Post: #2
Title: Re: أصوات طلقات
Author: علي عبدالوهاب عثمان
Date: 08-21-2020, 06:38 PM
Parent: #1
دكتور نعمات تحياتي
والحبيب عاصم
يا جماعة متابعة
تحياتي
|
Post: #3
Title: Re: أصوات طلقات
Author: نعمات عماد
Date: 08-21-2020, 07:01 PM
Parent: #2
سلام استاذنا علي
الشارع هادئ الآن و الكهرباء عادت قبل دقائق.
صوت الطلقات كان جاي من إتجاه مركز شرطة حوالى
كم شارع داخل المربع . و كان الصوت يقترب مع كل طلقة
و كأنه يأتي من سيارة متحركة.
ماف طريقة لمعرفة ما حدث إلا في الصباح بكرة.
شكراً للسؤال و معليش تسبننا ليكم في القلق.
|
Post: #4
Title: Re: أصوات طلقات
Author: علي عبدالوهاب عثمان
Date: 08-21-2020, 07:08 PM
Parent: #3
الدكتورة
ما في أي قلق .. فقط لنعرف حال البلد
لأن الاعلام لا ينقل اي حقيقة
شكرا الدكتورة
|
Post: #5
Title: Re: أصوات طلقات
Author: Asim Ali
Date: 08-21-2020, 07:49 PM
عليكم السلام
عندنا فى بحرى اليوم الاجواء هادئه .
بالمناسبه اصوات الرصاص ربما تكون من الاصوات المعتاده فى الفتره القادمه .بالامس كنت اسمع اصوات رصاص بعيده عند المغربيه .
من العادات البحاول التزم بيها انى ما اتحرك بعيد من الساعه 5 عصرا الا اكون متاخر فى طريق العوده
|
Post: #6
Title: Re: أصوات طلقات
Author: Salah Zubeir
Date: 08-21-2020, 11:33 PM
Parent: #5
| Quote: معليش تسببنا ليكم في القلق |
سلام يا دكتوره نعمات ...
تعرفي أخبار زي دي مش بتعمل قلق
للناس البره وبس ... انا متاكد أي مغترب
عندو أهل داخل ولاية الخرطوم وقرا
البوست بكون اتصل معاهم تليفونيا
للاطمئنان عليهم ...
شخصيا كنت سايق من الحارة التاسعة
لين حي الهدى في شرق النيل من ٨ ونص
ليلا وصلت بعد ساعة كامله للزحام في
عدة أماكن اسوءها المؤسسة بحري ...
مع ملاحظة الحظر بدأ منذ السادسة ليلا ..
لم أري او اسمع طوال الطريق ما يعكر
صفو الحياة العادية ...
قلتي لي قبل كدا دكتور شنو؟ ههههههه
|
Post: #7
Title: Re: أصوات طلقات
Author: خضر الطيب
Date: 08-21-2020, 11:40 PM
Parent: #6
| Quote: حي الهدى في شرق النيل |
الحي دا حق الكيزان بالمناسبة
هل ليهو علاقة بسجن الهدى
اخبارك يا فلة .. شكلك مشيت تقبض من حميرتي الغلة :)
سلام دكتورةنعمات اعذريني اصلو الفلول ديل انا ما بخليهم كان بقيت حي :)
|
Post: #8
Title: Re: أصوات طلقات
Author: Salah Zubeir
Date: 08-22-2020, 00:32 AM
Parent: #7
هوي يا XYZ
انادي ليك قسم الفضيل ينزل ليك الفايل ...
| Quote: الحي دا حق الكيزان بالمناسبة |
حقهم كيف ... الحي دا فيهو قريب ٥ ألف بيت ...
يعني ٥ ألف كوز في حي واحد ... إنتا بليد ...
| Quote: هل ليهو علاقة بسجن الهدى |
ههههه السجن دا قالو في غرب امدرمان وعلي
طريق شريان الشمال والحي في شرق النيل ...
إعلامي جربندي ساي ...
| Quote: اخبارك يا فلة .. شكلك مشيت تقبض من حميرتي الغلة :) |
يقبضك عيدي أمين يوديك بنك الشمال ...
| Quote: سلام دكتورةنعمات اعذريني اصلو الفلول ديل انا ما بخليهم كان بقيت حي :) |
الله يطول عمرك يا كل... ونحيا و نشوفك شوف
العين بس ...
عذرا دكتوره ... لينا أجر المحاوله للرد بي أدب
علي قليل الادب دا ...
|
Post: #9
Title: Re: أصوات طلقات
Author: خضر الطيب
Date: 08-22-2020, 00:54 AM
Parent: #8
Quote: ههههه السجن دا قالو في غرب امدرمان وعلي
طريق شريان الشمال والحي في شرق النيل ...
إعلامي جربندي ساي ... |
البعرفني ليها شنو انت قايلني شغال في مصلحة الاراضي؟
اها الاراضي كيف لعل لجنة التمكين ما عوقتك
و بعدين يا فلة بارك الله فيك وصفتني بقلة الأدب يعني برضو عندي ادب رغم القلة
و انا شوقي مهما ازداد برضو شايفو قليل
ممتع في اسوأ حالاتك يا فلة هههههه
|
Post: #10
Title: Re: أصوات طلقات
Author: نعمات عماد
Date: 08-22-2020, 04:00 AM
Parent: #9
| Quote: قلتي لي قبل كدا دكتور شنو؟ ههههههه |
صلاح الزبير
أولاً لو عدد الكلكات عند كتابة المداخلة 500،دا معناه ان حوالى 200 الى 400قارئ
دخلو البوست و عرفو ان الموضوع بدأ و انتهى بسرعة. عشان ما تجي حضرتك
تدعّي ان 5 مليون مغترب أصابهم القلق.مع احترامي لكل المغتربين.
شئ طبيعي بعد ما مرينا به مع تمرد هيئة العمليات و فض الإعتصام ان نتساءل عن
أي صوت إطلاق رصاص متواصل. خاصة انني يوم الخميس لاحظت عربات المدفعية
في شرق ووسط الخرطوم و كثافة من عربات الجيش.
ثم انت سايق و بتقرأ سودانيز ليه؟ ما تركن على جنب أولاً.
تساؤلك الفوق دا معناه شنو؟ هل هو استهزاء بزملائي و زميلاتي في المهنة؟ ح
|
Post: #11
Title: Re: أصوات طلقات
Author: نعمات عماد
Date: 08-22-2020, 04:19 AM
Parent: #10
شكراً أ. عاصم على الرد و النصيحة، يديك العافية.
استاذنا علي آسفة مرة أخرى على الإزعاج.
أ. خضر الطيب
خد راحتك مع صلاح الزبير، كان موضوعو الأساسي
د. أكرم و حالياً بيفتش لي بديل.
|
Post: #12
Title: Re: أصوات طلقات
Author: Salah Zubeir
Date: 08-22-2020, 09:21 AM
Parent: #10
| Quote: قلتي لي قبل كدا دكتور شنو؟ |
يا دوك حاشا لله وكلا ان استهزيء بك
او بزملاءك ... كلامي واضح وما فيهو
أي لبس ... حصل قبل كدا نعتيني أنا
صلاح بي دكتور شنو كدا ما عارف
وقصدتي منها اني زول متلقي حجج
او حاجه زي كدا ...
(ما قادر اذكر لأنو لم تكن مزحه
وكنتي قاصداها واكلتها في حناني)
بعدين مداخلتي كانت بعد منتصف
الليل وأوضحت اني وصلت البيت
الساعة ٩ ونص ولقد كنتا في الشارع
في الوقت الحددتيهو لإطلاق الرصاص
ولم اسمع او أري ما يعكر صفو الحياة
العادية في الطريق من الثورة الي
شرق النيل مرورا بالشعبية ...
|
Post: #13
Title: Re: أصوات طلقات
Author: خضر الطيب
Date: 08-22-2020, 09:27 AM
Parent: #12
| Quote: ولم اسمع او أري ما يعكر صفو الحياة |
هسي كنت هناك و مافي اي شئ ...يكون الضرس تاورك ؟
ههههههه
|
Post: #14
Title: Re: أصوات طلقات
Author: عبدالقادر محمد
Date: 08-22-2020, 09:33 AM
Parent: #12
الكويز الانتهازي Salah Zubeir
دة مابوست ظرافة ورشاقة زايدة
..
دمك بقري ياخ
|
Post: #15
Title: Re: أصوات طلقات
Author: Salah Zubeir
Date: 08-22-2020, 09:37 AM
Parent: #12
Quote: خد راحتك مع صلاح الزبير، كان موضوعو الأساسي
د. أكرم و حالياً بيفتش لي بديل. |
ههههههه ... ياخي سودانيز دي اتخطينا
مرحلة أنها من الضروري نفتحا كل يوم
ونعلق ونسوي لينا كمان فيها مواضيع ..
بقت حاله مزاجيه والمزاج زاتو اختفى
بفعل المشاغل ... لكن زي خدر البجي
ناطي جوز دا بدون ما يحمي (سنونو)
حا يلقاهم اتفقعو بدون ما يحس ...
|
Post: #16
Title: Re: أصوات طلقات
Author: خضر الطيب
Date: 08-22-2020, 09:50 AM
Parent: #15
Quote: ههههههه ... ياخي سودانيز دي اتخطينا
مرحلة أنها من الضروري نفتحا كل يوم |
عادي سعادتك انك تتخطاها كلامك منطقي على حسب الواقع
نظام انتهى و بقى بائد تاني البخليك تهتم بسودانيز شنو
هسي الناس كان دفنولم زول و مشو دحين برجعو ينبشو القبر
ما خلاس ضل عشاهم دا مات و شبع موت
اها بقومو بشوفولم عشا بايتات تاني و لو كان قييقا او تيريبايتات ذي حميرتي تبقى صرتم لي غرتم
انا ما بفسر و انت ما بتقصر
احييي يا الرز الكان باللبن بقى كبسة
استلم جاك عبد القادر .. و دا الجن عبد القادر ههههه
|
Post: #17
Title: Re: أصوات طلقات
Author: Salah Zubeir
Date: 08-22-2020, 10:48 AM
Parent: #16
| Quote: استلم جاك عبد القادر .. و دا الجن عبد القادر ههههه |
هههههههههه مصيبتي مصيبة مع البهم ...
انا ازاوغ من العتود يقع لي السخل ...
شوفو لينا حاجه زي الناس نعرف نعضيها ....
|
Post: #18
Title: Re: أصوات طلقات
Author: خضر الطيب
Date: 08-22-2020, 12:23 PM
Parent: #17
Quote: هههههههههه مصيبتي مصيبة مع البهم ...
انا ازاوغ من العتود يقع لي السخل ...
شوفو لينا حاجه زي الناس نعرف نعضيها .... |
من وين اجيب ليك حاجة على مقاسك حبيبي انا ؟
دا المتوفر في السوق .. و انت زول سوق
سردب بس , وقالو الممطورة ما بتبالي من الرش هههههه
|
Post: #19
Title: Re: أصوات طلقات
Author: نعمات عماد
Date: 08-22-2020, 12:40 PM
Parent: #18
مراحب بالإعزاء خضر و عبدالقادر
يا جماعة صلاح الزبير دا كفاية عليه عشان ما يختفي نهائياً 😂
مع انو بقى برجوازي و بتاع تصدير و قال ما فاضي.
|
Post: #20
Title: Re: أصوات طلقات
Author: خضر الطيب
Date: 08-22-2020, 01:07 PM
Parent: #19
مرحب دكتورة نعمات
| Quote: مع انو بقى برجوازي و بتاع تصدير |
هو اصلاً بتاع تصدير من زمان
لكن بعد غرقت سفينة الإنقاذ التي كانت لا تبالي بالرياح
قام الهواء قلب و بقى لزاماً على سعادة اللواء
يجي راجع يشتغل من الداخل رغم الفرق الشاسع بين ترطيبة الامارات
و قطع الكهرباء في السودان .. لكن الشفت دا امورو ظابطة عندو جنريتر
و هو ذاتو بقى جنريتر هسي هههههه
|
|