يا ود محجوب سلام عليك وكل عام وانتم بخير بصراحة خلعتني خخخخخخخ المهم الضرب على الميت حرام يا زول أنا لي مية سنة هنا بنبح لكن لا حياة لمن تنبح فيهم خخخخخخخخخ بجيك
08-15-2020, 05:39 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18635
سلام ود محجوب عارف يوم المباراة كان معاي الزول القاعد جمبي دا قلت ليهو عندي احساس انو فريق الراجل الواحد دا الليلة ح يتذل ويهان من الألمان . قال لي بثقة : انت مرات عندك مبالغات متطرفة بتعرفا براك وضغط على (متطرفة ) دي حتى كاد أن يهشم حروفا بين ضروسو لدرجة أنني حسبته واحد من جماعة هنا (عارفم أنا)، وأردف بقوله: طيب ياخ قول بتعادل وبمشي لركلات الترجيح أو حتى بتغلب بهدف ودا غلب عادي أعتقد ممكن يحدث لاعتي الفرق وربما قون بالصدفة أو نيران صديقة و.. و.. وطفق يقعر ويحدب في الكلام ويعدل نظاراته أحيانا ويرجع بالكرسي للوراء حتى حسبته انشتاين جديد خخخخخ. أها حركاتو دي ذكرتني جماعة هنا ( عارفم أنا) عشان كدا ركبت رأسي واتطرفت زيادة زي ما قاعد أعمل هنا منذ أمد بعيد لما الجماعة ( العارفم أنا) يعملوا زي حركات زولي دا بل وأظرط إذ أنهم أحيانا بقلبوا الهوبة ويعملوا اكروبات كدا، عشان كدا طوالي قلت ليهو يا زول الكورة دي فريق الراجل الواحد مضروب أقلاه خمسة ودا مع الرأفة خخخخخخخخ. المهم الزول الجمبي دا نطط عيونو وعمل حركة عدائية كدا بانت في ملامح وشو ومال على جمب ودخل يدو في جيبو أنا قلت احتمال عايز يطلع مسدس واللا قنابل مسيلة للدموع واتحفزت وعملت ساتر لكن الحمدلله طلع ليهو كيس تمباك ودقر سفتو ثم عاين لى كدا كأني تنين من عهد الديناصورات وعبر عن غيظو كمشجع لفريق الراجل الواحد بأن قام من جمبي وهو يهمهم ويدمدم ( أعتقد والله أعلم كان بسب وقال العريبي دا الوهم دا الخ الخ الخ). المهم بعد كدا (حدس ما حدس) وزولك خلى القعاد جمبي وبقي يعاين لي من بعيد والمرة دي كأني جائي من عالم المجرات ولو صبرت شوية كان برك يتبرك بي خخخخخ. أنا بيني وبينك انصدمت وبقيت أردد: أرحموا فريق رجل واحد ذل أرحموا ما عارف شنو عمل شنو وعليك أمان الله تاني ما فتحت الموضوع دا لا في قروبات واتس ولا فيس ولا أي منبر بس بعاين ومرات أضحكي وأرجع تاني أضحك زيادة وهكذا دواليك إلى أن جيت أنت وجبت السيرة هنا خخخخخخ. ................. ياخي أنا لما زول يغالطني في توقعاتي وأزعل منو الأمور بتبقي صعبة شديدة على أي مغالط متجرجر والبورد دا شاهد ..
سلام أستاذ أسامة الخواض الله يكرمك دا الحاصل عليهم الطلاق. أنبح النباح الواحد دا خخخخخخخ.. قلت ليهم خشرمية مرة فريق الراجل الواحد دا ح يجي يوم ينهار فيهو الراجل الواحد دا وينهار معاهو .. قالوا لي أمشي بيع بطيخ واللا دكوة وشتموني وفتحوا فيني بلاغ .
08-17-2020, 03:15 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20947
Quote: سلام أستاذ أسامة الخواض الله يكرمك دا الحاصل عليهم الطلاق. أنبح النباح الواحد دا خخخخخخخ.. قلت ليهم خشرمية مرة فريق الراجل الواحد دا ح يجي يوم ينهار فيهو الراجل الواحد دا وينهار معاهو .. قالوا لي أمشي بيع بطيخ واللا دكوة وشتموني وفتحوا فيني بلاغ
الغريبة ميسي يلعب جيدا ضد الفرق الاسبانية فقط.
ايضا برشلونة فريق اغلبه من كبار السن هههه غريزمان فشل في برشلونة ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ود محجوب
صديق مهدى على
طلحة عبدالله
osama elkhawad
MOHAMMED ELSHEIKH
فيس بوك
تويتر
انستقرام
يوتيوب
بنتيريست