♧ يا حَمْدَكَة .. لسة شُغْلُكَ مَعانا حَنْدَكةٌ في حَنْدَكَةٍ£

10:57 AM September, 11 2020 سودانيز اون لاين
دفع الله ود الأصيل-
مكتبتى
رابط مختصر

(adsbygoogle = window.adsbygoogle || []).push({});

●الله يطولك يا رووووح.. ما تروح!!

حباب ود الحيشان التلاتة
فتش عن العسكر في اي معضلة
كيف انك يا طيب
المهم البلد يبقى طيب و انا البي كلو هين

▪لينا زمن نفتش ليك..و جيتنا الليلة حارسنا يا فارسنا
و يا فاتح منافسنا .. و مبدل مناهج مدارسنا . علا مما
جيتنا تراكا مكنكش لينا في شطرن ميت. و همة اسمها:
الرفع من (ركوع) عقوبات عم ريكا ثم (السجود) لها.

Quote: ▪لينا زمن نفتش ليك..و جيتنا الليلة حارسنا يا فارسنا و يا فاتح منافسنا .. و مبدل مناهج مدارسنا . علا مما جيتنا تراكا مكنكش لينا في شطرن ميت. و همة اسمها: الرفع من (ركوع) عقوبات عم ريكا ثم (السجود) لها.

و الله ماك نصيح يا ود الحيشان التلاتة
إت يا جنا ما لقيتلك زول يقرالك و لا محاية ؟ هههههه
محبتي الإنتا عارفا

Quote: عم ريكا

ول أبا ود الأصيل، نحن لا نقبل إستهزاء في بلدنا الذي آوانا .. لازم تقول "أمريكا سيدة دول العالمين" ..

وبعدين: يا حمدكة .. لسة كلامك لين حنجكة في حنجكة .. الزول دا مرخ رخ ساكت ...

بريمة

Quote: حنجكة في حنجكة

اسمها هنجكة يا برمة المريسة مش حنكة
يا صاحب الأصول الجهينية و انت قاعد تتهنجك
لكن بننجمك نجام قبورة
و لو اتطاولتا بتمشي من هنا عادي

Quote: حباب ود الحيشان التلاتة فتش عن العسكر في اي معضلة كيف انك يا طيبالمهم البلد يبقى طيب و انا البي كلو هين

مييين؟ موش معقووووول. فردتي خدر ؟!!
صدقني زعلان منك لامن هدا لي داير انفقع ؛ بس
"لسة ما انقعتا أن جيت أعاين". فبالله دي عملية يعملا
نجار في عود؟! طبعن سمعتو ما ظنيتك لأني بريدك يشهد
الله متل الشيء السمح .. من جوة كناكين "قلبي المفتول
كمد..يا حليلو". فلازمن يكون" شالو الكلام جابوهو ليك
و باين عليك صدقتهم .. و الجوة قلبك في عينيك" !!!

▪ رسلت ليك كم مشاغبات؛ و عشان أقبضك متلبسن بتهمة
التخفي ، عزمتكم عديل إتا و عربينا ود اللمير لعضة الضحية
بي شربوتا كرستال بركاوي يخليك تمش 7 لقدام و 8 لورا ورا.
لكن عرفتوها ضربتوني طناش، لا أنت لا بدر.عمومن، حمدله ع
السلامة؛ البراك جيدن ياسمير جيتا..لا حجبوكا و لا نسيتا!!

Quote: Quote: عم ريكا》 ول أبا ود الأصيل، نحن لا نقبل إستهزاء في بلدنا الذي آوانا .. لازم تقول "أمريكا سيدة دول العالمين" ..و بعدين: يا حمدكة .. لسة كلامك لين حنجكة في حنجكة..الزول دا مرخرخ ساكت ...

● حاضرين ، ول أبا شيخ عروبنا/ بريمة آدم بلل الشيب، جنا الناظر"أصوسة" كما تحلو لي .
فعلن قالو: وطنك ليس فقط مسقط حبل سرتك؛ و إنما برضو بكان عيشتك و مسكن راسك..
لكن ، شكلكم كدا هناك ذكرني حكاية أبو الشوش داك القالو مشى الحج و في رمي الجمار كان
مبلم وشو بإحرامو. سألوه لشنو عامل كدا قال: ملاوز منو؛ يبقى يوم أحتاجلو في حاجة.

Quote: Quote: {حنجكة في حنجكة} اسمها 《هنجكة》 يا برمة المريسة مش حنكة يا صاحب الأصول الجهينية و انت قاعد تتهنجكلكن بننجمك نجام قبورة و لو اتطاولتا بتمشي من هنا عادي

▪يا خدوري بام بشويشك على بريمتنا دا . يمكن يوم
نحتاحلو يجازف لينا (غرين كارد) بالواسطة. وكتين
كطعنا العشم فيكم ، أنتو ناس الخليج . ياخيا كافي
البلا و يا حايد المحن لا خيرن منكم و لا دخانن يعمي.

●ثمح ، بمناسبة الهنجكة، هاك دي طاظة منكم غادي في
دوحة الجميع و كعبة المضيون. محل قالو الجداد الكويتي
دا تمخمخ و الدهن سايل ليك بي سداغات و لي عن كيعانك .
● فقالو تطير، دا بدوي من ناس مضمار الهجن في الشوحانية ،
لافح كملة هنجكة بدون فهم؛ أكان من خشوم المضمرين و لا جانا
للمقناص و لا القراية أم دق هنا ماني عارفو. فبيحكي لواحد صاحبو
سوداني. قالليو: ساكنين جيراني سوادنة في مجمع، و عرباتم أكتر
من الباركنات . فمزاحمني في موقفي ؛ طوالي ألقاهم مبركنين في
محلي. لامن يوم دمي فار و ركبتي جني الكلكي مشيت دقيت ليهم
الباب بي شبشبي. جاتني أمهم مرة آخر حشمة صراحة؛ لكن بالزعلة
صرفت ليها بركاوي، قت ليها: اسمعو با زولة هوي، أحسن ليكم تبطلو
هنجكة و تختو موقفي.أها من ديك و عيك انقرعو؛ و لا يوم الليلة ما في
زول عتب بكراعو ناحيي. فبالله يا زول تفسر لي الكلمة السحرية دي !!

Quote: و الله ماك نصيح يا ود الحيشان التلاتة إت يا جنا ما لقيتلك زول يقرالك و لا محاية ؟ هههههه محبتي الإنتا عارفا

● عارفا بلحيل ، عزيز دنياي خدوري، يا أعز عزيز
"كنت معاكا سعيد و الليلة في بعدك ما أضناني و اصبر
يمكن يفيد صبري و .. يمكن ترجع تاني .. ترجع تاني".
▪لكن؛ خايفين أكان نضمنا يقولو ما نصيح وأكان مسكنا
خشمنا طبقنا الخمسة فوق اللتنين ياها "الهبيكة غرقت"

( شكلكم كدا هناك ذكرني حكاية أبو الشوش داك القالو مشى الحج و في رمي الجمار كان مبلم وشو بإحرامو. سألوه لشنو عامل كدا قال: ملاوز منو؛ يبقى يوم أحتاجلو في حاجة. (

الأخ الفاضل / دفع الله ود الأصيل
التحيات لكم وللإخوة الأفاضل

مداخلة بسيطة :
الوحيد الذي يخذل عند الحاجة هو ذلك ( إبليس ) .. ويقال أن رجلاً كان مرهقاً ثم نام تحت حائط .. وبعد فترة من الوقت جاء من يوقظه على عجالة ويقول له ( قم بسرعة من مكانك فإن الحائط على وشك الوقوع !! ) .. وفعلاً قام الرجل بسرعة شديدة من مرقده وأبتعد عن ذلك المكان والحائط .. فإذا بالحائط يسقط في نفس المكان الذي كان ينام فيه الرجل .. فتقدم الرجل وشكر ذلك المنقذ وقال له أنت رجل طيب فمن أنت يا ذلك الرجل ؟؟ .. فقال المنقذ أنا ( إبليس ) ذلك الذي يلعنه الناس .. فقال له الرجل ولماذا أنقذت حياتي وأنت يلعنك الناس ؟؟.. فرد إبليس وأجاب قائلاً : ( كم أنا مظلوم مع بني الإنسان ،، وأنا أنقذت حياتك حتى لا تموت شهيداً وتدخل الجنة حين يسقط عليك الحائط !!! ) .. ذاك هو إبليس الذي يريده صاحبك أبو الشوش أن يساعده عند الحاجة !!!

وفي الختام لكم خالص التحيات .

▪ممتن للنخاع لنزولك ساحتنا سهلاً و حلولك مهلاً
أخوي عمر عيسى محمد أحمد، بوجهٍ صبوح و منور
و لكَم وددت أن يكون لي معك خيط رفيع للأخذ و الرد .
و رغم أنه لا يزال لديَّ في كنانة سهامي مزيدٌ من القنا
لأطلقه في هذا الاتجاه . و لكن دعنا نحتفل بك ضيفاً كريماً.
خاصة و أن ما تفضلتَ به من خذلان إبليس ، ليس بعيداًعما
رمينا إليه منذ افتىعنا لبوست بهكذا " عنوانٍ صادمٍ " .

● إذن ، حي الله مجدداً أخوي عمر و بياك . طبعن لعله ليس
خافياً عليك أننا هناعنقالة ساي من(حزب الكنبة الورانية ؛ ما
لينا كبير غرض في أولئك و لانا عارفين من وين أتانا "هؤلاء".
ولا هامينا البنا و لا البناول الطين عشان كدا لاقيين راحتنا تب ،
نقول راينا بمزاج . غلا خوفٌ علينا و لا هم يحزنون فكدي
عندي ليك واحدة مماثلةٌ تعال تقزقز بيها نتأمل فيها سوا
و نقول شلوووووم و نعبد شلووووم على نيل بلادنا!!

● جماعة عزابة ساكنيين سوا و حصل نقاشٌ حادٌ كاد أحدهم،
على إثره ؛ يفتح راس أخيه بكراع طربيظة عرجاء فقدت إحدى
سيقانها في عراكٍ عبثي ببن ثمالى في حانة للصيادين. لكن واحد
محضر خير قال ليهم : يا أخوانا قولوا بسم الله ؛ ألعنوا الشيطان
و باركوها خلاس . قام نطَّ واحد تاني ملقوف عامل فيها أبو عرام
قال ليهم : انتو هسي إبليس دا ذنبو شنو؟ ناس بتاعين شبك بس.

● الشاهد أنو بالليل لامن صاحبنا دا أوى إلى فراشه و جر بطانيتوو راح
في سابع نومة قام جاهو إبليس اللعين في حلمة طويلة طقمعاه حنك صاح؛
قال ليه : ياخ أنا مبسوط منك بجنس بسطة شديدة بلحيل؛ طبعن لأنك دافعت
عني عن ظهر غيب و نصرت أخاك مظلوماً. ظلم الحسن و الحسين !!

● فشنو ؛ هسي أنا عايز أكافيك لرد جميلك الصاع بصاعين. فدحين
فكدي تعال اركب في ضهري دا أعملني بساط ريح و حأطير بيك أحوِّم
بيك الدنيا دي من أدناها إلى أقصاها. فقال ليك إبليس اللعين طاير بالبني آدم
دا يفرَّج فيه : دي منارة النور و العطور و البخور باريس؛ و دي مدينة لندن
التي لا ينقشع عنها الضباب ؛ و أمبراطورية كانت لا تغرب عنها شعاعاعات
الشمش، قبل كشة (البريكزيت) طبعن ؛ و هدا بجاي سور برلين المنهار بعد
عودة شطري ألمانيا إلى دفء حضنيهما ؛و هداك بغادي سور الصين الكان
العظيم وقفلوه حولوها لبيوت أشباح بعد تفشي الكرونة و هلم جرى !!

●الشاهد و المهم، الله يعزكم ، زولنا من طول السفر بطنو كركبت
و شعر بحوجةٍ (ماصَّة) جدن للحمام قال لإبليس: ياخ نزلني سريع
أنا داير أمشي الحمام.الشيطان سأله: ياخينا الشيء بول موية ساي
خفيف و لا سيوبر متقلات (Heavy Duty ). داك قال ليه: و الله ياخ
دا شكلو (هُورار) مهلبية راسو عديل (مخرجات حُومار وتني و كدي) .
ياخ اامن إبليس زاتو صر وشو؛ لكن أهو الضرورات تبيح المحظورات
فقال ليه: يا زول ما مشكلة أخُد راحتك تب في ضهري دا عادي ؛ لأنو
حالتنا بقت واحدة ملح و ملاح و جُزلانا واحد؛ ثم إتا ظاتك ياخ ما قصرت
معاي. و كمان لو فصلت معانا كويس و بحلحتها أكتر طبَّعنا سوا و سمحت
لطياراتنا يعبرن بأجوائكم ، أها ليك علي ، بعد شوية بجيب ليك ( بتي )
المجننة العزابة دي نعرسا ليك و إتا نايم تشخر في سُباتك العميق دا.

● قال ليك عمك دا نزَّل متقلاتو و أخد راحتو للطيش لامن دعا قال :
الحمد الله الذي أذهب عني الأذى و عافاني أها عاد إبليس جنو كمان و
جن الأدعية و الأذكار النبوية الشريفة ديل مما يسمعن بيرفعن نكثافتو
يهرب لا يلوي على شيء بالازقة و النفافيج و تُسمع له فرقعات ضراط.

● فشنو ، فجأتن زولنا كدا صحا لقي الدنيا تحتو مطمبجة
و الريحة دي مبننة ، ضبانو يوِن و العزابة متلميين يضحكو
عليه يقولو : قررر. يلا بعداك براكم اتخيلوا باقى المقلب.

● و زولنا دا خجلان لامن مو عارف يودي وشو وين.
و تاني عاد توبة يا حبوبة من التحشر.

♤ أها العملوا الشيطان فى زولنا دا هو نفس
السيناريو اللي نفذو العلج النتن ياهو في تيس
حلبتنا أبو برنيطة ، السيد/ (بُلهان) الدين.

♧ عوداً على بدأنا به حول الرفع من ركوع أمريكا
ثم السجود لها ؛ يبدو أننا شعبٌ فاقد الذاكرة فعلن ¿¡
معقول ياخ نكون نسينا أيام الراقص المخلوع القريبة دي ،
لامن جونا بي وهمة الرفع جزئياً لقعوبات الجن ، كان سعر
الصرف ب07 جنيهاتٍ فقط لا غير ، للدولار .ثم بعد ساعات
معدودة ، قام الجان يتقافز بالزانة إلى أرقامٍ فلكيةٍ فلم
بعد جنٌّ و لا يحرة بقادرين على أن يجدقوا أثراً٥!!

●و كمان الحاجة البتففع المرارة و تلط الكبد سطحية بعض
المنبطحين منا لامن يعلقو ليك مسألة التطبيع من عدمها بمصير
الفلسطيينيين و فعايل زعمائهم المتناحرين سواءٌ منهم المهرولون
منذ أوسلو وراء حلول الدولتين و خلافه ، أو الهتَّافون بشعار المقاومة،
إنما القضية مبدأ أخلاقي ، سواءٌ أخذناه من زاوية معتقدٍ دينيٍّ بواحٍ ،
أو من باب التشدق بأية آيديولوجية أخرى كانت ؛ المهم أن يكون لديك
موقفٌ حضاريٌّ من كيانٍ عتصريٍّ يغصب أرضاً و يُشرد شعباً أعزلَ و
تمارس ضده أبشع صور الفصل العنصري على مرأىً و مسمعٍ من أحرار
العالم بأسره في مشارق الأرض و مغاربها. خلينا ياخي نعيد أجواء
(لاءاتنا التلاتة ) و نكملا برابعة الأثافي و بعدينك نرجى الله في
كبري بيكة بعد الكريبة . ربنا لا تؤاخنا بما فعل الجبناء منا.

▪ قبل نحو أسبوعٍ فقط من الآن كنا قد راهنَّا على
أن ( كلب طرمبة ياخد بمبة). و لكن للأسف ، سرعان
ما بدا لنا أنو نحنا يانا نحنا اللي ح ناخد بمبة بجلاجل
من العيار التقيل على مقياس ربختر لقياس نشاط الزلزال.

● فعلن الأوضاع آخذة بالتدهور بسرعة البرق حتى باتت بلاد
العربان أوطاني لو سار بها سليمانُ لسارَ بترجمانٍ. و كمان الحاجة
البتورم الفشافيش بالجد ، إنو إمارات عيال (ناقص) الله لا طراهم
و لا جاب عقابم ، و اليوم لحقتها مهلكة البحرين مصرتين إلحاحاً ،
إنهن يكشفن للضبع المفترس لحم أفخاذهن الأبيض المتوسط.

《 علمانية بالدكوة 》
[تعال ياعلماني هاك زيت الزيتون£
حيث ثالثة الأثافي متمثلةٌ في ربط رفع عقوبات
طرمبة كشرط وجوب و صحة بفصلالدين عن الدولة.
و كأنما لو كانت دولتنا و دينها الحنيف توأماً سيامياً
يتعذر فصله إلا بتدخلٍ جراحيٍّ مضمون الفشل !!

● طبعن ، سمعنا بقصة المثل القائل :" سعى لحتفِه بظلفه"
إذ يُحكى أعربياً في يوم عيدٍ لم يجد ما يضحي به عن نفسه و من يعول
سوى تيسٍ، ذكر الماعز و لكنهم حين أمسكوا به , لم يجدوا سكيناً ليذبحوه
بها, فبحثوا في كل مكان ولم يجدوها فأطلقوه و ذهب التيس فرِحاً غير بعيدٍ
و أراد أن يبرك فجعل يبحث الأرض برجليه ليتفحص مضجعه كما هي عادة
الدواب ؛ أنها لا تبرك حتى تشم المكان و تربشه أو تنبشه .و بينما هذا التيس
يحفر أخرج المدية ..ففرح الأعرابي بذلك , و أمسكه مجدداً ليذبحه من
الأضان للأضان دونما مراعاةٍ حتى لكي يحدَّ شفرته ليريح ذبيحته.

● وطارت هذه القصة مثلاً, يطلق لمن يورط نفسه بمآذقَ كان بمنأىً عنها :

● سبق و قلنا إنها انطبقت على جمال خاشقجي لمَّا استدرجوه من
مأمنه في أم ريكا إلى عش الدبابير بسفارة بلده في أنقرة بتركيا.
حيث جرت تصفيته هناك و تسييح دمه و تذويب عظامه.

● و ها هي عادت لتنطبق اليوم كما وافق شنَنٌ طبقةً على رئيس انتقاليتنا غير
المعنية أصلن بإبرام أية اتفاقات سلامٍ مصيريةٍ حينما استدعوه لأديس اببا ليملوا
عليه شرط وجوب ينصُّ على الاعتراف بعالَمانية الدولة ، أي فصلها عن دينها..

● و ما أدراك هذه الوهمة الكبيرة .علماً بأن الدولة ظلت أصلاً طوال ثلاثة
عقود، منفصلةً عن دين الله الحنيف ، اللهم عداً من شوية هتافياتٍ و هَيلَلاتٍ
فضفاضةٍ لا تعدو كونها مسوحاتٍ أشبه ما تكون بكريمات ( قدر ظروفك ).

● ثم إذا جئناً للمصطلح ذات نفسه. هل لنا أن نتساءل بكل سذاجةٍ : ما
هي دوافع و سرُّ السبق و الإصرار على "فصل الدين الدولة في حين دول
العالم في مشارق الأرض و مغاربها و التي نسعى جاهدين بشق الأنفس لنحذوَ
حذوَها، لا تكاد توجد بينها واحدةٌ إلا و تربط دستورها بعقيد مع الدول كتوأمٍ
سيامي بحيث بتعذر، بل يستحيل فصلهما، إلا بعملية تدخل جراحيٍّ مضمونة
الفشل، بل و تضع المسألة خطاً أحمر لا يحتمل الاقتراب منه أو التصوير!!

* بدءاً بدولة الكيان الصهيوني التي نتكالب اليوم على التطبيع معها ، ما هي إلا
دولةٌ دينيةٌ يهوديةٌ قائمة على عنصرية شعب الله المختار؛ و دونك بريطانيا العظمى
لا تمنح عضوية مجلس لورداتها إلا للقساوسة. و على ذلك قس بقية الأمم كلٌّ منها
لديها مرجعية على مذهبٍ كنسيٍّ كاثوليكياً أرثوذوجسياً كان أم بروتستانتياً لوثرياً
(رافضياً ) ، أو كان بالمقابل بوذياً أو سيخياً أو مجوسياً أو لا دينياً. اللهم عدا دين
الله هو المكتوب عليه الَّا مِساسَ، لكونه مدموغاً بوصمة الإرهاب. فما لكم كيف
تحكمون ياخي أصحو يا بريش؛ ثكلتكم أمهاتكم وأخواتكم من الرضاعة..

يعني ضاربين طناش و عاملين أضان الحامل طرشا.
كل البلاوي النحن غرقانين فيها لإضنينا دي و ما فالحين لينا
علا بس في فصل الدين عن الدولة ، نظام كسير تلج لامراء
حرب، لا يرون جموع هذا الشعب الطيب الثائر الغلبان إلا
من خلال فوهات بنادقهم ؛ و لا كمنا وهمة رفع العقوبات
و كلها شطور ميتة غارزة عدمانة دعكة طنُّوب اللبن .

* بجاي ضائقة معيشية خانقة ، و بجاي سيول و فيضانات
و بجاي طباعة عملة في أريتيريا الفي يوم من أيام حتى
العهد البايظ ما كانت دولة و لامن قامت كانت عملتا بجينهنا
الكحيان دا ؛ عشان كمان يجو يغرقو أسواقنا أوراق عملة مزيفة
لشراء الدولار و الدرهم ببلاش. صدق أبو الطيب المتنبئ :
فعلن: " من يهن يسهل الهوانُ عليه.. ما لجُرحٍ بميِّتٍ إيلامُ "

* لا، و الحاجة ال بتنفخ الواحد هي سكات الشارع
القاعد يتفرج على كل البيحصل على عينك يا تاجر
و لا لجان مقاومة و لا هم يحزنون. و برضو يقولولك
التغيير الدمغراطي دايرلو صبرن ييل الآببري غايتو
بس ربك يطولك يارووووح ما تروح يجيبو قوي .