المعروف عنه جمهوري تبع محمود محمد طه و اغلبهم في امريكا و يحملون جنسيتها او جوازها ايا كان فهل يحمل الجنسية او الجواز الامريكي ؟؟؟ و هل له انتماء سياسي فيها ؟؟؟ عسى و لعل نجد تفسير منطقي لفعلته التي فعلها ...
Post: #2 Title: Re: ***** الناطق بإسم الخارجية هل يحمل جنسية غير Author: ترهاقا Date: 08-20-2020, 04:12 AM Parent: #1
وما يضير في ذلك الاخ عادل؟ فظروفو كانت ظروف أي سوداني أنذاك وإكتسب الجنسية تلقائيا في ظرف كان لا يجد الامان في السودان، والله لمن كنت بنزل في مطار الخرطوم ، مطار دولتي كنت بدعو الله إنو ما ياخدوني في دوكة وأقضي إجازتي كلها في سجونهم ، لانو كانت في بلطجة أمنية اكتر مطارين خفت منهم ، مطار الخرطوم أولا ومطار القاهرة ، لانهما مطاران وما زالا ينعدم فيهما الاخلاق
Post: #3 Title: Re: ***** الناطق بإسم الخارجية هل يحمل جنسية غير Author: ABUHUSSEIN Date: 08-20-2020, 04:31 AM Parent: #2
اخونا ترهاقا مشيت بعيد ياخ .... سألت ايضا عن اي إنتماء سياسي ليه في امريكا معقول دي ما اوحت ليك بي اني بفكر في شي بعيد عن اللي انت فهمته ؟؟
Post: #4 Title: Re: ***** الناطق بإسم الخارجية هل يحمل جنسية غير Author: muntasir Date: 08-20-2020, 05:55 AM Parent: #3
يا ضلالي والله لو السعوديين كانوا بيدوا التابعية كان غترتك تكون هسي حدها ...اتك ، وتكون شابكنا بل وسيدا والتواير قوم يا عاطل 😂
Post: #5 Title: Re: ***** الناطق بإسم الخارجية هل يحمل جنسية غير Author: امتثال عبدالله Date: 08-20-2020, 08:39 AM Parent: #4
ابو حسين جميع وزراء حكومة البشير كانوا يحملون جنسيات امريكية وكندية واوربية...
Post: #6 Title: Re: ***** الناطق بإسم الخارجية هل يحمل جنسية غير Author: ABUHUSSEIN Date: 08-20-2020, 09:30 AM Parent: #5
منتصر العواليق و امتثال الما عواليق صبر مافي ؟؟؟؟ ما قريتو ردي لي ترهاقا ... ؟؟؟؟
Post: #32 Title: Re: ***** الناطق بإسم الخارجية هل يحمل جنسية غير Author: جمال ود القوز Date: 08-20-2020, 05:28 PM Parent: #4
Quote: يا ضلالي والله لو السعوديين كانوا بيدوا التابعية كان غترتك تكون هسي حدها ...اتك ، وتكون شابكنا بل وسيدا والتواير قوم يا عاطل 😂
ده اسمو قصف جبهة يا أبو حسين لو ما عارف ...
Post: #7 Title: Re: ***** الناطق بإسم الخارجية هل يحمل جنسية غير Author: محمد مجيدو Date: 08-20-2020, 09:58 AM Parent: #1
أبو حسين .. سلام
والله الزول دا انا شفتو الصباح في التلفزيون ببكى حبا للسودان اشفقت عليه .. وعرفت انو الزول دا صادق .... وما مهم الجواز الذي يحمله ... المهم حبه للسودان .. ثم قوووم لف .
عاالم بطاالــــــــــــة ,,
Post: #8 Title: Re: ***** الناطق بإسم الخارجية هل يحمل جنسية غير Author: Gafar Bashir Date: 08-20-2020, 10:00 AM Parent: #7
اظن الموضوع ده تم تجاوزه من الاول مع حمدوك طبعا دي قراية السطور ما خلف السطور ما عندنا فيها علم
Post: #9 Title: Re: ***** الناطق بإسم الخارجية هل يحمل جنسية غير Author: ABUHUSSEIN Date: 08-20-2020, 10:09 AM Parent: #8
مجيدو الوهم و جعفر الما وهم مشيتو في نفس طريق الناس الفوق ديل كلهم ... برضو قريتو اول مداخلة فقط و بنيتو عليها ردكم ؟؟ ما قريتو ردي لي ترهاقا ؟؟؟؟ كرهتوني يا خ .... 😂😂😂😂
Post: #10 Title: Re: ***** الناطق بإسم الخارجية هل يحمل جنسية غير Author: ABUHUSSEIN Date: 08-20-2020, 10:55 AM Parent: #9
الإجابة الاكيدة بتكون عندو هو طبعا و ايضا عند الجمهوريين او بالاصح عند بعض الجمهوريين و اكيد فيهم من رأى البوست و عنوانه فيه السؤال ندخل في الموضوع ...
Post: #11 Title: Re: ***** الناطق بإسم الخارجية هل يحمل جنسية غير Author: اخلاص عبدالرحمن المشرف Date: 08-20-2020, 12:01 PM Parent: #10
حزب جمهوري مشترك مثلاً ترمب
Post: #12 Title: Re: ***** الناطق بإسم الخارجية هل يحمل جنسية غير Author: ABUHUSSEIN Date: 08-20-2020, 12:06 PM Parent: #11
Quote: حزب جمهوري مشترك مثلاً ترمب
هي إحتمالات واحد منهم قريب من كلامك دا ....
Post: #13 Title: Re: ***** الناطق بإسم الخارجية هل يحمل جنسية غير Author: حمد عبد الغفار عمر Date: 08-20-2020, 12:08 PM Parent: #11
اها يا ابوحسين انا بدون جنسية تانية ولا انتماء لا امانع من قيام علاقة منفعة متبادلة مع دولة اسرائيل
Post: #14 Title: Re: ***** الناطق بإسم الخارجية هل يحمل جنسية غير Author: ABUHUSSEIN Date: 08-20-2020, 12:10 PM Parent: #13
غايتو الناس دي شفقانة و مستعجلة بي صورة ما عادية حمد قوم لف
Post: #15 Title: Re: ***** الناطق بإسم الخارجية هل يحمل جنسية غير Author: ABUHUSSEIN Date: 08-20-2020, 12:14 PM Parent: #14
من أول ما قرأت التصريح اللي هو قال رأي شخصي أنا قلت الزول دا أشتر و الكلام دا بنيتو على ماضيه في المنبر خاصة أيام إحتفال الجمهورين بذكرى (وفاة) أستاذهم محمود محمد طه دائماً كان بتلقاه لا يرضى بي بوستات غير البوستات التي تتحدث عن أستاذهم غير إنها شتارة برضو فيها شي من الدكتاتورية لكن عفيناه من الدكتاتورية من هنا جئت بالشتارة ..... و دا كان الإحتمال الأول
Post: #16 Title: Re: ***** الناطق بإسم الخارجية هل يحمل جنسية غير Author: Asim Ali Date: 08-20-2020, 12:43 PM Parent: #15
غايتو موضوع راى شخصى دى غلطه .طالما شخصيه عامه بتمثل جهه اعتباريه فالراى الشخصى يكون فى اضيق الحدود والافضل يضمن فى كتابه المذكرات واليوميات. اما اذا حصل تعارض اخلاقى حاد بين واجبات الموظيقه والموقف الشخصى فالاستقاله (ثم) ابداء الراى الشخصى بعدها
Post: #17 Title: Re: ***** الناطق بإسم الخارجية هل يحمل جنسية غير Author: عمر عبد الكريم علي Date: 08-20-2020, 01:22 PM Parent: #16
اضافة للشتارة الزول ده بليد جداً وانا مستغرب جداً من وزارة الخارجية اللي بدل ماتفصلو تماماً حولتو مديراً لإدارة التخطيط حيخطط شنو مثلاً زول زي ده حقيقي قحت بكل مكوناتها أكدت إفتقادها التام للكادر المؤهل لإدارة الدولة تخبط وفشل وتضارب وجهل وغباء لم نشهد له مثيلاً منذ أن خلق الله الدولة السودانية ربنا يكون في عون البلد
Post: #20 Title: Re: ***** الناطق بإسم الخارجية هل يحمل جنسية غير Author: جمال ود القوز Date: 08-20-2020, 01:33 PM Parent: #16
بعيدا عن مراميك يا أبو حسين .. عشان ما تقول مستعجلين وكده .. لكن دولة قاانونها يسمح لمزدوج جنسية بتولي مناصب زي المبرطعين فيها حمدوك ورهطه هي دولة غير جديرة بالاحترام لانها تضع منفعة شعب بحاله في مهب ريح محافظة على حقوق فرد هو اصلا تنازل عنها حين حمل جنسية بلد آخر .. على المستوى الشخصي كيفه وشوقه لكن ما يتولى أي منصب حساس في البلد بلد كالجزائر لي يوم الليلة تهمين عليه فرنسا ثقافيا ترفض دساتيره تولي وزير مزدوج يحمل جنسية فرنسية والله الواحد يحترم بلد زي ده .. يأخ من باب حرّص ولا تخوّن كان يتقفل باب زي ده حكومة كلها أجانب دي مصيبة شنو دي .. قدر ما تفتش لي فروقات بين الحكومة دي وحكومة الكيزان يغلبك ماشين حجل بالرجل ..
Post: #18 Title: Re: ***** الناطق بإسم الخارجية هل يحمل جنسية غير Author: محمد مجيدو Date: 08-20-2020, 01:26 PM Parent: #1
الراجل منشد جيد .....
عاالم بطاالــــــــــــــــــة ,,
Post: #19 Title: Re: ***** الناطق بإسم الخارجية هل يحمل جنسية غير Author: محمد مجيدو Date: 08-20-2020, 01:26 PM Parent: #1
Post: #21 Title: Re: ***** الناطق بإسم الخارجية هل يحمل جنسية غير Author: Asim Ali Date: 08-20-2020, 02:14 PM Parent: #19
تصريح جديد للناطق الرسمى المقال حول قضيه التطبيع
Quote: تصريحات جديدة للناطق الرسمي بإسم الخارجية المُقال 20 أغسطس 2020
رصد: الانتباهة أون لاين كشف المتحدث بإسم وزارة الخارجية المقال حيدر بدوي صادق، عن خلفيات تصريحاته بشأن العلاقات بين بلاده وإسرائيل. وقال صادق في بيان أصدره يوم الخميس بحسب ما جاء في أسكاي نيوز، إنه خرج بذلك التصريح لكون وزارة الخارجية مغيبة عن هذا الملف تماماً، حسب تعليقه. وأضاف: (فعلت ذلك بعد أن ألح علي الصحفيون، بحكم منصبي السابق كناطق رسمي للخارجية، بأسئلة تتعلق بتصريحات أدلى بها وزير الاستخبارات الإسرائيلي عن اتصالات تجري بين إسرائيل والسودان). وأوضح أنه كان قد أخطر “قيادة الوزارة بشأن هذه التصريحات يوم صدورها. واتضح لي بعد أيام من ذلك أن وزارتنا السيادية مغيبة تماما عن ملف العلاقات مع إسرائيل. وهذا الملف من أهم الملفات في المرحلة الحاضرة في مسيرة انفتاحنا بندية مع باقي العالم”. وتابع: “أن يكون هذا الملف غائبا عن الخارجية، فهذا لا يجوز أبدا! وهذا في حقيقة الأمر يقدح في مدنية دولتنا وفي سيادية وزارة الخارجية”. وكشف صادق أنه في نهاية المطاف قرر “الاتكال على الله وعلى الشعب السوداني وعلى سلطة الرأي العام الحر لتحريك الساكن. وقد كان. وحدث ما حدث”. وعاد ليقول “لم ينف أي مسؤول حتى الآن مضامين تصريحاتي، وإن نفى وزير الخارجية المكلف تكليف الخارجية لي بالإدلاء بأي تصريحات، وهو محق في ذلك”. وختم صادق قائلا “ما حصل في الأيام الفائتة يؤكد استفحال أزمة الحكم في السودان. والدليل على ذلك أن مدنية الحكم التي ألح عليها الشعب السوداني في ثورته المجيدة في خطر عظيم”
Post: #22 Title: Re: ***** الناطق بإسم الخارجية هل يحمل جنسية غير Author: ABUHUSSEIN Date: 08-20-2020, 02:47 PM Parent: #21
Quote: غايتو موضوع راى شخصى دى غلطه .طالما شخصيه عامه بتمثل جهه اعتباريه فالراى الشخصى يكون فى اضيق الحدود والافضل يضمن فى كتابه المذكرات واليوميات. اما اذا حصل تعارض اخلاقى حاد بين واجبات الموظيقه والموقف الشخصى فالاستقاله (ثم) ابداء الراى الشخصى بعدها
موضوع شخصي يا عاصم رماها كمخرج ليه من المساءلة لكن ما ظبطت معاه ... رأي شخصي في اجهزة الاعلام ؟؟؟؟ و هو متحدث رسمي لي وزارة الخارجية و ياريتو لو كان في موضوع بسيط .... اما موضوع الاستقالة ثم الرأي الشخصي دي ما حا تحصل لانو الآن كل العالم عرف (رأيه الشخصي) و دا ما بيحصل بعد الاستقالة ...
Post: #23 Title: Re: ***** الناطق بإسم الخارجية هل يحمل جنسية غير Author: ABUHUSSEIN Date: 08-20-2020, 03:05 PM Parent: #22
Quote: اضافة للشتارة الزول ده بليد جداً وانا مستغرب جداً من وزارة الخارجية اللي بدل ماتفصلو تماماً حولتو مديراً لإدارة التخطيط حيخطط شنو مثلاً زول زي ده حقيقي قحت بكل مكوناتها أكدت إفتقادها التام للكادر المؤهل لإدارة الدولة تخبط وفشل وتضارب وجهل وغباء لم نشهد له مثيلاً منذ أن خلق الله الدولة السودانية ربنا يكون في عون البلد
يا عمر و الاغرب قال حا يودوني إدارة التخطيط اللي هو عايزه !!!!!!!!! ما تعرفو تخبط ام ضحك على الشعب المسكين ام دسائس خبيثة تحدث على مرآى من الناس المغلوبة على امرها
ام خيانة لأمانة هم لا يستحقونها .....
Post: #24 Title: Re: ***** الناطق بإسم الخارجية هل يحمل جنسية غير Author: Ali Alkanzi Date: 08-20-2020, 03:13 PM Parent: #22
سلام ابو حسين والمتداخلين كلام ما قاله ود القوز
Quote: بعيدا عن مراميك يا أبو حسين .. عشان ما تقول مستعجلين وكده .. لكن دولة قاانونها يسمح لمزدوج جنسية بتولي مناصب زي المبرطعين فيها حمدوك ورهطه هي دولة غير جديرة بالاحترام لانها تضع منفعة شعب بحاله في مهب ريح محافظة على حقوق فرد هو اصلا تنازل عنها حين حمل جنسية بلد آخر .. على المستوى الشخصي كيفه وشوقه لكن ما يتولى أي منصب حساس في البلد بلد كالجزائر لي يوم الليلة تهمين عليه فرنسا ثقافيا ترفض دساتيره تولي وزير مزدوج يحمل جنسية فرنسية والله الواحد يحترم بلد زي ده .. يأخ من باب حرّص ولا تخوّن كان يتقفل باب زي ده حكومة كلها أجانب دي مصيبة شنو دي .. قدر ما تفتش لي فروقات بين الحكومة دي وحكومة الكيزان يغلبك ماشين حجل بالرجل ..
بلد ما عندها وجيع لو عندها وجيع احزاب الفكة ما تلقى حكم محلية هذه من علامات الساعة ان يصل مقاعد الحكم احزاب البعث والناصرية والجمهوريون ديل بي قواعدهم ما بملو قاطرة عربة وهي من عجائب السودان لهذا يحق للمعارضة المسلحة ان تحكم السودان بطول والعرض
Post: #25 Title: Re: ***** الناطق بإسم الخارجية هل يحمل جنسية غير Author: Ali Alkanzi Date: 08-20-2020, 03:30 PM Parent: #24
زول استغل منبر رسمي ليعبر عن رأي شخصي (أرايتم الدهاء والزكاء؟) عندما اجتمعت الميديا حوله لا لشخصة بل بوصفه المتحدث الرسمي لوزارة الخارجية غايتو الزول دا ضمن انو صوتو وصل لاغلب دول الاستكبار العالمي والمهيمنة عليه اي العالم لهذا فالابواب ستكون مشرعة له في جميع منافذها متى ما اراد الدخول فهنيئا له ولكل الجمهوريين فقد كسبوا بهذه اللعبة القذرة ود العالم الاستكباري والجمهوريون يحسنون الصيد في المياه العكرة فنبيهم الكذب قد علمهم ذلك في حادثة ختان الاناث في رفاعة دخل السجن كبطل قومي دفاعا عن حق المرأة في الختان
Post: #26 Title: Re: ***** الناطق بإسم الخارجية هل يحمل جنسية غير Author: ABUHUSSEIN Date: 08-20-2020, 03:35 PM Parent: #24
Quote: بعيدا عن مراميك يا أبو حسين .. عشان ما تقول مستعجلين وكده .. لكن دولة قاانونها يسمح لمزدوج جنسية بتولي مناصب زي المبرطعين فيها حمدوك ورهطه هي دولة غير جديرة بالاحترام لانها تضع منفعة شعب بحاله في مهب ريح محافظة على حقوق فرد هو اصلا تنازل عنها حين حمل جنسية بلد آخر .. على المستوى الشخصي كيفه وشوقه لكن ما يتولى أي منصب حساس في البلد بلد كالجزائر لي يوم الليلة تهمين عليه فرنسا ثقافيا ترفض دساتيره تولي وزير مزدوج يحمل جنسية فرنسية والله الواحد يحترم بلد زي ده .. يأخ من باب حرّص ولا تخوّن كان يتقفل باب زي ده حكومة كلها أجانب دي مصيبة شنو دي .. قدر ما تفتش لي فروقات بين الحكومة دي وحكومة الكيزان يغلبك ماشين حجل بالرجل ..
مراميني انا يا ود القوز ياها قريبة من كلامك دا و هو احتمالي التاني الاشتر دا ليه ما يكون استعجل في إعلان هذا الخبر خدمة لي مصالح دولة اخرى ؟؟؟؟؟ إسرائيل مثلا كون نتنياهو محتاج لي خبر زي دا و هو مزنوق داخليا او قول ترامب مثلا و معروف موعد الانتخابات و ترامب حالتو تحنن اليومين ديل و هو محتاج لي خبر زي دا علشان يعزز موقفه في السباق الرئاسي ؟؟ او الاثنين معا .... !!!!!!!!!!!!!
Post: #27 Title: Re: ***** الناطق بإسم الخارجية هل يحمل جنسية غير Author: ABUHUSSEIN Date: 08-20-2020, 03:50 PM Parent: #26
Quote: الراجل منشد جيد .....
عاالم بطاالــــــــــــــــــة ,,
الصحيح منشد جمهوري ... سمعتو بينشد يا راحلين الا منى بغيابي ... ؟؟؟؟؟
بطال انت دا ....
Post: #28 Title: Re: ***** الناطق بإسم الخارجية هل يحمل جنسية غير Author: ABUHUSSEIN Date: 08-20-2020, 03:57 PM Parent: #27
Quote: تصريح جديد للناطق الرسمى المقال حول قضيه التطبيع
عارف انو مصيبتو كبيرة يا عاصم علشان كدا تصريحاته حا تكتر و كترة الكلام بتزيد مشاكلو لانو اشتر بصرجا ليهم تاني و تالت و رابع .....
Post: #29 Title: Re: ***** الناطق بإسم الخارجية هل يحمل جنسية غير Author: ABUHUSSEIN Date: 08-20-2020, 04:05 PM Parent: #28
Quote: بلد ما عندها وجيع لو عندها وجيع احزاب الفكة ما تلقى حكم محلية هذه من علامات الساعة ان يصل مقاعد الحكم احزاب البعث والناصرية والجمهوريون ديل بي قواعدهم ما بملو قاطرة عربة وهي من عجائب السودان لهذا يحق للمعارضة المسلحة ان تحكم السودان بطول والعرض
قلناها من بدري يا كنزي الفترة الانتقالية المفروض بدون اي احزاب علشان عارفين احزابنا فااااااااشلة نفس الصراعات و العبط في فترة مهمة و خطيرة جدا من تاريخ السودان
و صدقني الاحزاب دي في الانتخابات و الله اصواتها ما تمسكها بوفيه البرلمان و احتمال يمنعوهم من المرور بي شارع الموردة زاتو بي اصواتهم في الانتخابات 😂😂
Post: #30 Title: Re: ***** الناطق بإسم الخارجية هل يحمل جنسية غير Author: Ahmed Yassin Date: 08-20-2020, 04:26 PM Parent: #29
قريبا من ( مراميك) يا ابا حسين هل تصىريحه بأن سيدنا موسى عليه السلام ولد بارض النوبة صحيح ولا ما صحيح...
Post: #31 Title: Re: ***** الناطق بإسم الخارجية هل يحمل جنسية غير Author: سيف النصر محي الدين Date: 08-20-2020, 05:03 PM Parent: #30
اللذيذة يا ابو حسين انه حيدر ووزير الخارجية المكلف عمر قمر الدين الاتنين سودانيزامريكان..انا اقترحت انه يستدعوهم لواشنطن للتفاهم هههههه. ما اعتقد حيدربدوي من انصار ترمب او انه باحث عن منصب في الخارجية الامريكية والله اعلم.
Post: #33 Title: Re: ***** الناطق بإسم الخارجية هل يحمل جنسية غير Author: ABUHUSSEIN Date: 08-20-2020, 06:50 PM Parent: #31
Quote: قريبا من ( مراميك) يا ابا حسين هل تصىريحه بأن سيدنا موسى عليه السلام ولد بارض النوبة صحيح ولا ما صحيح...
ما لي في التاريخ ..... 😂 لكن البعرفو من المؤكد انو الحضارة النوبية قديمة جدا و لم تأخذ نصيبها من الدراسات و البحث و التنقيب الذي تستحقه
Post: #34 Title: Re: ***** الناطق بإسم الخارجية هل يحمل جنسية غير Author: ABUHUSSEIN Date: 08-20-2020, 06:57 PM Parent: #33
Quote: اللذيذة يا ابو حسين انه حيدر ووزير الخارجية المكلف عمر قمر الدين الاتنين سودانيزامريكان..انا اقترحت انه يستدعوهم لواشنطن للتفاهم هههههه. ما اعتقد حيدربدوي من انصار ترمب او انه باحث عن منصب في الخارجية الامريكية والله اعلم.
و الله يا دكتور ياها مدرسة المشاغبين و تحديدا الحتة البقول فيها عادل امام (( و إحنا آعدين )) ... 😂😂 الناس يسوطو سواطتن دي كلها و نحن قاعدين نتفرج ...
Post: #35 Title: Re: ***** الناطق بإسم الخارجية هل يحمل جنسية غير Author: ABUHUSSEIN Date: 08-20-2020, 07:05 PM Parent: #34
Quote: ده اسمو قصف جبهة يا أبو حسين لو ما عارف ...
ود القوز كمان ما تبالغ .... !!!! العواليق بغبوني كمان !!!!!! ما عايز اساعدو على تحقيق نواياه السيئة 😂😂😂😂
Post: #36 Title: Re: ***** الناطق بإسم الخارجية هل يحمل جنسية غير Author: MOHAMMED ELSHEIKH Date: 08-20-2020, 07:37 PM Parent: #35
Post: #37 Title: Re: ***** الناطق بإسم الخارجية هل يحمل جنسية غير Author: Shinteer Date: 08-20-2020, 08:04 PM Parent: #36
شوف يا أبا حسين. حيدر بدوي درويش من الدرجة الأولى، ونقي في دواخلو لدرجة الدروَشة وسوداني أمريكي جمهوري ... وقبل كدا عمل شمطة مع الجمهوريين هنا في البورد دا وخارج البورد. ورئيسه القال مندهش دا أمريكي سوداني برضو ومستهبل كبير، وازدواج الجنسية ما عندي معاه مشكلة، لكن المحيرني شنو؟ المحيرني يا سيد أبوك كل الناس الماسكين مفاصل الحكومة المدنية (مجلس الوزراء) كلهم ما فيهم واحد شارك مشاركة حقيقية في الثورة دي. فجأة لقينا حكومتنا لميم غريب جايي من برة. أنا بحيي الدكتور حيدر على كلامه لأنه بيمرق الحقيقة في السهلة، ولا استبعد أن قمر الدين لكزو واحد قال ليه قول نحن ما سمعنا بحكاية الاتصالات بين السودان وإسرائيل. وفي الوقت نفسه، وإحقاقاً لحق التراتبية الوظيفية، ما كان مفروض حيدر يقول بِغم من راسو ما دام هو الناطق الرسمي باسم وزارة الخارجية. الحكاية ما شغل دراويش ... وحيدر درويش معتّق. حكومة غريبة وأقرب لأنها تكون أجنبية. تقول لي ثورة؟ ثورة شنو؟ شيوعيين، ومرافيد شيوعيين وجمهوريين وناصريين وكلهم جاءوا بالبرشوت وأولهم حمدوك الأسطورة.
Post: #38 Title: Re: ***** الناطق بإسم الخارجية هل يحمل جنسية غير Author: ABUHUSSEIN Date: 08-20-2020, 08:21 PM Parent: #37
Post: #39 Title: Re: ***** الناطق بإسم الخارجية هل يحمل جنسية غير Author: محمد أبوجودة Date: 08-20-2020, 08:32 PM Parent: #37
Quote: الاشتر دا ليه ما يكون استعجل في إعلان هذا الخبر خدمة لي مصالح دولة اخرى ؟؟؟؟؟ إسرائيل مثلا كون نتنياهو محتاج لي خبر زي دا و هو مزنوق داخليا او قول ترامب مثلا و معروف موعد الانتخابات و ترامب حالتو تحنن اليومين ديل و هو محتاج لي خبر زي دا علشان يعزز موقفه في السباق الرئاسي ؟؟ او الاثنين معا .... !!!!!!!!!!!!!
سلام أخانا عادل أبوحسين، وقريباً من "مراميك" القريبة والبعيدة معا، أقول: وليييه لا؟ طالما أن القضمة، أو قُل العضّة الإماراتية، لم تُشفِ للريّسين وحَملاتهما غليلا
ووالله لم يعجبني الموقف البائس، الذي وضع فيه أخونا د.حيدر بدوي صادق، نفســـَـــه.. وأزيد: والله حكومتنا الانتقالية، بعد مرور سنة كاملة قضتها في التجاريب والكلامات الفاضية، للأشدّ بؤســاً واستدعاءً للغضب عليها، بل وهتك ستارها وبــَـــلــّــها حتى تقول بس!!
Post: #40 Title: Re: ***** الناطق بإسم الخارجية هل يحمل جنسية غير Author: نادر الفضلى Date: 08-20-2020, 08:58 PM Parent: #39
د.حيدر بدوي صادق
بدوى صادق إسم أبوه وجده
أيضا تصلح صفة له بعد تصريحه .. شغل زول بدوى ساى .. وصادق بدروشة!
Post: #41 Title: Re: ***** الناطق بإسم الخارجية هل يحمل جنسية غير Author: اخلاص عبدالرحمن المشرف Date: 08-20-2020, 09:26 PM Parent: #40
( دي وزارة خارجية ما حولية ......)
تعلق علي مدخل وزارة الخارجية
اوسكار
Post: #42 Title: Re: ***** الناطق بإسم الخارجية هل يحمل جنسية غير Author: ABUHUSSEIN Date: 08-20-2020, 09:32 PM Parent: #40
Quote: شوف يا أبا حسين. حيدر بدوي درويش من الدرجة الأولى، ونقي في دواخلو لدرجة الدروَشة وسوداني أمريكي جمهوري ... وقبل كدا عمل شمطة مع الجمهوريين هنا في البورد دا وخارج البورد. ورئيسه القال مندهش دا أمريكي سوداني برضو ومستهبل كبير، وازدواج الجنسية ما عندي معاه مشكلة، لكن المحيرني شنو؟ المحيرني يا سيد أبوك كل الناس الماسكين مفاصل الحكومة المدنية (مجلس الوزراء) كلهم ما فيهم واحد شارك مشاركة حقيقية في الثورة دي. فجأة لقينا حكومتنا لميم غريب جايي من برة. أنا بحيي الدكتور حيدر على كلامه لأنه بيمرق الحقيقة في السهلة، ولا استبعد أن قمر الدين لكزو واحد قال ليه قول نحن ما سمعنا بحكاية الاتصالات بين السودان وإسرائيل. وفي الوقت نفسه، وإحقاقاً لحق التراتبية الوظيفية، ما كان مفروض حيدر يقول بِغم من راسو ما دام هو الناطق الرسمي باسم وزارة الخارجية. الحكاية ما شغل دراويش ... وحيدر درويش معتّق. حكومة غريبة وأقرب لأنها تكون أجنبية. تقول لي ثورة؟ ثورة شنو؟ شيوعيين، ومرافيد شيوعيين وجمهوريين وناصريين وكلهم جاءوا بالبرشوت وأولهم حمدوك الأسطورة.
غايتو يا Shinteer يا اخوي ناس بره الجابوهم للحكومة دي شكلها ترشيحات شللية ... صوروهم لينا على انهم سحرة على يدهم السودان دا في ايام معدودة حا ينهض و تحل كل مشاكله حتى الشرطو قميصو يوم فض الاعتصام طلع اي كلام و لا يفقه شي في وزارته ... خازوق او قول خوازيق زادت الطين بله ... زولنا دا كمان سواها شينة شديد هبش ليه موضوع مؤثر و جدلي دخلنا في صراعات اقليمية و دولية نحن في غنى عنها يا دوبك ما قادرين علي مشاكلنا الداخلية خلق لينا بلبلة كبيرة كل المسؤلين من الاحزاب الصغيرة يتمنون استمرار الفترة الانتقالية عشرات السنين و الخوف ان يكونو بيعملو على ذلك .... !!!!!
Post: #43 Title: Re: ***** الناطق بإسم الخارجية هل يحمل جنسية غير Author: ABUHUSSEIN Date: 08-20-2020, 09:58 PM Parent: #42
Quote: سلام أخانا عادل أبوحسين، وقريباً من "مراميك" القريبة والبعيدة معا، أقول: وليييه لا؟ طالما أن القضمة، أو قُل العضّة الإماراتية، لم تُشفِ للريّسين وحَملاتهما غليلا
ووالله لم يعجبني الموقف البائس، الذي وضع فيه أخونا د.حيدر بدوي صادق، نفســـَـــه.. وأزيد: والله حكومتنا الانتقالية، بعد مرور سنة كاملة قضتها في التجاريب والكلامات الفاضية، للأشدّ بؤســاً واستدعاءً للغضب عليها، بل وهتك ستارها وبــَـــلــّــها حتى تقول بس!!
حبيبنا ابو جودة و عليكم السلام مراميني دي حا ترميني 😂 الزول دا دروشتو حاجة و عمليتو دي حاجة تانية دا ما شغل دروشة دا شغل زول هو عارف و واعي هو بسوي شنو لكن شتارتو كعبة لخبطت ليه الشغل كلو ... و لا زال الشعب السوداني الطيب يعاني من حكوماته الوسخة ....
Post: #44 Title: Re: ***** الناطق بإسم الخارجية هل يحمل جنسية غير Author: Shinteer Date: 08-20-2020, 10:06 PM Parent: #42
Quote: حتى الشرطو قميصو يوم فض الاعتصام طلع اي كلام و لا يفقه شي في وزارته
ما براهو ... كل الباقيين. الشرطوا قميضو دا مفروض يترفس من أول شهر ومعاه فيصل. ياخي حمدوك نفسو مفروض يترفس من أول شهر. معقول الناس ما شايفين الفوضى دي؟ الشباب الماتوا ديل ماتوا عشان يجوا يستهبلوا عليهم ناس جايين من أمريكا وأوربا والحبشة وبلاد الواق واق؟ الشغلانة في تدبيرها الأول ما كانت شللية ... كانت أكبر من كدا في تصوري. كانت مشروع قذر ما عندو علاقة بحاجة اسمها السودان. وبراك انت وغيرك شايفين الحاصل. والنصيحة لله أنا من أول أسبوع قلت لمن معي من السودانيين ثورتكم منفِّسة تششششش. جايبين ليها رئيس وزراء باهت ووزير مالية ما بعرف جايي من وين (مع إنه زول أكاديمي ما فيه كلام) وزير من الحبش ووزير من الإمارات ووزير من أمريكا ووزير من غواتمالا. والعيال الطاهرين راحوا سمبلا. وظهرت المخازي الظاهرة أصلاً من البداية؛ شلة كبيرة يسارية قاعدة تلعب وشلة ما بعرف يمينية وللا في النص لقت ليها فرصة (الجمهوريين) ... وبلا سودان بلا أبو القدح. من أسبوع أنا شغال ببحث جد عن معلومات عن الشيخ خضر الذي لم يسمع به أحد من قبل، لكن ما لقيت التكتح. وهسه أخونا وزير الطاقة قعد يتكلم عن هذا الرجل الشبح. لكن دا ما بيشفع ليه لأنه كان مفروض يكون أمين من قولة تيت ويقول يا أمة السودان يوجد شبح اسمه الشيخ خصر هو الكل في الكل وهو السايق حمدوك من نخرتو وكل الوزراء. عليك الله هسه الحكومة التافهة دي علاقتها شنو بتضحيات الشباب والشابات الشفناها ديك؟ وفي الختام ... كل هذا يثبت نظريتي الخالدة بأننا ناس ساكت، ما بنعرف أي شيء ولا عارفين شيء ولا علاقة حقيقية لنا بالحياة ولا العالم.
اللي عايز يتفاءل يتفاءل.
Post: #45 Title: Re: ***** الناطق بإسم الخارجية هل يحمل جنسية غير Author: ABUHUSSEIN Date: 08-20-2020, 11:09 PM Parent: #44
Quote: د.حيدر بدوي صادق
بدوى صادق إسم أبوه وجده
أيضا تصلح صفة له بعد تصريحه .. شغل زول بدوى ساى .. وصادق بدروشة!
منطقتها و منطقتنا نحن زاتنا يا نادر ياخ ... 😂😂😂 حيدر دي لو بحت كويس بتلقاها بمعنى الاشتر ... 😂😂
Post: #46 Title: Re: ***** الناطق بإسم الخارجية هل يحمل جنسية غير Author: ABUHUSSEIN Date: 08-20-2020, 11:14 PM Parent: #45
Quote: ( دي وزارة خارجية ما حولية ......)
تعلق علي مدخل وزارة الخارجية
اوسكار
الله يديك العافية يا دكتورة ياخ ... بحاول اكتر ليكم منها علشان ادخل البهجة و السرور في قلوب زائرات و زوار بوستاتي ... 😂😂😂
Post: #47 Title: Re: ***** الناطق بإسم الخارجية هل يحمل جنسية غير Author: HAIDER ALZAIN Date: 08-21-2020, 07:37 AM Parent: #46
Quote: حيدر دي لو بحت كويس بتلقاها بمعنى الاشتر ... 😂😂
بالله تشوف جنس كديس عروبي قومجي أسلاموي زي دا
هاااا يا عربي ياوهم قال ليـك معناها الأسد ..اسسسسسد
وشكراً لسعادة السفيـر المفوه الأسد البدوي الصادق الدقَ صدره وأفصح عن المغتغت ومدسوس في ظل شعارنا الثوري زمن الغتغيت والدسدسة إنتهي ..!
وما تنسى تلف ياكوز ؛)
Post: #48 Title: Re: ***** الناطق بإسم الخارجية هل يحمل جنسية غير Author: ABUHUSSEIN Date: 08-21-2020, 08:30 AM Parent: #47
Quote: ما براهو ... كل الباقيين. الشرطوا قميضو دا مفروض يترفس من أول شهر ومعاه فيصل. ياخي حمدوك نفسو مفروض يترفس من أول شهر. معقول الناس ما شايفين الفوضى دي؟ الشباب الماتوا ديل ماتوا عشان يجوا يستهبلوا عليهم ناس جايين من أمريكا وأوربا والحبشة وبلاد الواق واق؟ الشغلانة في تدبيرها الأول ما كانت شللية ... كانت أكبر من كدا في تصوري. كانت مشروع قذر ما عندو علاقة بحاجة اسمها السودان. وبراك انت وغيرك شايفين الحاصل. والنصيحة لله أنا من أول أسبوع قلت لمن معي من السودانيين ثورتكم منفِّسة تششششش. جايبين ليها رئيس وزراء باهت ووزير مالية ما بعرف جايي من وين (مع إنه زول أكاديمي ما فيه كلام) وزير من الحبش ووزير من الإمارات ووزير من أمريكا ووزير من غواتمالا. والعيال الطاهرين راحوا سمبلا. وظهرت المخازي الظاهرة أصلاً من البداية؛ شلة كبيرة يسارية قاعدة تلعب وشلة ما بعرف يمينية وللا في النص لقت ليها فرصة (الجمهوريين) ... وبلا سودان بلا أبو القدح. من أسبوع أنا شغال ببحث جد عن معلومات عن الشيخ خضر الذي لم يسمع به أحد من قبل، لكن ما لقيت التكتح. وهسه أخونا وزير الطاقة قعد يتكلم عن هذا الرجل الشبح. لكن دا ما بيشفع ليه لأنه كان مفروض يكون أمين من قولة تيت ويقول يا أمة السودان يوجد شبح اسمه الشيخ خصر هو الكل في الكل وهو السايق حمدوك من نخرتو وكل الوزراء. عليك الله هسه الحكومة التافهة دي علاقتها شنو بتضحيات الشباب والشابات الشفناها ديك؟ وفي الختام ... كل هذا يثبت نظريتي الخالدة بأننا ناس ساكت، ما بنعرف أي شيء ولا عارفين شيء ولا علاقة حقيقية لنا بالحياة ولا العالم.
اللي عايز يتفاءل يتفاءل.
غايتو البعرفو كفاءات الخارج طلعت اي كلام اولا ما كانو في مستوى الثوار اللي انجزو الثورة ما كانو على مستوى المسئولية ضعيفين جدا امام العساكر لغاية الآن ما حسو بي حجم المعاناة التي يعيشها المواطن لا يرجى منهم .....
Post: #49 Title: Re: ***** الناطق بإسم الخارجية هل يحمل جنسية غير Author: ABUHUSSEIN Date: 08-21-2020, 08:41 AM Parent: #48
Quote: بالله تشوف جنس كديس عروبي قومجي أسلاموي زي دا
هاااا يا عربي ياوهم قال ليـك معناها الأسد ..اسسسسسد
وشكراً لسعادة السفيـر المفوه الأسد البدوي الصادق الدقَ صدره وأفصح عن المغتغت ومدسوس في ظل شعارنا الثوري زمن الغتغيت والدسدسة إنتهي ..!
وما تنسى تلف ياكوز ؛)
اها يا نادر استلم ...... جاك لغاية عندك ....... حيدر = اشتر اهو دا حيدر الشهير بالطريفي عايز شتارة اوضح من كدا .... ؟؟؟؟؟
قال اسد قال 😂😂😂😂😂
Post: #50 Title: Re: ***** الناطق بإسم الخارجية هل يحمل جنسية غير Author: ABUHUSSEIN Date: 08-21-2020, 09:23 AM Parent: #49
إحتمال احزاب الفكة اتفقت فيما بينها لإطالة الفترة الانتقالية حتى يطول جلوسهم على الكراسي الوثيرة التي ما كانو يحلمون بها ... فالإنتخابات لن تأتي بأحدهم و لا حتى عامل في بوفيه البرلمان .... 😂😂
