نشرب تجلدونا, نصلى ترشونا

04:07 AM September, 03 2020

سودانيز اون لاين
Mahjob Abdalla-
مكتبتى
رابط مختصر

في التسعينات عندما تم الاعتداء علي المصلين في احد المساجد بـ امدرمان, قالو واحد كان سكران, قاليهم
"نشرب تجلدونا, نصلى ترشونا, اها نعمل شنو بعد كدا".

هذه النكتة تذكرنى بما يحدث في سودانيز في سودانيز اونلاين علي وجه الخصوص و كل السوشال ميديا هذه الايام بمناسبة توقيع بعض الحركات المسلحة علي اتفاقية سلام مع حكومة الامر الواقع في الخرطوم.
حيث الكل يتهم الموقعين علي الاتفاقية بأنهم مصلجية و جارين وراء المناصب و في ذات الوقت يتهمون عبدالواحد و عبدالعزيز الحلو بأنهم لودرات حروب و لا يريدون السلام لان مصالحهم من دماء المساكين سوف تتوقف.

_________________
كدا ارسو لينا علي بر. انتو دايرين اليحصل شنو بالضبط؟

السلام من شعارات الثورة ما في شك
بس زي التوم هجو لازم يشرح .
معقولة اتحادى وحركة مسلحة

لا لا يا محجوب ما الكل
ياهو الشيوعيين بي جهة و بريمة و الجهويين الزيو بي جهة تانية دا غير الفلول و الكيزان من جهة تالتة
أمّا الأغلبية فمع السلام مهما كانت تكلفته

انا غايتو مع انه ماتكون في بندقية لافة الا تحت مظلة القانون ولحماية المدنيين والقرى والاهالي ..
دا بالنسبة للجنرالات وحملة السلاح في الطرفين لوقف انتهاك حرمة دماء الأبرياء ..

طبعاً اكيد كان في مصلحنجية ومستربحين من دماء المساكين
لكن بإنتهازية واعية بنتهز الفرصة دي وأقول ..خليهم يبقوا زي حميدتي كدة تحت ضوء ونظر القانون* ..
وبعد شوية ادوهم فرقة يكونوا حماة القانون ..
وبعدها براهم بيقولوا ليكم تعالوا حاكمونا بالقانون
والعندو شئ ممكن يلقانا ..

المهم وقفوا دمنا

دا مش شعار قادة السلاح البرهان وحميدتي برضو .. الوجه المقابل للحركات ..حاكمونا بالقانون !


ــــــــــــــ..
وبرضو كزول كبير ومابصدق قصة الغولة وبابا نويل عارف انه حكم القانون حكوة ساي وأهو ايام وبتعدي ..

هم ...

مثل أي بشر في العالم

في أي مكان في العالم

في أي زمان في العالم

فيهم الغني والفقير

فيهم الذي يستغل الناس والذي ينحاز إليهم

فيهم الخير والشر

فيهم الصالح والفاسد

فيهم المتعلم والأمي


لذلك لن ننحاز لهم لأنهم ( مهمشين ) ومعظم قادتهم ليسوا كذلك، وإنما بما يطرحونه لحل قضايا الواقع السوداني، فهم ليسوا كتلة واحدة إلا في عقل لا يرى الواقع.

سلام للجميع
دكتورة اخلاص
ود البشرى
حيدر الزين
عبدالله حسين
طبعا كل طرف ليهو حق و هى سنة الحياة الناس تختلف, لكن________________
حتي الان الناس بتجرب في نفس التجارب السابقة الفاشلة و اكيد ما متوقعين نتيجة مختلفة و هذه هى المعضلة الحقيقية في السودان و سوف يؤدى الي الفشل في كل شئ.
اتفاقيات بالقطاعى لن تؤدى الي حلول و لكن قد يمكن البعض من مواصلة الحكم (الي حين)

ود عباس
عندنا قصة شهيرة فى اربجى
وهى حصلت فى بداية انقلاب اهل الغيهب
عندنا عما لينا اسمه عطا له الرحمة والمغفرة
هو عامل بسيط شغال رزق اليوم باليوم وفى
نهاية اليوم بمشى بحماره الانداية يستمتع بالمربسة
من رهق الشغل ويرجع جاء انقلاب الكيزان المشؤم وبقو
يداهمو الاندايات فى عاصمتنا الحصاحيصا التى تبعد عن اربجى
حوالى اربعة كيلو قامو كشوهو وتانى يوم تم عرضه على قاضى كويز صغير
قام نهزره واخبره ان البلد بقت تحكم بالشريعة وأخبره انه سوف يسامحه
هذه المرة نظر لانه رجل كبير في السن يومين تلاتة تانى جابو ليهو عطا مكشوش
برضو نهزره وحكم عليهو بالسجن تلاتة ايام وأخبره انه فى المرة القادمة لوجابوهو ليهو
حايحكم عليه بالجلد
بعد اسبوع جابوليهو تانى عمنا عطا قام القاضى الكويز هاج وماج وحكم على عمنا عطا بالجلد
فكان رد عمنا عطا للقاضى انت تدق ونحن نبق