Post: #1
Title: اسماعيل عبدالله محمد (الجلابي)
Author: جمال المنصوري
Date: 09-03-2020, 12:30 PM
Parent: #0
12:30 PM September, 03 2020 سودانيز اون لاين
جمال المنصوري-sudan
مكتبتى
رابط مختصر
بالصدفة كنت متواجدا في قسم فحص السيارات تمام، ماشي في امانة الله اتزنقنا انا وسوداني (جلابي كامل الدسم) شكلوا ما غريب علي زي البعرفوا لي زمن، سلمت عليه
ازي الحال حق الله بق الله
قلت ليه: ياخ انا زي البعرفك كده،
قال لي: ما اظن اتلاقينا،
قلت ليه: انا متأكد زي الشايفك في مكان كده..
اتجرأت وسالتو : اسمك منو ؟
في اللحظة الكان بيردد في اسمو انا كنت بردد معاه في نفس الوقت بصورة متطابقة..
قال لي: اسمي اسماعيل عبدالله.
قلت ليه: محمد
قال لي اسماعيل عبدالله
قلت ليه: اسماعيل عبدالله محمد..
قال لي: ايوة...
قلت ليه: بتكتب في سودانيزاونلاين..؟
قال: ايي..
اتونسنا مع بعض لبعض الوكت، لو ما كان مستعجل كنت طلعت ليكم منو بمقال كارب..
قلت ليه بقيت ما بتكتب ليه؟
قال موقوف من الكتابة باسم الإدارة... ( يا بكري برجاء ان ترجع لإسماعيل الباسويرد)
قلت ليه السبب..
قال لي: انتو الجلابة ما بتستحملوا الكلام...
قلت ليه: جايز لكن على العموم السودانيون على العموم فيهم سلفية تامة في موروثهم الثقافي، والفني والإجتماعي انا شخصيا فاقد الأمل في اي تغيير ممكن للأحسن.
الكلام كتير رقم قصر اللقاء..
(يا بكري رجع لي اسماعيل الباسويرد لو سمحت)
البورد بدون الراي الأخر بقى مسيخ
وشكرا
|
Post: #2
Title: Re: اسماعيل عبدالله محمد (الجلابي)
Author: علي عبدالوهاب عثمان
Date: 09-03-2020, 12:35 PM
Parent: #1
(يا بكري رجع لي اسماعيل الباسويرد لو سمحت)
================
شكرا حبيبنا جمال .. تحياتي لك
حبيبنا اسماعيل اختلفنا معه أو اتفقنا لديه قلم رائع
يا ريت الحبيب بكري يعيد النظر في موضوع اسماعيل عبدالله
وكمان حبيبنا الرائع صديق الغالي
خلاص يا اسماعيل الحبيب زمن الجلابا ولى لغير رجعة
والجلابا اصبحوا اقلية ..
مشتاقين يا سمعة ..
شكرا حبيبنا جمال .. يا ريت حبيبنا بكري يراجع الموضوع
|
Post: #3
Title: Re: اسماعيل عبدالله محمد (الجلابي)
Author: MOHAMMED ELSHEIKH
Date: 09-03-2020, 01:14 PM
Parent: #2
شكرا منصوري ولكم تحية
مشتاقين لقلم الاخ اسماعيل عبد الله
ومعكم اناشد بكري باعادته
|
Post: #4
Title: Re: اسماعيل عبدالله محمد (الجلابي)
Author: Ali Abdalla
Date: 09-03-2020, 03:38 PM
Parent: #3
الرأي الاخر مهم جداً،
نرجو إعادة كل من تم فصله أو إيقافه بسبب رأيه،
لعناية الريّس بكري.....
|
Post: #5
Title: Re: اسماعيل عبدالله محمد (الجلابي)
Author: Dr. Ahmed Amin
Date: 09-03-2020, 07:51 PM
اسماعيل عبدالله من الأقلام الجميلة التي اتابعها ..
أتابعه الأن في موقع الراكوبة ..
كتاباته واقعية وصريحة.
تحياتي له ولك أخي المنصوري
|
Post: #6
Title: Re: اسماعيل عبدالله محمد (الجلابي)
Author: Dr. Ahmed Amin
Date: 09-03-2020, 07:51 PM
اسماعيل عبدالله من الأقلام الجميلة التي اتابعها ..
أتابعه الأن في موقع الراكوبة ..
كتاباته واقعية وصريحة.
تحياتي له ولك أخي المنصوري
|
Post: #7
Title: Re: اسماعيل عبدالله محمد (الجلابي)
Author: علاء سيداحمد
Date: 09-03-2020, 08:09 PM
Parent: #6
شكراً يا المنصورى
ومعك نطالب الريس بكرى باعادة الباسويرد للجلابي
اسماعيل عبدالله .
|
Post: #8
Title: Re: اسماعيل عبدالله محمد (الجلابي)
Author: Gafar Bashir
Date: 09-03-2020, 08:18 PM
Parent: #7
الرأي الاخر مهم جداً،
تثنية
|
Post: #9
Title: Re: اسماعيل عبدالله محمد (الجلابي)
Author: عمر التاج
Date: 09-03-2020, 08:27 PM
Parent: #8
معقول الزي إسماعيل ده يمنع عن الكتابة والتعبير في المنابر؟
سمعة ده ياخ زول دغري وصريح وكتاب .. ومن أعمدة المنبر الأساسيين
ما نظنه مخالف لرأينا لا يعني أنه مجاف للصواب أبدا، فقد يكون الخلل في فهمنا للموضوع أو طريقة التعبير عنه
ومعك يا المنصوري نناشد بكري .. أعد للمنبر هذا القلم الوسيم
|
Post: #10
Title: Re: اسماعيل عبدالله محمد (الجلابي)
Author: جمال ود القوز
Date: 09-03-2020, 08:49 PM
Parent: #9
نعم لعودة حبيبنا سمعه أب جضوم ..
الجلابي القُح ...
مهما كانت آراء إسماعيل حادة ومشاترة ...
لكنها تمثل رأي لشريحة مقدرة ..
أغلبيتها صامتة لكن سمعه يصدع برأيه ..
وهذه محمدة وتُحسب له ..
والماعاجبه يرد عليه ويقول رأيه
والحشاش يملا شبكته ..
أو كما يقولون ..
|
Post: #11
Title: Re: اسماعيل عبدالله محمد (الجلابي)
Author: ترهاقا
Date: 09-03-2020, 09:02 PM
Parent: #10
اسماعيل ابو جضوم الجلابي، بالله هو كان موقوف؟
انا قلت تكون زهجة وبجي راجع
|
Post: #12
Title: Re: اسماعيل عبدالله محمد (الجلابي)
Author: MOHAMMED ELSHEIKH
Date: 09-04-2020, 07:13 AM
Parent: #11
والله حكاية الجضوم دا اول مرة اعرفها
لرفع البوست طبعا
|
Post: #13
Title: Re: اسماعيل عبدالله محمد (الجلابي)
Author: جمال المنصوري
Date: 09-04-2020, 10:02 AM
Parent: #12
الأخوان الإعزاء
علي عبدالوهاب عثمان
MOHAMMED ELSHEIKH
Ali Abdalla
Dr. Ahmed Amin
علاء سيداحمد
Gafar Bashir
عمر التاج
جمال ود القوز
ترهاقا
مشكورين على المرور والتعليق، واسف جدا لتاخير الرد
بصراحة كده بمناسبة الجضوم اسماعيل ما عندو جضوم، الراجل يتمتع بالرشاقة والوسامة والشباب
ببعدين بمناسبة الراي الآخر واهميته
الحقيقة بيعلمك تلاتة اشياء مهمة جدا
1- الصبر
2- تنشيط العقل.
3- إذا قدرت تصبر وتعقل حتصل لمرحلة الحياد الإيجابي،
أو بمعنى اخر التفكير النقدي)
محبتي لكم جميعا
|
|