Post: #1 Title: حل جالية بكاسى المؤتمر الوطنى بقطر وتكليف لجنة تسير لحين قيام انتخابات ولكن Author: بدر الدين الأمير Date: 08-18-2020, 07:46 AM Parent: #0
07:46 AM August, 18 2020 سودانيز اون لاين بدر الدين الأمير-دولة قطر مكتبتى رابط مختصر
Post: #2 Title: Re: حل جالية بكاسى المؤتمر الوطنى بقطر وتكليف Author: بدر الدين الأمير Date: 08-18-2020, 07:50 AM Parent: #1
خطاب الحل والتكليف اصدره السفير السودانى الجديد بناء على توصية جهاز المغتربين
Post: #3 Title: Re: حل جالية بكاسى المؤتمر الوطنى بقطر وتكليف Author: بدر الدين الأمير Date: 08-18-2020, 08:13 AM Parent: #2
https://top4top.io/
Post: #4 Title: Re: حل جالية بكاسى المؤتمر الوطنى بقطر وتكليف Author: Deng Date: 08-18-2020, 08:23 AM Parent: #3
بدر الدين.
أها من هي الشخصيات التي سيتم الاتفاق عليها ويتم تكليفها؟
لأنوا هذه الروابط لا تخلوا من بعض العناصر الإنتهازية المتملقة أيضا.
Post: #5 Title: Re: حل جالية بكاسى المؤتمر الوطنى بقطر وتكليف Author: بدر الدين الأمير Date: 08-18-2020, 09:43 AM Parent: #3
https://top4top.io/
Post: #6 Title: Re: حل جالية بكاسى المؤتمر الوطنى بقطر وتكليف Author: بدر الدين الأمير Date: 08-18-2020, 09:57 AM Parent: #5
Quote: بدر الدين.
أها من هي الشخصيات التي سيتم الاتفاق عليها ويتم تكليفها؟
لأنوا هذه الروابط لا تخلوا من بعض العناصر الإنتهازية المتملقة أيضا.
يادينق من الان بدأ الاحم إحم المناط بهم تشكيل لجنة التيسير والاعداد للانخابات الكوامر قالو نحن الذين انجزنا هذا التغير ويجب ان تتكون لجنة التيسير مننا ونحن الاخبر والادرى البعض الاخر قال لجنة التيسير يجب ان تكون من الشباب وهم روح الثورة والمستقبل .....
Post: #7 Title: Re: حل جالية بكاسى المؤتمر الوطنى بقطر وتكليف Author: خضر الطيب Date: 08-18-2020, 12:15 PM Parent: #6
سلام الأمير ابو الأمير و دينق ح اترشح لرئاسة هذه الجالية مطلوب دعمك انت و دينق و الظلامي معتز و مونتي بتاع كبدة اللبل:) كدا بكون ضمنتا اربعة اصوات .. بشوف باقي اصحابي الرمتالة
Post: #8 Title: Re: حل جالية بكاسى المؤتمر الوطنى بقطر وتكليف Author: بدر الدين الأمير Date: 08-18-2020, 12:16 PM Parent: #6
يادينق لوتلاحظ الخطاب الموجه لدكتور عثمان بشير موجه له بصفته كيت وكيت وبرضو رابطة المرأة السودانية سوا ام الخطاب الموجه لجمال امام موجه له السيد جمال امام مين هو جمال امام وماهى صفته وكيف يطلب منه التعاون وهو مامعرف بانه منو علاقتو شنو بجالية تم حلها وكيف يمكننا محاسبة الجالية المحلولة رئيسها غادر دولة قطر منذ اكثر من عامين ونائبه الذى استلم المنصب هو جمال امام ... هل فى الامر تحلل....
Post: #9 Title: Re: حل جالية بكاسى المؤتمر الوطنى بقطر وتكليف Author: بدر الدين الأمير Date: 08-18-2020, 01:31 PM Parent: #8
السؤال المهم كيف حايتم التسليم والتسلم وكيف ممكن تتم المحاسبة ودفاتر الحسابات والشيكات التى صرفت موجودة لدى رئيس الجالية السابق الذى غادر قطر فى ظروف غامضة واستلم مكانه نائبه مجال امام المذكور اسمه فى خطاب السفير بدون اي صفة له غير ان اسمه جمال امام ومطلوب منه التعاون وهو مؤتمر وطنى وعجبى
Post: #10 Title: Re: حل جالية بكاسى المؤتمر الوطنى بقطر وتكليف Author: بدر الدين الأمير Date: 08-18-2020, 01:44 PM Parent: #9
بالنسبة لى امر الحل طبخ بليل فى أحد مطابخ حمدوك .... ورسل لمكين ليبصم ويرسله للسفير الكوز للتعميم دايرين الجالية خدوها بس مافيش محاسبة او حسابات وناس الاحم احم مش فارقة معاهم المهم صارت الجالية بطرفهم ...
Post: #11 Title: Re: حل جالية بكاسى المؤتمر الوطنى بقطر وتكليف Author: بدر الدين الأمير Date: 08-18-2020, 02:53 PM Parent: #10
.
Post: #12 Title: Re: حل جالية بكاسى المؤتمر الوطنى بقطر وتكليف Author: Deng Date: 08-18-2020, 03:33 PM Parent: #11
بدر الدين.
كمان أنت ما تصعبها كتير، الجالية فيها شنوا غير المركز الثقافي البقى زي الكوشة ده؟
خليهم يستلموهو ويغيروا فيه أي حاجة. المركز بحاجة الى تأهيل كامل، أهم شئ النظافة وشراء أثاث جديد وإدارة صارمة.
Post: #13 Title: Re: حل جالية بكاسى المؤتمر الوطنى بقطر وتكليف Author: ABDALLAH ABDALLAH Date: 08-19-2020, 03:03 AM
تحياتى أخى العزيز أبو بدر يا حبيب جاليتكم فى الدوحه طلعت أى كلام . شوف أفراد الجاليه السودانيه الأشاوس فى واشنطن بيدوا العين الحمراء للكور السفير كيف؟ عاوز أفهم كيف سفير يتجرأ يحل الجاليه ؟
Post: #17 Title: Re: حل جالية بكاسى المؤتمر الوطنى بقطر وتكليف Author: بدر الدين الأمير Date: 08-19-2020, 07:34 PM Parent: #13
عبدالله ياعبدالله بالعكس ياصديقى نحن طلعنا اننا الكلام ومافينا كلام ما انجزناه وننجزه هو امتداد لتاريخ طويل قديم قدم الآباء الأوائل القدمو لدولة قطر لافى سفير ولا في سفارة اوضباط امن قدرو يرهبونا او يكسرونا بالتسفير والتفنيش ونحن لسنا فى دولة اوربيا اومدينة امركية
Post: #14 Title: Re: حل جالية بكاسى المؤتمر الوطنى بقطر وتكليف Author: بدر الدين الأمير Date: 08-19-2020, 04:35 AM
يادينق خليك مع الزمن ياريس.... المركز الثقافى يمتلكه عبدالإله ابوسن قبل الثورة وبعد الثورة وحاله يغنى عن سؤاله ام الجالية هو كنكشة كوامر وبكاسى الموتمر الوطنى وتغيرهم للنظام الاساسى كان عشان سود عيونا ولاعشان الماكل اولا الكوامر لم يسلمو الجالية لبكاسيهم بشكل احترافى ومراجعة الحاسبات بشكل قانونى واحترافى وفى النهاية اتفقو مع بعض على طريقت خلوها مستورة مدارس الجالية وما دراك مدارس الجالية والخمش الماخمح وبعدين انت لمن تمش تنجز اى معاملة فى السفارة السودانية بيستقطع منك رسوم لصالح الجالية بتمش لشنو وهل تعلم انه لحدى اليوم السفارة فى تحصيل اي رسوم لاتتعامل بغير الكاش وكانها كشك بيع سندوتشات دا غير كيف كانت تباع سيارات جياد ادفع هنا واستلم سيارتك هناك وبرضو مخلنها مستورة
Post: #15 Title: Re: حل جالية بكاسى المؤتمر الوطنى بقطر وتكليف Author: haroon diyab Date: 08-19-2020, 10:24 AM
Quote: كمان أنت ما تصعبها كتير، الجالية فيها شنوا غير المركز الثقافي البقى زي الكوشة ده؟
خليهم يستلموهو ويغيروا فيه أي حاجة. المركز بحاجة الى تأهيل كامل، أهم شئ النظافة وشراء أثاث جديد وإدارة صارمة.
شكرا دينق هذا هو المختصر المفيد
Post: #16 Title: Re: حل جالية بكاسى المؤتمر الوطنى بقطر وتكليف Author: بدر الدين الأمير Date: 08-19-2020, 10:54 AM Parent: #15
Quote: شكرا دينق هذا هو المختصر المفيد
هارون دياب من باب الحياء والادب والخوة السابقة ياخى ارمى السلام
