البرهـــان واقف قنـــا

05:03 AM September, 03 2020

سودانيز اون لاين
Abureesh-أمريكا
مكتبتى
رابط مختصر

يازول أنا مؤيدك تب.. حتى لو زحفت مع السلاحف لتفويضك.
أبناء النيل لما تصريحاتك الصواعق أوقفت الشركات العالمية من الإستثمار فى حلايب، جو الخرطوم لشنو ما عارف، لكن أكيد للإستحمار.. قول ليهم زمن محمد طلعت فريـد وإستحمار السودانيين عشان يوقعوا على أى بطيخ
وعلى أى بطاطس.. الزمن دا إنتهى.. وفى موضوع محم جداً.. لازم تكلموا المصريين يرسلوا وزير الخارجية لوعاوزين أى إتصال بالحكومة.. ولو أصروا يرسلوا رئيس المخابرات خلوه يقابل رئيس جهاز المخابرات بتاعنا بس.
هذا هو البروتوكول. خلوكم نجاض وأفتحوا عينكم ريال.. بعدين أى مسؤول مصرى يدخل القصر خلوا خارطة السودان مع حلايب فى الجدران الأربعة. وصوروه معاها زى ما هم قاعدين يعملوا كدا لما تزوروهم.