Quote:
[} المنبر ده فيه مناقرات كتيرة وانا يتخيل لي
الكتير منها بتقوي العلاقات الشخصية بين المتناقرين.
|
[}حبيبو دوسة. شن جابك يا ديناصور شبه منقر ض السلالة
و لكن لأسباب لوجستية قاهرة ما حصل شاكت . لذلك تستاهل
ليك موكب مهيب من سبعين ألف مرحبٍ يتقدمهم ود البشرى والله
مما يليق بحضرة جناب سموكم العاطفي . و كمان كمان أوكسترا كيتا
بقيادة المايسترو أحمد ياسين ياها تمت هيبة المشهد. خسوسن اسمك زاتو
مدوزن كدا زكرتني زمان أستاذنا واحد كرستلاوي مرة ساللو طاب قاللو
اسمك منو قالليو قادم جابر ضي النور عمك أخد صنة كدا قعد يقلب قوقا
و فجأة انتفض قام يهتف بالاسم : قادم قابر ضي النور .. قاااادم جااااابر
ضيييي النروورياخي دا ينفع لمظاهرة و يلا قاللينا قومو تعلو وراي
و مرق شاقي بيناالميدان الشرقي و البركس و نحن نهتف وراهو
الزول المشكنب دا قاااااد حاااابر ضييي النووور تصدق .
فبالله المشكنب هو و لا نحن اللسة بنحي فوقا؟!!
[}عمومن ، وصلت كدي خت بقجتك و سم الله و خش
بيمينك و كل مما يليك . و بس لو تسمع نصيحة من أخوك
برلوم قديم أختي لي الأخوانيات؛ موش على رايك بتقوي
الصلات داكان راين زمان. لكن دي مرات دمها رُكب .
[}سبق لنا و أطلقنا مقولةً هنا على عواهنها،
و لقد احتفى بها حبيبو علي الكنزي أيما حفاوةٍ.
كان ذاك على أيام حداثة عهدنا ؛ و نأمل أن يظل
ظننا على حاله فلا و لن يخيب فيكم أبداً. وكان
فحواها حين لأخي و كنزي المفقود ما يلي :
[} "و أما حقيقةُ كونِگ لا تٌشًاطِرُني الرأيَ في ما ذهبتُ إليه،
فهذا مما يغريني بالمضي قدماً : أن أجد من يهزني بقوة ، دُونَ
أن يَدَعَ لي فرصةُ لأثور أو لأغضب . فنحن هنا گحُروف الهجاءِ،
بحيثُ ألا يَحْتَلَّ حَرْفٌ أو يُخَالِطُ مخرجاً مُجَاوِراً مزاحماً لأخيه؛
بقدرما يسعى ليُكَمِّلَهُ في تشگيلِ جملةٍ مفيدةٍ لتگونَ جديرةً حقاً
بسكون مٍحرًابِ الجمال عبرَ أروقة هذا المحفل الثقافي الأنيق"
[} كسرة :
[}هسة ينط ود البشرى يعلق على مداخلتي المترية دي رغم
إني من باب الاحتراز و الباب البجيب الريح كيرتليو شو تلج.
