ياحمدوك ياخي خليك مطمئن للآخر!؟#

10:09 PM September, 18 2020

سودانيز اون لاين
زهير عثمان حمد-السودان الخرطوم
مكتبتى
رابط مختصر

هاشاتق اعجبنى فى الفيس كاتبه احد الاخوان بالخارج


ياحمدوك ياخي خليك مطمئن للآخر.

الكيزان ديل تاني ماتخاف منهم ابدا وكان حصل انقلاب
حيستعدلوها ليك من تاني ويجيبوك راجع.🤣

الكيزان يادووووب جربو الراحة والقعاد في المدرجات ومتابعة الدافوري المخستك الشغال بين مكونات قحت 😂

ويادووووب ضاقو حلاوة النقد والتنظير
اتاريهو ساهل سهولة جد وطعمو احلي من ام فتفت بالدكوة والشطة القبانيت 😂

عادي ممكن تلقي ليك زول قاعد في المدرجات وينتقد ليك *ميسي وكرستيانو في الملعب ولودخل الملعب ممكن جلبيق بطنو يغطي علي صوت صافرة الحكم 😆😆😆😆😆

* المي حااااار مالعب قعونج 😝

تتمسحو بالكريمات والمرطبات وغاتسين في البدل والكرفتات وطاقين الحنك بالقنوات الخارجية 30 سنة

السودان غني بالموارد
الطبيعية مامحتاج لي اي اعانات خارجية ولكن فساد النظام الحاكم والأداء السيئ ونهب المال العام

😳
لا لابالله تذكرو الكلام دا 🤫🤫

ورونا شطارتكم يافلاسفة السياسة 😂

الكيزان كما قال غازي صلاح الدين العتباني ( تعودنا القتال علي حافة الهاوية) 30 سنة مؤامرات دولية وخيانات داخلية وحصار مضروب وحروب في كل الجبهات انتم من كان يشعلها صمدو وصبرو وقدموا مايزيد عن
ثلاتين الف شهيد من خيرة شباب السودان
وقدموا الانجازات التي يعرفها حتي حالب الشاة في صحراء الربع الخالي.
بالرغم من انهم وجدوا دولة منهارة تماما جيش حافي الاقدام
والتمرد علي مشارف كوستي
والاغاثة وقمح ريجان
وشفنا الناس واقفة صف لي حلة البليلة في قلب المدن.
والاعجب انهم عندما خرج الشعب ضدهم لم يقدمو نموزج بشار الاسد او القذافي
بل
سلموا السلطة بكل هدوء ولم يحملوا السلاح
الذي طال ما حملوه في ادغال واحراش الجنوب
وصبروا رغم الاستفزاز الرهيب الذي تعرضوا له
من السواقط والسفهاء
صبروا علي كل هذا لأنهم لايسمحون بضياع وطن سقوا طين لبناته بدماء أبنائهم
.
وادخلوا بتهمة الفساد للسجون التي طال ما الفوها وعرفوها

وهاهو العام الثاني يبدأ ولم يقدم منهم واحدا بجريمة فساد مثبته.

والآن الآن
الكيزان جميعهم وبلسان واحد يرددون شكرا حمدوك
شكرا حمدوك
شكرا حمدوك

فقد اثبت للشعب السوداني بالدليل القاطع
من هم الكيزان

وقدمت لهم خدمة مجانية لو انفقوا
فيها ال64 مليار بتاعة ماليزيا 😂
لما استطاعوا ...

ونواصل ...

سلام يا زهير
أظن عجبك العنوان و ما قريت باقي الموضوع
الغرف من طرف مرات بجيب وساخة.

كاتب الموضوع كوز معفن ووسخ وواضح العنوان و المقدمة شرك.

Quote: الكيزان كما قال غازي صلاح الدين العتباني ( تعودنا القتال علي حافة الهاوية) 30 سنة مؤامرات دولية وخيانات داخلية وحصار مضروب وحروب في كل الجبهات انتم من كان يشعلها صمدو وصبرو وقدموا مايزيد عن ثلاتين الف شهيد من خيرة شباب السودان وقدموا الانجازات التي يعرفها حتي حالب الشاة في صحراء الربع الخالي. بالرغم من انهم وجدوا دولة منهارة تماما جيش حافي الاقدام والتمرد علي مشارف كوستي والاغاثة وقمح ريجان وشفنا الناس واقفة صف لي حلة البليلة في قلب المدن. والاعجب انهم عندما خرج الشعب ضدهم لم يقدمو نموزج بشار الاسد او القذافي بل سلموا السلطة بكل هدوء ولم يحملوا السلاح الذي طال ما حملوه في ادغال واحراش الجنوب وصبروا رغم الاستفزاز الرهيب الذي تعرضوا له من السواقط والسفهاء صبروا علي كل هذا لأنهم لايسمحون بضياع وطن سقوا طين لبناته بدماء أبنائهم . وادخلوا بتهمة الفساد للسجون التي طال ما الفوها وعرفوها وهاهو العام الثاني يبدأ ولم يقدم منهم واحدا بجريمة فساد مثبته. والآن الآن الكيزان جميعهم وبلسان واحد يرددون شكرا حمدوك شكرا حمدوك شكرا حمدوك فقد اثبت للشعب السوداني بالدليل القاطع من هم الكيزان وقدمت لهم خدمة مجانية لو انفقوا فيها ال64 مليار بتاعة ماليزيا 😂 لما استطاعوا ... ونواصل