Post: #2
Title: Re: الأجانب من اصول سودانية يجب منعهم من دخول
Author: بدر الدين الأمير
Date: 09-03-2020, 03:52 AM
Parent: #1
خلوها مستورة
يادوب فهمت مقولتك تلك
يا على الحاج... وياحليل الغرب ...
والطرق البتنقذ اهلنا في الغرب السودانى
|
Post: #3
Title: Re: الأجانب من اصول سودانية يجب منعهم من دخول
Author: بدر الدين الأمير
Date: 09-03-2020, 03:55 AM
Parent: #2
ماتنسو صاحب هذا المنبر
امريكى من اصول سودانية
|
Post: #4
Title: Re: الأجانب من اصول سودانية يجب منعهم من دخول
Author: بدر الدين الأمير
Date: 09-03-2020, 03:58 AM
Parent: #3
وانا اقول الاجنبى دينق دا مالو متلحنا
اتاريهو راقد ليهو في انقلاب ....
|
Post: #5
Title: Re: الأجانب من اصول سودانية يجب منعهم من دخول
Author: بدر الدين الأمير
Date: 09-03-2020, 04:07 AM
Parent: #4
امتثال عبدالله
ومن هن على شاكلتها من أجنبيات
من اصول سودانية ممنوع التداخل
والتعليق وشوفن ليكن مسار غير مسار هذا
البوست ..
وانا بحب السندوتشى اوكمال قال
أيقونة السلام حميدتى
|
Post: #6
Title: Re: الأجانب من اصول سودانية يجب منعهم من دخول
Author: بدر الدين الأمير
Date: 09-03-2020, 04:12 AM
العم بشاشة والخال هبانى
تبا لكم يا اجانب
|
Post: #7
Title: Re: الأجانب من اصول سودانية يجب منعهم من دخول
Author: خضر الطيب
Date: 09-03-2020, 04:15 AM
Parent: #6
قصدك شنو يا ابو الأمير
الجواز سحبوهو مننا في سفارة الأوغاد في لندن
و الإنقليز ما قصرو
هسي طلع لينا جوازنا السوداني
لو بتقدر قول لو ما بتقدر قول :)
|
Post: #8
Title: Re: الأجانب من اصول سودانية يجب منعهم من دخول
Author: بدر الدين الأمير
Date: 09-03-2020, 04:21 AM
Parent: #7
حتى أنت ياود الطيب
البريطانى من اصول سودانية
داير تجى تانى تستعمرنا...فاتك
القطار فاتك القطار ...
|
Post: #9
Title: Re: الأجانب من اصول سودانية يجب منعهم من دخول
Author: ترهاقا
Date: 09-03-2020, 04:52 AM
Parent: #8
طيب إنت وضعك شنو يا قطري ابن الفجاءة؟
ناسك دييل والله بحبهم شديد على الاقل ما غلطوا علينا زي الكلب اللي اسمو بن زايد
|
Post: #10
Title: Re: الأجانب من اصول سودانية يجب منعهم من دخول
Author: امتثال عبدالله
Date: 09-03-2020, 06:39 AM
Parent: #9
اولا يا ود الامير لازم تعرف ان علي الحاج ده والقال انه الماني من اصول سودانية اثبت بانه راجل عوير ودلاهة وفي نفسالوقت مسكين وانا والله شفقت عليه لانه المسكين كان عاوز يتعلق بقشة تنقذه من الغرق...وهو معتقد انه وبمجرد ما السفير الالماني يعرف بانه مواطن الماني حيتدخل ويطالب باطلاق سراحه فورا ويجهز ليه طيارة خاصة تنقله هو واسرته الى بون فينفس اليوم ...لكن المسكين ما عارف ان المانيا دولة ديمقراطية وتكره الديكتاتورية وعندها عقدة من الدكتاتورية منذ ايام هتلر وعندهاعقدة من المجازر منذ مجازر الهولوكست،،وما عارف ان السفير الالماني ، واذا حكموا على المواطن الالماني علي الحاج بالسجن مدى الحياةحيتصل بالقاضي ويقول ليه غير الحكم الى الاعدام لان هذا المواطن لا يشرفنا وهو الذي شارك في الاطاحة بالديمقراطية وشارك في قتل ٣٠٠ الف نسمة من شعب دارفور. وسرق اموال كانت مخصصة لتنمية دارفور...ثانيا: نحن نعتز بسودانيتنا ايما اعتزاز ونفتخر باننا سودانيين وسودانيات..وانت طبعا تعرف ان جواز السفر السوداني اصبح شبهة ويعرض حامله للمساءلة والاشتباه بانه ارهابي في كل مطارات العالم حتى مطارات دول اخونا بريمة، وهيدول الخليج...لان عهد اللصوص والحرامية شوه صورة السوداني وجعله اضحوكة العالم ، لعنة الله عليهم وهم اساسا سبب هروب ١٠ مليون سوداني من السودان في الفترة بين عامي ١٩٨٩م و٢٠١٩م.ثالثا نؤكد ليك وبمجرد ان يعود السودان الى المجتمع العالمي ونثق بان حكومة ديمقراطية تحكم السودان وتسعى لتحقيق التنمية والرخاء لشعب السودان ويعزد لجواز السفر السوداني هيبته وشموخه فسوف لن تكون بحوزتنا غير جواز السفر السوداني ، فقد اخبرنا ذات مرة والد بسمات انه عندما كان يزور بريطانيا زمان يتحصل على تاشيرة الدخول في نفس اليوم وبدون اية تعقيدات وعندما يصل مطار لندن يبتسم ضابط الهجرة البريطاني في وجهه ويقول له مرحبا بك في وطنك الثاني بريطانيا . ...ولي عودة. فقد وصلت الان الى عطبرة مدينة الثورة والثوار وربما نسمع المزيد من عمنا الشيخ عبد الرحيم عن عزة ومجد السودان زمان وعن عزة وهيبة جواز السفر السوداني زمان ...
|
Post: #11
Title: Re: الأجانب من اصول سودانية يجب منعهم من دخول
Author: Abureesh
Date: 09-03-2020, 06:53 AM
Parent: #10
والفى الحكومة كيف؟
والفى قحت..
كدا حترجع الكيزان.
|
Post: #12
Title: Re: الأجانب من اصول سودانية يجب منعهم من دخول
Author: Deng
Date: 09-03-2020, 07:16 AM
Parent: #11
بدر الدين
يا حاقد.
|
Post: #13
Title: Re: الأجانب من اصول سودانية يجب منعهم من دخول
Author: امتثال عبدالله
Date: 09-03-2020, 07:20 AM
Parent: #12
ابو الريش
بالله كلم ود الامير وقول ليه جميع وزراء الحكومة الانتقالية اجانب ، و٢ من اعضاء مجلس السيادة اجانب
...ويقال ان ود الامير نفسه بيسعى للحصول على الجنسية القطرية ..
ويبقى قطري ....قطري بن الفجاءة...
كأني قرات ان قطري بن الفجاءة ده كان من الخوارج وجنن ناس بنو امية جن ...
|
Post: #14
Title: Re: الأجانب من اصول سودانية يجب منعهم من دخول
Author: علاء سيداحمد
Date: 09-03-2020, 08:03 AM
Parent: #13
مكرر
|
Post: #15
Title: Re: الأجانب من اصول سودانية يجب منعهم من دخول
Author: علاء سيداحمد
Date: 09-03-2020, 08:11 AM
Parent: #14
سلام للجميع هنا
Quote: اولا يا ود الامير لازم تعرف ان علي الحاج ده والقال انه الماني من اصول سودانية اثبت بانه راجل عوير ودلاهة وفي نفسالوقت مسكين وانا والله
شفقت عليه لانه المسكين كان عاوز يتعلق بقشة تنقذه من الغرق...وهو معتقد انه وبمجرد ما السفير الالماني يعرف بانه مواطن الماني حيتدخل ويطالب
باطلاق سراحه فورا ويجهز ليه طيارة خاصة تنقله هو واسرته الى بون فينفس اليوم |
يا ود الامير بالنسبة للحاصلين على جنسية مزدوجة من اصول غير اوربية ومتهمين فى قضايا : " ركّز فى المقتبس ادناه "
Quote: وصدرت لأئحة تنص على أي شخص من أصول غير أوربية ومتهم في قضايا تخص حقوق الإنسان والمال العام. يتم محاكمته في الدولة التي أرتكب
فيها الجرم وإذا ثبت أدانته تسحب منه الجنسية ويحرم عليه دخول دول الأتحاد الأوربي وتصادر جميع ممتلكاته وأمواله لصالح الدولة التي أرتكب فيها الجرم.
في ذات الوقت وأفق الكونجرس..الأمريكي علي تطبيق نفس اللأئحة علي..حملة الجنسية الأمريكية. |
|
Post: #16
Title: Re: الأجانب من اصول سودانية يجب منعهم من دخول
Author: امتثال عبدالله
Date: 09-03-2020, 08:23 AM
Parent: #15
علاء سيد احمد
يا ريت واحد يعمل معروف ويشيل الفقرة الاخيرة دي ويوديها لي علي الحاج في سجن كوبر عشان ما يأمل كتير
في مساعدة المانيا...لان التهمة لابساه ١٠٠ في الميه ...وحيفقد الجنسية الالمانية ...
ان شاء الله بيكون بيعرف يتكلم الماني عشان يقنع محامي الماني يدافع عنه...لاني سمعت انه في محامي الماني مشهور
ممكن يطلعك براءة حتى اذا قتلت القاضي البيحاكمك امام الشهود وامام الشرطة وامام كاميرات التلفزيون لكن فتح الخشم
بس عنده ٥ مليون دولار عدا نقدا
|
Post: #17
Title: Re: الأجانب من اصول سودانية يجب منعهم من دخول
Author: امتثال عبدالله
Date: 09-03-2020, 08:53 AM
Parent: #16
بدر الدين ود الامير
هل قرأت مقال الصحفية اللامعة سهير عبد الرحيم المنشور في الصفحة الاخيرة من صحيفة الانتباهة الصادرة صباح اليوم
بعنوان؛"انا الماني انا"" ...على وزن انا سوداني انا. .
نتمنى من زميلنا خضر ود الطيب ينزل لينا المقال هنا للفائدة العامة..
وانا بقول لي سهير ::الله يجازي محنك وشيطان عقلك ..ضحكتينا ونحن في هم وغم
وفقع مرارة من تصرفات الحكومة الانتقالية التي انشأت صباح اليوم ٧ وزارات جديدة لاستيعاب
رؤوس الحركات الشعبية المسلحة التي وافقت على القاء السلاح ارضا مقابل التوزير...
يا ربي الجنود المرابطين في الثغور حيعينوهم مستشارين متين!!!!؟؟؟؟؟؟
|
Post: #19
Title: Re: الأجانب من اصول سودانية يجب منعهم من دخول
Author: بدر الدين الأمير
Date: 09-03-2020, 11:50 AM
Parent: #15
علاء ياودسيد احمد
كتر خيرك جبت الزيت
ولا نامت اعين الاجانب
|
Post: #23
Title: Re: الأجانب من اصول سودانية يجب منعهم من دخول
Author: بدر الدين الأمير
Date: 09-03-2020, 12:22 PM
Parent: #12
دينق
انا الحاقد ولا انت المتامر
شايفك انت والظلامى معتز القريش
فتحتو الفرع التانى من لسلسة مطاعمكم
بالدوحة والاخبار العندى انك وهجو الاقراع
حاتعملو شركة بارات اسلامية وتحت تحت قالو
العبار بريمة بلل هو ممول المشروع
|
Post: #22
Title: Re: الأجانب من اصول سودانية يجب منعهم من دخول
Author: بدر الدين الأمير
Date: 09-03-2020, 12:11 PM
Parent: #11
ابو الريش
انت امريكى من اصول سودانية
وكمان عندك دريبات صينية ونحن
غلابا مابنقدرش على امريكا والصين
|
Post: #21
Title: Re: الأجانب من اصول سودانية يجب منعهم من دخول
Author: بدر الدين الأمير
Date: 09-03-2020, 12:02 PM
Parent: #10
امتثال يابت عبدالله
قالها وكتبها من قبل الطيب صالح
حين كتب مقالاته الشهيرة
من اين اتى هؤلاء الناس بل من هم هؤلاء الناس
وكل يوم وكل ساعة وكل دقيقة وكل ثانية
يصدق فيهم وصف الشهيد محمود محمد طه لهم
إنهم يفوقون سوء الظن العريض
|
Post: #18
Title: Re: الأجانب من اصول سودانية يجب منعهم من دخول
Author: بدر الدين الأمير
Date: 09-03-2020, 11:46 AM
Parent: #9
ترهاقا
ياخى انت ماشايف الاجانب الحقارين ديل
اتلمو فينى كيف فياخى تعال نعمل مسار
لا للاجانب من اصول سودانية يعملو انقلابات
ويهربو يعملو جوازات ويجو يحكمو
|
Post: #20
Title: Re: الأجانب من اصول سودانية يجب منعهم من دخول
Author: علي عبدالوهاب عثمان
Date: 09-03-2020, 12:02 PM
Parent: #18
حبيبنا الامير .. تحياتي
في موقع اخبار السودان في مقال طويل عن الموضوع
وهذا جزء منه :
((وتنص الوثيقة الدستورية على أن يكون عضو مجلس السيادة سودانياً بالميلاد ولا يحمل جنسية دولة أُخرى.
بينما يُشترط في رئيس وعضو مجلس الوزراء أن يكون سودانياً بالميلاد، مع مراعاة الشروط الواردة في الفقرة 1 ، أ،
حيثُ يشترط في أيّ من رئيس الوزراء ووزراء الدفاع والداخلية، والخارجية، والعدل ألا يحمل جنسية دولة أُخرى.
وبحسب الوثيقة يجوز الاستثناء من هذا الشرط بالتوافق بين مجلس السيادة وقوى إعلان الحُرية والتغيير لرئيس الوزراء،
وبالتوافق بين مجلس السيادة ورئيس الوزراء بالنسبة للوزراء في الفقرة 1، أ.
في ذات السياق يحق للسودانيين وفق قانون الجنسية السودانية لعام 1994م حمل جنسية أُخرى،
وهو ما لم يكن متاحاً في القانون القديم. ))
تحياتي الحبيب الأمير
|
Post: #24
Title: Re: الأجانب من اصول سودانية يجب منعهم من دخول
Author: بدر الدين الأمير
Date: 09-03-2020, 01:11 PM
Parent: #20
على ياود عبدالوهاب
قنانو ازدواجية الجنسية عمله المافون الترابى
لشئ فى نفس التنظيم العالمى للاخوان الكيزان
لكنه انقلب عليهم وبالا كما انقلب عليهم انقلابهم
هسى ياعلى لوخيروك ان تكون حيث انت الآن
وحيث كان الكوز الوزير او السفير او الامنجى بيامر وينهى
ويغتنى ويتزوج ثلاث ورباع ويساومك على ان
يمنحك خلو رجل من زوجتك التى اعجبته او الموت
اكيد حاتقول المحدلله انى حيث انا ولوعايش على الكفاف
بس المهم انى مابقيت كوز اوتعاطفت مع الكيزان ولا آدمية
الكيزانية
على فكرة ياعلى عندى صديق شغال على سيناريو مسلسل
عن كيف ممكن يسرق الكوز منك زوجتك اويساومك عليها
او يرسلك للجنوب تموت فطيس بطيارة او بدون طيارة
|
Post: #25
Title: Re: الأجانب من اصول سودانية يجب منعهم من دخول
Author: خضر الطيب
Date: 09-03-2020, 01:32 PM
Parent: #20
Quote: حتى أنت ياود الطيب
البريطانى من اصول سودانية
داير تجى تانى تستعمرنا...فاتك
القطار فاتك القطار ... |
ما فات اي شي يا ابو الأمير
الحكومة دي حقتنا
انت وضعك شنو؟ هههههه
|
Post: #26
Title: Re: الأجانب من اصول سودانية يجب منعهم من دخول
Author: علي عبدالوهاب عثمان
Date: 09-03-2020, 01:53 PM
Parent: #25
على فكرة ياعلى عندى صديق شغال على سيناريو مسلسل
عن كيف ممكن يسرق الكوز منك زوجتك اويساومك عليها
او يرسلك للجنوب تموت فطيس بطيارة او بدون طيارة
==========================
حبيبنا الامير .. تحياتي
بعد الثورة واكتشاف ما خفي
من أموال ومخالفات وسرقات وخيانات وسلوك غير اخلاقية
لم أكن اتخيل أن يكون هناك سودانيين بهذه الصفات
في اشياء اعجز عن ذكرها .. مخجلة
تحياتي الحبيب الامير
|
Post: #27
Title: Re: الأجانب من اصول سودانية يجب منعهم من دخول
Author: بدر الدين الأمير
Date: 09-03-2020, 06:07 PM
Parent: #26
على ياود عبدالوهاب
الكيزان وتنظيمهم العالمى من يوم انقلابهم
المشؤم كل شئ فعلوه مرصود وموثق لحظة
بلحظة توثيق فردى او جماعى اوتنظيمى ...
وزى ماقال الصادق الرضى وغنى مصطفى سيد احمد
سوف نصلبهم عرايا على بوابة التاريخ
|
Post: #28
Title: Re: الأجانب من اصول سودانية يجب منعهم من دخول
Author: Asim Ali
Date: 09-03-2020, 08:23 PM
Parent: #27
فى اعتقادى رد على الحاج كان مقصود وماقالو عبث ومع واقع مايحصل من تصاعد لمحاولات سرقه الثوره (ان لم سرقت اصلا) فهو اشبه بسخريه من اجانب الحكم الان وعجزهم اما دوله الكيزان العميقه
| Quote: «إياك أعني واسمعي يا جارة» |
لكن للاسف تم تناوله فى الميديا تناول سطحى. للفكاهه
---------------
Quote:
ثالثا نؤكد ليك وبمجرد ان يعود السودان الى المجتمع العالمي ونثق بان حكومة ديمقراطية تحكم السودان وتسعى لتحقيق التنمية والرخاء لشعب السودان ويعزد لجواز السفر السوداني هيبته وشموخه فسوف لن تكون بحوزتنا غير جواز السفر السوداني ، فقد اخبرنا ذات مرة والد بسمات انه عندما كان يزور بريطانيا زمان يتحصل على تاشيرة الدخول في نفس اليوم وبدون اية تعقيدات وعندما يصل مطار لندن يبتسم ضابط الهجرة البريطاني في وجهه ويقول له مرحبا بك في وطنك الثاني بريطانيا . ...ولي عودة. فقد وصلت الان الى عطبرة مدينة الثورة والثوار وربما نسمع المزيد من عمنا الشيخ عبد الرحيم عن عزة ومجد السودان زمان وعن عزة وهيبة جواز السفر السوداني زمان
|
مؤسف التفكير باسلوب (تلقاها جاهزه ومملحه) فالسودان لن يستسعد قيمته بين الاوطان وينهض بتنميه الا بمجهود بشر يقدمو عرق ودماء لاجل ذلك وشىء مؤلم ان يتنظر البعض ان يستتب الامر ويجو يلقوها جاهزه عشان ينعمو بخيرها وديمقراطيتها الاتدفع فيها تمن غالى من اهل البلد ناس الهويه والجواز الواحد ان كان فيهم من فكر اصلا فى امتلاك جواز
|
Post: #29
Title: Re: الأجانب من اصول سودانية يجب منعهم من دخول
Author: جمال ود القوز
Date: 09-03-2020, 09:02 PM
Parent: #28
| Quote: الأجانب من اصول سودانية يجب منعهم من دخول السودان |
ما قدر ده ! ..
يجوا السودان لكن ما عندهم دخل بالسياسة نهائيا
ولا يتولوا أي مناصب تخص معيشة المواطن التعبان ..
فترنا من تفكيرهم الماري انطوانيتي ..
Quote: مش ناقصين انقلابات
|
دي بقى نهاية المطاف ومحصلة يفرضها
طريقة تفكيرهم العقيم في إدارة البلد ..
مشكلتهم إنهم رضوا بنصف الحكم
ففقدو حتى النصف الذي حرصوا عليه ..
|
Post: #30
Title: Re: الأجانب من اصول سودانية يجب منعهم من دخول
Author: بدر الدين الأمير
Date: 09-03-2020, 09:17 PM
Parent: #29
جمال يا ود القوز
شوفليك قوز اطلعو
هو انت ياجمال أنت اجنبى
من اصول سودانية ولا سودانى
من اصول اجنبية
ولا راسمالك اقامة وكفيل فى الخليج
ولا رمتالى عايش في السودان الشقيق
|
Post: #31
Title: Re: الأجانب من اصول سودانية يجب منعهم من دخول
Author: Abureesh
Date: 09-04-2020, 06:09 AM
Parent: #30
| Quote: وكمان عندك دريبات صينية ونحن |
هلا بدر
لا عندى دريبات لا غنيمات فى الصين..
وهم زاتهم يا دوب قبل 6 سنة بس بدأوا يدوا القرين كارد بتاعهم.. لكن جنسية حتى المولود عندهم (من أصول سودانية) ما فى طريقة ليه.
|
Post: #32
Title: Re: الأجانب من اصول سودانية يجب منعهم من دخول
Author: Osman Musa
Date: 09-04-2020, 02:22 PM
Parent: #31
أخونا بدرالدين
سلامات
انشاءالله يا بدر يعينواليك والي لي اربجي
اجنبي .
ويقوليك يا بدر انت بيتكم دا طالع زيادة من الشارع .
ويدفعك قروش .
عشان تاني ما تجي تتكلم عن الاجانب المساكين.
|
Post: #33
Title: Re: الأجانب من اصول سودانية يجب منعهم من دخول
Author: بدر الدين الأمير
Date: 09-05-2020, 05:04 AM
Parent: #32
عثمان ياود موسى
ذكرتنى كلام الراحل خالد الكد
حين قال له احدهم انت انقلابى
قاليهو ومالو داير لى كجة في الحكم ...
|
|