Post: #1
Title: كيزان نهر النيل يحرضوا الجيش للإنقلاب على السلطة
Author: عبدالعظيم عثمان
Date: 08-31-2020, 07:12 AM
07:12 AM August, 31 2020 سودانيز اون لاين
عبدالعظيم عثمان-
مكتبتى
رابط مختصر
الكيزان شغالين ليل نهار
بهدف قطع مسار الثورة وعودة التنظيم
الإرهابي للسلطة مرة أخرى عبر الجيش
ما يحدث في شرق السودان ونهر النيل
هدفه إسقاط حكومة الثورة وقطع الطريق على التغيير
زول حريف يرفع لينا الفيديو
بتاع كيزان نهر النيل يفوضون المدفعية عطبرة
|
Post: #2
Title: Re: كيزان نهر النيل يحرضوا الجيش للإنقلاب على
Author: جمال ود القوز
Date: 08-31-2020, 09:45 AM
Parent: #1
غايتو يا عظمة دي أجواء انقلابات الوضع جااهز
وحتنجح .. ده الحاصل
الحكومة الهزيلة الضعيفة الما قادرة تسوي شيء
هي أكبر حافز ودافع للتحرك ضدها وازالتها ..
دي الحقيقة الهربين منها الناس ..
الوضع المأساوي ده لا يبشبر بخير
الشعب اصلا قلب نظام الكيزان عشان الجوع والغلاء ..
مش عشان أيدلوجيات الأحزاب هسه
بتحاول تغرغر فيها الشعب باستعجال وشفقة
والشعب جعان ما لاقي ياكل كيف حيتغرغر
نشوف غايتو لكن وضع كعب جدا
ولا مبالاة وزول شغال بالمواطن مافي
كلها تقسيم غنائم ووزارات ومخصصات
المدفعية عطبرة ما بتقدر ده تحميش ساي
الانقلاب البجيك من اسلحة جوه الخرطوم
|
Post: #3
Title: Re: كيزان نهر النيل يحرضوا الجيش للإنقلاب على
Author: علي عبدالوهاب عثمان
Date: 08-31-2020, 10:02 AM
Parent: #2
الحبيب عبدالعظيم .. تحياتي
نفس الطريقة في دنقلا
رفع تفويض للجيش لاستلام السلطة
قرأت الموضوع في قروبات ومنتديات دنقلا
استنكار شديد من الشباب
الكيزان يحاولون تطبيق طريقة السيسي في مصر
ولكن هنا الوضع مختلف جداً
تحياتي ..
|
|