كده فهمونا حظر قفيل الكباري لسه مستمر

12:55 PM September, 18 2020

سودانيز اون لاين
بلدى يا حبوب-kahrtoum
مكتبتى
رابط مختصر

نقلت الاخبار رفع الحظر الصحي وعلى طول ماشين الخرطوم الساعه ٨ مساء امس فؤجنا بوجود ارتكزات شرطه تتطلب اذن المرور
رجعنا ولكن للناس العارفين الحظر الصحي ده مقصود بيه شنو
وحكاية قفيل الساعه ٦ مساء ده بفقيف متين
تحياتي

سلام عليكم
الاجراءات الصحيه كانت لجهات مجرد غطاء ضمن الصراع على السلطه ومحاولات اجهاض الثوره .وفعليا مان فى جديه من جهات كتيره فى تطبيق مايلى بعض المؤسسات من اجراءات وحتى الشق الامنى كان فى تراخى فى التطبيق على مستوى الاسواق والتجمعات وضبط الحركه للافراد والسايارات بين الاحياء داخل كل مدينه.
والانذار اطلقو د.اكرم كم مره فى ايامو الاخيره وهو يحاول اداء مهمتو فى اطار مؤساستو (طبعا فى ناس فاهمين انو هو صاحب القرار فى كل الاجراءات لكن القرار كان قرار اللجنه العليا للطوارىء الصحيه ورئيسها بالانابه اللى جزء من خطوات ازاحه اكرم) لكن ماكان فى تنسيق من جهات اخرى .
رفع الحظر مجرد حبر على ورق لانو اصلا اترفع قبل ان يجف حبر اعلان الاغلاق الكامل فى بدايه الجائحه والفرق ظاهر اذا قارنت بين اجراءات الاغلاق عندنا وحتى الدول الافريقيه الاقل مننا تنظيم وانضباط فى عمل الدوله ناهيك عن المقارنه بجوار اخر زى مصر او السعوديه او حتى عالميا فى دول متقدمه.
بالنسبه لى عمليا ماكان فى اغلاق كامل ولا جزئى ولاحتى احترازات صحيه وحدود الولايات مفتوحه للسفر مع تغاضى جهات وزحام فى لشراء السلع واستمرار بعض الباعه وحتى الاسواق لم تغلقوكان مع بعض حركات لتمثيل جديه المتابعه.
الان قد يجيب البعض على تساؤلك انو البلد فيها طوارىء اقتصاديه المهم العسكر مسيطرين على الوضع العام على الارض
الفهم شنو ؟
دا هو السؤال الاهم