Post: #2 Title: Re: ستعجز عن التوقف من المشاهدة (فيديو)... Author: Arif Nashed Date: 08-23-2020, 01:37 PM Parent: #1
خطاب الجنرال ابراهيم عبود
Post: #3 Title: Re: ستعجز عن التوقف من المشاهدة (فيديو)... Author: ABUHUSSEIN Date: 08-23-2020, 05:14 PM Parent: #2
وين غاطس ... ؟؟؟؟ شايفك غيرت من البتاعات ديك ... 😂😂😂 حليل زمن السودان كان سودان ....
Post: #4 Title: Re: ستعجز عن التوقف من المشاهدة (فيديو)... Author: Arif Nashed Date: 08-23-2020, 06:15 PM Parent: #3
أبو حسين سلام مررت بتجربة صعبة ولحظات عصيبة فلقد زارتنا الكرونا والحمد لله ربنا قدر ولطف. ام العيال في تداخل وزيارات السودانيات ايام العيد أصيبت بالعدوى وبدأ الأمر باسهال ثم الي كحة وهي اصلا تعاني من حساسية في الصدر فاخذتها الي مستوصف خاص وبعد التحاليل وصور الأشعة قيل بأنها حالة اشتباه بالكرونا وحولونا للمستشفي وأخذت منها عينة وطلب إجراء حظر منزلي واعطوها بندول وكومبلكس فيتامين وبعد يومين اتت رسالة بأن الحالة إيجابية. وبدأت تشعر بضيق تنفس وازدياد في الكحة فأخذتها للمستوصف الحكومي وتم عمل اوكسجين وتحويلها للمستشفي للحجر وكان تواصلنا معها عبر الموبايل استمر الحجر لمدة أربعة ايام وقد تحسنت حالتها وتقرر خروجها وأعطيت بعض العلاجات ومضاد حيوي اشتريته من الصيدلية مع تنفيذ حجر منزلي لفترة 14 يوما. وللفائدة العامة نصحتنا احدي الطبيبات السودانيات التي تعمل بالمستشفي ان نستخدم حبوب الزنك وفيتامين سي والاسبرين ودواء اسمه Azimac كورس من ستة حبوب يدعم جهاز المناعة مع تناول الخضروات والفواكه والمشروبات والحمد لله الامور ظبطت وشفيت تماما. أخوك ولا دكتور أكرم حجر زي الحجر غرفة منفصلة مع حمام والأكل والشرب في صحون ورقية وبلاستيكية واكواب ورقية ترمي فورا مع لبس كمامات وقفازات وتعقيم بالديتول والكلوركس. ده الحاصل وحفظكم الله من هذا الفايروس اللعين. لم يكن هناك ارتفاع في الحرارة. لم تفقد حاسة الشم والتذوق. لم تتقيء.
لكن الفيكم اتعرفت خوتكم برجستون.
Post: #5 Title: Re: ستعجز عن التوقف من المشاهدة (فيديو)... Author: علي عبدالوهاب عثمان Date: 08-23-2020, 06:27 PM Parent: #4
الحمد لله عارف امبس على السلامة حفظكم الله من سوء الحمدلله على الشفاء ودوام الصحة والعافية
تحياتي عارف امبس
Post: #6 Title: Re: ستعجز عن التوقف من المشاهدة (فيديو)... Author: ABUHUSSEIN Date: 08-23-2020, 06:32 PM Parent: #4
حمدا لله على سلامتكم و اجر و عافية و ربنا يحفظكم من كل شر .. يا عواليق نحن نعرف كيف ؟؟؟ لو زول منك فايدة تبلغ اي زول و هو بكلم اصحابك المعروف عندنا خبر زي دا كتيرين ما بكونو عايزنو ينتشر لأنو الاغلبية ما ببلغو اهلهم في السودان علشان ما يقلقو و تزعجهم و بيني بينك نحن كنا حا نخاف علي المسكينة الصابرة عليك دي لكن ما اظننا نخاف عليك
يا زول الف حمدا لله على السلامة و قوم لف لأنك طولت منها و بتكون مشتاق ليها 😂
Post: #7 Title: Re: ستعجز عن التوقف من المشاهدة (فيديو)... Author: Arif Nashed Date: 08-23-2020, 10:36 PM Parent: #6
Quote: الحمد لله عارف امبس على السلامة حفظكم الله من سوء الحمدلله على الشفاء ودوام الصحة والعافية
الحبيب علي امبس. نحمد الله علي كل شيء وجعلها الله في ميزان حسناتك.
Post: #8 Title: Re: ستعجز عن التوقف من المشاهدة (فيديو)... Author: Arif Nashed Date: 08-23-2020, 10:45 PM Parent: #7
Quote: حمدا لله على سلامتكم و اجر و عافية و ربنا يحفظكم من كل شر .. يا عواليق نحن نعرف كيف ؟؟؟ لو زول منك فايدة تبلغ اي زول و هو بكلم اصحابك المعروف عندنا خبر زي دا كتيرين ما بكونو عايزنو ينتشر لأنو الاغلبية ما ببلغو اهلهم في السودان علشان ما يقلقو و تزعجهم و بيني بينك نحن كنا حا نخاف علي المسكينة الصابرة عليك دي لكن ما اظننا نخاف عليك
يا زول الف حمدا لله على السلامة و قوم لف لأنك طولت منها و بتكون مشتاق ليها 😂
يا عواليق الخلعة الدخلت فينا لليوم ما مرقت. الكرونا حصدت أرواح العديد من السودانيين بالطائف. الحمد والشكر لله. دي بس ياها جوك جوك ولا كتلوك زاتو.
Post: #9 Title: Re: ستعجز عن التوقف من المشاهدة (فيديو)... Author: Ahmed Yassin Date: 08-23-2020, 11:07 PM Parent: #8
لا باس عليكم يا عارف ونحمدالله على السلامة واجر وعافية افتقدناك لكن انت مرة كتبت انك بتدخل مرة مرة
Post: #10 Title: Re: ستعجز عن التوقف من المشاهدة (فيديو)... Author: ABDALLAH ABDALLAH Date: 08-23-2020, 11:31 PM Parent: #9
Quote: ام العيال في تداخل وزيارات السودانيات ايام العيد أصيبت بالعدوى وبدأ الأمر باسهال ثم الي كحة وهي اصلا تعاني من حساسية في الصدر فاخذتها الي مستوصف خاص وبعد التحاليل وصور الأشعة قيل بأنها حالة اشتباه بالكرونا وحولونا للمستشفي وأخذت منها عينة وطلب إجراء حظر منزلي واعطوها بندول وكومبلكس فيتامين وبعد يومين اتت رسالة بأن الحالة إيجابية.
ألف سلامه يا حبوب أجر وكفاره أستاذ عارف ربنا ىزيل الوباء ويطمنكم على رفيقة الدرب . كلنا فى الحيس المنزلى الإجبارى لينا شهور والحمد لله على كل حال .
Post: #11 Title: Re: ستعجز عن التوقف من المشاهدة (فيديو)... Author: bakri abdalla Date: 08-24-2020, 00:18 AM Parent: #10
' كفارة
وحمدلله على السلامة .
Post: #12 Title: Re: ستعجز عن التوقف من المشاهدة (فيديو)... Author: علاء سيداحمد Date: 08-24-2020, 00:18 AM Parent: #10
Quote: مررت بتجربة صعبة ولحظات عصيبة فلقد زارتنا الكرونا والحمد لله ربنا قدر ولطف. ام العيال في تداخل وزيارات السودانيات ايام العيد أصيبت بالعدوى وبدأ الأمر باسهال ثم الي كحة وهي اصلا تعاني من حساسية في الصدر فاخذتها الي مستوصف خاص وبعد التحاليل وصور الأشعة قيل بأنها حالة اشتباه بالكرونا وحولونا للمستشفي وأخذت منها عينة وطلب إجراء حظر منزلي واعطوها بندول وكومبلكس فيتامين وبعد يومين اتت رسالة بأن الحالة إيجابية.
سلمات يا حبيبنا عارف وما تشوف شر وشرّك مقسّم فوق الدقشم .
Post: #13 Title: Re: ستعجز عن التوقف من المشاهدة (فيديو)... Author: الشيخ سيد أحمد Date: 08-24-2020, 00:48 AM Parent: #12
سلامات يا عارف ولا بأس عليك.. وسلامة المدام.
اجر وعافية يا رب.
إن شاء الله بلغتو الصحة وتمام العافية.
Post: #14 Title: Re: ستعجز عن التوقف من المشاهدة (فيديو)... Author: Mahjob Abdalla Date: 08-24-2020, 01:07 AM Parent: #13
حمدا لله علي السلامة و اجر و عافية ان شاءالله.
Post: #15 Title: Re: ستعجز عن التوقف من المشاهدة (فيديو)... Author: امتثال عبدالله Date: 08-24-2020, 02:21 AM Parent: #14
والله فعلا سودانا كان عظمة وابهة ورئيسنا عظمة وابهة والدول الكبرى تحترمنا وتستقبل رئيسنا بابهة وفخامة...يا حليل سودانا البقى ملطشة الدول الصغرى... وحمد الله على سلامتكم...
Post: #16 Title: Re: ستعجز عن التوقف من المشاهدة (فيديو)... Author: Mutasim Idris Date: 08-24-2020, 04:06 AM
الف سلامة يا عارف واجر وعافية..
Post: #17 Title: Re: ستعجز عن التوقف من المشاهدة (فيديو)... Author: Arif Nashed Date: 08-24-2020, 09:43 PM Parent: #16
الإخوة الأفاضل. أحمد ياسين. مولانا عبدالله. بكري عباس. علاء سيد احمد. الشيخ سيد احمد. محجوب عبد الله. معتصم إدريس. جزاكم الله ألف خير علي دعواتكم الطيبة ويا ربي لك الحمد والشكر فقد بلغنا العافية وحفظكم الله واسركم من اي مكروه وقدامكم العافية.
Post: #18 Title: Re: ستعجز عن التوقف من المشاهدة (فيديو)... Author: Arif Nashed Date: 08-24-2020, 09:57 PM Parent: #17
Quote: والله فعلا سودانا كان عظمة وابهة ورئيسنا عظمة وابهة والدول الكبرى تحترمنا وتستقبل رئيسنا بابهة وفخامة...يا حليل سودانا البقى ملطشة الدول الصغرى... وحمد الله على سلامتكم...
الابنة امتثال تحياتي السودان كان يحتل موقعا بارزا في الخارطة الدولية والإقليمية ويحظي باحترام وتقدير لكن في عهد الكيزان فقدنا كل تلك المكانة المرموقة التي كان يحظي بها السودان وشعبه وأصبحنا في قوائم الدول التي ترعي الإرهاب والمنتهكة لحقوق الإنسان. مثال لاستقبال المخلوع البشير.
Post: #19 Title: Re: ستعجز عن التوقف من المشاهدة (فيديو)... Author: امتثال عبدالله Date: 08-24-2020, 10:00 PM Parent: #17