طمبرة ودوبيت فوق الالماني علي الحاج

Post: #1
Title: طمبرة ودوبيت فوق الالماني علي الحاج
Author: Osman Musa
Date: 09-01-2020, 08:42 PM
Parent: #0

08:42 PM September, 01 2020
سودانيز اون لاين
Osman Musa-
مكتبتى
رابط مختصر

علوش الالماني شيال التقيلة
الكوز صاحب الحركات الثقيلة
زمان قالولنا الركزة هيلة
ولقيناك يا زول بتاب بليلة
قايلنك جناح في بايرن ميونخ
لقيناك منبرش ساكت في النجيلة.
الليل ليلة ليل .
وين ال بي ام دبليو ؟
تاني الجخة يا حليلة.
الليل ليلة ليل .
...
ونتابع

Post: #2
Title: Re: طمبرة ودوبيت فوق الالماني علي الحاج
Author: Osman Musa
Date: 09-02-2020, 06:23 AM
Parent: #1

نتابع الدوبيت
المره دي باللغة الالمانية.

Post: #3
Title: Re: طمبرة ودوبيت فوق الالماني علي الحاج
Author: MOHAMMED ELSHEIKH
Date: 09-02-2020, 10:59 AM
Parent: #2

غايتو عندو مراقة واحدة نأمل من الدكتور ياسر الشريف تأكيدها او نفيها لنا
وهي ان الجنسية الألمانية لا تقبل الازدواج, فقد قرأت ان محاميه ذكر انه ان قال ان جنسيته سوداني فسوف يكون مبررا لأسقاط الجنسية الألمانية منه
لذا تحاشى التصريح بذلك

Post: #4
Title: Re: طمبرة ودوبيت فوق الالماني علي الحاج
Author: Osman Musa
Date: 09-02-2020, 02:18 PM
Parent: #3

أخونا ود الشيخ
سلامات
ممنوع في ألمانيا الاحتفاظ بجنسيتين.
الرجل مفروض يكون صادق مع وطنو التاني .
لكن اللولوة واضحة.

Post: #5
Title: Re: طمبرة ودوبيت فوق الالماني علي الحاج
Author: عمر سعيد علي
Date: 09-02-2020, 02:30 PM
Parent: #4

Quote: ممنوع في ألمانيا الاحتفاظ بجنسيتين.

طيب كيف يا عثمان زول ما سوداني يكون رئيس حزب سياسي . .؟!!
يعني ممكن اذا فاز الانتخابات يبقى رئيس السودان وهو ما عندو الجنسية السودانية . .

Post: #6
Title: Re: طمبرة ودوبيت فوق الالماني علي الحاج
Author: Osman Musa
Date: 09-02-2020, 05:13 PM
Parent: #5

الأخ عمر سعيد
سلام

في القانون الالماني . المانيا بتمنع الاحتفاظ بجنسيتين .
بس زولك جايط الحكاية. ومحتفظ بالجنسيتين.

Post: #7
Title: Re: طمبرة ودوبيت فوق الالماني علي الحاج
Author: Hassan Farah
Date: 09-02-2020, 07:59 PM
Parent: #1

القاضى :من ناس منو فى المانيا يا ود الحاج؟
على الحاج: نحن المان هامبورقاب

Post: #8
Title: Re: طمبرة ودوبيت فوق الالماني علي الحاج
Author: Osman Musa
Date: 09-03-2020, 04:21 AM
Parent: #7

يا ود فرح الجنا دا
من الألمان الفرانكفورتاب .
فرانكفورتابي قديم وله قصر عشوائي ناصية
هنا وهناك .

Post: #9
Title: Re: طمبرة ودوبيت فوق الالماني علي الحاج
Author: Osman Musa
Date: 09-04-2020, 05:45 AM
Parent: #8

كوز المانيا ياناس من زمان كضاب
الثورة بتوصل جختك للباب.
ليل والليلة ليلة .
قال ألماني قال هو ال للزلط نهاب
كنس الدنيا كنسة.
وكمل التيراب
ليل والليلة ليلة .
الثورة بتسجنك
الثورة ليها حساب
قايلين الوطن سبحة و دقون وكباب.
ليل والليلة ليلة
سارقين البلد
فاتحين للفساد ابواب
وعشمانين تجوا لسع كمان يا كلاب؟
عشمانين تجوا لسع كمان يا كلاب.
...
نتابع

Post: #10
Title: Re: طمبرة ودوبيت فوق الالماني علي الحاج
Author: Osman Musa
Date: 09-08-2020, 07:58 AM
Parent: #9

نتابع

Post: #11
Title: Re: طمبرة ودوبيت فوق الالماني علي الحاج
Author: بابكر قدور
Date: 09-08-2020, 11:11 AM
Parent: #10

ياود موسى دق الطمبرة خلينا النسكسك فوق علي الحاج
الراجل الأصيل الجنسيتو ألماني تب ماهو فوجاج
الزول صيتو ضارب من دارفور لا من تصل في السما الأبراج
كتال مساح كناس سراق لحاس أصلو كوز بلا إحراج
كان قلت ظلط دار فور يمين شفطو شفطة عالية في الإخراج
عاد كيفن تمسخروهو وتقولو جنسيتو فيها إزدواج
الراجل دخل ميونخ المابدخلا إلا العندو للكضب ديباج
كوز .. معفن .. نتن .. كان مالدنيا بت كلب كان جلدوهو مية كرباج
وكان مالدنيا بت كلب كان ساقوهو للشنق زي سوق النعاج
مع التحيات عثمان موسى قلنا نشارك....

Post: #12
Title: Re: طمبرة ودوبيت فوق الالماني علي الحاج
Author: جلالدونا
Date: 09-08-2020, 10:09 PM
Parent: #11

Lass es versteckt
Damit niemand es sehen kann
Ich bin es leid, es zu sammeln
Und ich habe es vor den Augen der Leute versteckt
Jahre meines Lebens
من دوبيت التألمن فى زمن الانقاذ
الترجمة على اخونا ياسر الشريف

_____
التعديل لتصحيح خطأ املائي فى السطر الاول