Post: #1 Title: أعلان حامدوك- الحلو: يجعل سكان جنوب كردفان .. خارج إطار الدولة السودانية ..! Author: Biraima M Adam Date: 09-20-2020, 03:18 AM Parent: #0
Post: #2 Title: Re: أعلان حامدوك- الحلو: يجعل سكان جنوب كردفان Author: Biraima M Adam Date: 09-20-2020, 03:20 AM Parent: #1
أقرأوا نص الفقرة 4:
Post: #3 Title: Re: أعلان حامدوك- الحلو: يجعل سكان جنوب كردفان Author: Biraima M Adam Date: 09-20-2020, 03:21 AM Parent: #2
Post: #4 Title: Re: أعلان حامدوك- الحلو: يجعل سكان جنوب كردفان Author: Biraima M Adam Date: 09-20-2020, 03:55 AM Parent: #3
في غياب النصوص المفسرة لفقرة Self-Protection .. سوف أعتمد القراءة المعتمدة في المواثيق الدولية حول مسألة الحماية الذاتية ..
ماذا تعنى Self-Protection
Quote: International law recognizes a right of self-defence, as the International Court of Justice (ICJ) affirmed in the Nicaragua Case on the use of force
بريمة
Post: #5 Title: Re: أعلان حامدوك- الحلو: يجعل سكان جنوب كردفان Author: اخلاص عبدالرحمن المشرف Date: 09-20-2020, 03:58 AM Parent: #4
هم كانو خارج الدولة وخارجين عليها
Post: #6 Title: Re: أعلان حامدوك- الحلو: يجعل سكان جنوب كردفان Author: Biraima M Adam Date: 09-20-2020, 04:00 AM Parent: #4
خلاصة أولية: إذن، أعترفت حكومة "قحت" بحق حركة متمردة بأستعمال القوة للحماية .. وهذا يعنى أن الحركة يمكنها قتل كل من تعتبره مهدد أمني لها .. حتى لو كان سكان جنوب كردفان الذين تعتبرهم الحركة عدو لها.
بريمة
Post: #8 Title: Re: أعلان حامدوك- الحلو: يجعل سكان جنوب كردفان Author: Biraima M Adam Date: 09-20-2020, 04:04 AM Parent: #6
دكتورة إخلاص سلام ..
Quote: هم كانو خارج الدولة وخارجين عليها
لكن ظلوا شعب سوداني وأرض سودانية وتغتصبهم حركة متمردة.
Post: #7 Title: Re: أعلان حامدوك- الحلو: يجعل سكان جنوب كردفان Author: adil amin Date: 09-20-2020, 04:03 AM Parent: #3
ده البزعلني وبزعل بقر المسريرية يا عبار ترهات شيوعيين ساكت ما احسن من اتفاقية نيفاشا ولا دستور 2005 اطلاقا والاثنين ديل لي اوعي ولا اذكي من جون قرن ود منصور خالد اخلي ديل واباري حمدوك وخالد سلك وساطع وحميدتي والبراهان بالاعلان الدستوري الفطير لي شنو العلمانية او تقرير المصير \ده خداع مشين الفدرالية او تقرير المصير كانت تكون اصدق لكن حبل الكضب ممحوق وضل الوهم ما بحوق والحركة الشعبية جناح الحلو دي تلتزم بي اتفاقية نيفاشا ودستور 2005 التي لم يلتزم بها النظام المركزي القبيح ويريد اعادة الدولة المركزية التي تخدم مشاريع الخارج ومصالح الدول الناهبة للسودان حتي الان 2020 والتحالف الطبيعي والمحترم لعبدالعزيز الحلو هو مع قوى ديمقراطية نظيفة في السودان الاتحاد الديمقراطي الاصل وبمرجعية دستور 1973 وقوانين 1974 https://top4top.io/ ومشكلة السودان الفدرالية والديمقراطية الحقيقية الما بتنفع مع كعوك مايو 1969 وايتام الترابي 1989 وخدم مصر والامارات والخليج الناس في السودان كانت تتمسك بي رؤية الحركة الشعبية الام والسودان الديمقراطي الفدرالي الاشتراكي الوصلنا انتخباات 2020 وبوظا البشير والنخبة السودانية وادمان الفشل ديل
جعفر ده لا قعد يتسكع في قطر ولا في الامارات من الاساس ولا خايف من الانتخابات جماعة دحلان ومحمد بن زايد حدهم قريب في السودان ينفضحو بالله الوثائق والاتفاقيات والدستاتير والتحالفات الاتعملت في السودان دي حقو يدخلوها موسوعة جنتس الصعب شنو ارجع الحكم الاقليمي وانتخب حاكم الاقليم وبرلمان الاقليم ؟؟؟؟
Post: #9 Title: Re: أعلان حامدوك- الحلو: يجعل سكان جنوب كردفان Author: Biraima M Adam Date: 09-20-2020, 04:20 AM Parent: #7
الكوكلكس عادل أمين، أنت تتحدث عن فدرالية .. وأقاليم وعلمانية !! .. الموضوع وما فيه رئيس الوزراء قال ليهم "أنتم طلقاء" .. أعملوا العايزين تعملوه، هذا يعنى حتى الشرطة السودانية ليس لها حق في حماية المواطنين في جنوب كردفان والنيل الأزرق .. تحرسهم الحركة الشعبية. وهذا يعنى تعطيل لقوانين الدولة في كل شيئ .. سمه ما شئت .. وعلي الحركة أن تمارس ما يحلو لها.
بريمة
Post: #10 Title: Re: أعلان حامدوك- الحلو: يجعل سكان جنوب كردفان Author: Biraima M Adam Date: 09-20-2020, 04:27 AM Parent: #9
في الفقرة 4: النقطة الأخيرة .. "until separation of religion and stage is actualized" .. تعنى ليس هناك تفاوض حول العلمانية .. فقد فرضت الحركة الشعبية العلمانية فرضاً علي كل الشعب السوداني وغير كده إنفصال تعلنه الحركة .. لأن ليس هناك نص يحدد كيفية الأنفصال مما يعنى أن الحركة تمارس ما تعتبره حق مشروع علي نص مشروعية "الوضع الراهن".
بريمة
Post: #11 Title: Re: أعلان حامدوك- الحلو: يجعل سكان جنوب كردفان Author: صديق مهدى على Date: 09-20-2020, 04:39 AM Parent: #10
عوووووووك الرفيق بريمة عمت مساء
Post: #12 Title: Re: أعلان حامدوك- الحلو: يجعل سكان جنوب كردفان Author: Biraima M Adam Date: 09-20-2020, 04:40 AM Parent: #10
شيئ غريب جداً .. ومضحك في آن:
أين موقع حامدوك ذات نفسه لو الحركة الشعبية أعلنت إنفصال الأقليم من طرف كحماية ذاتية self-protection!! هل فيكم زول يتخيل الأمر ..
هو ذاته من سكان جنوب كردفان وعليه أن يمشي مع جنوب كردفان. هل رئيس الوزاء متواطئ! الله ورسوله أعلم.
بريمة
Post: #13 Title: Re: أعلان حامدوك- الحلو: يجعل سكان جنوب كردفان Author: Biraima M Adam Date: 09-20-2020, 04:46 AM
Quote: عوووووووك الرفيق بريمة عمت مساء
الحبيب صديق، أقعدوا في مباراة الشيوعيين والعلمانيين .. يا هو صباح السودان أصبح .. !
زول واحد بس .. حامدوك .. أستلب رأي الشعب السوداني بأكمله .. وبجرة قلم قال لرفيق دربه الحلو .. شيل ما تريد وخلي الفضل! ما فعله الشيوعي حامدوك .. لم تفعله الحركة المتمردة 30 عاماً ..
المافي شنو؟
بريمة
Post: #14 Title: Re: أعلان حامدوك- الحلو: يجعل سكان جنوب كردفان Author: صديق مهدى على Date: 09-20-2020, 04:51 AM Parent: #13
اها عجبك ولا ما عجبك ديل رفقاء الدرب وزى ما بقول المثل كل زمن يخدموه رجالتو تحياتى ياغالى ملحوظة:- دى اجندة غربية
Post: #15 Title: Re: أعلان حامدوك- الحلو: يجعل سكان جنوب كردفان Author: Biraima M Adam Date: 09-20-2020, 05:22 AM Parent: #14
Quote: اها عجبك ولا ما عجبك ديل رفقاء الدرب وزى ما بقول المثل كل زمن يخدموه رجالتو
الحبيب صديق، دا كلام غريب .. حامدوك لم يخطر حتى وزراء حكومته .. !
بجرة قلم .. وعييك أنتهي المولد ..
بريمة
Post: #16 Title: Re: أعلان حامدوك- الحلو: يجعل سكان جنوب كردفان Author: Biraima M Adam Date: 09-20-2020, 05:27 AM Parent: #15
Quote: ملحوظة:- دى اجندة غربية
يعنى دي شماعة ولا شنو؟
تابع صدقي كبلو .. في الحوار التالي ..
صدقي كبلو .. أكل شخمه في الحديث!! .. ولاحظ كيف بعنجهية رمي السماعة في وجه المذيعة .. لما قالت ليه عندك دقيقة واحدة.
يبدو الدكتاتورية تسري في عروق الشعب السوداني ..!
بريمة
Post: #17 Title: Re: أعلان حامدوك- الحلو: يجعل سكان جنوب كردفان Author: Biraima M Adam Date: 09-20-2020, 05:29 AM Parent: #16
أكل خشمه ..
بريمة
Post: #18 Title: Re: أعلان حامدوك- الحلو: يجعل سكان جنوب كردفان Author: حسن ادم محمد العالم Date: 09-20-2020, 05:47 AM Parent: #17
الحبيب بريمة تحياتي اعتقد الموضوع ليس اتخاذ حمدوك لقرار منفرد بقدرما هو ازمة عدم تناغم في الانتقالية فالبرهان مثلا جلس مع نتنياهو دون علم الجميع كما ورد السيادي اختطف مفاوضات السلام من مجلس الوزراء والمفوضية الخاصة بالسلام والأمثلة كثر مما يتولد احساس ان هناك حكومات داخل الحكومة الانتقاليه حكومة حمدوك حكومة السيادي الذي يتسيدها الشق العسكري حكومة قحت المنقسمة علي نفسها لذا المشهد محتاج اعادة ترتيب اذا اردنا العبور للضفة الاخري
Post: #19 Title: Re: أعلان حامدوك- الحلو: يجعل سكان جنوب كردفان Author: محمد البشرى الخضر Date: 09-20-2020, 06:06 AM Parent: #18
يا بريمة ممكن تقارن البنود البتتحدث عن فصل الدين عن الدولة في اعلان حمدوك الحلو مع نفس البنود الموقع عليها في اتفاقية جوبا الاحرف الاولى و سيتم التوقيع النهائي عليها قريبا بواسطة حميدتي!
Post: #20 Title: Re: أعلان حامدوك- الحلو: يجعل سكان جنوب كردفان Author: Biraima M Adam Date: 09-20-2020, 06:07 AM Parent: #18
ول أبا حسن العالم سلامات ..
شيئ غريب .. !!
يا ول أبا، الفقرة 3 .. تعطي حق تقرير المصير لكل الشعب السوداني في حال فشل تحقيق العلمانية .. وكل إنسان سواء في شرق السودان أو غربه أو شماله .. ممكن يعتمد علي هذا النص. نص مفتوح!
كما يقول البقارة قحت .. "بشكت الأمر" .. وأي زول يسوي الذي في رأسه وما يمليه عليه ضميره.
بريمة
Post: #21 Title: Re: أعلان حامدوك- الحلو: يجعل سكان جنوب كردفان Author: Biraima M Adam Date: 09-20-2020, 06:16 AM Parent: #20
ود البشري،
هوووووي أنتظر .. هناك وثيقة باللغة العربية .. مختلفة تماماً .. ياتو واحدة فيهم الصحيحة والأخري مضروبة ..؟!!
هنا الوثيقة بالعربي ..
توقيع حامدوك مختلف تماماً ..
أها دي يحلوها .. ككيف؟ علماً أن النسخة الأنجليزية تم توقيعها يوم 3 سبتمبر 2020 .. والنسخة بالعربي تم توقيعها يوم 4 سبتمبر 2020 .. !!
بريمة
Post: #22 Title: Re: أعلان حامدوك- الحلو: يجعل سكان جنوب كردفان Author: محمد البشرى الخضر Date: 09-20-2020, 06:42 AM Parent: #21
سمح الغنا في خشم سيده, هاك اسمع من الدقيقة 7:15
Post: #23 Title: Re: أعلان حامدوك- الحلو: يجعل سكان جنوب كردفان Author: Biraima M Adam Date: 09-20-2020, 07:04 AM Parent: #22
شكراً ود البشري،
بهذا الفيديو أستطيع القول ان تحليل الوثيقة المرفقة بالأنجليزي .. يحمل وجهة نظري ..وأن جنوب كردفان والنيل الأزرق في حل من حكومة السودان .. إلي يتم حل المشكلة أو الأنفصال. أنتهي.
بريمة
Post: #24 Title: Re: أعلان حامدوك- الحلو: يجعل سكان جنوب كردفان Author: Biraima M Adam Date: 09-20-2020, 07:06 AM Parent: #23
فاضل للشيوعيين يتموا فضلهم .. يمشوا يعطوا "بمبو" .. عبد الواحد محمد النور .. حاجة يتلهي بيها كدولة حقته ..!
بريمة
Post: #25 Title: Re: أعلان حامدوك- الحلو: يجعل سكان جنوب كردفان Author: محمد البشرى الخضر Date: 09-20-2020, 07:38 AM Parent: #23
العفو يا حبيب, يلّا ما تنساني من طلبي الفوق داك
Post: #26 Title: Re: أعلان حامدوك- الحلو: يجعل سكان جنوب كردفان Author: adil amin Date: 09-20-2020, 09:35 AM Parent: #9
Quote: الكوكلكس عادل أمين، أنت تتحدث عن فدرالية .. وأقاليم وعلمانية !! .. الموضوع وما فيه رئيس الوزراء قال ليهم "أنتم طلقاء" .. أعملوا العايزين تعملوه، هذا يعنى حتى الشرطة السودانية ليس لها حق في حماية المواطنين في جنوب كردفان والنيل الأزرق .. تحرسهم الحركة الشعبية. وهذا يعنى تعطيل لقوانين الدولة في كل شيئ .. سمه ما شئت .. وعلي الحركة أن تمارس ما يحلو لها.
بريمة
انا بتحدث عن الوضع الطبيعي في السودان والحل الحقيقي وانت شراميط قحت تلف وتدور دستور 2005 ونيفاشا احسن من العقن ده كلو لانه بخلي كل مواطني الولاية ينتخبو واليهم وبرلمان ولياتهم بس دي مشكلة السودان الاساسية علمانية دي شرمطة شيوعيين ذى اسلامية الكيزان تخدم نفس مشروع تفكيك السودان الحلو مش دخل انتخابات في دستور 2005 سنة 2010 وسقط بسس ادارة الدولة الفاسدة للانتخبات خلاس حلها تجي الدولة الرشيدة تدير انتخابات حرة في السودان بس
Post: #27 Title: Re: أعلان حامدوك- الحلو: يجعل سكان جنوب كردفان Author: Deng Date: 09-20-2020, 10:06 AM Parent: #26
أعصابك يا عبار أعصابك.
لقد جن جنونك بسبب مواقف وتحركات الرجل القوي عبد العزيز ادم الحلو.
Post: #28 Title: Re: أعلان حامدوك- الحلو: يجعل سكان جنوب كردفان Author: Biraima M Adam Date: 09-20-2020, 07:43 PM Parent: #27
Quote: الرجل القوي عبد العزيز ادم الحلو
كما يقول حبيبنا بشاشا .. قرقرقرقر .. قرقراب يا العبار، سجم الرماد .. سايقنوا الشيوعيين .. والغبيان ما جايب خبر ..
معقولة بس .. ينفذ أجندة الشيوعيين علي حساب شعب جنوب كردفان ..؟! .. ناس شبعوا موت وبهدله .. وفي النهاية يخرجون بالعلمانية؟!!
بريمة
Post: #29 Title: Re: أعلان حامدوك- الحلو: يجعل سكان جنوب كردفان Author: Biraima M Adam Date: 09-21-2020, 05:24 AM Parent: #28
ود البشري، لاحظ صابر مشهور الزول دا تكلم عن إنسحاب القوات السودانية من ثلاثة أقاليم جنوب كردفان، النيل الأزرق ودارفور .. وهى الأن دويلات داخل الدولة السودانية
بريمة
Post: #30 Title: Re: أعلان حامدوك- الحلو: يجعل سكان جنوب كردفان Author: محمد البشرى الخضر Date: 09-21-2020, 05:31 AM Parent: #29
صابر مشهور شنو يا بريمة ياخ! دا طز من سبحان الله ما عارفها في الشأن السوداني! ياخي ما كا من عمل فيديو و قناة في اليوتيوب تباريه, نصّهم بنضموا ساي بلا هدى او كتاب تاني بعيد ليك, راجيك تقارن ما بين اتفاق الحلو حمدوك و اتفاقية جوبا الموقع عليهت ولد ابوك حميدتي! فيما يتعلق ببنود فصل الدين عن الدولة
Post: #31 Title: Re: أعلان حامدوك- الحلو: يجعل سكان جنوب كردفان Author: Biraima M Adam Date: 09-21-2020, 05:43 AM Parent: #30
هل تعلم أنا ورئيس الوزراء حامدوك من محلية واحدة .. وأهلنا متزوجين من بعض .. والمسافة ما بين بلدتي وبلدته أقل من نصف ساعة .. ونلتقي في السوق مع أهله يوميا لأن السوق مشترك بيننا. فرئيس الوزراء من أهلي أيضاً.
بريمة
Post: #32 Title: Re: أعلان حامدوك- الحلو: يجعل سكان جنوب كردفان Author: Abureesh Date: 09-21-2020, 09:31 AM Parent: #31
Quote: وهذا يعنى أن الحركة يمكنها قتل كل من تعتبره مهدد أمني لها .. حتى لو كان سكان جنوب كردفان الذين تعتبرهم الحركة عدو لها.
يا هندسـة ياخ دى مطيتها شديد.. القائد الحلو أذكى من ذلك.. وحتى متى تريد الحكومة المركزية الإستخفاف بقادة الحركات وتدفن رأسها فى الرمال.. الم يتعظوا من إستخفافهم من الشهيد جون قرنق؟ وما أدى اليه من إنفصال الجنوب؟.. الحلو يسير فى نفس خط قرنق.. ولماذا ركزت على تقرير المصير ولم تذكر المظالم والتفرقة الدينية والعنصرية التى ذكرها نفس البيان فى صدراته؟ نفس كلام قرنق.. قال ليهم أهلى فيهم المسيحيين، وإذا رفضتم فصل الدين عن الدولة فسيكون فصل الجنوب عن الشمال.. خيرهم كدا لأنه لا يلعب مثل السياسيين الفاشلين، الذين أدمنوا تمييع القضايا بإطالة الزمن مثل الإنتظار حتى البرلمان المنتخب وما عارف شنو؟ برلمان الأحزاب الذى لا يستطيع أن ينجز أى شئ.. الحلو وحركته، ولهم الحق، لا يهمهم من يحكم الخرطوم..وإنما يعتبرون كل من فى كرسى الحكم فى الخرطوم هو من يتفاوضون معه. عندهم قضية المساواة والحقوق الدستورية.. هل تستجيب لها الحكومة أم لا.. هذا هو السؤال..
Post: #33 Title: Re: أعلان حامدوك- الحلو: يجعل سكان جنوب كردفان Author: Biraima M Adam Date: 09-21-2020, 12:40 PM Parent: #32
باشمهندس أبو الريش سلام ..
أنت تتكلم عن جنوب كردفان، منطقة أنا مولود ومتربي فيها .. ودرست كل مراحلي التعليمية ما عدا الجامعية فيها .. وفوق ذلك إنا إنسان رعوي .. متنقل من شمال الولاية إلي جنوبها، يعنى أعرف جنوب كردفان وبالذات المنطقي الوسطي من الولاية معرفة دقيقة .. ليس من مطالب الولاية العلمانية .. والله شيئ جديد. وللعلم النوبة ما عايزين أنفصال .. النوبة في جميع أنحاء السودان .. لاحظ تواجدهم في الشرق .. والشمال .. ليس هناك ثقل سكاني للأقاليم الأخري في الولاية .. النوبة يعيشون في كل السودان ويتركون جنوب كردفان كحديقة خلفية ومنتجع للأيجازات والراحة .. أما الذين يعيشون في الولاية فهم يحتاجون تنمية .. مشافي، مدارس وطرق .. وأضيف ليك مسألة الدين غير مطروقة في جنوب كردفان .. ولا تهمنا، كل زول عارف دينه .. وعارف حدوده .. ويتداخلون مع بعضهم .. يأكلون ويشربون .. ويغنون ويرقصون ويتصارعون مع بعض .. مسألة الدين ظهرت مع الكيزان والحركة الشعبية .. وهم الأثنين لهم دين .. أحدهم يدين بالأسلام والأخر يدين بالعلمانية .. وهم بدورهم خلقوا صراع ديني فوقي .. ومعه جاءت مطالب العلمانية التى تخص المتصارعين في السياسة .. وهكذا حشر سكان جنوب كردفان في جحر ضب ..
ولاية بأكملها .. لا تحتل الحركة فيها إلا مساحة لا تساوي واحد من عشرة يتم تسليمها للحركة .. هذا خضوع وليس سلام .. أنتهي السودان بعد ما تابعت فيديو صابر مشهور ..
