد كان موجه لكلام قبل كلام الطفل الحاصل أنه مجموعة من الشباب وأغلبهم أطفال يقفلوا كبري الدويم مما تسبب في إعاقة حركة المرور وصلت للشباب وتكلمت معهم وأثناء الحديث طلبت منهم الهدوء علشان أستمع لهم بدلاً عن الهرج والمرج كان بالفعل يتكلم أكثر من عشرين شخص في وقت واحد
هل يعقل أن أنفعل من أول الكلام الحوار دا مدته ساعتين أو أكثر تم بتر الفيديو والترويج للعشرين ثانية دي
أحد الأطفال تفوه بعبارات غير مقبولة فكان الرد الحاسم بأن يصمتوا وبالفعل أشرت لعبارة الطفل
المؤسف صاحب الفيديو حذف الكلام وركز على الكلام الذي يخدم أجندته
ليته سكت والله شنو كان الرد الحاسم دي الزول نسى إنه هو الحاكم
ماياهو يا احمد قدر فهمو ومشهادو وظنه اعتذار مش قالوا ابو نواس همز هرون الرشيد وهرون نط وامر بقتلو اعتذر ليهو وقال قايلك الست زبيدة زوجة هرون الحس الوطني والقيادي والانفعال بقضايا الناس يا احمد دة ما بدرسو تنفعل مع قضاياهم ولاهم بهرجو وبكوركو ماباقي ليهو الا يقول اعتقلوه
Post: #38 Title: Re: أسكتوا ما داير قِلة أدب (والي الكوفة مخاطب Author: أحمد محمد عمر Date: 09-25-2020, 10:22 AM Parent: #37
نعم يا عبد العظيم الرد منتشر في اسكرينات الغريبة كان ممكن يكتب الكلام دة في صفحته الشخصية وكان ممكن يكتب في الصفحة القال عملها لناس الولاية وللرد على استفسارات الناس لكن يكتب شنو هو المسكين دة! الناس لايمينو على تعنيف شافع واحد يقوم يقول عنفت شفع كتار؟ في الأول قال الشافع اتلفظ وتاني قال عشان كان في جوطة !!
أب سن ا لله يرضى عليك كلمة اعتذار دي تفها من خشمك .. الزول دة شايف روحه حاجة كبيرة شديد والناس الحوالينو ديل كلهم ما فاهمين حاجة نجيب ليكم تواضع من وين حبايبي أنا !
Post: #39 Title: Re: أسكتوا ما داير قِلة أدب (والي الكوفة مخاطب Author: عبدالعظيم عثمان Date: 09-25-2020, 11:08 AM Parent: #38
والي الكوفة مفروض يعتذر لمواطني النيل الأبيض عن سوء التصرف مع مطالب بسيطة للمواطنين بسطاء وبعداك بي دربه يمشي علي الخرطوم ويسلم حمدوك مفاتيح ولاية النيل الأبيض ويتم تعيين حاكم بسيط يشبه البسطاء يسمعهم وينزل الي طلباتهم وأهم شئ ما يطلع من فوق سقف اللاندكروزر ويلوح ليهم بيدينهم وهو يتلفت يمين ويسار
يعني حاكم متواضع باله طويل يشبه الثورة
Post: #40 Title: Re: أسكتوا ما داير قِلة أدب (والي الكوفة مخاطب Author: أحمد محمد عمر Date: 09-25-2020, 11:15 AM Parent: #39
Quote: Abubakr Ahmed Abbas غايتو لي زمن قررت خفض تصنيف الشبح أحمد محمد عمر لدرجة عبد العظيم عثمان ود القوز، مستغرب كيف كنت خاتيهو في درجة واحدة مع حافظ بشير!!
بي عدلك .. بس النبي فيك ما توصلني درجة عاطف عمر
__________ بالمناسبة في البداية شككت في وجود الفيديو وجابوهو ليك بعديها عملت رايح .. فهل لديك أي مشاركة في موضوع البوست تستاهل يرفعوها ليك فوق ولا نخليك تتونس مع عاطف تحت؟
هسه دو لو كفيله في السعودية كان نهروا كده . لن يستقيم حالنا الا اذا عرفنا جميعاً إن مبدأ الخدمة المدنية هو معناه انك تخدم من يدفع راتبك من ضرائبه وليس العكس من عسكري المرور الي الرئيس هسه لو ما الاطفال والشباب ديل كان تكون لي هسه مع طال عمرك فسبحان الذي أعطاك ملكاً وعلمك الطلوع من سقف البرادو
حدثني واحد من ناس حيو في الخرطوم دق الصيوان وقفل الشارع بالاحتفالات لحظة تعينو والي قال مابعرفو شاف الزيطة والزمبريطة وسأل كلموه دة والي النيل الابيض الجديد بعدينك هو يا احمد عمر قايلو تبرير منطقي عشان نحذف اعتذار دي قال ليكم انا مانهرت شافع واحد .. نهر ناس كتار وكدة
Post: #43 Title: Re: أسكتوا ما داير قِلة أدب (والي الكوفة مخاطب Author: بدر الدين الأمير Date: 09-25-2020, 12:32 PM Parent: #42
والى من فصيلة نافع يجب عزله ومحاكمته
Post: #44 Title: Re: أسكتوا ما داير قِلة أدب (والي الكوفة مخاطب Author: Al Sunda Date: 09-25-2020, 12:52 PM Parent: #43
يبدو لي أن القضية اكبر من قضية العنف اللفظي للسيد وراق هل نكنا بحاجة إلى ولاة سياسيين في الفترة الانتقالية ؟ هل قضايا الولايات قضايا سياسية ام قضايا حياتية؟ ألم ينتهي دور الوالي السياسي مع ذهاب نظام الحزب الواحد او المهيمن في الفترة انتقالية؟ ربما كان المطلوب كفاءات إدارية غير مسيسة لتنفيذ برنامج حكومة الثورة ولس واليا سياسيا منتميا لحزب باحندة معينة تتغير حسب لونية حزب الوالي هل تتخيل ان ينحاز الوالي الحزبي لغير حزبه وهو العارف ان الفترة انتقالية لمرحلة الانتخابات؟ بكل اسف قحت اضاعت فرصة للتغيير بطمعها في السلطة الانتقالية اولا وبمحاصصاتها ثانيا. يبقى اللوم مش ع الوالي بل ع الحاضنة التي اتت به واليا
Post: #45 Title: Re: أسكتوا ما داير قِلة أدب (والي الكوفة مخاطب Author: علي عبدالوهاب عثمان Date: 09-25-2020, 01:04 PM Parent: #44
Quote: هل قضايا الولايات قضايا سياسية ام قضايا حياتية؟
هذا هو السؤال الواقعي .. ( جميل ) ناس عايزين أكل عبش
لجان مقاومة الدويم نزلت بيان في صفحتها أدانت التصرف في نفس الوقت خرج بيان تاني في الاسافير لكن بدون رابط لصفحة يمكن الاحالة اليها باسم لجان الدويم برضو يتهم الشباب بانهم ليسوا لجان مقاومة وتابعين لحزب المؤتمر السوداني و يرفض التتريس بعد تعيين الوالي المدني! واضح انه بيان مسلفق و سيده عايز يضرب المؤتمر السوداني
غايتو لو جاملناهو خاالص، ح نقول انو ماجاهز ابدا عشان يتولي منصب سياسي او منصب عام. الزول الناجح في العمل العام لازم يكون بعرف يسمع، بي اضنينو الاتنين، البتسمع الكلام الشين والبتسمع المدح علي السواء انت كزول معارض ٣٠ سنة مفروض تكون اتعلمت كتير جدا وعرفت انو الغطرسة والصلف ما حاجة كويسة وما بتصنع سياسي ناجح. وطالما ما اتعلمت اي حاجة وجايي تكرر اخطاء القبلك يبقا انت ما جاهز.. الخلاصة step down وامشي،واصل تعليمك او اتوكل علي الله شوف ليك شغلانة تانية السياسة دي ما بتاعتك.
والي الكوفة بتاع النهيير دا ما ظنيته يستقيل هو إعتذار ساي ما عاوز يعتذر أخذته العزة سلفقة ساي عاوز يمشي الموضوع لكن يا والي الكوفة إنت موضوعك إستحمى وقت تسقط جوة قلوب الناس تاني ما بتقدر تسوسهم.. أي حاجة ممكن تتفهم إلا الغطرسة هي زاتها الغطست حجر نافع لحس الكوع إنت جاي تعيد العطرسة سيرتها الأولي وفي عهد الثورة كمان
والى الغفلة فى الفيديو لم يكم مربع يديه وجسمه فى حالة سكون وأنه فقط يتحدث، بل كان يتكلم وذارعه ممدودا ومتحركاً فى التدقيق فى اللقطة ستجد منظر حركة الذراع متسقة من بداية الفيديو حتى نهايته ومن ضمنها حركة السبابة وهس دلالة على أن الفيديو فى اللقطة المتدولة لم يتم التلاعب فيه. هذه الجزئية وحدها تدينه لو إتكلم دقيقة أو ساعتين ما بتفرق
ياخ الحجاج بن يوسف لو الأيام دى بقوهو والى ما بتصرف بالطريقة دى .. !
لطة الفيديو توضح 6 أو 7 كاميرات موبايلات بتسجل أوبتنقل .. هل ستظهر فيديوهاتها فى الأيام القادمة؟!
Post: #52 Title: Re: أسكتوا ما داير قِلة أدب (والي الكوفة مخاطب Author: Abureesh Date: 09-26-2020, 03:31 AM Parent: #50
Quote: هل يعقل أن أنفعل من أول الكلام
لا طبعاً.. تحتاج شوية تسخينة..
Post: #53 Title: Re: أسكتوا ما داير قِلة أدب (والي الكوفة مخاطب Author: أحمد محمد عمر Date: 09-26-2020, 12:42 PM Parent: #52
الأطفال أحباب الله مافي شخص بيقهر طفل ويكون اخلاقه كويسة الزول البنهر شافع وسط الناس ما تتوقع منه خير نهائي الزعماء دايماً بحاولوا يستغلوا الأطفال في البروباغاندا تلقائية الأطفال بتصنع الابتسامة والتعامل الحنين معاهم بصنع ابتسامة وراحة نفسية وبخلي الناس تحبك لأنها بتحب الأطفال بالغريزة رجب طيب اردوغان عندو مواقف كتيرة مع الأطفال .. ورغم إنها عادي ممكن تكون مصنوعة لكن التعب في انتاجها بوريك لياتو حد التعامل مع الأطفال مهم لشخصية الزعيم
أردوغان بخطب في الناس ومشغول بالقراية من ورقة والشافعة تشيل وتكورك ليه (جدو طيب) ما قال سكتوها بل بحركة مسرحية جميلة جداً رد ليها (أفندم)
والله في بلدنا دي وفي ظل الظروف الإقتصادية بالغة التعقيد دي المفروض أي شخص في موضع مسئولية إكون راكب حمار عديل بي سرجو ويدافر وسط المواطنين ويشاركم في كل شئ عشان يعرف عايزين شنو بالضبط ما يقعد إتعنطز عليهم ويسوي فيها رئيس الولايات المتحدة. المفروض الواحد إذا ادوهو فرصة يحكم أول حاجة يشبع في البكا عشان الحال المايل ما يعديها فشخرة وحرس. هو عليك الله الزول البعاين لي معاناة الناس في بلدنا كيف بتجيهو نفس للفشخرة والشوو.
Post: #55 Title: Re: أسكتوا ما داير قِلة أدب (والي الكوفة مخاطب Author: عثمان الأمام Date: 09-28-2020, 08:28 AM Parent: #54
عبدالعظيم ما تلصق للناس تسميات ما حقتها ساي :)
ده إسمو والي الغفلة
والي الكوفة معروف وبتعرفو زي جوع بطنك وهو السنبلة عربي :)
