Post: #1
Title: فرار سائق سيارة تتبع للبنك السوداني المصري وبحوزته نصف مليون دولار!! قول وااحد.
Author: محمود الدقم
Date: 08-28-2020, 01:16 PM
01:16 PM August, 28 2020 سودانيز اون لاين
محمود الدقم-London
مكتبتى
رابط مختصر
Quote: سائق بنك يهرب بـ(500) ألف دولار
جريمة
By Alsudani Last updated 28 أغسطس, 2020 9:33 ص - 0
الخرطوم: محمد أزهري
فر سائق سيارة تتبع للبنك السوداني المصري هارباً وبداخلها (500) ألف دولار مساء أمس من أمام البنك بفندق السلام روتانا بشارع المطار شرق الخرطوم.
وقال مصدر لـ(السوداني) إن السائق كان يعمل ضمن إسطاف السائقين بالبنك، كان يعمل أمس على نقل الأموال برفقة اثنين من الموظفين، من فروع البنك بالخرطوم، إلى الفرع الرئيسي بشارع المطار، وأضاف المصدر أن الموظفين جمعوا من الفروع (3) مليار بالعملة المحلية إلى جانب (500) ألف دولار، ووضعوها في صناديق وفق إجراءات التأمين، وعند وصولهم الفرع الرئيس حمل الموظفان صناديق العملة المحلية وادخلاها إلى المقر وعند عودتهما وجدا السائق قد هرب بالدولارات.
وأشار المصدر إلى أن إدارة البنك أخطرت الشرطة، وبدورها نشرت اﻷخيرة أوصاف السيارة بوكس دبل كاب بلون أبيض خاصة بنقل الأموال، نشرتها على جميع الارتكازات، ومشطت الطرقات الرئيسية للقبض عليه.
|
|
Post: #2
Title: Re: فرار سائق سيارة تتبع للبنك السوداني المصر
Author: Abureesh
Date: 08-28-2020, 01:31 PM
Parent: #1
يعنى فى زول شافه شال الشنطة وجرى؟
عنوان السودانى مافيه مهنية صحفية.. هم لا يعرفون ما حدث.. واحتمال خطفوه وربما صفوه فى منطقة بعيدة حتى لا يشهد وارد.. كل شئ وارد.. واحتمال سرقته وهروبه أيضا وارد.
الصحفى مفروض يكتب : وعند عودتهم اكتشفوا أن السائق (أختفى) وكذلك الأموال..
|
Post: #3
Title: Re: فرار سائق سيارة تتبع للبنك السوداني المصر
Author: ابوحراز
Date: 08-28-2020, 01:32 PM
Parent: #1
الموظفين تعبانين جدا
وحسهم الأمني صفر
ال 500 الف دولار تعادل تقريبا بسعر اليوم 100مليار
إذا أيهما أفضل إدخال ال 100 مليار دولار اولا
ام إدخال ال 3 مليار؟؟؟
|
Post: #4
Title: Re: فرار سائق سيارة تتبع للبنك السوداني المصر
Author: Abureesh
Date: 08-28-2020, 01:48 PM
Parent: #3
Quote: الموظفين تعبانين جدا
وحسهم الأمني صفر
ال 500 الف دولار تعادل تقريبا بسعر اليوم 100مليار
إذا أيهما أفضل إدخال ال 100 مليار دولار اولا
ام إدخال ال 3 مليار؟؟؟ |
التحريات تثبت.. ممكن هم زاتهم متامرين.. وممكن مدير البنك متامر.. كل شئ محتمل حتى تكتمل التحقيقات.. لكن تعمل شنو مع صحافة الزمن الضائع!!
|
Post: #5
Title: Re: فرار سائق سيارة تتبع للبنك السوداني المصر
Author: Ahmed Yassin
Date: 08-28-2020, 01:53 PM
Parent: #3
صحيح كل الاحتمالات مفتوحة والاحتمال الراجح هو الاتفاق(الثلاثي)
زي ما قال ابوحراز ايهما افضلواحق بالحماية والنقل والاهتمام (100)مليار او (3) مليار ؟!!
واحتمال زي ما قال ابوريش انه السائق اختفى في ظروف غامضة
وانا بقول اكيد السواق دا اتبخر هو والبوكس دبل كابينة
|
Post: #6
Title: Re: فرار سائق سيارة تتبع للبنك السوداني المصر
Author: Abureesh
Date: 08-28-2020, 02:01 PM
Parent: #5
تعرف يا أخ أحمد لو السواق دا طلع براءة أو ضحية ممكن يرفع قضية إشانة سمعة على الجريدة دى. تدفع دم قلبها ليوم القيامة.
|
Post: #7
Title: Re: فرار سائق سيارة تتبع للبنك السوداني المصر
Author: Ahmed Yassin
Date: 08-28-2020, 03:05 PM
Parent: #6
| Quote: السواق دا طلع براءة أو ضحية ممكن يرفع قضية إشانة سمعة على الجريدة دى. تدفع دم قلبها ليوم القيامة |
دا قانونيا وادبيا حق للسواق زي ما تفضلت يا ابوالريش يا حبيب ..لكن في السودان ما اظن ان قضايا التعويضات واشانة السمعة دي مفعلة
|
Post: #9
Title: Re: فرار سائق سيارة تتبع للبنك السوداني المصر
Author: Asim Ali
Date: 08-28-2020, 03:11 PM
Parent: #7
لقدتم العثورعلى عربةالبنك وهي خالية من الدولارات بعدان تركهاالسائق وهرب وذلك بامتداداركويت داخل مربع68بعد ان اوقفها في احدالشوارع الجانبية شمال محطةالبلابل خلف بقالةكونج ومكان إيقاف البوكس يبعدعن فندق السلام روتاناحوالي كيلومترواحدفقط ممايدل ان السائق لديه ترتيب وتخطيط مسبق للقيام بهذه العملية. ياخ البلد دي ماشه كيف، ودي فوضة شنو دي، كيف سايق يمشي مع خزنة لوحدة وبدون تامين او حراسات امنية، في كل العالملم في شركات امنية بتتغير او بتتحدد فقط لحظة التحرك عشان ترافق السيارات التي تنقل الاموال بين البنوك، والله كلام غريب جدا كل عربات نقل الاموال تبع البنوك والصرافات بيكون معها حارس واحد على الاقل وده عندنا هنا في السودان بس سايق يمشي لوحده ومعه كمية الاموال دي ده شي غريب جدا من ناس البنك الخلوهو يمشي لوحده بالاموال دى
|
Post: #8
Title: Re: فرار سائق سيارة تتبع للبنك السوداني المصر
Author: محمد البشرى الخضر
Date: 08-28-2020, 03:09 PM
Parent: #6
آخر التطورات اليوم المباحث عثرت على البوكس خالي في اركويت مربع 68 وبسؤال صاحب بقالة قريبة افاد انه محل البوكس كانت واكفة لاندكروزر بدون لوحات وتاني يوم لاحظ اختفاءها و ظهور البوكس
|
Post: #10
Title: Re: فرار سائق سيارة تتبع للبنك السوداني المصر
Author: Abureesh
Date: 08-28-2020, 03:14 PM
Parent: #8
| Quote: ما اظن ان قضايا التعويضات واشانة السمعة دي مفعلة |
السبب يا اخ أحمد هم المحامون، من عملاء الطائفية والحكومات عبر العقود.
|
Post: #11
Title: Re: فرار سائق سيارة تتبع للبنك السوداني المصر
Author: Hamid Elsawi
Date: 08-28-2020, 03:20 PM
Parent: #6
الدولارات دي مفروض تكون ارقامها معروفة للبنكك
تنشر هذه الارقام للبنوك و الصرافات و المعابر الخارجية
و ظهور آي وورقة نقدية منها هو خيط لمعررفة تفاصيل الجريمة
ده شغل تحريات و اجهزة امنية متطورة تتعامل بالعلم ...
لكن أجهزتنا الامنية بتتعامل بالعكاكيز و البمبان و الرصاص
عندما يكون المعارض متهم يكون اللص شريف
زي ما قال ابو الريش ده شغل عصابة. و السواق ممكن
يكون تعرض للإختطاف و قد تتم تصفيته. الجريمة تشبه
جرائم النظام البائد. من ناحية التخطيط.
اين الامن يا المكون العسكري؟
ولا ما فاضين من إدارة شركاتكم؟
|
Post: #13
Title: Re: فرار سائق سيارة تتبع للبنك السوداني المصر
Author: Asim Ali
Date: 08-28-2020, 03:26 PM
Parent: #11
Quote: الدولارات دي مفروض تكون ارقامها معروفة للبنكك
تنشر هذه الارقام للبنوك |
الارقام ممكن تكون طويله ومعقده فى المعاملات دى لكن ممكن استخدام (GPS) او القنبله اللونيه (ماعارف هل صعب غاليه كوسيله تامين )
|
Post: #12
Title: Re: فرار سائق سيارة تتبع للبنك السوداني المصر
Author: Hamid Elsawi
Date: 08-28-2020, 03:20 PM
Parent: #6
الدولارات دي مفروض تكون ارقامها معروفة للبنكك
تنشر هذه الارقام للبنوك و الصرافات و المعابر الخارجية
و ظهور آي وورقة نقدية منها هو خيط لمعررفة تفاصيل الجريمة
ده شغل تحريات و اجهزة امنية متطورة تتعامل بالعلم ...
لكن أجهزتنا الامنية بتتعامل بالعكاكيز و البمبان و الرصاص
عندما يكون المعارض متهم يكون اللص شريف
زي ما قال ابو الريش ده شغل عصابة. و السواق ممكن
يكون تعرض للإختطاف و قد تتم تصفيته. الجريمة تشبه
جرائم النظام البائد. من ناحية التخطيط.
اين الامن يا المكون العسكري؟
ولا ما فاضين من إدارة شركاتكم؟
|
Post: #14
Title: Re: فرار سائق سيارة تتبع للبنك السوداني المصر
Author: Abureesh
Date: 08-28-2020, 03:37 PM
Parent: #12
كيف سيارة نقل أموال البنوك لا ترافقها الشرطة.. فى كل دول العالم تلقى على الأقل شرطيين مع كل عربة نقل أموال و كمان شاهرين اسلحتهم.. موش مسدسات.
|
Post: #15
Title: Re: فرار سائق سيارة تتبع للبنك السوداني المصر
Author: نعمات عماد
Date: 08-28-2020, 03:40 PM
Parent: #12
سلام
مساء أمس كانت الكهرباء قاطعة في مربعنا شرق روتانا
لابد يكون هرب من قدام بيوتنا ومنها إلى داخل الحي و
حتى الكنج جنوب جامعة السودان في عبيد ختم.
في شركة ليموزين متعاقدة مع الفندق بعض السواقين
كانوا في الأصل في الجهاز، دائماً عاملين زحمة في بقالات
الحي بالڤانات و العربات الصغيرة.
|
Post: #16
Title: Re: فرار سائق سيارة تتبع للبنك السوداني المصر
Author: علاء سيداحمد
Date: 08-28-2020, 04:08 PM
Parent: #15
Quote: الدولارات دي مفروض تكون ارقامها معروفة للبنكك
تنشر هذه الارقام للبنوك
الارقام ممكن تكون طويله ومعقده فى المعاملات دى لكن ممكن استخدام (GPS) او القنبله اللونيه (ماعارف هل صعب غاليه كوسيله تامين ) |
كتابة ارقام العملات الورقية سياسة بنكية معروفة للضبط
حيث يقوم مدير الفرع ومسئول الحسابات وامين الصندوق
بكتابة الارقام المسلسلة للعملات ( حزم كل حزمة من رقم - الى رقم - )
لسهولة الابلاغ عند السرقة او الحريق الخ ..
|
Post: #17
Title: Re: فرار سائق سيارة تتبع للبنك السوداني المصر
Author: علاء سيداحمد
Date: 08-28-2020, 04:14 PM
Parent: #16
| Quote: آخر التطورات اليوم المباحث عثرت على البوكس خالي في اركويت مربع 68 وبسؤال صاحب بقالة قريبة افاد انه محل البوكس كانت واكفة لاندكروزر بدون لوحات وتاني يوم لاحظ اختفاءها و ظهور البوكس |
يمكن توجيه اصابع الاتهام الى :
السائق ومن كانوا معه فى عملية النقل وهم عدد 2 من الموظفين
لان المقتبس اعلاه يدل على انّ هناك تخطيط اجرامى لهذه العملية
|
Post: #18
Title: Re: فرار سائق سيارة تتبع للبنك السوداني المصر
Author: عبدالعظيم عثمان
Date: 08-28-2020, 09:44 PM
Parent: #17
منو المستثمر العوير الحيجي بعد يقرأ خبر زي دا
نقل الأموال يتم عبر شركات متخصصة
مش أي عربية..
نحنا بعيدين خالص
دا بزنس مفروض القطاع الخاص يشتغل عليه
|
Post: #19
Title: Re: فرار سائق سيارة تتبع للبنك السوداني المصر
Author: Asim Ali
Date: 08-28-2020, 10:31 PM
Parent: #18
Quote: نقل الأموال يتم عبر شركات متخصصة
مش أي عربية..
نحنا بعيدين خالص
دا بزنس مفروض القطاع الخاص يشتغل عليه |
بالمناسبه فى شركه نقل اموال اعتقد انها مملوكه للكيزان كنت بشوف عرباتها دايما شغالين فى تغذيه الصرافات تختلف عن الشكل الضعيف الظاهر فى سياره البنك دى
عربات الشركه شعارها اعتقد حصان وسياراتخها زى عربات التلاجات لكن الباب خلف باب كابينه القياده اليمين.ومابتعرف غير السواق والمعاهو فى زول جوا مع القروش ولا لا
اعتقد انو الحادثه دى مافرديه لانو حسب مايذكر عن السواق انو والدتو من جنسيه دوله مجاوره بشرق السودان ودى اشاره ضمن الاخبار ربما يكون مصدرها ليهو غرض سواء كانت المعلومه حقيقيه ولا لا
ملحوظه تانيه ماذكر عن انتظار سياره بدون لوحات ودى قضيه مفروض تتحسم حتى يكون معلوم للجميع انو سياره بدون لوحات او لوحات مطموسه بطين او زيت يتم تجريمها بعقوبه مشدده لانو الان اصبح متعارف على انو اى مركبه بدون لوحات عنى الانتماء لجهاز امنى ويتحاشى حتى الشرطى العادى الاحتكاك بمخالفه زى دى خوفا من تبعات تجر عليهو مصايب
|
Post: #20
Title: Re: فرار سائق سيارة تتبع للبنك السوداني المصر
Author: منتصر عبد الباسط
Date: 08-28-2020, 11:13 PM
Parent: #19
| Quote: اين الامن يا المكون العسكري؟ |
وعلاقة القوات المسلحة بشغل الشرطة والمباحث شنو؟؟!
|
Post: #21
Title: Re: فرار سائق سيارة تتبع للبنك السوداني المصر
Author: علاء سيداحمد
Date: 08-28-2020, 11:27 PM
Parent: #20
| Quote: وعلاقة القوات المسلحة بشغل الشرطة والمباحث شنو؟؟! |
العلاقة فى انّ الجيش من ضمن اعضاء اللجنة الامنية .
|
Post: #22
Title: Re: فرار سائق سيارة تتبع للبنك السوداني المصر
Author: اخلاص عبدالرحمن المشرف
Date: 08-29-2020, 03:12 AM
Parent: #21
ًبلد منهوبة
كيف تم توظيف السائق
الاتصال بالانتربول
وطلب العون فوراً
|
Post: #23
Title: Re: فرار سائق سيارة تتبع للبنك السوداني المصر
Author: adil amin
Date: 08-29-2020, 03:23 AM
Parent: #22
البنك ده ذاتو تابع للمخابرات المصرية ذى ما قال الشهيد ابراهيم منعم منصور
خلي السائق وكلمنا هل هذا البنك محترم ويخضع لي بنك السودان والمراجع العام
وين والدستور وين السيادة
وين المحكمة الدستورية التي تحافظ وتحمي السودان والشعب والدستور
قنعنا من الجيش والامن والشرطة
مع حثالات الزمن الكعب ديل
ابراهيم منعم منصور هو من قال كلمة الحق في وجه سلطان عميل رخيص في شكل رسالة
قبل حمدوك وبعايعت ق حت بي زمن
والشرمطة مستمرة وليس التغطية مستمرة كما تقول فضائية الجزيرة الوسخة
|
Post: #24
Title: Re: فرار سائق سيارة تتبع للبنك السوداني المصر
Author: نادر الفضلى
Date: 08-29-2020, 04:21 AM
Parent: #23
ارجح أن أرقام الدولارات لحم راس وليس متسلسله فهى لمعمالات بنكيةمختلفة مع الزبائن
أهلنا الأمريكان البنكنوت بينقل بين أفرع البنك بعربية مصفحة ومحروسة مؤمنة بحرس مسلح
فى الغالب شركاء ولذلك تركوا الدولارات االأعلى قيمة وأقل وأخف حجما ووزناً .. وقيمتها فيها
السواق مصيره يتهرب خارج الحدود .. لو لوحده أو متفق مع عصابة، المبلغ حيباع فى سوق العملة!
|
Post: #25
Title: Re: فرار سائق سيارة تتبع للبنك السوداني المصر
Author: اخلاص عبدالرحمن المشرف
Date: 08-29-2020, 04:21 AM
Parent: #23
فعلاً السيد منعم منصور عليه الرحمه ذكر هذه الشركة
شراكة بين مخابرات مصر والامن السوداني ، تهريب
الذهب والدولار لا زال مستمراً، تغيرت الحبكة فقط.
وغالباً هربت عن طريق الطيران
|
Post: #26
Title: Re: فرار سائق سيارة تتبع للبنك السوداني المصر
Author: محمود الدقم
Date: 08-29-2020, 06:25 AM
Parent: #23
Quote: قبل حمدوك وبعايعت ق حت بي زمن
والشرمطة مستمرة وليس التغطية مستمرة كما تقول فضائية الجزيرة الوسخة |
عبارتك وأخلاقك في قعداتك الخاصة ياريت تحتفظ بيها لنفسك.وليس مكانها هنا.
|
Post: #27
Title: Re: فرار سائق سيارة تتبع للبنك السوداني المصر
Author: محمود الدقم
Date: 08-29-2020, 11:45 AM
Parent: #26
شكرا للكل المتداخلين لاثراء الحوار
|
Post: #28
Title: Re: فرار سائق سيارة تتبع للبنك السوداني المصر
Author: يحي قباني
Date: 08-29-2020, 01:43 PM
Parent: #27
| Quote: كيف سيارة نقل أموال البنوك لا ترافقها الشرطة.. فى كل دول العالم تلقى على الأقل شرطيين مع كل عربة نقل أموال و كمان شاهرين اسلحتهم.. موش مسدسات. |
محمد ...
معلومة غير صحيحة ... او على الاقل هنا في كندا ( اراك قلت في كل دول العالم ) ...
شركات نقل الاموال تدرب سائقيها على استخدام السلاح و تعطيهم ترخيص مثل ترخيص شركان الامن الخاصه بالحراسة ...
و كل سياره بها اتنين مدربين على ذلم السائق و معه زميله ...
سيارات الشرطة في حالات معينه يطلب منها نرافقة سيارة نقل الاموال ... و لكن في عملهم اليومي لا توجد سيارات شرطه ...
|
|