يا حمدوك طلعت د--ن الثورة في وزارة الخارجية

04:13 AM September, 17 2020

سودانيز اون لاين
عبدالعظيم عثمان-
مكتبتى
رابط مختصر

ياخي اذا عندكم صفقة مع الكيزان في وزارة الخارجية
كلمونا يااخ طلعتوا عينا كل يوم
كوز وأمنجي في سفارة
أهل القضارف طلعوا بي مواكب معترضين
على تعيين واحد من الأمنجية في سفارة السودان
بالسعودية
يعني كل يوم الناس تطلع موكب
والكيزان في السفارات
دي حاجة تفوق الإحتمال والله
ما ياهو يا نقنع كله كله من خير في الحكومة والتغيير
ونبدأ نشتغل على تسقط ثالث
أو الحكومة تنعدل وتوضح العبث دا سببه منو
اكيد في جهة او زول هي ما تعبث بالثورة

كتب محمد سلمان المبارك

Quote: نفذ شباب "الجنقو" وقفة إحتجاجية اليوم بالقضارف للمطالبة الحكومة الإنتقالية بتحريك ملف الشهداء ومحاكمة المتورطين في تصفية المتظاهرين، كما طالبت الوقفة بإلغاء قرار تعيين ممدراء سابقين لجهاز الأمن بالقضارف في وظائف بالخارجية. * الجنقو لمن لايعرفها هي إسم خيمة ثوار القضارف بميدان الإعتصام. * واجه شباب الجنقو اوقاتا عصيبة مع رفقائهم الثوار عند فض الاعتصام وتعرضو للضرب والتعذيب، حيث استشهد أحد ثوار القضارف متأثرا بجراحه.. بينما أصيب عدد من الثوار في تلك المجزرة. * وطالبت الوقفة بإلغاء تعيين محمد_الطيب، أمبيقا مدير جهاز الأمن الأسبق قنصلا في قنصلية السودان بإنجمينا، وإلغاء تعيين عبدالرحمن الحاج المدير السابق لجهاز الأمن ملحقا عسكريا بسفارة السودان بالرياض لتورطه في قتل شهداء ثورة ديسمبر المجيدة والعديد من أعمال القتل والإخفاء القسري والتعذيب والفساد.

معقولة الناس تبطل أشغالها وتقعد تباري
في أخبار تعيينات الكيزان والأمنجية في وزارة الخارجية
ما معقول الكلام دا بعد الثورة
المؤامرة على هذه الثورة وهذا الشعب لن تتوقف
وإذا إستمر حمدوك صامت بشأن ما يحدث
في وزارة الخارجية فليذهب غير مأسوف عليه
زول بارد لا لون له ولا طعم ولا رائحة زي موية الإبريق
الله لا كسبك يااخ. فجعتنا في ثورتنا

بقت علي تعين كوز هنا ولة هناك يا عبدالعظيم؟؟
جنازة البحر دي وجب (اكرامها) بالدفن.. عفنت ياااخ.

تعيينات الكيزان في السفارات لم تتوقف يا معتصم
لا يمر شهر وإلا هناك إعتراض على كوز او أمنجي في إحدي
سفارات السودان.. معقول الكلام دا يكون طبيعي؟؟
بالجد ما يحدث في وزارة الخارجية فقط كفيل بخروج
الناس للشارع وإسقاط هذه الحكومة المتآمرة على الثورة
صمت حمدوك على ما يحدث ليس له تفسير غير التآمر
لم يتبقى لنا شئ من ثورة ديسمبر غير الحسرات

حمدوك شخص وليس رؤية ولا برنامج
مجرد شخص صنعتو منه زعيم
وهو بنفذ اجندة البنك الدولي في المنطقة وليس له علاقة بالسودان والسودانيين
دي الانقاذ 3
https://top4top.io/
المحاصصة من اساسا شرمطة سياسية

اها يا دولة الشرق
بعد صالح عمار دايرين منو ؟!!!!
وليه القصارف تطلع مظاهرات عشان
سفير السعودية ، الرشايدة وعرفنا لهم 70
سنة ، ام هل الامر تشابه بقر .
علي محمد موسي بقي المسئول عن ملف
السعودية ولا الحاصل شنو ؟

انت يا عبدالعظيم بالثورة دي عندك فيها
اكثر من الخلق ولا شنو ؟!!!!

اي محاولة لابتزاز حمدوك وعين ده ومانعين ده
ستواجه هذه المرة .
دي دولة السودان

دي ثورة الشعب السوداني العظيم يا إخلاص
دي ثورة الناس البسطاء والشهداء والثوار والشباب
غير مقبول البحصل في وزارة الخارجية
يعني إنتي عاوزة الناس يسكتوا على تعيينات الكيزان والأمنجية
في وزارة الخارجية ؟
ولا موضوعك شنو

ازيك ياعظمة

Quote: ولا موضوعك شنو

مش هي براها ، موضوعنا كلنا .

ياخ انت لا عاجبك العجب ولا الصيام في رجب . نقيت في اكرم لمن طار ، وكل يوم تختار لك شخص تنتقد فيه بصورة عجيبة ، ياخ ديل بشر مش ملائكة .
يجيبوا ليك ناس يوافقوا هواك من وين ياعظمة ؟

لا يا عظيم ما كده
ق حت اكون لجنة ولا مجموعة من مكوناتها
وتتصل بالوزير و مانيس ويرفعوا الامر والاسماء
لرئيس الوزراء السيد عبدالله حمدوك ،
كل وزارة تتكون لها لجنة من ف حت ، لكن كده
ابتزاز لرئيس الوزراء، السيد حمدوك واقع بين
المطرقة والسندان ، الكيزان منظمين والكوادر المؤهله
وسطهم اكثر

كده يا استاذ عبدالعظيم يبقي شغل
نشطاء ما مؤسسات ، يوم فيصل الوزير
يطلع ويحكي عن مشكلة ويوم يعترض علي مقابلة
نتانياهو ويوم انت ، ما في دولة بتدار بالفوضى دي.
وزير ما عجبو عمل رئيسه يستقيل من سكات .

دي دولة يا استاذ عبدالعظيم

كاروري وإخلاص
فكروا في موضوع الخارجية بهدوء
حتلقوا الموضوع دا صعب يتبلع
معقول كل شوية الناس تكورك والسبب
في جهة شغلة تحشر في الكيزان والأمنجية
في وزارة الخارجية.. العملية دي متكررة ومستمرة
شوفوا كم كوز بكون تم تسكينه في وزارة الخارجية
في ظل حكومة الثورة ومافي زول جاب خبره

إنتوا كان قادرين تبلعوا الموضوع المريب دا
أنا غلبني والله

هههه اقبل غلبك بس كمان ما تسخن
اكتبها برااااحة و ختها لينا بشويش

مثلاً من هو السيد ..... الذي يشغل منصب ...
ولو عندكم معلومة عنه ، الناس تقوم وتقع
وتجيب الCV والسيرة الذاتية ونعرف نقط
قوته وضعفه

Quote: إنتوا كان قادرين تبلعوا الموضوع المريب دا أنا غلبني والله

هههه والله ياعظمة اضحكتني . رغم الالم .
شوف ياحبيب ، انت عارف وانا عارف ، والناس كلها عارفه . ان هناك من يسعي لتقويض الوضع الحالي باي ثمن . وللاسف هم كثر جدا .
وللعلم . الكيزان هم ثلاث ارباع الشعب السوداني ، هذا ان لم يكن الشعب كله " مكوزن " .
قد تجد احدهم كان علي علاقة مع النظام السابق ، او كان يعمل معهم . ولكنه مازال حيا حتي اللحظة . فماذا يفعل هذا الشخص ليكفر عن ماضيه " المشبوه " ؟ هل يذهب وياخذ عائلته معه ، ويلقوا بانفسهم في النيل ؟
هذا غير المتعاطفيين معهم " ساي كده " . ومعظمهم من البسطاء .
اذا استسلمنا للواقع من هذا المنظور ، فهذا يعني اننا سنفقد 20 مليون سوداني في ظرف اسابيع قليله ، ويكونوا كلهم في باطن النيل .

فلترة الشعب ، هذا كوز ، وهذا ابريق . لن تسهم في اصلاح حال البلد المائل ، بل بالعكس ، ستزداد المعاناة ، وتعم الفوضي ، وهذا بالضبط مايريده العسكر .
هم ينتظروا هذه الفرصة للقفز بالزانه ، كما فعل اسلافهم السابقين . ويجلسوا علي رقابنا ورقاب اولادنا 40 عاما اخري .
الحكم المدني في كل بلاد العالم ، فيه التجاذبات ، واختلاف الاراء ، وعادة مايتم التداول والتنازل من هنا او هناك في سبيل المصلحه العامة . وفي النهاية تمضي المسيرة .
وهذا ما لايتوفر لدي الحكم العسكري . فالحكم العسكري ، حكم قرقوش ، ويمرر مقترحاته بالتعليمات ، وغصبا عن اي شخص اخر . واذا اعترضت . فزنازينهم تستوعب الكثيرين .
يجب علينا استغلال المناخ الحالي ، وتقويم المخطئ ، ولنبدأ بانفسنا . فهي فرص لاتتحقق لكثير من الشعوب ، وهذه اللحظات لاتاتي بالهين ، فمهرها دماء زكية ، سالت في سبيل ذلك .


تحياتي ،،،،

سلام عظمة انا ما متأكد لكن مش القنصل يتم تعيينه من جهاز الأمن والملحق العسكري من القوات المسلحة غايتو لو كده يجيبوا ليك زول ما كوز ولا شبيه كوز من وين 😂

يا عظمة لا يجب السكوت وعلي لجان المقاومة تنظيم مليونية بإقالة الكوز حمدوك.
بالله اتلحوا لغاية ما يلحق أكرم وامات طه زاتو.
حمدوك الجيل الثالث من الكيزان 😂

عاطف عمر بتاع حلة تحت
شكلك مشتهي ليك بطيخة مشققة

https://top4top.io/

انت اوت اوفديت
مخك وقف 1964
ثورة شنو يا مواطن
امشي بيع بطيخ خلي السياسة ما تضرسنا