Post: #17 Title: Re: أغاني للدكتاتورية Author: محمد البشرى الخضر Date: 09-13-2020, 06:37 AM Parent: #16
يستاهل يا هيثم دي أسرع تعـــرصة في تاريخ الديكتاتوريات السودانية! قبل ما تبقى ديكتاتورية حتى زي الناس!
Post: #18 Title: Re: أغاني للدكتاتورية Author: عبد الصمد محمد Date: 09-13-2020, 07:12 AM Parent: #14
إزيك يا قبة نميري في بدايتو كان شخصية مختلفة تماماً عن بعد 1971 لاحظ لما بعد الدقيقة 2:30 كانت أشكال أعضاء مجلس قيادة الثورة كيف وبعديها ب 10 سنوات بقوا كيف
سلام هيثم الغالي ولله ما لميت في نشيد عطبرة صفقت للمشير ونحتاج معاونة محترفين زي قباني لكن من أغاني ذلك العهد
Post: #19 Title: Re: أغاني للدكتاتورية Author: عبد الصمد محمد Date: 09-13-2020, 07:19 AM Parent: #18
صديق متولي ههههههههه مقلبوه المسكين هاك صلاح مصطفى يا هندسة يغني للبشير
Post: #20 Title: Re: أغاني للدكتاتورية Author: عبد الصمد محمد Date: 09-13-2020, 07:31 AM Parent: #19
الكيزان لسببين لم يغني لهم الا قلة من الفنانين السبب الأول توجههم المتزمت والسلبي تجاه الفنون السبب الثاني إنغلاقهم على من والاهم لذا لم تغني لهم إلا عدة فرق شبابية متوسطة المستوى أشهرها نمارق التي لم تعمر طويلاً
Post: #21 Title: Re: أغاني للدكتاتورية Author: عبد الصمد محمد Date: 09-13-2020, 07:33 AM Parent: #20
Post: #22 Title: Re: أغاني للدكتاتورية Author: عبد الصمد محمد Date: 09-13-2020, 07:37 AM Parent: #21
بالله شوف كانوا بخدعوا في هؤلاء الشباب الغر الذين حشوهم بعواطف عن حور الجنان فماتوا في أحراش الجنوب أما البشير وقيادات الكيزان تمددوا في المال الحرام والفحش في الدنيا
Post: #23 Title: Re: أغاني للدكتاتورية Author: عبد الصمد محمد Date: 09-13-2020, 08:09 AM Parent: #22
وشوف الإستلاب الديني دا دي قصيدة الكوز اليبي عمر خليفة النامي والتحتها قصيدة سيد قطب الكوز المصري والكان وراء كل حركات التطرف والجهاد زي القاعدة وداعش واخواتهم
Post: #24 Title: Re: أغاني للدكتاتورية Author: عبد الصمد محمد Date: 09-13-2020, 08:10 AM Parent: #23
Post: #25 Title: Re: أغاني للدكتاتورية Author: عبد الصمد محمد Date: 09-13-2020, 08:16 AM Parent: #24
شوف بالله كمية الشحن العاطفي بإستخدام الدين في دفع الشباب للموت في ساحات الحروب العبثية وأنظر كيف كان يعيش الكبار البشير وأخوانه وعبدالرحيم ونافع وكرتي لكن العبرة بالخواتم أين كانوا وأين أصبحوا
Post: #26 Title: Re: أغاني للدكتاتورية Author: عبد الصمد محمد Date: 09-13-2020, 08:27 AM Parent: #25
Post: #27 Title: Re: أغاني للدكتاتورية Author: محمد البشرى الخضر Date: 09-13-2020, 08:52 AM Parent: #25
الانقاذ عندها مرحلتين يا عبد الصمد. بعد المفاصلة ونهاية حقبة الجهاد انتهت حقبة الاغاني الجهادية و التي تمجد ثورة الانقاذ ككل (بما فيها اغنية ترباس هبت ثورة الانقاذ) حتى هنا كان التمجيد للثورة و شعاراتها وليس لشخص البشير ثم بدأت حقبة تمجيد الدكتاتور و هنا تم توظيف اغاني الحماسة و الحرب و الفراسة و ظهر قيقم و شنان اي نعم لم يذكر اسم البشير وتم توظيف اغاني الدلوكة و العرضة. لكن واحدة من أكبر التـــعاريص للديكتاتورية و التي كانت صادمة حقا القصيدة التي القاها الراحل فراج الطيب في حضرة البشير!
Post: #28 Title: Re: أغاني للدكتاتورية Author: أحمد محمد عمر Date: 09-13-2020, 09:39 AM Parent: #27
أنا عندي رأي مختلف كل الأغاني الاتألفت في نميري قبل 74 ما بعتبرها تمجيد للديكتاتور لأنه لحدي الوقت داك كان بطل ملهم وليس ديكتاتور بالمعنى الأصلي كان راجل بسيط يمشي بين الناس وعندو لقاء المكاشفة في التلفزيون وبحارب الفساد والمفسدين وصاحب خطب حماسية ووسامة وجسم رياضي لا يصعد سلم إلا عدواً وتنتنشر صور بساطته ونحن السودانيين أو كل الأفارقة عموماً مغرمين بفكرة البطل الملهم عشان كدة التغني كان عاطفة وليس تعـريص كذلك نفس الحال بالنسبة للشباب الاتغشوا ومشوا الجهاد في الجنوب في التسعينات ما كانوا بثبتوا في دولة البشير بل كانوا حمائم مساجد ومن المشهورين بالصلاح الديني وفي أناشيدهم دي كانوا صادقين فعلاً إنهم بفتشوا عن الجنة والشهادة وسعوا ليه فعلاً وقدموا أرواحهم فداء لفكرتهم. فهم كانوا مجذوبين مخدوعين دينياً وعيهم مغيب وما كانت العولمة انتشرت ولا الوعي .. يعني ما زي هسة واحد يكتب ليك أي مفهوم مغلوط تقوقله وتجي تغالط بقلب قوي .. مواعين المعرفة ما كانت منتشرة والناس لسة بتسأل إمام المسجد عن فتاوى السفر والإفطار والطلاق وتاخد كلامه منزل فالناس دي ضحايا - في الزمن داك - ومن عاش فيهم شاف الكافر جون قرنق الكانوا بدخلوا بقتاله الجنة بقى نائب أمير المؤمنين عادي واقتنعوا بأكذوبة الجهاد المقدس فالحاصل في الإنقاذ نفس الحاصل في نميري .. الكانوا بنشدوا هلم رسول الله أعددنا العريش ما كانوا بعـرصوا ولا بمجدوا في ديكتاتورية ولا طالبين مكاسب دنيوية بل كانوا بقدموا في أرواحهم عديل كدة مقابل إيمانهم بفكرة الجهاد. لكن الفنانين اللي التفوا حول البشير لاحقاً زي محمد بخيت وقيقم وغيرهم ممكن نقول عليهم بمجدوا الديكتاتورية
Post: #29 Title: Re: أغاني للدكتاتورية Author: محمد البشرى الخضر Date: 09-13-2020, 11:20 AM Parent: #28
يا احمد الدكتاتور ما بتولد دكتاتور لكن بصنعه - من ضمن ما يصنعه - هذا التعــريص و التغني باسمه و صفاته حتى وان لم تكن صحيحة, النفس البشرية مجبولة على حب الثناء و تعاف النقد خاصة على العلن وقصة مغرمين بفكرة البطل الملهم و المخلص غير القابل للنقد دا اول عتبة في سلم صناعة الدكتاتور هسي شوف بوستات الفحل في والي الخرطوم مثلا مش صناعة دكتاتور على نطاق ضيق! ارجو ان لايكون لديه وقت لمطالعة الاسفير عموما و سودانيز خصوصا
بالنسبة لاناشيد الجهاد و الجهاد عموما نعم هناك البعض كانوا مخلصين للفكرة لكن كمان كان في من يرى في ما سمي بالجهاد مجرد وسيلة اكل عيش و ترقي و حتى المخلصين منهم البعض بالنسبة له مخلص لفكرة اقتنع لكن ليس عن ايمان بتعاليم الله و روح الاسلام والتقوي التي أمر بها, وإلا من يجاهد في سبيل الله كيف يقبل ان يأكل سحت او يأخذ درجات على امتحان لم يجلس له أو يتخطى دفعته في الترقية او ينال وظيفة لا عن مؤهلات بل بسبب انه جاهد في فترة ما أكبر كذبة اختلقها هؤلاء و ادعوا تصديقها كذبة: هي لله!
Post: #30 Title: Re: أغاني للدكتاتورية Author: أحمد محمد عمر Date: 09-13-2020, 03:24 PM Parent: #29
نعم يا محمد أصلاً البطل يطرب للمدح ثم يصبح ديكتاتور بس لازم نكون منصفين في إنه نميري لما تغنوا ليه الشعراء في بدايته ما كان ديكتاتور لكن أي زول تغنى ليه بعد الإعدامات النفذها ممكن إدانته امتحانات المجاهدين ودرجاتهم دي جات في النصف الثاني من التسعينات بعد ظهور المنسقين الشايلين شنطة تمكنا لكن في بدايات جهادهم ما كان أي مكسب دنيوي هم كانوا مولانات وحمائم مساجد دي ما فيها كلام ومشوا عن قناعات دينية واتغشوا بقصص الحور العين وغزالة اسحق فضل الله لكن نهائي ما كانوا قاصدين كسب مادي دنيوي .. مجرد ناس مخدوعين زيهم وزي الصوفية المقتنعين بي إنه شيخهم بصلي في الكعبة وبطير في البحر محاسبة قناعاتهم دون اعتبار السياق الزماني والحضاري فيها ظلم ليهم .. نحن عشنا زمان قوقل وهم ما عاشوهو .. نحن منفتحة أمامنا معارف الدنيا كلها ومافي زول بطلسنا بي اسم الدين لكن في زمنهم كان الدين هو إمام المسجد والداعية البيجي الحلة يقول كلام الخير والإيمان ومافي معارف وكتب متوفرة تقدر تعرف منها الصاح والغلط بس من بعد مفاصلة رمضان انتهى ارتباط الدين بالحركة الاسلامية وأصبح الموضوع سياسة في سياسة ومن بقى من المجاهدين اختار الدنيا عبر المؤتمر الوطني أو اعتزال الحراك الإسلامي بعد التضييق على الشعبيين وبعديها أصبح الجهاد مكسب دنيوي بتم الحشد ليه عبر مكاتبهم في المنسقيات وليس استنفار الجامعات زي أول وبعديها الموضوع بقى مفضوح تمشي مناطق العمليات يدوك 7% زيادة تدخل بيها الجامعة العاوزها .. تمتحن في مناطق العمليات تدخل بالكتاب والأساتذة والزمن مفتوح .. انت كوز في الجامعة ما جاهز للامتحان ما تمتحن الدكتور الكوز بتاع عيادة الجامعة بظبط ليك ميديكال محترم ولا حتى تمتحن امتحانات مجاهدين
Post: #31 Title: Re: أغاني للدكتاتورية Author: عبد الصمد محمد Date: 09-13-2020, 08:37 PM Parent: #30
اتفق معك يا ودالبشرى بأن الظروف (ولكن ليس وحدها من يخلق الدكتاتور) فالإستعداد الذاتي وهذا أحياناً يظهر منذ وقت مبكر في شخصية الدكتاتور فتجد الناس يقدمونه للقيادةشخص مثل غاندي حتى عندما تحين الظروف شخصيته تنفر من الهيمنة والتنمر كذلك أذكر في بداية الإنقاذ كان هنالك والي للخرطوم اسمه محمد عثمان محمد سعيدعلى ما أعتقد ونائبه رامبو كان واضح أن شخصية محمد عثمان بعيدة جداً عن الدكتاتورية و شخصية رامبو على العكس من الكيزان كان هنالك الطيب زين العابدين وحسن مكي وربما لحد ما محمد طه نفروا من الإنقلاب على الديمقراطية وحاولوا رغم الضغوط عليهم النأي بأنفسهم عن ناس علي عثمان والبشير والترابي وأمين حسن عمر وأفضلهم كان المرحوم الطيب زين العابدين
يا أحمد محمد عمر أتفق معك مية المية إنه أكبر ضحايا الإنقاذ كانوا الشباب في سن الثانوي والجامعة وهذه السن يبحث فيها الشاب عن مثال وحلم وجدوه في جنة السماء ما دامت جنة الأرض غير ممكنة ومعظمهم كانوا يؤمنون بأنهم يجاهدون في سبيل اله وموعدهم الجنة
Post: #32 Title: Re: أغاني للدكتاتورية Author: عبد الصمد محمد Date: 09-13-2020, 08:57 PM Parent: #31