في سعيه لجذب السودانيين المقيمين بالدوحة و اغلبهم من العذابة قام الظلامي معتز القريش بإفتتاح مطعمه الثاني (عروس الرمال2)
Post: #2 Title: Re: سلسلة مطاعم الظلامي بالدوحة (فيديو و صور) Author: Deng Date: 09-09-2020, 10:39 AM Parent: #1
سلسلة عديل كده يا خضر!
الظلامي لقى القروش دي من وين؟
يا ربي يكون لقى تمويل قطري؟
يا بدر الدين الامير الظلامي ده لقى التمويل من وين؟؟
Post: #3 Title: Re: سلسلة مطاعم الظلامي بالدوحة (فيديو و صور) Author: Deng Date: 09-09-2020, 10:40 AM Parent: #2
ناس لجنة التمكين ما عندهم فرع في الدوحة؟
Post: #4 Title: Re: سلسلة مطاعم الظلامي بالدوحة (فيديو و صور) Author: خضر الطيب Date: 09-09-2020, 04:17 PM Parent: #3
Quote: سلسلة عديل كده يا خضر!
الظلامي لقى القروش دي من وين؟
يا ربي يكون لقى تمويل قطري؟
يا بدر الدين الامير الظلامي ده لقى التمويل من وين؟؟
سلسلة يا دينق ذي سلسلة مطاعم ماكدونالد سيم سيم :) بدر الدين زاتو ما بكون عارف مصادر تمويل الظلامي دا و لا بهمو يعرف بدر الدين اهم حاجة عندو يجي ياكل كبدة ابل وشية ضان مجاناً و يتخارج
Post: #5 Title: Re: سلسلة مطاعم الظلامي بالدوحة (فيديو و صور) Author: بدر الدين الأمير Date: 09-09-2020, 04:29 PM Parent: #3
Post: #6 Title: Re: سلسلة مطاعم الظلامي بالدوحة (فيديو و صور) Author: بدر الدين الأمير Date: 09-09-2020, 05:00 PM Parent: #5
فاعل خير ارسل لى رسالة قال فيها اسأل عن المتعافى اخوان وشركاتهم واردف ضاحكا مش ملاحظ الظلامى من الدويم والمتعافى من الدويم وخضر الطيب عديل الظلامى من الدويم واضاف انه الهروب من البل
Post: #7 Title: Re: سلسلة مطاعم الظلامي بالدوحة (فيديو و صور) Author: Abureesh Date: 09-09-2020, 05:23 PM Parent: #6
بخته ود القريش.. لقى دعاية مجانية فى أكبر منصة سودانية.. وأنا أقول مالو ما يجى يدافع عن نفسه.. غايتو إما ودالأمير أو خضر (أو العقوبتين معاً) يكون عِلّا مستفيــد.
Post: #8 Title: Re: سلسلة مطاعم الظلامي بالدوحة (فيديو و صور) Author: خضر الطيب Date: 09-09-2020, 05:23 PM Parent: #6
Quote: ناس لجنة التمكين ما عندهم فرع في الدوحة؟
كيف يكون يكون عندهم فرع يا دينق و السفير من اعوان الدولة العميقة ؟ لكن حنحاول نجازف لينا لجنة مصغرة مفصلة على مقاس الظلامي .. ما ينوم :)
Post: #9 Title: Re: سلسلة مطاعم الظلامي بالدوحة (فيديو و صور) Author: خضر الطيب Date: 09-09-2020, 05:45 PM Parent: #8
Quote: فاعل خير ارسل لى رسالة قال فيها اسأل عن المتعافى اخوان وشركاتهم واردف ضاحكا مش ملاحظ الظلامى من الدويم والمتعافى من الدويم وخضر الطيب عديل الظلامى من الدويم واضاف انه الهروب من البل
دا فاعل خير يا ابو الأمير؟ احسن تشوف ليك فاعل مرفوع بالضمة حيكون معلوماتو احسن من زولك دا :) مما فارقنا السودان لا انا و لا معتز لينا علاقة بالمتعافي و زمرته
Post: #10 Title: Re: سلسلة مطاعم الظلامي بالدوحة (فيديو و صور) Author: خضر الطيب Date: 09-09-2020, 06:45 PM Parent: #9
فيديو لايف للظلامي و عزومة مجانية هو عارف اني ما بحب اكل المطاعنم ما عزمني و لا كشكر لي حتى :)
Post: #11 Title: Re: سلسلة مطاعم الظلامي بالدوحة (فيديو و صور) Author: Abureesh Date: 09-09-2020, 06:58 PM Parent: #10
مبروك تانى لمعتز القريش.. أكيد عمل مجهود كبير.. ما شاء الله. الله يزيدك..
ثم: 1. ما فى تباعد إجتماعى 2. مافى كمامات 3. مافى كسـرة ولا عصيدة ؛حسب ما هو ظاهر)
ثم: الظلامى دا لو ولع حيعمل شنو يا ربى!!
Post: #12 Title: Re: سلسلة مطاعم الظلامي بالدوحة (فيديو و صور) Author: علي عبدالوهاب عثمان Date: 09-09-2020, 07:11 PM Parent: #11
حبيبنا خضر امبس تحياتي .. يا سلام على الاخوانيات ما شاء الله لحوم .. مع أني لا أتناول اللحوم ولكن الشباب ربنا يحفظهم الجو سوداني 100%
تحياتي للحبيب معتز .. بالتوفيق ان شاء الله واصلوا الاحباب دينق والامير وخضر
تحياتي
Post: #13 Title: Re: سلسلة مطاعم الظلامي بالدوحة (فيديو و صور) Author: خضر الطيب Date: 09-09-2020, 07:49 PM Parent: #12
مرحب بيك باشمهندس محمد عثمان
Quote: بخته ود القريش.. لقى دعاية مجانية فى أكبر منصة سودانية.. وأنا أقول مالو ما يجى يدافع عن نفسه.. غايتو إما ودالأمير أو خضر (أو العقوبتين معاً) يكون عِلّا مستفيــد.
و الله يا هندسة انا ما مستفيد من سلسلة مطاعم الظلامي دا لأني ما بحب اكل المطاعم رغم انو مطعمو متميز و الطبيخ فيهو رائع و الطباخين شباب متميزين لكن اكرمني بكباية قهوة في الدور التاني و ما قصر المستفيد الوحيد من المطعم دا بدر الدين الأمير لانو بياكل مجاناً :)
Post: #14 Title: Re: سلسلة مطاعم الظلامي بالدوحة (فيديو و صور) Author: Osman Musa Date: 09-10-2020, 06:02 AM Parent: #13
أخونا المهندس خضر سلامات عبرك يا أخ خضر نبارك للأخ ود القريش. خبر جميل . ومهم تكون في مطاعم لسودانيين منتشرة في الدوحة . ومنتشرة في كتير من عواصم العالم . عندنا يا خضر شاب مكافح من بلدنا هاجر لفرنسا من 11 سنة دخل فرنسا بالسنابك. وتزوج شابة فرنسية . وجاب منها بنتين ماشاءالله . وافتتح مطعم في قلب باريس . رجل شهم وشجاع . والآن المطعم شغال ممتاز . وقبل أيام رسل مبلغ محترم يساعد في وجبات شباب ترس البحر . ود القريش مغترب سوداني مكافح نرجوا له التوفيق . بس يا أخ خضر ويا بدر لو قدر يعمل ركن من اركان المطعم فصل لدراسة وتعليم الموسيقي يكون دا شي جميل . وما في داعي يفتتح سلسلة مطعم واحد كبير كفاية . نجاح السلسلة صعب . ومحتاج امكانيات ومعرفة حقيقية وتدريب عاملين وجرسونات وطباخين .
Post: #15 Title: Re: سلسلة مطاعم الظلامي بالدوحة (فيديو و صور) Author: خضر الطيب Date: 09-10-2020, 06:07 AM Parent: #13
يا ابو الأمير انت مستفيد من العضة المجانية و الظلامي ما بقدر يقول بغم فمافي داعي تستعين باستخبارات الزواحف :)
Post: #16 Title: Re: سلسلة مطاعم الظلامي بالدوحة (فيديو و صور) Author: بدر الدين الأمير Date: 09-10-2020, 06:32 AM Parent: #15
Quote: دا فاعل خير يا ابو الأمير؟ احسن تشوف ليك فاعل مرفوع بالضمة حيكون معلوماتو احسن من زولك دا :) مما فارقنا السودان لا انا و لا معتز لينا علاقة بالمتعافي و زمرته
ياود الطيب هو انت زعلت يادكتور فاعل الخير من الدويم ومتابع المنبر
Post: #17 Title: Re: سلسلة مطاعم الظلامي بالدوحة (فيديو و صور) Author: معتز القريش Date: 09-10-2020, 06:34 AM Parent: #15
ياخ احبكم كلكم حد الكره
بجيكم صاد ❤️
Post: #18 Title: Re: سلسلة مطاعم الظلامي بالدوحة (فيديو و صور) Author: خضر الطيب Date: 09-10-2020, 07:12 AM Parent: #12
مرحب استاذنا علي عبد الوهاب
Quote: حبيبنا خضر امبس تحياتي .. يا سلام على الاخوانيات ما شاء الله لحوم .. مع أني لا أتناول اللحوم ولكن الشباب ربنا يحفظهم الجو سوداني 100%
تحياتي للحبيب معتز .. بالتوفيق ان شاء الله واصلوا الاحباب دينق والامير وخضر
تحياتي
معتز القريش رغم ظلاميته و وغدنته لكن انسان مجتهد أول مرة احب لي وغد معتز مثابر دائماً و مجتهد و علاقاتو واسعة قاعد في البلد دي 30 سنة يعني اقدم من الأمير :) مشكلتي الوحيدة معاهو انو عاوز يخليني أكل كبدة الإبل و المرارة و ام Fitfit , و لحمة الراس و اللسان حق الخروف و البقرة و ممكن بعد شوية الخنزير هو و بدر الدين دا ..انا ما باكل الحاجات دي ههههه بدر الدين و معتز عالم جميل معتز زميل دراسة في كل المراحل و قريبيو عديلي و بدر الدين الوغد دا قريب المدام يعني انا بين قوسين احلاهما مر هههه محبتي يا استاذنا علي
Post: #19 Title: Re: سلسلة مطاعم الظلامي بالدوحة (فيديو و صور) Author: بدر الدين الأمير Date: 09-10-2020, 07:28 AM Parent: #18
Quote: ياخ احبكم كلكم حد الكره
بجيكم صاد ❤️
جبنا سيرة المتعافى اخوان الظلامى جا يتراجف ماقلتو نوبا
ياخى انا بحب جبنة الدويم
Post: #20 Title: Re: سلسلة مطاعم الظلامي بالدوحة (فيديو و صور) Author: خضر الطيب Date: 09-10-2020, 08:15 AM Parent: #11
مرحب يا هندسة
Quote: مبروك تانى لمعتز القريش.. أكيد عمل مجهود كبير.. ما شاء الله. الله يزيدك..
ثم: 1. ما فى تباعد إجتماعى 2. مافى كمامات 3. مافى كسـرة ولا عصيدة ؛حسب ما هو ظاهر)
ثم: الظلامى دا لو ولع حيعمل شنو يا ربى!!
كمامات و تباعد اجتماعي في عضة مجانية يا ابو الريش و في مطعم ذي عروس الرمال , انت جادي؟ ههههه الكسرة و العصيدة حاضرين و انا ح اعمل ليهم طبخات خاصة على حسب الطلب الظلامي دا لو نور حيبقى الظلامي هو بدر الدين
Post: #21 Title: Re: سلسلة مطاعم الظلامي بالدوحة (فيديو و صور) Author: خضر الطيب Date: 09-10-2020, 09:00 AM Parent: #20
Quote: جبنا سيرة المتعافى اخوان الظلامى جا يتراجف ماقلتو نوبا
ياخى انا بحب جبنة الدويم
الجبنة و الخيار الظلامي بكون بتحسس في ضنبو بدر الدين حسن علاقتك مع الظلامي لانو لوحرمك من كبدة اللبل و شية الضان المجانية الله معاك قبيل كنت بتكلم معاهو قلت ليهو انهي علاقتك مع بدر الدين لانو لو اتلحك ح تعلن افلاسك و انا عندي في الشغل دا آمال حتضيع مع الإهمال ههههه
Post: #22 Title: Re: سلسلة مطاعم الظلامي بالدوحة (فيديو و صور) Author: هجو الأقرع Date: 09-10-2020, 09:18 AM Parent: #5
شقاوتو شقاوه هجو
تحت تحت قالوا مصدر التمويل
منطقة دخان ، والله يا بدر المطعم شغلو شديد التلفون ما برد، بس ود العم يستاهل.
Post: #23 Title: Re: سلسلة مطاعم الظلامي بالدوحة (فيديو و صور) Author: Salah Zubeir Date: 09-10-2020, 09:35 AM Parent: #22
Quote: مشكلتي الوحيدة معاهو انو عاوز يخليني اكل كبدة الإبل و المرارة و ام Fitfit , و لحمة الراس و اللسان حق الخروف و البقرة و ممكن بعد شوية الخنزير هو و بدر الدين دا ..انا ما باكل الحاجات دي ههههه
هههههههههههههاااااي وتاني ياااااي هي يا الكنين إتا جيت الخرتوم قبل ما تبلغ؟!!!
Post: #24 Title: Re: سلسلة مطاعم الظلامي بالدوحة (فيديو و صور) Author: خضر الطيب Date: 09-10-2020, 12:29 PM Parent: #23
Quote: هههههههههههههاااااي وتاني ياااااي هي يا الكنين إتا جيت الخرتوم قبل ما تبلغ؟!!!
قول واي يا فلة احيييي يا الرز باللبن البقى كبسة ان شاء الله لقيت ليك ضل بهناك ثم اذيك يا وغد
Post: #25 Title: Re: سلسلة مطاعم الظلامي بالدوحة (فيديو و صور) Author: Sharif Nasirladeen Date: 09-11-2020, 03:08 AM Parent: #24
التحية لكل المشاركين. و نبارك للأخ معتز القريش أفتتاح المطعم. معتز زول مجتهد جدا و تعامله جميل مع كل الناس و يستاهل كل خير. و بلنسبة للمطعم أكلهم جميل و طاعم و بتحس في المطعم كأنك قاعد في السودان. أنصح الجميع بلذهاب اليه و تجربة الاكل السوداني على يد أمهر الطباخين.
Post: #26 Title: Re: سلسلة مطاعم الظلامي بالدوحة (فيديو و صور) Author: امتثال عبدالله Date: 09-11-2020, 04:42 AM Parent: #25
يا ود الامير ويا خضر يا حاسدين حسدتو الراجل عشان فتح مطعم سوداني فخم وما شاء الله الزباين بالكوم... بس ليه ما خصص مكان للنساء!!؟واول ما الخطوط القطرية تفتح للسودان حنزور هذا المطعم السوداني الفخم...بس ورونا العنوان ،،،
Post: #27 Title: Re: سلسلة مطاعم الظلامي بالدوحة (فيديو و صور) Author: خضر الطيب Date: 09-11-2020, 09:51 AM Parent: #26
مرحب شاعرنا الجميل ود موسى الأشم
Quote: أخونا المهندس خضر سلامات عبرك يا أخ خضر نبارك للأخ ود القريش. خبر جميل . ومهم تكون في مطاعم لسودانيين منتشرة في الدوحة . ومنتشرة في كتير من عواصم العالم . عندنا يا خضر شاب مكافح من بلدنا هاجر لفرنسا من 11 سنة دخل فرنسا بالسنابك. وتزوج شابة فرنسية . وجاب منها بنتين ماشاءالله . وافتتح مطعم في قلب باريس . رجل شهم وشجاع . والآن المطعم شغال ممتاز . وقبل أيام رسل مبلغ محترم يساعد في وجبات شباب ترس البحر . ود القريش مغترب سوداني مكافح نرجوا له التوفيق . بس يا أخ خضر ويا بدر لو قدر يعمل ركن من اركان المطعم فصل لدراسة وتعليم الموسيقي يكون دا شي جميل . وما في داعي يفتتح سلسلة مطعم واحد كبير كفاية . نجاح السلسلة صعب . ومحتاج امكانيات ومعرفة حقيقية وتدريب عاملين وجرسونات وطباخين .
قبل سنتين معتز طرح علي فكرة مطعم و مركز ثقافي المركز الثقافي حيكون فيهو كل الفعاليات الثقافية و اغلب المغتربين في الدوحة من الشباب الطاعنين في السن هم بدر الدين الأمير و معتز القريش , انا في زمرة الشباب ههههه بجد الفكرة كانت جميلة و رحبتا بيها و اضفتا ليها بعض اللمسات و انا عارف معتز لن يهدأ له بال حتى يتم تنفيذ كامل الفكرة و بالمناسبة معتز عازف ماهر على كل الآلات الموسيقية و كمان بغني كان عندو برنامج ليالي السمر في المركز الثقافي في الدوحة و برنامج كان ناجح جداً على حسب تقديري و تقدير كل الناس البعرفهم وجد معاكسات كتيرة من السفارة في السنوات الفائتة و من بعض المتطرفين من الزواحف الكيزان لكن معتز ح ينجز المشروع بتاع المركز الثقافي بإذن الله و لن يهدأ له بال حتى يكتمل المشروع على حسب ما خطط له و معتز مرة و بإعتبار انو المسئول عن برنامج ليالي السمر و هو المؤسس للبرنامج دا و تقريباً هو اول برنامج من نوعه في المهجر و في ليلة من الليالي الفنان اتأخر و الصالة مليانة بالضيوف طوالي معتز حرك الفرقة المتميزة و التي قام بتكوينها و مسك المايك و غنى اغنية العملاق وردي في الفيديو التحت دا بس مشكلتو كان لابس العباية السوداء بتاعة المدام , ما عارف دي عملا كيف .. ياخ معتز الظلامي دا ممكن تتوقع منو اي حاجة , بدهشك و بحيرك ههههههه
Post: #28 Title: Re: سلسلة مطاعم الظلامي بالدوحة (فيديو و صور) Author: خضر الطيب Date: 09-11-2020, 10:47 AM Parent: #27
مرحب باشمهندس شريف
Quote: التحية لكل المشاركين. و نبارك للأخ معتز القريش أفتتاح المطعم. معتز زول مجتهد جدا و تعامله جميل مع كل الناس و يستاهل كل خير. و بلنسبة للمطعم أكلهم جميل و طاعم و بتحس في المطعم كأنك قاعد في السودان. أنصح الجميع بلذهاب اليه و تجربة الاكل السوداني على يد أمهر الطباخين.
و انت العليم بتفاصيل الدوحة, معتز اختار موقع تجمع السودانيين و اختار مطعم يكاد يكون من أشهر المطاعم السودانية في الدوحة الديكور و الكراسي جميلة و رائعة و ذوق معتز عالي .. لكن اكثر ما كان يهمني المطبخ و وجدته على قدر كبير من النظافة و الترتيب و الأكل على مستوى عالي كأنه طبخ البيت بكل تفاصيله و روعته و ألف مرحب بيك في اي وقت انت و اسرتك و سنخصص لكم الطابق الثاني و يمكنكم قبل يوم طلب اكلات خاصة حصرياً للأسر بس قولو انتو عاوزين شنو بالتحديد و انحنا حاضرين يا هندسة
Post: #29 Title: Re: سلسلة مطاعم الظلامي بالدوحة (فيديو و صور) Author: Ahmed Yassin Date: 09-11-2020, 05:43 PM Parent: #28
خضر الطيب واخرين ماعايز اقول..خضر الطيب وشركاه عشان حتتفهم انك شريك معتز ( القروش) شايفو في الفيديو غنا الطير المهاجر بالمقدمة حقتها بس عيبو الوحيد انه كان يحمل العباية والموبايل والسماعة بامانة حنجي ناكل في مطعمه دا واذا عجبنا .. حنعمل ليهو ليلة ساهرة تاريخية
Post: #30 Title: Re: سلسلة مطاعم الظلامي بالدوحة (فيديو و صور) Author: خضر الطيب Date: 09-11-2020, 08:05 PM Parent: #29
مرحب الراكزة امتثال العبد الله
Quote: يا ود الامير ويا خضر يا حاسدين حسدتو الراجل عشان فتح مطعم سوداني فخم وما شاء الله الزباين بالكوم... بس ليه ما خصص مكان للنساء!!؟واول ما الخطوط القطرية تفتح للسودان حنزور هذا المطعم السوداني الفخم...بس ورونا العنوان ،،،
ما حاسدنو بالعكس داعمنو و بالنسبة لي بدر الدين ما بقدر يحسدو و لا يقول اي كلمة لانو الظلامي دي الوكت هو كفيل بدر الدين في السابق كان بدر الدين كفيل الظلامي شفتي الدنيا دي عاملة كيف ههههههه في الطابق الثاني في قسم للعائلات انتي تعالي بس و العنوان معروف و ألف مرحب بيك
Post: #31 Title: Re: سلسلة مطاعم الظلامي بالدوحة (فيديو و صور) Author: ترهاقا Date: 09-11-2020, 10:02 PM Parent: #30
كرم سواني أصيل
Post: #32 Title: Re: سلسلة مطاعم الظلامي بالدوحة (فيديو و صور) Author: خضر الطيب Date: 09-11-2020, 10:08 PM Parent: #30
https://www.0zz0.com
Post: #33 Title: Re: سلسلة مطاعم الظلامي بالدوحة (فيديو و صور) Author: خضر الطيب Date: 09-11-2020, 10:39 PM Parent: #32
https://www.0zz0.com
Post: #34 Title: Re: سلسلة مطاعم الظلامي بالدوحة (فيديو و صور) Author: خضر الطيب Date: 09-12-2020, 07:55 AM Parent: #2
https://www.0zz0.com
Post: #35 Title: Re: سلسلة مطاعم الظلامي بالدوحة (فيديو و صور) Author: خضر الطيب Date: 09-12-2020, 08:01 AM
https://www.0zz0.com
Post: #36 Title: Re: سلسلة مطاعم الظلامي بالدوحة (فيديو و صور) Author: خضر الطيب Date: 09-12-2020, 08:11 AM Parent: #35
https://www.0zz0.com
Post: #37 Title: Re: سلسلة مطاعم الظلامي بالدوحة (فيديو و صور) Author: Abureesh Date: 09-12-2020, 08:19 AM Parent: #35
أستاذ خضر، سلام خليه يرسل لى اللوقو واللافتة .. والمينيو بالصور لو عندهم
