بول البقر يضع النهاية ل كوفيد 19

04:10 PM September, 13 2020 سودانيز اون لاين
Osman Musa-
مكتبتى
رابط مختصر

(adsbygoogle = window.adsbygoogle || []).push({});

كشف نجم بوليوود، أكشاي كومار، عن عادة يومية خاصة جدا، مؤكدا أنه يشرب يوميا بول البقر، الذي ينسب عدد متزايد من الهنود له منافع علاجية ضد أمراض عدة، بينها كوفيد-19.ويُعرف الممثل بتأييده الشديد لحزب رئيس الوزراء الهنديناريندرا مودي الذي يستثمر ملايين الدولارات لتطوير منتجات محضرة من بول أو روث هذه الحيوانات التي يقدسها الهندوس المتديّون.ويعزى لهذه المنتجات قدرات مفترضة في مكافحة السكري أو السرطان كما  تُستخدم في صنع معجون الأسنان، لكن لم تثبت أي دراسة علمية متكاملة هذه المزايا المزعومة.وكشف أكشاي كومار، البالغ 53 عاما، هذه المعلومات خلال حوار عبر وسائل التواصل الاجتماعي للترويج لبرنامج تلفزيوني مع المغامر البريطاني بير غريلز.وخلال البرنامج، يتناول الرجلان الشاي المحضر من فضلات الفيلة، داخل محمية نمور هندية.أخبار ذات صلةتوقيف ممثلة هندية في إطار تحقيقات انتحار نجم بوليوودوقال كومار للممثلة هوما قرشي خلال المحادثة "لم أكن قلقا. أتناول بول البقر يوميا من أجل مزاياه العلاجية في الطب التقليدي الهندي (أيورفيردا)، وهذا سر ارتياحي".ويتناول الكثير من الهندوس بول البقر من أجل مزاياه الصحية المفترضة. كما أن أعضاء في حزب مودي (بهاراتيا جاناتا) يوصون بتناول بول أو روث الأبقار للوقاية منفيروس كورونا المستجد، وذلك  بحسب ما أوردت "فرانس برس".وقد أقامت منظمة "أل إنديا هندو ماهاسابها" الهندوسية في منتصف مارس احتفالا في نيودلهي للترويج لهذه الخلطة كسلاح بوجه كوفيد-19.وسجلت الهند 4.6 ملايين إصابة بالفيروس الذي أودى بحياة 76 ألف شخص في البلاد.

ول أبا عثمان ..
سلامات ..
وأنا ذاتي عندي علاج ضد الأمساك .. مجرّب .. وأي زول فيكم يكن لديه أمساء وعايز يسهل وبسرعة أكثر من حبة الأسهال .. الغالية ..
عليه أن يعمل الأتي:
يمشي زريبة البقر .. ويمسك ضنب بقرة يسغله بالماء .. ينظفة تماماً .. ثم يغمسه في اللبن ويخجه .. ثم يشرب اللبن .. لكن لازم الحمامات تكون قريب .. وشوف بعينك!

--------------------------------
أي زول لم يغسل ضنب البقرة قبل غمسه في اللبن .. يعرض نفسه لإسهال شديد .. ويحتاج لسوائل.

بريمة

مرحب ببقارة العاصمة واشنطن
أخونا أستاذ بريمة .
عان جاي يا بريمة . الزول يغسل ضنب البقرة ولا ضنب الككو؟
ياخ ضروري تحدثنا حديث شامل عن أسرار الأبقار وانت ود والبقارة الخبير .
الف شكر على'المرور الكريم

في السعودية أبوال الابل

● و نحن في أم هبج بطانة أب علي، بول الضان
دا تكطع شنباتك وراو . ياخي دا ما بيخلس زاتو .
طبعن ي عصمان ، نحنا ناس الفنطاظ طاظ طراظ
قدو البرميل قلبلوه باظ. وكت نجي متسوقين تمبول
دي كلو راكب على بعضو: النساوين و الغنم تحت و نحن
وناس عمك البلولة عارفنا وين بنكون مشعلقين في السيخ.

● فمرة ود عمتن لينا قنديف كدا شغال في قطر وجايينا من الهوج .
لابس السفاري دا آخى جنصصة و راكب تحت ففي نعجة راقدة مع البُمبة
قامت(إتمختت) ليو في رسمتو العاجباو دي .. فقعد يتأفف و يسب و يلعن
في اليوم زاتو الجابو هنا . أها قام سيد النعجة من عروبنا ديل لسانو دا زاتو
متبري منو؛ فسمعو و سعل منو قالولو: دا جناين هول ناس ود اللصيل ديل لاكنو
غريب و شبهو كدي مغترن بالخارج ؛ ظنيتو جاي من بلادي برة . فقام عمك
فجاهو و لكزو ليك براس كرباج و قاللو : هوي آ اللفندي كدي عان جاي
و الله خالك ود اللصيل سارح بهن من تب معانا و بتقريف لبولن ساه؛
و كان ما كرَّع فوقو لامن رِوى ظنيت ترميه خرمة. و بعداك
هبش ضراعو للسكين و قاللو : "وحاتي كان تشمها "!!

تحياتي عثمان
الناس اتعالجت بالليمون والتعرض للشمس وبالجنزبيل والقرض وما شابه
البجبر الزول على بول البقر شنو ؟!

عزيزى عثما موسى وضيوفه

تحايا طيبات

كلها مشتركة فى أنها مجترة وأنها أنعام منزلة للبشر، ففوائدها كثيرة

يقول الله عز وجل في الآية الكريمة من سورة الزمر: ( وأنزل لكم من الأنعام ثمانية أزواج )

وفى سورة الأنعام فصل الله تعالى الأنعام (ضأن، ماعز، إبل، بقر) وكلها حيوانات مجترة:

وَمِنَ الأَنْعَامِ حَمُولَةً وَفَرْشًا كُلُواْ مِمَّا رَزَقَكُمُ اللَّهُ وَلاَ تَتَّبِعُواْ خُطُوَاتِ الشَّيْطَانِ إِنَّهُ لَكُمْ عَدُوٌّ مُّبِينٌ

ثَمَانِيَةَ أَزْوَاجٍ مِّنَ الضَّأْنِ اثْنَيْنِ وَمِنَ الْمَعْزِ اثْنَيْنِ قُلْ آلذَّكَرَيْنِ حَرَّمَ أَمِ الأُنثَيَيْنِ أَمَّا اشْتَمَلَتْ عَلَيْهِ أَرْحَامُ الأُنثَيَيْنِ نَبِّؤُونِي بِعِلْمٍ إِن كُنتُمْ صَادِقِينَ

وَمِنَ الإِبِلِ اثْنَيْنِ وَمِنَ الْبَقَرِ اثْنَيْنِ قُلْ آلذَّكَرَيْنِ حَرَّمَ أَمِ الأُنثَيَيْنِ أَمَّا اشْتَمَلَتْ عَلَيْهِ أَرْحَامُ الأُنثَيَيْنِ أَمْ كُنتُمْ شُهَدَاء إِذْ وَصَّاكُمُ اللَّهُ بِهَذَا فَمَنْ أَظْلَمُ مِمَّنِ افْتَرَى عَلَى اللَّهِ كَذِبًا لِيُضِلَّ النَّاسَ بِغَيْرِ عِلْمٍ إِنَّ اللَّهَ لاَ يَهْدِي الْقَوْمَ الظَّالِمِينَ

(آذان الأنعام يا أستاذ دفع الله ود الأصيل)

غايتو ف الخرتوم ،
بول التيس العميان بيجلي البصر ،
ويقضي نهائي علي
( Coronavirus ( COVID-19

***
تحياتي
Biraima M Adam
Osman Musa
والإخوة الكرام ،
،،،،







عزالدين عباس الفحل
ابوظبي

عزيزنا أستاذ نادر
سلامات
تعبنا وهرمنا بين ترس العسكر في القيادة وترس الفيضان اب تماسيح .
وتموها اهلنا الهنود بي بول البقر .
ياخ نحاول نجدع ليك فتيل تختف رجلك لاعن معمل جون هبكينز
تحلل لينا الشغلة دي عشان الجماعة ما يقعوا تكركع ساكت .
تحياتي

أخونا منتصر
سلام
البجبر الهنود العلاقة الدينية للهنود بالبقر .
واكيد انت عارف العلاقة.

ود الاصيل سلام
عمك شممو السكين ؟
كرفوا ليها عديل ؟
العالم مليان أسرار . هسع انا اليومين دي في عرب من اهلنا
في بداية الكبابيش مكلمني بي سر عجيب .
تجربة دايرين لابد نختها في فتايل مختبرات جون هوبكينز .
لو نجحت لابد نرسل منها لي جدك ود الاصيل ( طنوب )في فتيل

الفنان ترهاقا
سلامات
هههههها
قلت لي هناك بقولوليها ابوال الابل؟
برضو عندها منافع كتيرة.
وخاصة بول الناقة البكرية. تشربو الصباح مع النجمة.

Quote: غايتو ف الخرتوم ، بول التيس العميان بيجلي البصر ، ويقضي نهائي علي ( Coronavirus ( COVID-19

هوايل ..؟!!
وليه بس يكون أعمي !!

ول أبا عز الدين الفحل .. موتنا بالضحك!

بريمة

♧ عجيب أمرو ، ود أبونا آدم دا ؛ شوف بالله ربنا بقول ليو شنو في سياق الأية الكربمة هنا :
{وَإِنَّ لَكُمْ فِي الْأَنْعَامِ لَعِبْرَةً ۖ نُّسْقِيكُم مِّمَّا فِي بُطُونِهِ مِن بَيْنِ فَرْثٍ وَدَمٍ لَّبَنًا خَالِصًا سَائِغًا لِّلشَّارِبِينَ}
و بعداك رفس اللبن و مشى يكوس و يرمرم في الفرت و العواليق ياكلو عشان يداوي الكرونة؟!
▪ فيه مصداقٌ لقوله تعالى { و لو شئنا لرفعناه بها .. و لكنه أخلد إلى الأرض .. و اتبع هواه }
● نفس حكاية الصعيدي اللي دخلوه الجنة و قالو ليو:{ لهم فيها فاكهة..و لهم ما يدعون} ؛
لكن أول ما دخل قال أكتر حاجة أنا نفسي فيها و مشتهياها فسيخ و عليه فحل بصل!!

Quote: لكن أول ما دخل قال أكتر حاجة أنا نفسي فيها و مشتهياها فسيخ و عليه فحل بصل!!

ههههاي .. ول أبا ود الأصيل،
حسي أنا علاجي الفوق .. لبن .. تغسل ضنب البقرة .. لأن البقرة ببتول فيه .. ثم أغمسه في اللبن ..
البول علاج هندي!

بريمة

و ل ابا شيخ عربنا بريمة ، حاشاك لله أن تكون ضلاً اومضلاً و أنت
صاحب فطرة إينمانية سليمة هكذا نحسبك و الله حسيبك. ولا يفوتك أنو ربنا
ما حرم علينا خبيثاً ، إلا لعلمة سلفاً بمدى مضاره على صخة أبداننا و عقولنا ؛
و إلا أبدلنا عنه بخير وأطيب منه كما هو حجال اللبن والخمر. سواء من ح يث
المذاق أو (كلفة) الحصول على أنهما.(وَاعْلَمُوا أَنَّ فِيكُمْ رَسُولَ اللَّهِ ۚ لَوْ يُطِيعُكُمْ
فِي كَثِيرٍ مِّنَ الْأَمْرِ لَعَنِتُّمْ وَلَٰكِنَّ اللَّهَ حَبَّبَ إِلَيْكُمُ الْإِيمَانَ وَزَيَّنَهُ فِي قُلُوبِكُمْ
وَكَرَّهَ إِلَيْكُمُ الْكُفْرَ وَالْفُسُوقَ وَالْعِصْيَانَ ۚ أُولَٰئِكَ هُمُ الرَّاشِدُونَ )

أوووو كايبوى فرجينيا ...
والبريسكربشن الموخمج.
آ آياااها...

Quote: لبن .. تغسل ضنب البقرة .. لأن البقرة ببتول فيه .. ثم أغمسه في اللبن

وتتراوح اللوقد ، ما تنسى القرجة بتحتاجا تغرسا فى شق
عشان قعدتك ممكن تطول.