اعلنت قيادات في الجبهة الثورية عن رفضهم مشاركة الفنانة ندي القلعة في الاحتفال بتوقيع السلام في جوبا .وبرروا رفضهم بانها ليست من فنانات الثورة ولم تشارك في اي محفل ثوري .
وقال ممثل اصحاب المصلحة الصادق محمد مختار لـ(الراكوبة) ان الفنانة لا علاقة لها بالثورة السودانية ووصفها بالبعيدة عن الثورة في السودان ولم تشارك في اي محفل ثوري وقال ان للثورة شعراء وفنانين تعرفونها جيدا .
وفي ذات الاتجاه قال عضو وفد التفاوض يحي محمد نور ان هنالك لجنة لتدارك الامر وان مشاركة ندي غير مرضية ولا تعبر عن حجم الحدث والروح الثورية .
من جهته اكد القائد وكبير المفاوضين الجنرال نمر عبدالرحمن عن عدم ارتياحه لمشاركة الفنانة والذي يعطي الحفل طابع اخر ،وقال انه يرفض المشاركة بشدة من جانبه الشخصي والمح الي امكانية عدم مشاركته في الحفل حال مشاركة ندي القلعة.
ومن جانبه اكد عضو وفد التفاوض عن حركة تحرير السودان بقيادة مناوي احمد حسن (دبة) ان للفنانة ندي القلعة مساهمات واضحة في عهد النظام البائد ولم تقدم للثورة اي عمل يذكر يجعلها تتقدم ثوار القطاع الفني للمشاركة في جوبا.
Post: #2 Title: Re: قيادات في (الثورية) ترفض مشاركة (ندي القلع� Author: Arif Nashed Date: 08-30-2020, 01:27 PM Parent: #1
بعض التعليقات
Quote: Black yes: 29 أغسطس، 2020 نعم صحيح ندى القلعة فنانة ليس لها اي علاقة بالثورة السودانية نتمنى ان لا نراها في اي محفل وطني .اتمنى ان يشارك في الحفل فنانين ذو طابع ثوري لهم مساهماتهم الواضحة اثناء الثورة وبعدها ولكم التحية
Quote: عبدالوهاب البوب: 30 أغسطس، 2020 التحيه لكل من قال لا لهذه القلعه… فهي ليست بحجم الحدث و لا بأهمية الملتقي.. كانت ربيبة النظام الفاسد و لعقت من دماء البؤساء… لم تكن حاضرة للثورة وتعمدت الاختفاء فيجب تجاهلها و العايز يجيبها في مناسبة خاصة فهو حر… السلام اكبر من القلعة
Quote: Black yes: 29 أغسطس، 2020 الساعة نعم صحيح ندى القلعة فنانة ليس لها اي علاقة بالثورة السودانية نتمنى ان لا نراها في اي محفل وطني .اتمنى ان يشارك في الحفل فنانين ذو طابع ثوري لهم مساهماتهم الواضحة اثناء الثورة وبعدها ولكم التحية
Post: #3 Title: Re: قيادات في (الثورية) ترفض مشاركة (ندي القلع� Author: علي عبدالوهاب عثمان Date: 08-30-2020, 01:29 PM Parent: #1
عارف امبس تحياتي .. درجة عالية من الحساسية
حسب قراءتي رغم أنني لا أستمع الى اغنيات الفنانات إلا سميرة دنيا
ولكن ندى القلعة حسب رأي سودانية عادية ليس لها عمق سياسي فقط مصلحة المال .. كم من أعتى الفنانين غنوا لنميري وغيرهم
أظن هي فنانة فقط بدون بعد وفهم سياسي ..
تحياتي الحبيب عارف امبس
Post: #4 Title: Re: قيادات في (الثورية) ترفض مشاركة (ندي القلع� Author: Asim Ali Date: 08-30-2020, 02:49 PM Parent: #3
Quote: ولكن ندى القلعة حسب رأي سودانية عادية ليس لها عمق سياسي فقط مصلحة المال .. كم من أعتى الفنانين غنوا لنميري وغيرهم
عمنا الحبيب على عبدالوهاب نظظام الانقاذ يختلف عن نميرى فى انو الكيزان زول مازولهم وراضخ ليهم مابدوهو فرصه وناس زى ابو عركى بقفلو عليهو ويحاربوهو ندى القلعه اعتقد انها خلاف مشاركتها فى منسبات الانقاذ وغنائها لرموز فيها كانت ضمن جيش الدبلوماسيه الشعبيه من الفنانات للنظام فى نيجيريا وتشاد وتردد دائم على الدول دى منها مشاركتها فى حفل انتخابى لادريس دبى تحياتى
Post: #5 Title: Re: قيادات في (الثورية) ترفض مشاركة (ندي القلع� Author: Asim Ali Date: 08-30-2020, 02:56 PM Parent: #4
تعليق احد الشباب على تويتر عن دعوه ندى القلعه لاحياء احتفالاات التوقيع
Quote:
@yasin123ah
بلد فيها كوارث وفيضانات ، وحفلة ندي القلعة تكلف اكثر من 5 مليار جنية دفعها وفد السودان المفاوض في جوبا القروش دي توتي وودرملي والقماير ما كان اولي بيها انشاء يشتروا بيها شوالات خيش ، #فيضان_النيل
Quote: اعلنت قيادات في الجبهة الثورية عن رفضهم مشاركة الفنانة ندي القلعة في الاحتفال بتوقيع السلام في جوبا
دي شنو حركات الكيزان دي احتفال شنو وغنا شنو كمان دي مصاريف في الفاضي وطنقعة فارغة يصرفوا تكاليف الاحتفالات والغناء على المتضررين من الحرب والناس الغرقانين وما لاقين مأوى حاجة تفقع المرارة الناس في شنو وديل في شنو ..
Post: #12 Title: Re: قيادات في (الثورية) ترفض مشاركة (ندي القلع� Author: Arif Nashed Date: 08-30-2020, 07:33 PM Parent: #11
Quote: يه أصلاً حفلة بي فنانة العداد وتكلفة السفر لها ولفرقتها ده يا عارف أولى بيه لقمة في بطن طفل في معسكر كلما ولا دايرين كوين بي
يا منتصر ديل انطبق عليهم المثل البقول. عريان من ط ي ز و ولابس سديري. الحكومة هي من تتكفل بالتكاليف وكله من ضهر الشعب. يا زول بكره تغني ليهم حميدتي مبسوط مني...
Post: #13 Title: Re: قيادات في (الثورية) ترفض مشاركة (ندي القلع� Author: Arif Nashed Date: 08-30-2020, 07:47 PM Parent: #12
Quote: دي شنو حركات الكيزان دي احتفال شنو وغنا شنو كمان دي مصاريف في الفاضي وطنقعة فارغة يصرفوا تكاليف الاحتفالات والغناء على المتضررين من الحرب والناس الغرقانين وما لاقين مأوى حاجة تفقع المرارة الناس في شنو وديل في شنو ..
يا جيمي تكاليف هذه المفاوضات يقال بانها فاقت ال 5 مليون دولار. الشعب ينتظر هذا السلام بفارغ الصبر لكن الظروف التي تمر بها البلاد عصيبة. يااااخي سلفاكير يكون شرط عليهم بت القلعة تحيي حفل التوقيع. عالم فارغة. حكومتنا الرشيدة متكفلة بكافة المصاريف وكله من قوت الشعب.
السلام عليكم والغناء من اساسو لزومو شنو ؟!!! يوقعوا وسلاح الموسيقي لدولة ج السودان أو السودان يعزفوا مقطوعات جميلة وخلاص
Post: #15 Title: Re: قيادات في (الثورية) ترفض مشاركة (ندي القلع� Author: Arif Nashed Date: 08-31-2020, 02:54 PM Parent: #14
منقول من بوست الاخ عبد الله عثمان
Quote: منقول شبكة السودان نيوز 🇸🇩📢
كادت ندى القلعة ان تنسف اتفاق جوبا..
رفض عميد الأسرى السودانيين العقيد نمر عبد الرحمن مشاركة الفنانة المحسوبة على نظام المخلوع البشير و الشهيرة بندى القلعة في حفل توقيع اتفاق السلام المزمع توقيعه بين الحكومة السودانية والحركات المسلحة في مدينة جوبا ، وبرر العقيد نمر رفضه بانها لا تناسب الحدث الذي مهرته دماء الشهداء ، و قد أصر كل من وكباشي وحميدتي على حضورها المناسبة ، وقد قامت طائرة خاصة بنقلها هي وفرقتها من الخرطوم الي جوبا، ويعتبر هذا اول خلاف بين الطرفين والاتفاق لم يرى النور بعد.. وقد اشتهرت الفنانة ندى القلعة بدعمها لنظام المخلوع البشير والذي له الفضل في تقديمه لها في الساحة الفنية وفتح أبواب الفضائيات في وجهها ، ولم تكن تخفي دعمها للنظام السابق ولم تقدم اي عمل فني يمجد الثورة السودانية وينتصر لارادة الشباب ، ويقال انها اسمها كان من ضمن مجموعة ال ١٥ فنان والذين عملوا في جهاز أمن البشير.
معقولة يحدث إختلاف علي قونة. لتنعكس المقولة >>ندوية مبسوطة مني<<. فعلا أثبتوا أنهم أقزام.
Post: #16 Title: Re: قيادات في (الثورية) ترفض مشاركة (ندي القلع� Author: MOHAMMED ELSHEIKH Date: 08-31-2020, 04:13 PM Parent: #15
مش غنت ايام الاعتصام : الشهيد ولدي وبتي كنداكة؟ الناس منكن تتكلم في موضوع تبذير الاموال لو لم تكن هي شخصيا قد تبرعت مع فرقتها بكل المنصرفات وهذا ما ارجحه. اما ان كان الموضوع مشاركة النظام البائد في تلفزيوناته وحفلاته لس امرق ابو عركي ومعاه نفرين تلاتة .
الاخوة الجنوبيون وكثير من جيراننا بحبو ندى القلعة والاذواق تختلف؟
بالمناسبة دي مفروض يتوجه صوت شكر وتقدير للفنانة ندى القلعة .. لانها بتنازلها عن تقديم الحفل حسماً للخلاف عملت على استقرار وبقاء فرص الإتفاق .. الحمد لله الماعنقدت وأصرت كان الليلة ما شفنا توقيع .. ودا غير إحراجنا مع الضيوف..
شكراً ندى#
Post: #18 Title: Re: قيادات في (الثورية) ترفض مشاركة (ندي القلع� Author: Asim Ali Date: 08-31-2020, 05:20 PM Parent: #17
سلام عليكم
Quote: مش غنت ايام الاعتصام : الشهيد ولدي وبتي كنداكة؟ الناس منكن تتكلم في موضوع تبذير الاموال لو لم تكن هي شخصيا قد تبرعت مع فرقتها بكل المنصرفات وهذا ما ارجحه.
نوعها دا لازم يتلون مع كل وضع ويلحق السوق عشان امور وتمشى ويمكن اغنيه زى دى تكون مطلوبه منها فى الاعراس زى ايام انتفاضه ابريل لما كان مثلا صلاح مصطفى بيطلبو منو يغنى (جددناك يا اكتوبر فى ابريل) شخصيا مابنسى -وذكرتها قبل كدا- لما غنت ل (على عثمان) فى احتفال فى قاعه الصداقه اغنيه حماسيه وتعمدت ترديد (يا على ) ,.على الاقل لو فنانه مضطره تؤدى واجب ومجبوره عليهو ماكان خشت فى اغنيه زى دى .
Quote: بالمناسبة دي مفروض يتوجه صوت شكر وتقدير للفنانة ندى القلعة .. لانها بتنازلها عن تقديم الحفل حسماً للخلاف عملت على استقرار وبقاء فرص الإتفاق .. الحمد لله الماعنقدت وأصرت كان الليلة ما شفنا توقيع .. ودا غير إحراجنا مع الضيوف..
هل فى تاكيد انها ما استلمت قروشها كامله حسب الاتفاق مع لجنه الاحتفال (خاصه انها حفله ناشفه مافيها نقطه زى حفلات الكبار وحفلات نيجيريا وتشاد) ولازم يكون الاجر كبير (شايف البعض قال 5 مليار (5 مليون بالجديد). . الغريب انو قبل الثوره بشهور فى زول فى المنبر هنا كان من رايو انها مناضله وماعارف نضالها دا كان فى شنو ؟
لا اله الا الله محمد رسول الله ...حسبي الله ونعم الوكيل... بالله عليكم ظي حكومة دي ...ودي كمان حركات ثورية قالت بتدافع عن مواطني الهامش !!!!!! الناس بتغرق في توتي وفي احياء الخرطوم ويدفعوا ٥ مليار جنيه لفنانة تغني ليهم في حفلة؟؟؟!!!!@@@ يخسي عليكم يا انتهازيين يا انانيين عديمي الوطنية ... بالله ديل هم البحكمونا والعاوزين يحكمونا ... الله غالب ....
Post: #20 Title: Re: قيادات في (الثورية) ترفض مشاركة (ندي القلع� Author: Arif Nashed Date: 08-31-2020, 09:50 PM Parent: #19
Quote: السلام عليكم والغناء من اساسو لزومو شنو ؟!!! يوقعوا وسلاح الموسيقي لدولة ج السودان أو السودان يعزفوا مقطوعات جميلة وخلاص
وعليكم السلام بت المشرف. ده المفروض يحصل لكن الجماعة متأثرين بحركات الكيزان.
Post: #21 Title: Re: قيادات في (الثورية) ترفض مشاركة (ندي القلع� Author: Arif Nashed Date: 08-31-2020, 09:59 PM Parent: #20
Quote: اقول قولي هذا وانتظر ود البشري يا رشاني يا رشاكم
يا محمد أنتظر الرش جاييك. شايف القونة منزلة ليها مقطع صباحي لبعض معالم جوبا. المشكلة ليست في القونة بل أصبحت في الكضباشي وحميرتي المصرين علي مشاركتها في الحفل. بالله ده مستوي!!!
Post: #22 Title: Re: قيادات في (الثورية) ترفض مشاركة (ندي القلع� Author: Arif Nashed Date: 08-31-2020, 10:08 PM Parent: #21
بالفيديو : المطربة ندي القلعة ترد على الجدل الذي صاحب مشاركتها باحتفالات توقيع اتفاقية السلام.
نشرت الفنانة السودانية ندى القلعة على صفحتها الشخصية مقطع فيديو من داخل القصر الرئاسي بعاصمة جنوب السودان جوبا ردا على الجدل الكثيف الذي صاحب مشاركتها بالاحتفال وكانت مشاركة ندى بحفل التوقيع النهائي لاتفاقية السلام قد أثار جدلا واسعا اعتراضا على مشاركتها حيث رأى عدد من المتابعين والحاضرين للتوقيع أحقية فنانات غيرها بإحياء الاحتفالية فاطمة بادي _صحيفة القيادة
Post: #24 Title: Re: قيادات في (الثورية) ترفض مشاركة (ندي القلع� Author: Ahmed Yassin Date: 09-02-2020, 04:38 PM Parent: #23
حميدتي والكباشى اصرا اصرارا شديدا انها تشارك في الحفل لانها حتغنى اغنية(سوا سواا سواااااا) والاصرار دا سببه معرفتهم ان سيلفاكير (فنانه) المفضل هو ندى اقلعة
هسّي اذا اتضح انو الموضوع دا ما بالتفاصيل المذكورة دي, مثلا لم يدعوها وفد التفاوض السوداني او لم يصر عليها كباشي و حميدتي ول تأخذ 5 مليار بل ولم يعترض عليها احد من الاساس! و الموضوع لا يعدو ان يكون هجايص نت على شاكلة ناس عاجل نيوز وسري نيوز وسري للغاية نيوز وما الى ذلك من هرتلة! موقف الزملاء الارغوا وازبدوا و افتوا و اتقطعوا حتة حتة في البوست دا حيكون شكله كيف!!
ياخوانا كقاعدة كدا في زمن التأليف و النجر و الهبتلي المدور دا, الواحد ياخد ليه ثواني يجر فيها نفس نفسين قبل يمتشق حسام الوطنية و يسرج خيل النضال و هاك يا لعن و تخوين ومزايدة!