سر الخواجة المع الحلو ده شنو؟

04:37 PM September, 04 2020

سودانيز اون لاين
عمر التاج-KHT
مكتبتى
رابط مختصر

وعمله شنو في كاودا ودوره شنو في المفاوضات والاتفاقات بين حمدوك والحلو؟

لعل البداية كانت من هنا..

زيارة مدير برنامج الغذاء العالمي لكاودا كسرت الحواجز المصنعة بين المنطقة والخرطوم..
وهذا التصريح من الحلو جاء عقب سماح البرهان للخواجة بالانتقال بين المناطق السودانية التي يسيطر عليها الجيش والحركة الشعبية.. وكانت للزيارة أغراض وأهداف وبرامج مصاحبة

ثم جاءت زيارة حمدوك لكاودا فكان للخواجة حضورا مميزا..
جلوسا..

ووقوفا..

ومن على المنصة الرئيسية..

وفي أوضاع أخرى غير مخلة

ثم كان الظهور الكبير في اتفاقية الحلو وحمدوك، ومايميز هذا الظهور هو حدوثه خارج كاودا.. والصور تحكي

ظهورا غطي على اشارة النصر التي رفعها محمد المصطفى في لحظة التوقيع




الصورة الأخيرة إعادة لصورة في المداخلة الفوق ظهرت صغيرة جدا..

سلام يا عمر التاج

الراجل دا بحثت عن سيرته الذاتية
فوجدت القليل عنه فهو سياسي امريكي مخضرم عن الحزب الجمهوري وكان حاكم احدي الولايات
ولكن ما لا اعرفه نواياه تجاه السودان
هل يكيد للسودان شرا ام يريد به خيرا؟
وهل لديه علاقة باللوبي الصهيوني الامريكي المسمى AIPAC ؟
دي اسئلة في غاية الاهمية للحكم عليه
اما حمدوك فدخوله كاودا دون توقيع اتفاق سلام خطأ كبير ما كان له ان يرتكبه لو كانت لديه الخبرة السياسية ولكن ...
حمدوك يفاوض الحلو من مبدأ سلام والحلو يفاوض حمدوك من مبدأ حرب وهو مكمن تعنّد الحلو وتصلبه في مواقفه
اما الحلو فانتقل من المطالبة بالحرية والسلام والعدالة والعيش الكريم المشترك لاهالي جنوب كردفان وجبال النوبة
الى المطالبة بالعلمانية والمباديء فوق الدستورية وكأنه يملي عليه لكي يصلب في موافقه

Quote: حمدوك يفاوض الحلو من مبدأ سلام والحلو يفاوض حمدوك من مبدأ حرب وهو مكمن تعنّد الحلو وتصلبه في مواقفه اما الحلو فانتقل من المطالبة بالحرية والسلام والعدالة والعيش الكريم المشترك لاهالي جنوب كردفان وجبال النوبة الى المطالبة بالعلمانية والمباديء فوق الدستورية وكأنه يملي عليه لكي يصلب في موافقه

هو كده يا نصر دي القصة وما فيها
الحلو انتقل انتقال تكتيكي من طالب للسلام
لمهدد باستمرار الحرب والانفصال ( طبعا دي الجهة البتملي عليهو )
وعشان كده اتحجج بالوثيقة ورفض التفاوض مع العسكر
الحركة الشعبية مش حزب سياسي مدني
هي حركة مسلحة تحمل السلاح وتحارب
فكيف ترفض التفاوض مع حميدتي أو برهان!!
أو أي جهة مسلحة مثلها هل الأمر ده كده منطقي ؟!..
والأمر المربك والأكثر بعدا عن المنطق هو موضوع العلمانية ده
والاصرار الغريب عليهو كشرط غايتو اللهم الا كان الحلو ده
شايف عبد الله حمدوك زول اسلامي والحكومة العلمانية
حكومة اسلاميين أو كيزان وتدعو للاسلام دين ودولة
وعايزة تطبق الشريعة وتفرض الاسلام على المواطنين
وتتحكم في عباداتهم ومعتقداتهم وحرية التعبير الدينية
وطبعا ده كلام ما حاصل زول شغال بي دين زول ماف
ولا في زول شال ليهو عصا قال لي زول تخش الاسلام
أو تبقى مسيحي أو كجوري أو لا ديني ..
يا ود التاج الخواجة ده الطباخ بتاع المم .....
اخير الحكومة تتفاوض معاه مباشرة
بدل الوسيط عبدالعزيز الحلو
لانه هو ومن وراءه القادرين على إيقاف الحرب
وده طبعا ما حيحصل الا بتقرير حق المصير
وانفصال جبال النوبة والنيل الأزرق ..
انت النيل الازرق ده مش مالك عقار
خلاص وقع على اتفاق سلام مع حمدوك
الحلو ده عايز يكبر كومه ولا حكايته شنو ؟ ..
لانه لازال بيتحدث باسم المنطقتين ..
مفروض يرخي موضوع النيل الازرق ده
لانه ما ليهو لزوم وعقار خلاص انفصل عنه

أنتم في الخواجه .. أم في الضابط الذي ظهر .. دا رئيس جهاز مخابرات الحركة في جنوب كردفان منذ أن بدأت الحرب في 1983م .. أم أنا غلطان؟




بريمة

وجوده يا التاج معناه البلد محروسة

😂 😂 😂 😂

شكرا حبيبنا التاج .. تحياتي
ملاحظتك قوية ..
يبدو أنه مقيم في كاودا
الموضوع يحتاج الى المزيد من الاضواء
اذا كان تابع للاغاثة ما سبب حضوره في اديس ابابا

تحياتي الحبيب التاج ..

وجوده يا التاج معناه البلد محروسة

😂 😂 😂 😂

تحيات وحبور لكل الحضور والمرور
ولعل قصة هذا الخواجة مازالت لغزا مربكا محيرا
خاصة إذا تذكرنا ملابسات زيارة حمدوك لكاودا من غير حرس ، من غير جيش، من غير مركبة أو طائرة تحمل علم السودان
الرحلة وقتئذ كانت حكرا وحصريا لطائرات الأمم المتحدة
والاستقبال كان حافلا بوجود قيادات من المنظمة على رأسهم هذا الخواجة
لدرجة أنه أشيع وقتئذ أن الحلو استقبل حمدوك كموظف للأمم المتحدة وليس رئيسا لوزراء السودان ..
وهاهو الرجل يواصل جولاته الماكوكية مستبقا حمدوك ومستقبلا له خارج السودان
من غير أي تفويض معلن من منظمة أو دولة أو جهة أممية
والراجح أن هذه التحركات تتم برعاية الحلو وموافقة حمدوك المسبقة لشئ يربطهما به ..

حبيبنا التاج .. تحياتي
حمدوك وأنا نشترك في حاجة واحدة
حب الخواجات ..لأنهم ناس خدمة صح بدون وعود وكلام كثير
شوف عندنا هناك في ضواحي الدنيا قرية اسمها ( البرقيق )
1- السويدية مارقريت عاشت معنا في البلد أكثر من 40 سنة ( أيام الكوليرا والاسهالات )
لاحظ وحدة تخلي السويد وتعيش في ضواحي الدنيا ..
2- شارلي بونيه خبير الاثار السويسري عاش اكثر من 40 سنة ومازال يزور المنطقة ( يطول في عمره )
اكتشف آثار الدفوفة ودوكي قيل وحضارة كرمة وبني متحف كرمة أجمل تصميم بدون قرش واحد من الحكومة
جاب القروش من سويسرا
3 - وقبلهم كان مستر لانق الاستكلندي اسس مشروع البرقيق الري من النيل الى الصحراء تخيل عام 1943م
700 حواشة كل حواشة 10 فدان و200 نخلة ( جاب الشتول من منطقة المحس والشايقية ) وبنى أجمل استراحة
على النيل مباشرة كان مقر كمان لشارلي بونيه ومكتب الزراعة

ناس كاودا احسن ليهم الخواجة .. صدقني ممكن يستقطب المنظمات ويعمل مدارس ومستشفيات وغيره
ديل ناس عندهم الانسانية للاخر ..

نحن جربناهم في قريتنا .. لو جلسنا عشرة القرون الحكومة المركزية ما كانت تنتج ولا 1% من انجازاتهم
كده مفروض ولاءنا .. للسويد ( مارقريت ) .. سويسرا ( شارلي بونيه) .. اسكتلندا ( مستر لانق )

الكلام عند تجربة ومعايشة خاصة مع ( شارلي بونيه .. ومارقريت ) كانوا مهتمين بقريتنا أكثر
مننا ..

الخواجات مهما اختلفنا معاهم عندهم جانب انساني عميق جداً

تحياتي الحبيب عمر التاج .. نظرية الترابلة دائماً فيها عمق وقراءة اجتماعية عميقة

تحياتي اخي نصر الدين ..

Quote: ما لا اعرفه نواياه تجاه السودان هل يكيد للسودان شرا ام يريد به خيرا؟ وهل لديه علاقة باللوبي الصهيوني الامريكي المسمى AIPAC ؟

اذا عرفنا دوافع تواجده الدائم مع الحلو خلال الفترة الأخيرة ومن يمثلهم من خلال هذا التواجد عرفنا ماذا يريد بالسودان
سلام .. أم انفصال.
ولكن مما لاشكل فيه أن الرجل يعمل في المكشوف ، ويدير أموره مع الحلو جهارا نهارا .. وفي وجود مستشاريه أمثال محمد المصطفى
والرجل يدخل كاودا ويخرج منها تحت سمع وبصر الجيش السوداني والمجلس العسكري والحكومة المدنية الانتقالية
بل وبمباركة وموافقة القادة الممدنيين والعسكريين .. البرهان وحميدتي وحمدوك ..
وقبل أن نغوص في هذه الحيثية ننقل ما كتبه زميلا المنبر (محمد حامد ومجاهد بشرى ) على صفحتيهما في الفيس بوك ، وبعض المداخلات المهمة للموضوع:

Quote: 2 تواجد غريب للمدير التنفيذي لمنظمة برنامج الغذاء العالمي ، السيد ( ديفيد مولدرو بيزلي) فهو حلقة وصل مستمرة بين الحلو و حمدوك ، نتذكر تواجده في زيارة حمدوك لكاودا ، و الأخبار التي شاعت عن أن الحلو استقبل حمدوك بصفته موظفا بالأمم المتحدة و ليس رئيسا للوزراء ، لكن لم نتحقق من صحة الأخبار ... في السودان واضح ان لديفيد بيزلي ؛ وظيفة سياسية وتدخل عميق ؛ فهو الذي رتب برنامج زيارة رئيس الوزراء حمدوك الى كاودة ؛ نقله بطائرات البرنامج وصعد مع المبعوث الامريكي الى منصة لقاء جماهيري وهو ما لم يفعلوه في العراق او افغانستان ؛ وبشكل ما قبل الزيارة الشهيرة وبرعاية من برنامج الغذاء العالمي والمعونة الامريكية تم الحصول من الحكومة السودانية الانتقالية ووفدها المفاوض على حق نقل الاغاثة مباشرة من الخارج الى مواقع الحركة الشعبية جناح الحلو ؛ إمداد مباشر لا يملك شخص على تحديد نوعية ما ينقل عبره ؛ فإذا كان الحلو يرفض حتى مرافقة قوات رمزية من الجيش لرئيس الوزراء الى كاودة هل تتوقع ان تعرف جهة نوعية الإمداد غير الاغاثي الذي حازه الان لقواته عبر امداد ديفيد بيزلي وجماعته ؛ ومؤكد تبعا لهذا ان معدات وتسليح . والاغرب في هذه الملهاة ورغم ان برنامج الغذاء العالمي والمعونة الأمريكية يملكان التفويض العام بموجب الاتفاق مع الحكومة لغوث المنطقتين فقد كانت المناطق التي تحت سيطرة مالك عقار تستقبل قوافل الغوث من قوات الدعم السريع لان بيزلي لم يرسل (ملوة) الى النيل الأزرق ويخصص دعم البرنامج لعبد العزيز الحلو 3 يتولى السید بیزلي حاليا ؛ مهمة الناقل الرسمي لعبد العزيز الحلو والراعي كذلك ؛ وتعلم اطراف التفاوض السودانية بكل افرعها وتعلم حكومة السودان والوساطة وسلفاكير ان جوبا حاولت ممارسة ضغوط على الحلو للانخراط في مسار المفاوضات لكن بيزلي تدخل لدى حكومة الجنوب وكذلك وجه الحلو بعدم الجلوس إلا في طاولة ومسار منفصلين ؛ اخطر من هذا ان الرجل المتخصص في الازمات الافريقية مع رفيقه طوني ھول، سفیر الولایات المتحدة السابق لدى وكالات الأمم المتحدة العاملة في مجال الأغذیة حيث تشاركا في صناعة منظمة "Project Mercy" . الاخطر ان نشاطات بيزلي تشبك عادة اعمال المنظمات بالسياسة ونفوذ رجال الأعمال وهو ما يشير عندي الى أن دوره بالفعل يتجاوز الذرة والدقيق في الحالة السودانية الى مشروع اوسع (بالمناسبة أين انتهت شراكته مع وزارة المالية السودانية) ؟ وهل استمرت الشراكة بعد ذهاب ابراهيم البدوي ؛ واطرح السؤال واكرر ملاحظة ثلاثية الاعمال والسياسة والمنظمات ومشروعها في السودان الذي كتب ولفت اليه العشرات . لذا اكرر لا تاخذوا بظاهر النصوص والأحداث تفرسوا دوما الوقائع واهتموا بما وراء الصورة وكواليس الحدث . تتضح لكم التفاصيل والمؤشرات و بيزلي هو الحاكم السابق لولاية ( جنوب كارولاينا ١٩٩٥م- ١٩٩٩م) .... و تم تعيينه في منصبه الحالي في مارس ٢٠١٧م بترشيح من ( نيكي هيلي ) سفيرة الولايات المتحدة لدى الأمم المتحدة سابقا ، و أيضا حاكمة سابقة لنفس الولاية ... لكن ما سر تواجده المستمر في كل ما يتعلق بجبال النوبة ، وطبيعة علاقته بقادة الحركات المسلحة ....،؟؟

..
..
Kamal Abbas اظن لدعم موضوع التأسيس لنظام ديمقراطي ودولة القانون الموحد ومساوي لجميع فيءات المجتمع على تنوعهم من خلال فصل الدين عن الدولة..
..وصراحه ان كان الامر هكذا..فمرحب به
من تواجد داعم..
فننحن بجد في اشد الحوجه لهكذا دولة وقانون..
..
Mohmed Adam بظهروا في ايام الاحتفالات و المفاوضات بس بعد ما( يحشروا لينا) تاني ما بتشوفهم خااااالص...
لاانو بعد ما ينتهي طوالي بمشي بكتب مذكراتو و بياخد منصب في الأمم المتحده ...
نفس حركات هيلدا جونسون ايام مفاوضات أبوجا..
زرفت دموع التماسيح ...
..
البروف اللورد وجوده بصفة مشروع قادم في جبال النوبة وتهيئة لانفصال هناك فالارض غنية بكل موارد دهب وبترول وارض خصبة ومساحة ليست بالكبيرة وهي فلسفة الحلو في تفاوض تم دعمه بشرط تنفيذ كل الاشطراتات الموقع عليها من يري اختلاف الحلو وعقار في الوطنية يعلم من حمل سلاحا لاجل مطالب ومن هو باع قضيته لأجل مال فامريكا لم تستفد من سودان لسنوات عديدة وهي تخطط لعمل نفوذ في جبال النوبة في ظل سيطرة فرنسا على دارفورر وتوجه العربي للشرق فنحن كشعب كمبارس لاحلام هولاء
..
Moutaz Nasr Aldeen الحاجات دي ما قادرين تفهموها لانكم ما عندكم خلفية تاريخية عن النضال في جبال النوبة وما سمعتو بيسوف كوة و كيف سمح للمنظمات إنها تدخل الاقليم و يقيم الحجة حتى على نفسو
..
ماج شيما راجع يا مجاهد خطاب حمدوك في كاودا. معلوم كل المنظمات خاصة الممولة من امريكا العاملين فيها عملاء مخابرات. هذه الشخصية بالذات العاملة في برنامج الغذاء هو الداعم للحلو بكل معينات القتال من اسلحة وغذاء واتصالات وغيره وعبرهم ترسل كل التقارير المضللة. المشكلة في حمدوك يقوم بكل شيء في الخفاء. وبالواضح حمدوك من داعمي الانفصال وكل شيء مرتب بينه وبين الحلو صديق العمر
..
Elsir Elshareef هنالك لوبي في أمريكا يدعم الحلو .... و هو لوبي الفوضى الخلاقة .... هؤلاء يدعمون تقرير المصير و تفتيت السودان و هو لوبي تقوده الإدارة ... كما هنالك لوبي آخر تقوده المخابرات يرون استقرار السودان أفضل في ظل حاكم عسكري
..
Um Yaseen ده الوحيد البيقدر يدخل المناطق المحررة و يتحرك فيها بحكم وظيفته و بتذكر مرة ايام المخلوع العواليق كان مانع المساعدات الانسانية تصل المنطقتين نبذو قال ديل ما بنديهم تصريح عبور ده خواجا جاي يتفوضج فينا قايل البلد فاكة🤣🤣🤣
الناس كانت بتموت بالجوع و السفيه المخلوع عامل فيها سيد بلد

تحياتي د. أحمد

Quote: وجوده يا التاج معناه البلد محروسة

هذه النبرة المتفائلة تتسع مع تأمل الفقرة أدناه من احدى صفحات المنظمة، والاشارة لتغريدة رحيمة لهذا الخواجة

Quote: David Beasley, the executive director of the World Food Program, based in Rome, posted a prayer at the top of his Twitter page in early January, reading: “My prayer for 2018: Peace. Our path to Zero Hunger begins with peace.”