كلمة دين لغة هي الإذعان بقهر بالنسبة للدين الإسلامي هو التسليم بالكامل كدي تاني حاربوا الله ورسوله

10:59 PM September, 07 2020

سودانيز اون لاين
توفيق عيسى مكي-
مكتبتى
رابط مختصر

اللهم الطف بعبادك المساكين من أهل السودان
مغلوب على أمرهم وما عندهم حيلة
وما عارفين يعملوا شنو
مؤكد بيك مؤمنين ومسلمين تسليم كامل
القاعدين يحاربوك ويحاربوا رسولك وما أمرت من دين
عددهم ما تامي كم الف
ونحن 50 مليون

نحن في حلفاية الملوك الماء محاصرنا الآن من كل جانب
غايتو حا ننوم
واولادنا مترسين
يا الله نصحى الصباح نلقى النيل انحسر

ياخ امشو حاربوا الله ورسوله بعيد مننا
محل ما جيتونا منو
الفينا مكفينا

هسي سوريا عملت ثورة هبشت الدين طبعا لا
اليمن.... برضو لا
ليبيا برضو لا
مصر لا
التوانسة لخبطو لكن ما لعبوا بالإسلام مع ضعفه أساسا عندهم
نحن مالنا ومال الشغلة دي
معقولة نطلع أغبى وابلد بشر

الطوفان أحد جنود الله
(فأرسلنا عليهم الطوفان والجراد والقمل)،
لو كان زلزال أو بركان كان سكتنا
الحرب دي نحن مساكين مغلوب على أمرنا
ما عندنا يد فيها

النبي فيكم ارجعوا محل ما جيتو
وحات الله من معرفتنا للتاريخ
حا تكونوا عبرة لحدي يوم القيامة
نحن بيكم ومن غيركم اساسا إيمان صليبنا طالع
فعلى العلينا ما تزيدونا
وحات الله البحر ماشي علينا في طرف الحلة
في حته جنبنا اسمها الريان
حي في الحلفاية
حا ينوموا مخاوين جوكرين وحلتهم تفتح بخمسين
جوكرين بايظات

طالما الحرب لسه شغالة
مؤكد حا نصبح الصباح بمصيبة تهز السودان
الشغلة دي مافيها هظار إطلاقا
والخير بخص
الشر بعم