ما بين حمدوك والبشير..

05:20 PM August, 21 2020

سودانيز اون لاين
Mutasim Idris-Sacramento
مكتبتى
رابط مختصر

العسكر جزء اصيييل من الحكم للحفاظ علي البلد.
ح نعيش علي الشحدة لحدي ما ربنا يفرجها.
ولو قلتو لي امشي الليلة دي بمشي..
يا جماعة انا ما قاعد اكضب عليكم..

الحكومة بعد سنة تسيطر فقط علي 18% من المال
العام والباقي في يد العسكر والكيزان..
من بين الحروف (اكلوا صفق الشجر) مش (مؤمنين بالثورة).
(الانقاذ) و (وحكومة حمدوك) فشلين في قصة واحدة..

المختصر في لقاء حمدوك..
العسكر مسيطرين علي البلد وما (عندي) طريقة غير
نقبل بالوضع دا.
نموذج حمدوك وتسويقه للعالم طعنة في خاصرة
الثورة السودانية (المدنياااو) وخيانة لدم شهداء
فض اعتصام القيادة العامة وشهداء نيرتتي
وكتم وكل شهيد سقط برصاص العسكر.
حمدوك لن يهيكل الاجهزة الامنية ويتشرف بالنموذج.
حمدوك غواصة ليها شنب..

كل ما يلقي فرصة بقطع في قوي الحرية كف..
يعني الليلة الشارع فهم انه قوي الحرية معرقل لحكومته
والعسكر متناغم معاهم..



لو الاحزاب بفشّلوا في الانتقالية (النموذج) بعدم وعيهم
ما اظن يكون عندهم وعي لما بعدها..
غايتو قنطرهم معاه.. لو فشلت فشلوني الجابوني ولو في
سقوط نمشي الكوشة مع بعض..
كفت كفت يا حمدوك.

الكلام دا سمعناه قبل كدا من منوووووو؟

الخرطوم: السوداني

شن وزير الشئون الدينية والأوقاف «نصر الدين مفرح» هجوماً على المعارضين للثورة بالخارج قائلاً بأنهم لايرون الحقيقة، ولن يسرقوا الثورة برسالة فيسبوك أو واتساب.

محذراً ممن وصفهم بالمنافقين ومن يريدون سرقة ثورة ديسمبر المجيدة.

وأشار خلال لقاء بتلفزيون السودان بُث مساء الجمعة، إلى أن مجموعة من السودانيين من المقيمين خارج حدود الوطن من الرافضين للثورة يقومون بإرسال رسائل عبر مواقع التواصل الاجتماعي تستهدف رئيس الوزراء د.عبد الله حمدوك وعدد من الوزراء.

منوهاً إلى أن الشخص الموجود خارج السودان لايرى الحقائق مثل الموجود بالبلد.

وأرسل رسالة قال فيها « إن الثورة لن تسرق برسالة فيسبوك أو واتساب».

داعياً إلى محاربة الشائعات، مُشبههاً سلوك أعداء الثورة بسلوك رأس النفاق بالمدينة عبد الله بن أبي سلول.