Post: #2 Title: Re: وزير الخارجية الأمريكي .. ضيف علي السودان . Author: Biraima M Adam Date: 08-25-2020, 12:36 PM Parent: #1
وصل الخرطوم .. بسلام ..
بريمة
Post: #3 Title: Re: وزير الخارجية الأمريكي .. ضيف علي السودان . Author: Biraima M Adam Date: 08-25-2020, 12:39 PM Parent: #2
جارنا العزيز .. السيد رئيس الوزراء الأثيوبي أبي أحمد .. في ضيافة السودان
بريمة
Post: #4 Title: Re: وزير الخارجية الأمريكي .. ضيف علي السودان . Author: Biraima M Adam Date: 08-25-2020, 12:45 PM Parent: #3
الصحف السودانية مشغولة بخبر زيارة وزير الخارجية الأمريكي ..
بريمة
Post: #5 Title: Re: وزير الخارجية الأمريكي .. ضيف علي السودان . Author: Biraima M Adam Date: 08-25-2020, 12:48 PM Parent: #4
وصول طائرة وزير الخارجية الأمريكي مايك بامبيو للخرطوم
بريمة
Post: #6 Title: Re: وزير الخارجية الأمريكي .. ضيف علي السودان . Author: Biraima M Adam Date: 08-25-2020, 12:54 PM Parent: #5
ول السيد رئيس الوزراء الأثيوبي أبي أحمد
بريمة
Post: #7 Title: Re: وزير الخارجية الأمريكي .. ضيف علي السودان . Author: HAIDER ALZAIN Date: 08-25-2020, 01:21 PM Parent: #6
بريمة قلت في الاخبار العالميـة وجبت سونا ...
غايتو !! اخير منك زهير ؛)
لكن الحاصل شنو لقاءات بومبيو مع جماعتنا كلها كتحةصغيرة كدة..عبار تيكلا بس
Post: #8 Title: Re: وزير الخارجية الأمريكي .. ضيف علي السودان . Author: اخلاص عبدالرحمن المشرف Date: 08-25-2020, 01:31 PM Parent: #7
بريمة صاحبي كيفك وسلام لك ولضيوفك
بريمة حول الليلة من العقال للكابوي خليك مع الزمن😹😹😹
Post: #9 Title: Re: وزير الخارجية الأمريكي .. ضيف علي السودان . Author: امتثال عبدالله Date: 08-25-2020, 02:21 PM Parent: #8
بريمة انا شايفة بومبيو لابس كمامة فيها علم امريكا ...ليييه حمدوك ما لابس كمامة علم السودان !!!؟؟ ايه رايك يا بريمة انا نزلت مطار الخرطوم ولابسة كمامة فيها علم السودان ...لكن بعد طلعت من مطار الخرطوم بقيت ما بلبس كمامة وصاحباتي عقدني ويقولن لي طلعي العوارة اللابساها دي هنا ما عندنا كرونا ...وبعد يومين صدقت كلامهن لان الزحمة هنا مبالغة وما في اي زول لابس كمامة .. وهسع حمدوك والمسؤولين القابلوا بومبيو لابسين كمامات ومنتظرين متين بومبيو يسافر عشان يقلعوا الكمامات دي ... المهم مرحب بوزير الخارجية الامريكي ونرجو ان يطلب منه حمدوك ان يرفع العقوبات عن السودان ويرسل للسودان بنزين وجازولين يكفي السودان سنتين وقمح يكفي السودان سنتين واعفاء ديون السودان و١٠ مليار دولار هدية لبنك السودان مقابل التطبيع مع اسرائيل ...
Post: #10 Title: Re: وزير الخارجية الأمريكي .. ضيف علي السودان . Author: Ali Alkanzi Date: 08-25-2020, 02:21 PM Parent: #8
سلام يا اخوي بريمة مدة ما التقينا في سودانيزاونلاين غايتو لو انا شركة تيوتا بدي سونا دستة من سياراتا البرادو بالله شوف سونا الداعية العملتا لتيويتا في استقبال وزير الخارجية الامريكي؟ شو بس؟ مش على كل نتمنى الخير لبلادنا وان يكون مردود هذه الزيارة المنتظرة خير على الامة السودانية
Post: #11 Title: Re: وزير الخارجية الأمريكي .. ضيف علي السودان . Author: امتثال عبدالله Date: 08-25-2020, 02:27 PM Parent: #10
لا يا اخلاص خليه مع العقال عشان ناس السعودية ما يقطعوا مننا البترول نهائي .. وشايفة صفوف البنزين قلت اليوم ...مع ظهور بريمة بالعقال السعودي
Post: #12 Title: Re: وزير الخارجية الأمريكي .. ضيف علي السودان . Author: Biraima M Adam Date: 08-25-2020, 04:05 PM Parent: #11
بت أبا دكتور أخلاص وبتنا أمتثال سلامات ..
قلبنا كاوبوي .. نحن مع وزير خارجيتنا الأمريكي الهمام .. السيد مايك بامبيو .. أمتثال كلامك صحيح، حاولت أنزل الأخبار العالمية .. الأخبار من القنوات الأسرائلية والأثيوبية .. لكن كلها باللغات المحلية ..
هنا الأخبار الأثيوبية .. ممكن تتفرجوا علي الصور .. من الدقيقة 4:50
بريمة
Post: #13 Title: Re: وزير الخارجية الأمريكي .. ضيف علي السودان . Author: Biraima M Adam Date: 08-25-2020, 04:10 PM Parent: #12
حيدروف سلام ..
Quote: بريمة قلت في الاخبار العالميـة وجبت سونا ...
غايتو !! اخير منك زهير ؛)
لكن الحاصل شنو لقاءات بومبيو مع جماعتنا كلها كتحةصغيرة كدة..عبار تيكلا بس
يا أخي بالغت .. إن شاء الله أنا أكون بحال الأخ زهير .. يا أخي زهير شعلة من النشاط في مسألة الأخبار .. وهو نفسه مصدر لكثير من الأخبار ..
الأخبار العالمية كلها باللغة المحلية ..
بريمة
Post: #14 Title: Re: وزير الخارجية الأمريكي .. ضيف علي السودان . Author: Biraima M Adam Date: 08-25-2020, 04:13 PM Parent: #13
شيخ الكنزي سلامات ..
Quote: سلام يا اخوي بريمة مدة ما التقينا في سودانيزاونلاين غايتو لو انا شركة تيوتا بدي سونا دستة من سياراتا البرادو بالله شوف سونا الداعية العملتا لتيويتا في استقبال وزير الخارجية الامريكي؟ شو بس؟ مش على كل نتمنى الخير لبلادنا وان يكون مردود هذه الزيارة المنتظرة خير على الامة السودانية
يا أخي مباركتك للزيارة رفعت همتنا .. إنت دقيق في ملاحظاتك .. بالذات ناسنا المواسير الماسكين قرون البقرة في الحكومة .. حمدوك ومن معه ..
بريمة
Post: #15 Title: Re: وزير الخارجية الأمريكي .. ضيف علي السودان . Author: الشيخ سيد أحمد Date: 08-25-2020, 04:47 PM Parent: #14
ول ابا بريمة
نحن مع الاسف لاندري قدر انفسنا ...وهي مصيبة بحق.. هذا الاهتمام الذي الاعلامي يؤكد على وضع السودان في الخارطة الدولية....لكننا منهمكون في رصد الأخطاء لبعضنا البعض...ليس من اجل التصحيح والتطور وانما من اجل ان نستطيع وصف الآخر بالفاشل!! وكما قال اهلنا "الماببقي نفسو زول..مافي زول ببقيهو زول".
Post: #16 Title: Re: وزير الخارجية الأمريكي .. ضيف علي السودان . Author: MOHAMMED ELSHEIKH Date: 08-25-2020, 06:53 PM Parent: #15
والله سمع اضاني دي امبارح تلفزيون السودان عامل تقرير عن زيارة بومبيو واصفا اياه برئيس الوزراء الامريكي!
Post: #17 Title: Re: وزير الخارجية الأمريكي .. ضيف علي السودان . Author: امتثال عبدالله Date: 08-25-2020, 09:09 PM Parent: #16
محمد الشيخ كان جينا للحقيقة وزير خارجية امريكا اهم من رئيس الوزراء في اي دولة... ومع انه مافي رئيس وزراء في امريكا لان نظام الحكم نظام رئاسي لكن الامريكان ما بيعرفوا اسم اي وزير في امريكا غير اسم وزير الخارجية لان القنوات التلفزيونية الامريكية بتتابع اخباره وسفرياته وبيهتموا بالسياسة الخارجية ...اما الوزراء الباقين ما في اي امريكي بيعرف اسمه لان الاعلام لا يذكر اسماؤهم ابدا ...