Post: #1
Title: بحري مدينة خالية من الامن والامان
Author: Khalid Abbas
Date: 09-06-2020, 10:56 AM
Parent: #0
10:56 AM September, 06 2020 سودانيز اون لاين
Khalid Abbas-Sudan
مكتبتى
رابط مختصر
(adsbygoogle = window.adsbygoogle || []).push({});أصبح شارع الشهيد مطر(الإنقاذ سابقاً) خطر جداً بعد تكرر عملية النهب على المواطنيين والسكان بالقرب من كرين بحري وذلك بإستخدام الاسلحة البيضاء إذا كنا نتحدث عن سنتر مدينة بحري وعلى مقربة من قسم شرطة بحري المدينة وقسم الصافية وتحدث هذه الأحداث بصورة يومية فإن اطراف المدينة حدث ولا حرج جميع السكان في المنطقة قصاد الكرين يعلمون أن العصابات إتخذت من كرين بحري سكن دائم ينطلقون منه لنهب المارة والسكان عقب صلاة المغرب وبالرغم من البلاغات المتكررة من الأهالي لم تحرك الشرطة ساكناً . بعد سماع أقوال مدير الشرطة نقول أنه يبيع الوهم للشعب بعد أن إنعدم الامن والأمان بصورة واضحة وملحوظة
|
Post: #2
Title: Re: بحري مدينة خالية من الامن والامان
Author: Khalid Abbas
Date: 09-06-2020, 11:06 AM
Parent: #1
من الواضح الامر مقصود سابقا اذا سجل بلاغ نهب واحد يتم محاسبة جميع القيادات الشرطية في المحلية ويتم رفع محضر اليومية الى مدير عام الشرطة في نفس اليوم
|
Post: #3
Title: Re: بحري مدينة خالية من الامن والامان
Author: Khalid Abbas
Date: 09-06-2020, 11:29 AM
Parent: #1
كيف تحول كرين بحري من حرم سكة حديد يمنع التواجد بداخله الى سوق للسيارات ثم أخيرا رواكيب عشوائية تنطلق منها عمليات النهب وكل ذلك في منتصف المدينة ولصقاً لرئاسة سكك حديد بحري
هناك من يقود حالة السيولة الأمنية وإحداث حالة من الخوف وتكون الإجابة دي المدنية العايزنها
|
Post: #4
Title: Re: بحري مدينة خالية من الامن والامان
Author: Khalid Abbas
Date: 09-06-2020, 11:47 AM
Parent: #1
هل حقيقة ما تتداوله مجالس مدينة بحري أن الوالي الجديد نمر جزء من خلق حالة الفوضى وأنه طلب من شرطة بحري الإفراج عن عدد من المتهمين بعد مداهمات قامت بها الشرطة؟
|
Post: #6
Title: Re: بحري مدينة خالية من الامن والامان
Author: Arif Nashed
Date: 09-06-2020, 12:05 PM
Parent: #4
خالد تحياتي.
إزالة تلك الرواكيب العشوائية التي أصبحت اوكارا للمجرمين.
تسيير سيارات أمنية علي امتداد الشارع.
ليس من الصعب القضاء علي هذه الظاهرة ولكن يظهر بان هناك تقاعس من الشرطة في بسط الأمن.
|
Post: #7
Title: Re: بحري مدينة خالية من الامن والامان
Author: Khalid Abbas
Date: 09-06-2020, 12:10 PM
Parent: #6
Quote: إزالة تلك الرواكيب العشوائية التي أصبحت اوكارا للمجرمين.
|
الموضوع اسهل من ساهل كل يوم ناس الحلة بفتحوا بلاغ وشكاوي لكن الظاهر سلطة تجار الكرين اكبر من سلطة الدولة
لونزلت الدكان بعد المغرب اقنع من روحك
|
Post: #5
Title: Re: بحري مدينة خالية من الامن والامان
Author: Khalid Abbas
Date: 09-06-2020, 12:03 PM
Parent: #1
تحذير لجميع المواطنين بعد صلاة المغرب من بوابة رئاسة السكة حديد بحري وحتى تقاطع شارع الشهيد مطر مع شارع الزعيم الازهري كداري وبدون رفقة معناها انت في خطر اقنع من قروشك وتلفونك
|
Post: #8
Title: Re: بحري مدينة خالية من الامن والامان
Author: علي عبدالوهاب عثمان
Date: 09-06-2020, 12:18 PM
Parent: #5
تحياتي الحبيب خالد ..
اين الشباب لجان المقاومة لحماية أهلهم
أنا عندي شهادة عربية صادروا الجوال
الحمدلله هو سليم وده المهم
بالقرب من منزل اختنا في الحاج يوسف ( تقاطع الوحدة )
ديل أخطر من الكيزان .. مفروض الشباب في الاحياء يسيروا دوريات راجلة
يكفي عكاكيز فقط ..
الكثيرين شايلين هم داخليات البنات ( هم وغم )
والمشكلة العودة للسعودية ما في
تحياتي الحبيب خالد .. ضاع الوطن .. وضاعت القيم ..
|
Post: #9
Title: Re: بحري مدينة خالية من الامن والامان
Author: Khalid Abbas
Date: 09-06-2020, 12:23 PM
Parent: #8
Quote: اين الشباب لجان المقاومة لحماية أهلهم
|
تحياتي علي وكفارة على تلفون الولد
مستحيل تقدر لجان المقاومة تعمل حاجة انت متخيل بعد صلاة المغرب يتحول كامل الكرين الى مشهد عبثي كل أنواع الجرائم من مخدرات وخمر وبعد داك يطلعوا على شارع الإنقاذ بسواطير وسكاكين
المصيبة الكلام ده في سنتر المدينة يعني ما مناطق طرفية أو بعيد من السكن
|
Post: #11
Title: Re: بحري مدينة خالية من الامن والامان
Author: علي عبدالوهاب عثمان
Date: 09-06-2020, 12:39 PM
Parent: #9
حبيبنا خالد .. تحياتي
بوست مهم .. أكثر حاجة شاغلة ناس الأمن
ألاحظ أن الشرطة والجيش والامن عموماً يميلون الى التعمد في الهشاشة الامنية
لخلق ثغرات .. ربما كنوع من العقاب للثوار لهتافاتهم ضد الامن
أو هناك الدولة العميقة تخطط لأمور أخرى ..
طبعاً الشيء الطبيعي والمعروف لأي دولة في العالم بأن الأمن هو الأهم
قبل الطعام والصحة والتعليم ... إلخ
فقدان الأمن يعني الفوضى .. وهنا تأتي فرصة العسكر
بدون أمن .. لا حرية ولا سلام ولا عدالة
بالنسبة للمواطن الأهم هو الأمن
حبيبنا خالد الحكاية مؤامرة .. الشرطة والجيش يمكنهم سحق هؤلاء في دقائق معدودة
لأن في السودان لا توجد عصابات محترفة .. هرجلة شباب ومخدرات
حفظ الله الوطن ..
البوست ده مهم لأنني كنت من المتضررين
|
Post: #12
Title: Re: بحري مدينة خالية من الامن والامان
Author: Arif Nashed
Date: 09-06-2020, 12:57 PM
Parent: #11
علي امبس.
قبل شهرين تعرضت بنتي في الخرطوم لعملية قلع بالسلاح الأبيض في الشارع ووسط النهار فلقد اختطف منها الجوال.
البلد كلها ما فيها أمن وليست بحري لوحدها.
الله يكون في عون البلد والمواطن.
علي المواطن أيضا حمل السلاح لحماية نفسه وممتلكاته.
ومحل الرهيفة التنقد.
|
Post: #16
Title: Re: بحري مدينة خالية من الامن والامان
Author: Khalid Abbas
Date: 09-06-2020, 01:45 PM
Parent: #12
Quote: علي المواطن أيضا حمل السلاح لحماية نفسه وممتلكاته.
|
خلاص اعملوا لينا قانون لحيازة سلاح شخصي بدون جرجرة التصديق كل زول يشتري سلاح ويحمي نفسوا المشكلة في البنات يعملوا شنو
|
Post: #17
Title: Re: بحري مدينة خالية من الامن والامان
Author: Arif Nashed
Date: 09-06-2020, 01:55 PM
Parent: #16
يا خالد الدفاع عن النفس والممتلكات لا يحتاج لتصديق.
المجرم الذي يهاجمك هل لديه تصريح او تصديق لحمل سلاح ابيض والا ناري.
بلد ما فيها أمن ورجال شرطة في الطراوة نحمي أنفسنا بأنفسنا.
شخصيا سأقتني سلاح.
|
Post: #18
Title: Re: بحري مدينة خالية من الامن والامان
Author: Khalid Abbas
Date: 09-06-2020, 02:10 PM
Parent: #17
Quote: شخصيا سأقتني سلاح.
|
المشكلة كده لو ضربتوا بالسلاح تعتبر متهم برضو لازم سلاح مرخص
|
Post: #14
Title: Re: بحري مدينة خالية من الامن والامان
Author: Khalid Abbas
Date: 09-06-2020, 01:18 PM
Parent: #11
Quote: أو هناك الدولة العميقة تخطط لأمور أخرى ..
|
وده الحاصل بالظبط اغلب الناس بتقول المدنية غير جابت عدم الامن ما عملت حاجة
|
Post: #15
Title: Re: بحري مدينة خالية من الامن والامان
Author: Arif Nashed
Date: 09-06-2020, 01:29 PM
Parent: #14
ما تجعلوا من المصطلح الواهي "الدولة العميقة" شماعة لتقصير وتقاعس قوات الأمن.
من الواضح هناك تقصير في أداء الواجب الوظيفي في الأجهزة الأمنية مع غياب المحاسبة.
يجب البحث والاستقصاء عن أسباب تقاعس القوات الأمنية في أداء واجباتها...
|
Post: #10
Title: Re: بحري مدينة خالية من الامن والامان
Author: ترهاقا
Date: 09-06-2020, 12:30 PM
Parent: #5
| Quote: تحذير لجميع المواطنين بعد صلاة المغرب من بوابة رئاسة السكة حديد بحري وحتى تقاطع شارع الشهيد مطر مع شارع الزعيم الازهري كداري وبدون رفقة معناها انت في خطر اقنع من قروشك وتلفونك |
انا غايتو شايف إنو تكون في مليونية لايقاف مرتبات الشرطة لانهم ما شايفين شغلهم
يعني بياخدوا مرتبات وهم ما قايمين بالمهمة الموكولة اليهم ، بعدين شباب بحري مفروض يعملوا دوريات ليلية مسلحة عديييييل كدة
طالما تقاعست الشرطة ولو لقوا شرطي لف ودور معاهم يكسروهو
|
Post: #13
Title: Re: بحري مدينة خالية من الامن والامان
Author: Khalid Abbas
Date: 09-06-2020, 01:09 PM
Parent: #10
Quote: انا غايتو شايف إنو تكون في مليونية لايقاف مرتبات الشرطة لانهم ما شايفين شغلهم
|
هم كده مشكلة لو وقفوا منهم المرتبات البحصل شنو البلد في مصيبة كبيرة
|
Post: #19
Title: Re: بحري مدينة خالية من الامن والامان
Author: Dr. Ahmed Amin
Date: 09-06-2020, 02:30 PM
Parent: #13
طيب كلام مدير عام الشَرطة الجديد طلع حنك ساكت؟
والله استبشرنا خير بكلامه القوي وقلنا خلاص ستختفي
كل الظواهر السالبة..
واضح انه هناك فشل كبير من الوالي وأركان حكومته.
الوالي يجب أن يساءل
|
Post: #20
Title: Re: بحري مدينة خالية من الامن والامان
Author: Khalid Abbas
Date: 09-06-2020, 02:38 PM
Parent: #19
Quote: والله استبشرنا خير بكلامه القوي وقلنا خلاص ستختفي
كل الظواهر السالبة.. |
تحياتي دكتور احمد
من الصعوبة إختفاء الظواهر السالبة في فترة بسيطة خاصة الحوادث الفردية لمناطق متفرقة ، لكن لمن الناس تشتكي من وكر كبير للجريمة في وسط المدينة ولا يتم التعامل مع الامر وتصبح حوادث النهب يومية في نفس المكان
معناها بالجد كلام ساكت ، يعني القطر لو وصلك محطة بحري بعد المغرب اقنع من روحك الكرين لصق المحطة
|
Post: #21
Title: Re: بحري مدينة خالية من الامن والامان
Author: Asim Ali
Date: 09-06-2020, 02:44 PM
Parent: #13
سلام عليكم
الشارع ممتد حتى الدروشاب تلقى التجمعات السكانيه العشوائيه وفى المبانى غير المكتمله والرواكيب خاصه على طول الشارع السكه حديد وتمثل المنطقه الصناعيه وحى العزبه ظهير للمارسات تشكل تجمع وبيئه تجمع مايتعلق بالجريمه من خمر ودعاره ...الخ
انا من ساكن قريب شارع الشهيد مطر فى محاذاه عمارات الجهاز (التلاجه) وبنشوف الناس الساكنه فى المداخلين السوق او راجعين محملين باشياء من ماخف حمله فى السوق ومحيطو وحتى طبيعه من يحضرو لافران من سكان جهه السكه حديد والمنطقه وديل بيمارسو نوع تانى من المشاكل اطفال فى مجموعات موجودين بشكل دائم فى الصفوف وشراء بشكل متكرر للخبز.
قبل فتره ايامم اغلاق كورونا منتصف النهار فى شارعنا جوا الحى فجاءه سمعت صوت موتر انطلق فجاءه وبعدو صراخ بت خطفو منها تلفونها واظنو كانو متابعنها لغابه مادخلت الشارع والشارع فاضى نص النهار والبت خسرت تلفونها زياده عليها الخلعه الحصلت ليها والناس طبعا مرقت مع صراخ البت لكن طبعا الحراميه بموترهم سماء ارض اختفو.
المواتر اصبحت منتشره بشكل كبير ماتعرف سوا كانت لجهه نظتميه (لانو اغلبها مافى لوحات ) ولاتعرفها شخصيه لناس عاديين ولاتعرفها وسيله انتقال حراميه.
المشكله انو السكن العشوائى سواء رواكيب او فى مبانى مامكتمله حتى لوطردتهم من المبانى الا فى حاله موافقه صاحب العقار ومسئوليتو عن اى شىء مهدد للامن يحدث منهم وازلت رواكيبهم يمشو وين ؟ واغلبهم من اخوتنا من جنوب السودان .
لازم السلطات ضمن الخطه الامنيخه تعمل مسح اجتماعى واحصاء عشان تعيد اسكان غير المقتدرين من اخوتنا الجنوبيين بالمشاركه مع منظمات الامم المتحده للاجئين والقادر على السكن يتم التنسيق والمتابعه لغايه مايلقى سكن . لانو مجرد الازاله حتكون تدوير للجريمه وازاحه من مكان لمكان والناس دى تمشى مكان تانى ةتتكرر نفس المشكله ونفس الاجراء وهكذا
شخصيا اصبح عندى قناعه انو حركتى من المغرب تكون محدوده فى الحى بقدر الامكان ولا مشاوير بعيده لغايه ماينصلح الحال
تحياتى
|
Post: #23
Title: Re: بحري مدينة خالية من الامن والامان
Author: Khalid Abbas
Date: 09-06-2020, 02:50 PM
Parent: #21
| Quote: شخصيا اصبح عندى قناعه انو حركتى من المغرب تكون محدوده فى الحى بقدر الامكان ولا مشاوير بعيده لغايه ماينصلح الحال |
ده حل صعب خلاص ياعاصم في ناس رزقها بترجع منو بالليل .المغتربين والمزاد جنوب كانت من أكتر الاماكن امان الحصل شنو في فترة كم شهر ؟ وكيف استوطن الحرامية ديل منطقة زي كرين بحري ؟
|
Post: #22
Title: Re: بحري مدينة خالية من الامن والامان
Author: Asim Ali
Date: 09-06-2020, 02:44 PM
Parent: #13
المنطقه دى بين الكرين والسكه حديد منطقه فيها حركه للناس الراجعين لامدرمان او الحاج يوسف لانو خط مواصلات الحاج يوسف - سوق ليبيا بيجى من الحاجاج يوسف عن طريق المنطقه الصناعيه (عن طريق الشارع امتداد شارع نصرالدين (الخور) المجاور لمحطه السكه حديد وبيتجه لغايه باتجاه تقاطع شارع الشهيد مطر مع مع شارع الازهرى ومنها تواصل المواصلات باتجاه كبرى شمبات.
الشارع بليل عموما حركه الماشين كدارى شبه معدومع لكن المنطقه دى الناس الرجعه من ورشه او ست شاى او خلافو ماشين لمدرمان او الحاج يوسف دا مكانهم وبيمثلو بيئه خصبه للنهب - خلاف باقى الشارع - من اى زول مطرف براهو هناك منتظر مواصلات
طبعا الدافع الوضع الاقتصادى وربما ظروف اغلاق كورونا وفقدان البعض لاعمالهم بسبب الاغلاق ولاتستبعد طبعا استغلال دا من الناس الدايره يكون فى عدم استقرار
|
Post: #24
Title: Re: بحري مدينة خالية من الامن والامان
Author: Salah Zubeir
Date: 09-06-2020, 08:06 PM
Parent: #22
المسؤول الأول عن هذه المنطقة :-
مدير شرطة محلية بحري برتبة عميد ...
ثم مدير شرطة الولاية برتبة فريق ...
ثم مدير عام الشرطة برتبة فريق أول ...
ما ذكرته هنا يا أخ خالد لو تم إبلاغ
المذكورين أعلاه عن طريق لجان المقاومة
ولم يتم التعامل معه ووقف التعدي فعلي
لجان المقاومة تنفيذ وقفات أمام مبني
رئاسة شرطة المحلية جوار سوق بحري
بحضور الميديا ... هذا أنسب طريق لوقف
فعلي لهذه التعديات ...
|
Post: #25
Title: Re: بحري مدينة خالية من الامن والامان
Author: Khalid Abbas
Date: 09-07-2020, 06:38 AM
Parent: #24
Quote: لجان المقاومة تنفيذ وقفات أمام مبني
رئاسة شرطة المحلية جوار سوق بحري |
تحياتي صلاح لجان المقاومة فترت تباري العيش ولا الفيضان ولا البوليس
من فترة تم توصيل الشكاوي الى اعلى المستويات اكتر حاجة بعملوها يرسلوا بوكس ياخد ليهو لفة داخل الكرين ويرجع بعد نص ساعة تحصل تاني عملية نهب اعتقد ماشين لحرب اهلية
بعد شوية اهالي المزاد والمغتربين يشيلوا كلاشات ويدخلوا على الكرين
|
Post: #26
Title: Re: بحري مدينة خالية من الامن والامان
Author: دفع الله ود الأصيل
Date: 09-07-2020, 07:16 AM
Parent: #25
Quote: أصبح شارع الشهيد مطر(الإنقاذ سابقاً) خطر جداً بعد تكرر عملية النهب على المواطنيين والسكان
بالقرب من كرين بحري وذلك بإستخدام الاسلحة البيضاء إذا كنا نتحدث عن سنتر مدينة بحري وعلى مقربة من قسم
شرطة بحري المدينة وقسم الصافية وتحدث هذه الأحداث بصورة يومية فإن اطراف المدينة حدث ولا حرج جميع السكان
في المنطقة قصاد الكرين يعلمون أن العصابات إتخذت من كرين بحري سكن دائم ينطلقون منه لنهب المارة والسكان
عقب صلاة المغرب وبالرغم من البلاغات المتكررة من الأهالي لم تحرك الشرطة ساكناً . بعد سماع أقوال
مدير الشرطة نقول أنه يبيع الوهم للشعب بعد أن إنعدم الامن والأمان بصورة واضحة وملحوظة
|
خالد يا وريف، وعجعت قلبي والله لأنو بحري دي بعتبرا مسقط راسي للمرة التانية. بعد أرض المحنة في قلب الجزيرة طوالي. كانت لنا أيام منذ نعومة الأظافر و ريعان الصبا و حتى براطع الشباب. وين ناس المزاد و ميدان عقرب حمد و خوجلي و ديوم ( كمبوديا ) و هافانا وعمارة التازي العدني و أجزخانة الضواحي وناجي القدسي أحمد ربشة و كمان تطلعو لي منها أطعم نفرين في البورد أنت و شيخي شيخ الترابلة. * فعلن ياهو دا زاتو المخلينا نقول :" كل عامٍ تُرذلون" لا و كمان يجيك عمك المسمنو/ البلدوزر داك حايم في سوق كسلا مادي كرشو ، و يقول ليك: الغالي متروك ، والبنتابعو نجيبو من السقط لقط و نوديهو شالا.ياخ شالك بلا حماك لسة في وهم ناس زاحف بني كوزان. فبالله ايهما أولى ، تبسطو الأمن لناس أبو كرشولة و لا في بحري و الخرتوم ، محل تيارة بقوم ، و بُلهان و حميرتي و حمدوك بنوم ؟!
|
Post: #27
Title: Re: بحري مدينة خالية من الامن والامان
Author: Khalid Abbas
Date: 09-07-2020, 07:21 AM
Parent: #26
| Quote: و لا في بحري و الخرتوم ، محل تيارة بقوم ، و بُلهان و حميرتي و حمدوك بنوم ؟! |
المصيبة معاهم والي مدني يامرهف شهرين تاني بالطريقة دي طيارة زاتو ما بتقوم
|
Post: #28
Title: Re: بحري مدينة خالية من الامن والامان
Author: Khalid Abbas
Date: 09-08-2020, 06:39 AM
Parent: #1
حالة جديدة في نفس المكان متى تتخذ شرطة بحري إجراءات لمداهمة كرين بحري
|
Post: #29
Title: Re: بحري مدينة خالية من الامن والامان
Author: Amira Hussien
Date: 09-08-2020, 07:33 AM
Parent: #1
مشكلة كبيرة لازم الناس تأمن منازلا ......عادى فى المغتربين ليل او نهار اذا ما مقفل بابك تمام تلقى جماعة حايمين فى الحوش وراجيهم واحد بى موتر او عربية قدام الباب . قبل شهرين الصباح لقينا قزازا العربات اليمين القدام كل مكسر ، وفى غفير قال ما سمعت اى صوت ،......... جيرانا مرقوا جه دفار وقف وعمال فكوا الجنريتر من قدام الباب ونسبة للجراءة مافى زول شكا فيهم ....ولحسن حظهم البيت الامامهم فيهو كاميرا سجلت المشهد و نمرة الدفار غايتو لما وصلو البوليس لقا الجنريتر اتباع تلاتة .......
|
Post: #30
Title: Re: بحري مدينة خالية من الامن والامان
Author: Khalid Abbas
Date: 09-08-2020, 09:33 AM
Parent: #29
| Quote: عادى فى المغتربين ليل او نهار اذا ما مقفل بابك تمام تلقى جماعة حايمين فى الحوش وراجيهم واحد بى موتر او عربية قدام الباب . |
أستاذة اميرة للاسف ده حال المغتربين والمزاد شمال وكلهم بتحركوا من الكرين لازم اهالي المنطقة يتفقوا لترحيل هذا السوق المخالف للقانون وطرد من يمارسون النهب
|
Post: #31
Title: Re: بحري مدينة خالية من الامن والامان
Author: Khalid Abbas
Date: 09-08-2020, 09:33 AM
Parent: #29
| Quote: عادى فى المغتربين ليل او نهار اذا ما مقفل بابك تمام تلقى جماعة حايمين فى الحوش وراجيهم واحد بى موتر او عربية قدام الباب . |
أستاذة اميرة للاسف ده حال المغتربين والمزاد شمال وكلهم بتحركوا من الكرين لازم اهالي المنطقة يتفقوا لترحيل هذا السوق المخالف للقانون وطرد من يمارسون النهب
|
Post: #33
Title: Re: بحري مدينة خالية من الامن والامان
Author: Asim Ali
Date: 09-08-2020, 09:49 AM
Parent: #29
من الم المفارقات انو منطقه الكرين الموبوءه بالجريمه يقع فى مواجهتها منزل الشهيد مطر
|
Post: #36
Title: Re: بحري مدينة خالية من الامن والامان
Author: Khalid Abbas
Date: 09-08-2020, 10:11 AM
| Quote: من الم المفارقات انو منطقه الكرين الموبوءه بالجريمه يقع فى مواجهتها منزل الشهيد مطر |
بالظبط بعد أن كانت اكثر المناطق امناً
|
Post: #34
Title: Re: بحري مدينة خالية من الامن والامان
Author: Asim Ali
Date: 09-08-2020, 09:49 AM
Parent: #29
من الم المفارقات انو منطقه الكرين الموبوءه بالجريمه يقع فى مواجهتها منزل الشهيد مطر
|
Post: #35
Title: Re: بحري مدينة خالية من الامن والامان
Author: Asim Ali
Date: 09-08-2020, 09:54 AM
Parent: #29
من الم المفارقات انو منطقه الكرين الموبوءه بالجريمه يقع فى مواجهتها منزل الشهيد مطر
|
Post: #32
Title: Re: بحري مدينة خالية من الامن والامان
Author: محمد مجيدو
Date: 09-08-2020, 09:47 AM
Parent: #1
الاخ خالد عباس والمتداخلون ..... السلام عليكم ,,
أعتقد ان هذه الظاهرة ( الانفلات الامني ) مقصوده ومدفوعة التكاليف
من بعض اعضاء النظام البائد .. لاحراج الحكومة الانتقالية الحالية ..
انا عندي بتي ساكنه في كافوري مربع 3 ( بجوار حي العزبة )
وحي العزبة هذا هو معقل لجميع المجرمين والصعاليق والحراميه في المنطقة ..
وقبل فترة تعرضت بتي لسرقة منزلها في وضح النهار وتم سرقة الدهب والنقود ..
وكل سكان مربع 3 يشتكون من ظاهرة السرقات المتكررة سوى للسيارات او المنازل ..
والغريبه معظم السكان من الضباط ( بيت النجار مخلع ) ..
الان تم تكليف دورية من الشرطة ترابط في الحي بصفة دائمة( عندهم خيمة وحصين يلفوا الحي ) ..
والسكان عليهم تقديم الاكل والشراب والنثريات لهذه القوة ..
وبهذه الطريقة تم اتقاء شر اؤلئك الاوباش العطالة ....
وعلي الجهات المختصة ازالة كل المساكن العشوائية داخل العاصمة ...
كما يمكن لكل حي ان ينظم حملة دورية من الشباب لدرء هذه الظاهرة ...
عاالم بطاالــــــــــــــــــــــة ,,
|
Post: #37
Title: Re: بحري مدينة خالية من الامن والامان
Author: Khalid Abbas
Date: 09-08-2020, 10:52 AM
Parent: #32
Quote: أعتقد ان هذه الظاهرة ( الانفلات الامني ) مقصوده ومدفوعة التكاليف
من بعض اعضاء النظام البائد .. لاحراج الحكومة الانتقالية الحالية .. |
اتفق معاك استاذ محمد الكرين قديم جدا ولم تظهر هذه الظواهر الا بعد سقوط الكيزان ، لكن السؤال هل الشرطة في بحري متواطئة ايضا مساحة الكرين صغيرة ويمكن السيطرة عليها في ساعات
|
Post: #38
Title: Re: بحري مدينة خالية من الامن والامان
Author: Khalid Abbas
Date: 09-05-2021, 10:04 AM
Parent: #1
الاحداث الحصلت قبل يومين في شارع الشهيد مطر من نفس المجموعات الحذرنا منها
كرين بحري قنبلة موقوتة
|
|