Post: #1
Title: ♧كَلْبُ طُرُمْبِةَ ياخد بُمْبَةً€
Author: دفع الله ود الأصيل
Date: 08-25-2020, 09:56 PM
09:56 PM August, 25 2020 سودانيز اون لاين
دفع الله ود الأصيل-
مكتبتى
رابط مختصر
* خلي تيس الحلبة (يلبلب) بس في محلو .
و يغور العلج بومبيو ضهرو يقمِّر عيش؛ إن
شاء الله قشة ما تعتر ليهو و لا اليتشدد ليهو .
《و أبشر لينا بالخير إتا يا حمدوك ، اسم
على مسمى. و من الليلة ، البتاكلو ينفعك 》
●شدوا لك رِكِبْ فوق مُهرك الجماح
ضرغام الرجال الفارس الجحجاح
تمساح الدميره الما بيكتلو سلاح
السم النقوع الفي البدن نتاح
يا عُصار المفازه اللعيون كتاح
المال مابيهمك إن كتر وإن راح
●بطناً جابتك والله ما بتندم
يا اسد الكُداد الفي خلاك رزم
يا رعد الخريف الفي سماك دمدم
بابك ما أنقفل نارك تجيب اللم
مابتعزم تقول غيرإستريح حرّم
●أبواتك جبير بيحلو للعوجات
مطمورتك تكيل للخاله والعمات
في الجود والكرم إيديك دوام بارزات
يا أب قلباً حديد في الحوبه ما بتنفات
●عينيك يا الصقر في الحاره ما بتنوم
صدرك للصعاب دايماً بعرف العوم
في وسط الفريق للفارغه ما بتحوم
لا بتنلام و لا بتعرف تجيب اللوم
ود ناساً عُزاز جمعوا المكارم كوم
تفخر بيك بنات الباديه والخرطوم.
.
|
Post: #2
Title: Re: ♧ سكرتير طرمبة ياخد بمبة€
Author: دفع الله ود الأصيل
Date: 08-26-2020, 04:45 AM
Parent: #1
يا زول من الليلة دي نعلها مدويةً :
حمدوكية للنخاع . ثم مين قالك أصلن :
إنو التطبيع مع القردة و الخنازير حيرفع
عننا عقوبات العلوج . عشان نربط بيها
كشرط وجوبٍ . مالكم كيف تحكون؟ ياخي
ثكلتكم أمهاتكم و أخواتكم من الرضاعة.
|
Post: #3
Title: Re: ♧ سكرتير طرمبة ياخد بمبة€
Author: دفع الله ود الأصيل
Date: 08-26-2020, 04:56 AM
Parent: #2
ياخي إنتو فاقدين الذاكرة¿¡¡. معقول
نسيتو أيام الراقص المخلوع القريبة دي ،
لامن جونا بي وهمة الرفع جزئياً لقعوبات
الجن ، كان سعر الصرف ب07 جنيهات فقط
لا غير، للدولار.ثم بعد ساعات معدودة قفز
الجان بالزانة إلى أرقام فلكية و لا يزال!!
|
Post: #4
Title: Re: ♧ سكرتير طرمبة ياخد بمبة€
Author: اخلاص عبدالرحمن المشرف
Date: 08-26-2020, 06:15 AM
Parent: #3
نتفق علي حمدكه
تتعدل عليه شقيش ما يقبل
أما الباقي بتاع يقمر عيش
وينو العيش ، يا زول لازمن الاحتكام الشعب
قال كو يبقي كو ما قالش يبقي مستعد يتحمل
انتو قائلين الانتخابات سمحة ليه ، ما عشان كده
انتخابات مبكرة
|
Post: #5
Title: Re: ♧ كَلْبُ طُرُمْبَةَ ياخدْ بُمْبَةً€
Author: دفع الله ود الأصيل
Date: 08-26-2020, 07:15 AM
Parent: #4
* و من الليلة ح نعمل حزب " حَمَدَوك يسلمو الجابوك "
و شعارنا (تنقد الرهيفة إن شاء ما تترتق و مرحبتين حبابو
الشر محل ما بتَّق) . براعة فزاعة رعاية إرهاب برا قلة حيا
معاهم!! ياخي نحن ح نفضل لمتين خايفين من ضلنا . أها سمح ،
أقول ليكي حاجة ، ضلنا دا ظاتو لو كترو و قللو معانا بعدا حنقول
ليه: يا زول أخير لك تختانا والله روحنا بقت في راس مناخيرنا،
فلو انشبكنا فيك علا بعدينك يفرزونا بلون اللباسات . قوم لف
بالله تبَّن لك و الله آخرتا يقودنا واحد رويبضة زي بن زايد.
|
Post: #6
Title: Re: ♧ كَلْبُ طُرُمْبَةَ ياخدْ بُمْبَةً€
Author: اخلاص عبدالرحمن المشرف
Date: 08-26-2020, 07:23 AM
Parent: #5
الشئ تغير يا ابو الدفاع
ود الاصيل حليلك من زمن المصارعة الحرة 😹
|
Post: #7
Title: Re: ♧ كَلْبُ طُرُمْبَةَ ياخدْ بُمْبَةً€
Author: دفع الله ود الأصيل
Date: 08-26-2020, 08:10 AM
Parent: #6
مصارعة حرة ، و لا مصارعة تيران و لا رومانية ياهو كلو
(عيتنوبة ، دواس نوبة). ما هو يا دكتورة ، لامن خلاس الواحد فينا
رويحتو تجيه في الطقاق بيبقى (We'he Got Nothing To Lose)
يلا بعداك نقوللهم : نتلاقى نتلاقى في الرملة الدقاقة و يا روحي المشتاقة
يلا الديرىة الملاقا و لا كيف ، صاح و لا أنا ماني غلتان؟!!
.
|
Post: #8
Title: Re: ♧ كَلْبُ طُرُمْبَةَ ياخدْ بُمْبَةً€
Author: دفع الله ود الأصيل
Date: 08-26-2020, 11:54 AM
Parent: #7
والله كمان الحاجة البتففع المرارة بالجد سطحية بعض
المنبطحين منا لامن يعلقو مسألة التطبيع من عدمها بمصير
الفلسطيينيين و فعايل زعمائهم المتناحرين سواءٌ منهم المهرولون
منذ أوسلو وراء حلول الدولتين و خلافه، أو الهتَّافون بشعار المقاومة،
إنما القضية مبدأ أخلاقي ، سواءٌ أخذناه من زاوية معتقدٍ دينيٍّ بواحٍ ،
أو من باب التشدق بأية آيديولو جية. أخرى كانت ؛ المهم أن يكون نلك
موقفٌ حضاريٌّ من دولة تغصب أرضاً و تشرد شعباً أعزلَ و تمارس
ضده أبشع صور الفصل العنصري على مرأىً و مسمعٍ من أحرار
العالم بأسره في مشارق الأرض ومغاربها. خلينا ياخي نعيد أحواء
(لاءاتنا التلاتة ) نكملابرابعة الأثافي و بعدينك نرجى الله في
كبري بيكة بعد الكريبة. ربنا لا تؤاخنا بما فعل الجبناء منا.
|
Post: #9
Title: Re: ♧ كَلْبُ طُرُمْبَةَ ياخدْ بُمْبَةً€
Author: دفع الله ود الأصيل
Date: 08-31-2020, 06:56 AM
Parent: #8
Quote:
الشئ تغير يا ابو الدفاع
ود الاصيل حليلك من زمن المصارعة الحرة 😹
|
فعلن الأوضاع اتبدلت. حتى باتت بلاد العربان إذا سار فيها سليمانُ لسارَ بترجمانٍ .لا و كمان الحاجة البتورم الفشافيش بالجد، إنو إمارات عيال (ناقص) الله لا طراهم ولا جاب عقابم مصرةٌ إلحاحاً، إنها تكشف للضبع المفترس لحم أفخاذها الأبيض المتوسط.
|
Post: #10
Title: Re: ♧ كَلْبُ طُرُمْبَةَ ياخدْ بُمْبَةً€
Author: دفع الله ود الأصيل
Date: 09-25-2020, 12:08 PM
Parent: #9
Quote: •كتب جنابو محمد الهيثم الطاهر€
●تجار مخدرات يهودأحتلو أفغانستان عشان المخدرات غنو منها و عملو ثروات طائلة
سيطروا بيها على السياسة الأمريكية و بقوا يتحكموا في رؤسائها زي ترمب البايل فوق
هدومو دا عشان يرضيهم...و شغالين يخوفوا في العالم عشان يسرقوا ثرواته ...و شغالين
يغيروا في الحكام على كيفهم بتجويع شعوبهم .. و يشتروا في ذمم الخونة ...
● و هسي المرحلة الجاية نفس العصابة جاية تحكم منطقة الشرق الأوسط عن طريق
إسرائيل.... تحت مسمى التطبيع مع أشباه الرجال... اي زول بطبع معاهم لا يعدو كونه
عبد حقير ليس إلا...
● و الله الناس ديل لو لحقو يتحكمو في المنطقة إلا نعمل هاشتاقات حياة البشر مهمة
زي الزنوج في امريكا و هم شغالين فينا بل... غيرها ما بتقدر نعنل أي حاجة.
|
● بس الخبر البفرح ي جنابو لو صحَّ. شروطم الفرضوها إملاءً
على دلاديل وفد البلهان و رفاقى التفاوض على التطبيع في عاصمة
حكمنا الثلاثي / أبو ظبي ، عدد( 47) شرطاً، و بدون أي مقابل حتى؛
و من بينها إيواء لاجئي شتات فلسطين و طرد الصين ؛ و كاد وزير
عدلنا (المايل) الله لا ينصره ىيبراه بري من على وجه الأرض ، كاد أن
يبصم عليها بالعشرة لولا أن البلهان شكلو لاوز، و قالهم عندي شورة
مع أهلي خلوني كدي النرجع أتاوق و بجيكم معوقب.ود أم زقدة.
|
|