كتب محمد ابراهيم قلاب -حمدوك وما ادراك ما حمدوك

00:43 AM September, 01 2020

سودانيز اون لاين
زهير عثمان حمد-السودان الخرطوم
مكتبتى
رابط مختصر

حمدوك وما ادراك ما حمدوك
اخوانى الاعزاء اسمحوا لى بالغوص فى شخصية حمدوك لنستخلص الدرر من داخل هذه الشخصية المفترى عليها.
واعطاء امثلة لكل صفة من صفاته ولا ابتغى الا الانصاف لهذه الشخصية.
اولا حمدوك انسان عفيف نظيف صاحب مبادئ وده استنتجتوا من خطاب البرهان بانه رفض ان يقبل ال ١٠٠ مليون من مخصصات الجيش البحارب فى اليمن وكذلك رفض ال٢٠٠ مليون من قوات الدعم السريع لانو اذا قبلها كان معناها كسر لعين حمدوك ويصبح امعة فى يدهم.
ثانيا حمدوك انسان ذو نظرة ورؤية مستقبلية وقارئ جيد لمشاكل السودان والعسكر وده بظهر فى البند السادس بتاع الاستعانة بالامم المتحدة فى حال حدوث انقلاب على الحكومة الانتقالية.
ثالثا حمدوك وطنى من الطراز الفريد عندما رفض المشاركة فى حكومة الانقاذ وجاء طائعا لارادة الشعب.
رابعا حمدوك داهية فى السياسة وده بظهر فى الاتفاق مع الحركات المسلحة ودمجها فى القوات المسلحة مما يقلل من سطوة وقوة المجلس العسكرى لمقاليد السلطة فى السودان.
خامسا حمدوك ٠شخصية مقبولة داخليا وخارجيا لما له من ثقافة وخبرة وكاريزما مقبولة وده واضح عند مجئ وزير الخارجية الامريكية وطلب التطبيع مع اسرائيل وكان ردوا حكيم بانو الحكومة الانتقالية لا يمكنها ذلك لانها حكومة انتقالية.
سادسا حمدوك عكس ما يقال عنه انو شخصية ضعيفة بل العكس قوى عندما يحتاج الموقف لقوة وشفاف فى وقت الشفافية ومثال لذلك تصريحو بان ٢٢٪ من الشركات تحت يد وزارة المالية و٧٨٪ تحت العسكر.
سابعا حمدوك رجل صبور عكس شعبنا ملول وداير اي حاجة بسرعة مع انحنا عارفين الخراب الحاصل خلال ٣٠ عاما من المستحيل اصلاحه فى سنة ولا سنتين
وانو حمدوك محارب من المجلس العسكرى ومن فلول النظام السابق حتى من بعض الغافلين وانصاف المتعلمين مع الإعتذار لاستخدامى هذه العبارة الا اخلاقية
ثامنا حمدوك يعمل فى صمت بينما نحن ننقل الاخبار المحبطة ونسينا قول رسولنا الكريم وقدوتنا فى ما معناهو تفائلوا تجدوه وقوله بشرو ولا تنفرو ومن هنا اطلب من الاخوان تحققوا مما تنشرون وانقلوا الاخبار المفرحة كفانا احباط وان نعمل ولاننتظر كل شئ من الحكومة حتى يتحقق معنى مدنية وان نكون يد واحدة للبناء
وليس للهدم.
تاسعا حمدوك انسان شجاع ومصادم يعنى لو ما شجاع يستلم بلد جنازة زى جنازة البحر ويخلى الحياة الرغدة الفارهة والاحترام والتقدير من المجتمع الغربى. كان استقال وخلى البلد تغرق
وعاشرا واخيرا ان يكون ظنى فى محله ونطلب من المولى عز وجل ان يوفق اى انسان حادب على مصلحة بلدنا وان يولى خيارنا وان يبعد عنا شرارانا يا قوي ياعزيز وانت عالم بحالنا ياالله ونحن ندعوك بكل اسم سميت به نفسك اوعلمته احدا من خلقك او استاثرت به فى علم الغيب عندك ان تفتح بركاتك على بلدنا وان تصلح احوالنا وتنزل رحماتك على اهلنا الطيبين فى السودان وان لا تعاقبنا بما فعل السفهاء منا انت اهل الجود والكرم.
.

Quote: اولا حمدوك انسان عفيف نظيف صاحب مبادئ وده استنتجتوا من خطاب البرهان بانه رفض ان يقبل ال ١٠٠ مليون من مخصصات الجيش البحارب فى اليمن وكذلك رفض ال٢٠٠ مليون من قوات الدعم السريع لانو اذا قبلها كان معناها كسر لعين حمدوك ويصبح امعة فى يدهم.

ود اللخو دا راكب من وين... أديهو تزكرتو يا زهير..

بس أنا معجب بشجاعة البرهان لأنه قدم رشوة لحمدوك فى التلفزيون عشان يشترى الحاجات العايزها ههههه..

اللهم لا إعتراض على حكمك.